نَحْنُ صُنَّاع حَيَاتِنَا

⓶⓺...

⓶⓺ ⇜✨⏳

مهما ومهما صار تبقى أنت حُبي
اغليك لو عني تباعد خطاويك ❥
◦

◦

◦

◂ عمار ▸ يمه اذكري الله وان شاء الله مساعد بخير
◂ غدي ▸ وينه ابي اشوفه
◂ ابو راشد ▸ اذكري الله يايبه وان شاء الله بتشوفين اخيك بخير وصحه ونفرح بسلامته هو ومرته
◂ الكل ▸ اللهم امين
◂ صقر ▸ عمار أنا بروح اتطمن عليه واي شيء يصير رح أبلغك

هز راسه بصمت عمار وهو يطبطب على امه ، بعد روحت صقر انفتح باب الغرفة اللي بداخلها اضواء

انصدمت الدكتوره من شافت عدد الأشخاص اللي قدام الغرفة ذكرت ربها وهي تسئلهم

◂ الدكتوره ▸ انتو اهل المريضة اضواء عبدالعزيز
◂ ابو راشد ▸ اي نعم يابوك حنى اهلها طمنينا على بنيتي
◂ الدكتوره ▸ لا الحمدلله بخير بس طلع النزيف بسبب الإجهاد خصوصاً ان اول الأشهر بالحمل لازم تكون فيها مرتاحه والواضح ان مريضتنا ما ارتاحت وأجهدت نفسها
◂ الجدة أنيسة ▸ وش قلتي يايمه ! اضواء حامل ؟
◂ الدكتوره ▸ اي نعم وطبعاً اعتذر إذا ماكان عندكم خبر يمكن اضواء كانت حابه تسويه مفاجئة لكم على العموم الحمدلله على سلامتها وتقدر بعد ما يخلص العلاج تطلع وماتشوف شر

كلهم كانوا يحاولون يستوعبون الخبر وبعد ما راحت الدكتوره دخلوا البنات بفرحة على اضواء ونفس الشيء مع راشد وابو راشد واكيد ماما انيسة ، وام مساعد اللي تحاول تفرح بالخبر بس قلبها مع ولدها ، وبعد التباريك تكلمت الجدة أنيسة

◂ الجدة أنيسة ▸ بالمبارك يايمه الله يتمم عليك هالحمل ويقر عيونا بضناك يايمه
◂ ابو راشد ▸ اللهم امين

كانوا كلهم يتكلمون ما عداها معاهم ومو معاهم تحس فيه شيء ، كل اللي صار لها منه اي هي حست فيه وإحساسها مايخيب
تكلمت وشهي تصدمهم بسؤالها

◂ أضواء ▸ مساعد فيه شيء صح ؟

عم الصمت بينهم ومحد قدر يتكلم ، بس ما طال الصمت اللي بينهم من تكلمت ماما أنيسة وهي تأمر الكل بأنهم يطلعون

◂ الجدة أنيسة ▸ اطلعوا كلكم وخلوني مع بنيتي شوي

طلعوا كلهم وكان ضاري وقاف منتظرهم ، اما عمار اللي توجه لصقر يشوف حالت اخوه ومن بعد ماطلعوا توجه غدي مع امها لمساعد وراح معاهم راشد

طلعت من الغرفة وهي سانده نفسها على عصاتها وهي تتوجه لضاري اللي ماسك جواله وساند ظهره على الكرسي تجلس جمبه وتحط يدها على كتفه وتتكلم بحنينها المعتاده ،

◂ الجدة أنيسة ▸ شلونك يمه ضاري عساك بخير ، وعذرنا يايمه على الموقف اللي صار وتعبناك معانا

ابتسم ضاري من حنية الجدة هيله اللي يجهل من تكون ، بس ذكرته بجدة مشاري

◂ ضاري ▸ ابد يايمه ماسويت شيء ، وخطاكم السوء وماتشوفون شر
◂ الجدة أنيسة ▸ الشر ما يجيك ياوليدي ، عاد يايمه إذا حاب انك تروح تقدر تروح يايمه كافي
◂ ضاري ▸ ابد والله ما سويت شيء ورجلي على رجلكم وبعدين ما معاكم سيارة وانا رح أبقى ورجعتي مع رجعتكم
◂ ابو راشد ▸ الله يحفظكم ياوليدي