#حَـــصــريـــا_عــلــى_صـــديـــقـــات_الــنـــخـــاع
بقلمي: Khawla El Faizi
تحت عنوان: 💫هِــــي💫
الــتــقــديــم:
الحياة كلمة بسيطة، تتكون من ستة ديال الحروف، ساهلة على اللسان يقولها، و لكن صعيبة على العقل يفهمها، و صعيبة على القلب يتحملها...
الفصل الاول: 🖤حقيقة مخفية🖤 "لكل شخص في الموقف حكاية، و للموقف برمته حكاية اخرى"
الجزء 1
خارج كيجري ركب فسيارتو و اتجه لحي راقي، دخل كيجري لواحد العمارة و كيجبد سوارت من جيبو و تالف بدا كيحاول يحل الباب و يديه كيترعدو، تا تحل الباب هز راسو بانتليه مرا كبيرة دايرة زيف حياتي على راسها و طابلية ديال الكوزينة... شاف فيها و هي الدموع فعينيها دخل كيجري للغرفة لقاها متكية متوسطة سرير متتحركش و فجنبها جوج عيالات وحدة هازة تربية صغيرة لي كانت نااعسة و لوخرا تتمسح وجه المرا بفوطة،
هزو راسهم كيشوفو فيه و حناو عينيهم بحسرة، تجاهلهم و توجه ليها شد فيديها و هي دورات راسها ليها،،، مرا او بنت فالعشىرينات من عمرها واخة التعب و المرض باين على وجهها الا انه باين انها اية من الجمال.... تبسمات ليه و نطقات: سميتها الاء
نطقات كلماتها و هي ترخى يديها هو لي كانو دموع محبسوش منين شافها هكاك.... بقا مصدوم لثواني... تا هضرات المرا لي كانت تتمسح على وجهها بنبرة باكية: عضم الله اجرك.... الله يرحمها و يجعل مثواها الجنة مع نطقاتها بدات البنيتة تتبكي بحال الا حسات هز راسو فيها بالزربة بحال الا عاد ستوعب اشنو وقع هز راسو بلا و رجع حط يديه على وجهها بحنية كانه خايف يفيقها: لا لا حبيبتي نوضي ن ن نوضي راه بنتك بغاتك... نوضي عندها راها تتبكي نوضي بدا تيحركها و تجرها ينوضها تا شداتو المرا: اولدي مديرش فراسك هاد الحالة.... دعي معاها بالرحمة تنتر منها و رجع كيفيقها و يحاول ينوضها: شوفيي شوفييي هي مامتتش هاهيا حالة عينيها شوفي هي غيير تتضحك معانا
تيهضر و يحرك راسو و يمسح دموعو تا جات نفس المرا لي جراتو عليها و غمضات ليها عينيها و غطات ليها وجهها في حين هو بقا مصدوم واقف لمدة جوج دقائق عاد ستوعب و هبط على ركابيه و غوت غوتة وحدة: عااااااااااااااااااائشة.
_____________________بعد مرور 25 سنة___________________
الساعة تشير ل 5صباحا، في بيت غالب عليه اللون الباج كيتوسطو سرير و فالجنب كاين جهة بالمراية و مستحضرات ديال البنات و جهة اخرى كاينة بنت فالعشرينات من عمرها لابسة لباس ديال الصلاة فالابيض و تتصلي بكل تخشع صلاة الفجر، سلات صلاتها و هزات قران و بدات تقرا بكل تخشع و تتجود بصوت لي تيدخل ليك للاعماق دقلبك ، بقات على ديك الحال لمدة ساعة تقريبا، ناضت من بعد توجهات لواحد المجر هزات مجموعة من الادوية شرباتهم و ناضت حيدات الاسدال ديال الصلاة و هنا بانت في كامل جاملها...
فتاة شعرها طويل و اسود عيون سوداء مشفرين و كبار، شفاف لي متوسطة و عامرة و نيف جاي مع وحهها و بشرة لي صافية وجه لي كان شاحب الل انه كان النور تيبان فيه....
يتبع.....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
