بقايا انثى ولكن
بقلم اوتار حزينة
البارت الثالث عشر
،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
جواد
طول الطريق ورده دكت عليه مرتين وامي هم
جاوبت وكلت اني اوصل واطمنكم
عليه
من قربنا للوحده مالتنا دزيت رساله لورده
ولامي طمنتهم عليه
وصلنا اني ومنتضر واشوف الوضع متوتر كلش والشباب يتحركون بسرعه مشيت بسرعه للامر مالتي طبيت اخذت تحيه وحجيت
الله يساعدك سيدي
هلا ابو حربه الحمد لله على السلامه
الله يسلمك خير سيدي الظاهر اكو هجوم
اي بعد ساعه نتحرك حضر روحك انت والولد
اخذت تحيه وجاوبت
اامرك سيدي
طلعت من يمه مشيت بخطوات واسعه لمقرنا اني
والشباب واكفين يجهزون بروحهم
وبكامل العده والعتاده سلمت والكل تحمد اليه
بالسلامه حضرت روحي وياهم
وعيوني على كل واحد بيهم
الي راح يخابر حتى يسمع صوت امه او ابوه
او مرته وجهاله او حبيبه
ﺍﻟﻌﻴﻮﻥ،، ﻭﺍلگلب ﺗﺤﺠﻲ ﺛﮕﻞ ﺍﻟﻠﺤﻈﻪ الي نمر بيها
ﻣﻦ،،،،،،، ﻧﺮﻭﺡ ﻟﻠﻤﻮﺕ ﺑﺮﺟﻠﻴﻨﺎ
ﺍﻟﺤﺪ ﺍﻟﻔﺎﺻﻞ بينا وبين الموت هو ساعات تنعد
على الاصابع يا نطلع منها سالمين لو نرجع
لاهلنا بتابوت
امي وورده اجني بين عيوني وخواتي
غمضت عيوني وذبيت حسره دعيت ارجع مابيه
شي حتى ماتموت امي ورايه
وتظل ورده وخواتي بدون
سند
مشيت لبره ورثت جكاره اخذت نفس وذبيته
طلعت جهازي من دك جانت ورده
بنص الهوسه والتوتر
ابتسمت من شفت خوفها عليه وشلون
ظلت تتصل وتسأل عليه
اخذت نفس وذبيته فتحت الخط جاوبت
ياهلاااا بوردتي البيضه
هلو جواد وصلت موو
اي وصلت لايظل بالج
سكتت وحجيت
من هسه بده الشوگ وراح يتعبني
ردت بخنكه
وااني هم راح يتعبني فراكك
غمضت عيوني فتحت وباوعت الشباب طلعوا
وراحو للسيارات منتضر اشر اليه
هزيت راسي وگلت
ورده لازم اروح ادعيلي
جاوبت بخووف
ليش جوااااد صاير شي
أنت تقرأ
بقايا انثى ولكن
Romanceكنت اظن انها نهايتي واني انتهيت كأنثى وان حكايتي ابتدأت وانتهت في ذاك اليوم الاسود ولكن نور لاح لي في ذالك الظلام الذي استوطن روحي وانار لي طريقي واخذني من يدي للامان
