#ثأر_الحب_16 والاخيرة 💛
#بقلمي #ميرو_الشريف #بنت_طرابلس
💛💛💛💛💛💛💛💛💛💛💛💛💛💛
الدكتور لا في اخبار حلوة
الكل 😍😍😍 شني
الدكتور الف مبروك حصلنا المتبرع
الكل 😍😍😍😍
بيسان نقدرو نشوفوه
جهان من يكون
أمير 👀 دار حركة بعيونة لدكتور ودكتور فهما
الدكتور لا للاسف
بس نقدر نقكم ان حض بوكم من السمي
لان خدينا منا عينه مرا وفسدت بس المتبرع رجع عطي عينه تانية
سبحان الله قداش ربي يوقفلكم في ولاد لحلال .
وسام يلي يدير الخير وينساه يلقاه هكي كان يقول بوي عادل
بيسان اي والله 😍
جمان امتي العملية
الدكتور غدوا نديرو تحليل واول ماتطلع النتيجه نبلغوكم بموعد العملية
جهان في خطر على بابا اتناء العملية
الدكتور في خطر بس بسيط الخطر الاكبر بيكون على المتبرع للاسف
بيسان ومن ييكون المتبرع
الدكتور وصاني بالسرية التامه اسف
وسام شكرا يادكتر
الدكتور ولو دكتر وسام هدا الواجب هي نستادن منكم توا وانشالله لاباس عليه
ليث : دكتور ستنا شويا نبيك وطلع وراه
الدكتور انشالله خير استاد ليث
ليث من المتبرع
الدكتور للاسف منقدرش نقول
ليث ليش
الدكتور طلب ان يكون التبرع سري
ليث اني نعرفة او لا
الدكتور عز المعرفة
ليث وسام 😲
الدكتور للاسف منقدرش نزودك بمعلومات اكتر سلام
ليث شكرا يادكتر
الدكتور لا شكر على واجب ومشي وخلا ليت تايه في افكارة زعما من يكون المتبرع
وسام ليث خيرك
ليث ها لا شي
وسام اوكي نتلاقو ونحكو عندي ماندير توا
ليث بتشوف الدكتور
وسام اي عندي ماندير ومشي وخلاه زاد غرق في حيرته
أمير جهان سامحيني
جهان سامحتك يأمير خيرك
أمير لا شي بس لازم تعرفي اني حبيتك بكل مافيا
جهان 😔😔
أمير جهان اني مندوش هكي توا مش تغيري رايك لا ندوي هكي لمجرد اني حسيت انك لازم تعرفي قداش حبيتك وقاعد نحبك
وانتي غيرتي فيا هلبا هلبا هلبا كانك ملاك نازل من السماء او دعوة حلوه وتحقاقة انتي اجمل شي صار في حياتي 😍
جمان 😭😭 بكيتني خيرك تقول هكي تقول تودع
جهان خيرك على الموت انتي يابنت
بيسان هدي جهان اهتك وتعرفيها بعد وفات ماما وهي اكبر مخاوفها المووت خلاص متعصبيش عليها
جهان تمام بس معادش تقولى هكي
أمير خفتي عليا من الموت
جهان اكيد مش صديقي اكيد بنخاف عليك
أمير صح صديقك سلام توا 😔
.....
بيسان الو الو 😲
صوت جمان وجهان وهما ينادو على بيسو ماتت بيسو من الخوف على خواتها وسمعت كلمة مخزن في المكالمة بعدها نقطعة المكالمة
توجهة بيسو طول للاستعلمات وسألت على المخزن قالوها ممنوع حد ينزله
فتتهم وقعدت تبع في لافتات لين وصلتله ولقت الباب مفتوح دخلت بحدر ودنيا كلها ضلام
شويا وسمعة صوت حاجة طاحت وراها ماتت خوف
تلفتت تلقاه ليث ممدود على الارض وحوايجه كلهم دم
ماتت من خوفها عليه جت تجري وقامتله راسه
وحطاته في حجرها وقعدت تمرر في ايدها على وجها وتمسح في دم بوشاحها وتحاول تفيقه
بيسان ليث ليث فيق باللهي عليك شن يلي صار معك لييث وقعدت تضرب فيه كفوف بشويا
وتنادي بأسمه ليث فاق وفتح عيونه شويا بس كانا مخدر او مش على وعيه .
ليث بيسان 😍
بيسان ليث 😍 اخير فقت اخيرا الحمدالله
ليث بيسو انتي واقع ولا حلم وحط ايده علي وجها وقعد يمرر في ايده عليه بشويا
ليث ديما وانتي معاي فاتح عيوني ولا مغمضهم نشوف فيك شن درتي فيا يابيسو والله ماعد عرفت اماهيا الخيال واما هيا انتي
ليث كان كانا واحد تاني مش نفسه ليث القوي القاسي بملامحه الروجليه بالعكس كان ضعيف كانا طفل يحكي مع امه كان كلامه مليان حنيه وعيونه يضحكو كانا ليث جديد
بيسان ليث انت بخير
ليث اني مش تمام في حجه توجع فيا هني وشار على قلبه
بيسان ماتت من الخوف لم شافت وين حط ايده وكان المكان كله دم حطت ايدها بسرعة على نفس المكان تحت السوريه وتنهدت براحه لم عرفة ان مافيش جرح بس نبضات قلبه كانت سريعة خافت علية
بيسان نبضك مش منتضم يا ليث
ليث قلبي فيه وجع يابيسو
بيسان متخافش وحطتله راسه على الوطه ومشت تجري للباب بس لقاته مسكر قد ماحاولت تفتحه مقدرتش قعدت تخبط عليه بالقوه وتنادي
بيسان وساااااام وساااااام
ليث بيسو تعالي جنبي اول مرا تخليني هكي تعالي نشبع منك
جت بيسان وقعمزت جنبه ودموعها على خدها
ليث بيسو ليش البكي ومسح دموعها بأيده وشبحلها بنضرة حلوة ادوب الصخر
ليث متخافيش مش حيصير شي خليك قويه زي ماعرفتك وحبيتك
بيسان حبيتني
ليث اي اي حبيتك صح منقدرش نقولها قدامك بس اقلها نقدر نقولها لطيفك وباس خدها
بيسان دابت من بوسته حط راسه في حضنها ولف يديه على خصرها
ليث بيسو قلبي يوجع فيا اول مرا نحس بالضعف هدا
بيسان متخافش اكيد وسام يلقانا متخافش خليك قوي
ليث الضعف هدا ولوجع يلي في القلب
بيسان متخافش ياليث
ليث لا يابيسو اني مش خايف واول مرا نحب شعور الضعف حلو الشعور الضعف معاك حبيبي ديما خليك جنبي
بيسان حبيبي اني ديما جنبك
ليث اااه محلاها كلمة حبيبي منك تشفي كل لجروح
بيسان سلامتك ياليث من الجروح
ليث جروحي في قلبي يابيسو كل مانشوفك نبي نعترفلك بحبي ومش قادر وخايف تصديني
اني محسيتش بها الاحساس الا معاك وخايف نخسرك
كنت ناوي نضحي بحياتي ونتبرع لبوك على خاطر نشوفك سعيدة بس طلعة النتيجه سالبة للاسف معرفتش كيف نعترفلك يابيسو
ياريت نحكي معاك انتي مش طيفك يلي ملازمني 24 ساعة ياريت
بيسان درت التحليل
ليث اي اي درته ومستعد اندير اي شي على خاطرك ومش تكوني سعيدة
انتي اول بنت قلبي دقلها منعرفش علاش ولا كيف صار بس طلع الحب شي حلو زي ماكان يقول امير
بس يوجع وهلبا في بعدك
بيسان واني جنبك ومستحيل نسيبك ياليث
ليث بيسو تحبيني
بيسان اي نحبك 😢 نحبك
ليث 😍😍 حق يابيسو تحبيني
بيسان اي نحبك بس قسوتك يلي توري فيا فيها منعتني اني نعترفلك لان مشفش منك الا كل خير مشفتش حاجه تمنعني من حبك منعرفش كيف تحرك فيا هالاحساس ولا كيف حبيتك وعلاش كل يلي نعرفة ان لم تكون موجود قلبي يرقص من الفرحة نتمنا ديما تكون جنبي وقريب مني نحس بالامان بوجودك يوم شديت ايدي حسيت كان بابا يلي شدها حسيت بحنيه الاب والامام معاك 😢
ليث نحبك يابيسو والله نحبك وحط رايسه علي راسها وهشمه على خشمها وختلطت انفاسهم وهمس انحبك لاخر نفس فيا
بيسان واني نحبك ياليث 😍
فجئة نفتح الباب ودخل الضي من الباب لدرجة غمضو عيونهم لانهم كانو في الضلام وفجئه جاهم الضي
فتحو عيونهم على وصوت الضحكات والتصفير
بيسان وسام تعال شوف ليث خيرة
وسام متخافيش امورة تمام
بيسان كيف تمام وخيركم تضحكو
أمير أخيرا دار هاي فايف عوا وجهان
بيسان حد يفهمني شن صاير هني
جمان ولا شي مسألة اعتراف بالحب بس
بيسان كلا لعبة منكم بس ليث
وسام متخافيش عليه عاطيه مخدر بس 😉
بيسان مخدر ليش
أمير كان مش متخدر مستحيل يعترف بحبة ليك ولا انتي حتعترفي لو معترفلكش هوا
بيسان 😓😓 بهي هوا تمام
وسام تمام متخافيش قيمه معاي يا أمير
بيسان ودم
أمير مقلب مش دمه 😉
بيسان ليكم يوم
جهان بدل ماتشكرينا
أمير غر حولي من قدامنا توا حبيبك بلكة راهو
بيسان رد بالك وشد باهي
وسام ياعيني ياعيني
رفعوه لدار وحطوه على سرير
جت بيسان قعمزت جنبة وشدت ايده
وسام مافيش احترام ليا بكل
بيسان كيف حاله
وسام متخافيش اموره تمام خلوه يرتاح بس يلا الكل برا
طلعو كلهم ماعدا أمير
بعد وقت فاق ليث
ليث اااه ياراسي
أمير صباح الخير يا أمير
ليث أمير شن تخرط انت امير اني ليث
أمير انت الامير النائم
ليث هداك مات الله يرحمه
أمير الله يرحمه منقصدش هداكه
ليث شن صار بعد ماعطيتني القهوة
أمير مش متفكر شي شي
ليث اخر شي متفكرها القهوة وراسي بينفجر
أمير راجي شويا وتصل ب وسام
وسام اعو اني هني
أمير الحق مش متفكر حتي حاجه يلي درناه كلا ضاع
وسام لا مضاعش متخافش
أمير كيف
ليث شن تودودو انت وياه فهموني شن صاير
وسام اهو شوف شن صاير
مدلا نقاله فرجه على فيديو يلي صار في المخزن كله
ليث وكيف صار هكي معقوله عترفتلها
أمير اي عترفتلها وهيا عترفتلك
ليث علاش مش مدكر شي وليش حوايجي هكي
أمير بفضل دكتورنا
وسام اعطيناك مخدر ورشينا علي حوايجك دم
للاثارة ومش تخاف ويتم الموضوع
ليث حسابكم عندي لانكم خليتوها تخاف
امير شوف لناحية الايجابيه عترفتلك بحبها
وانت كدالك
ليث اي 😍 وهدا يلي بيغفرلكم 😊
وسام بيسان متعرفش انك مش مدمر متغلطش 😉
ليث تم
....
الدكتور السلام عليكم
الكل وعليكم السلام
الدكتور التحليل طلعت ومطرين نستعجلو في العملية
وسام لو ممكن التحليل
الدكتور تفضل
وسام فعلا لازم نستعجلو في العمليه حالت بوي مش تمام كل يوم اسوء
وقلب الورق يشوف في تحليل المتبرع 👀
الاسم أمير ال ....
وسام بصوت مسموع ومصدوم المتبرع أمير
الكل شافو جيهت أمير
أمير احم
جهان لالا علاش مقتليش
وسام مقال لحد حتي اني لا
أمير اسف اني مقلت لحد
بس خفتكم تمنعوني
ليث بس انت متقدرش
أمير احم 👀
ليث فهم عليه وسكت
جهان في خطر عليك
أمير لالا لاخطر لا شي المهم عدولة ينوض بسلامه
عادل لالا مش حندير العملية
أمير لا ياعمي انت لازم ادير العملية وتعيش على خاطر بناتك
عادل اني ايامي معدوده وعشت حياتي انتم قاعدين شباب تعالو
قربو منه كلهم
عادل نبيكم تردو بالكم من بعضكم يا ولاد
وخليكم ديما فرخانين وتفكرو اني نحبكم يابنات
والحمدالله ربي بعتلي ولاد زيكم حتي لو مش من صلبي بس يكفيني انكم تخافو على صحتي وتعتبروني زي بوكم والاهم تحبو بناتي وتخافو عليهم متستغربوش مافي شي يندس علي الاب
وسام حكالى كل شي 😊
ليث نبيك ترد بالك من بيسو وتوتختويها نبيك تعرف صح تبان قويه بس مافيش من اضعف منها
وفيها حنية الدنيا بس تبي من يفهمها ويحتويها
ليث بيسو في عيوني ياعمي
بيسان بابا😭
عادل متبكيش يابيسو اني فرحان ان ربي ستجاب لدعائي ان عطاكم سند في الدنيا يخاف عليكم ويحميكم من غدر الدنيا من بعدي
الكل بعد عمر طويل ياررب
عادل الباين ان الوقت جي
البنات بابا بعد عمر طويل متقولش هكي 😭😭
عادل ماحد يعيش عمرا وعمر غيرة يابنات
أمير رد بالك من جهان
وحاول تفهم دماغها هيا تستغبه بس مش غبيه
شد ايد جيهان وحطها علي ايد امير اني توا عطيتك بنتي ياأمير رد بالك منها يا أمير
أمير جهان في قلبي قبل حياتي يا عمي
عادل ربي يخليكم لبعض ياولاد
امير وجهان بوجودك عدولة
عادل وساام ولدي اكيد مش محتاج نوصيك على جمان عارفك قدها ومش محتاج توصيه
ونبيك ترد بالك من كل البنات وحميهم وتختويهم وتعتبرهم خواتك
وسام اكيد يابوي بدون ماتوصي
ربي يطولنا في عمرك وتشوف احفادك ياررب
عادل كنت متمني بس ربي مش رايدلي نشوفهم
البنات متقولش هكي يابابا 😭😭😭
عادل حضن بناته قلهم نحبكم ومعادش تحرك
بيسان تهز فيه بابا بابا
جهان بابا رد عليا
جمان وساام بابا
وسام بعدو شويا
شاف نبضه لقاه ضعيف ناده الممرضه ورفعوه للعينايه المشداده
بعد ثلاتة ساعات طلع وسام من العنايه
جاته جمان تجري بلهفه وخوف
جمان وسام بابا
وسام امورة تمام متخافيش
جهان متاكد وسام ولا بس اطمن فينا
وسام لا تمام يا جهان
ليث الحمدالله وباس راس بيسان
بيسان ياررب
وسام أمير ألحقني
لحقه امير تحت عيون الكل المستغربه شن يبي وسام من أمير
وسام أمير انت مستعد للعملية او غيرت رايك
أمير مستعد اكيد
وسام تمام البس ألبس هدا متع العمليه شويا ونبعتلك الممرضه تجيبك لغرفة العمليات
أمير تمام بس بشرط
وسام بستغراب شني
أمير متقول لحد
وسام تمام غطي وجهك بشرشاف مش ميعرفوكش وطلع
....
ليث شن صاير
بيسان مش عارفه
ليث ردي بالك من البنات نمشي نشوف شن فية ونجي
بيسان تمام
كيف ناض ليث وقف جي وسام بدون أمير
عيون الكل دور على امير
ليث كيف كنت جايك شن فيه
وسام لا مافي شي
ليث وين امير
وسام ابعته لشقتي يجيبلي شويه اوراق مهمه وحوايج
ليث وقتهم
وسام اوراق تخص المرضه ومنبيش نخلي بوي بعته هوا
ليث بعدم تصديق تمام
وهما يهدرزو طلعو عادل من العينايه المشدادة
ليث وين رافعينه
وسام متهافش ولا حاله باهي بنخطه في الملاحضه المشدادة مش نطمنو عليه اكتر
جمان بنشوفه
وسام صعب الزيارة ممنوعه
جمان 😔😔
ومشي وسام وراهم والكل قعد مقعمز لدام العينايه يراجو بس بدل مايدخلوه للملاحضه دخلوه لغرفة العمليات
وكان أمير قبلة
وسام انت مستعد
أمير اي مستعد بس ياوسام
وسام نعم
امير رد بالك من جهان لو صارلي شي وحاول تنسيها وجودي وقلها تعيش حياتها ومتحزنش عليا
وسام بعد عمرن طويل متقولش هكي انت بتطلع من العمليه زي السبع حالك باهي وبتنقض بوي
أمير قلها اني حبيتها بجديات
وسام بتطلع وبتقوللها بروحك 😉
امير معتقدش
وسام لو مش مستعد نلغو
امير لا بوي بحاجتي ومنبيش نرخي بيه ياسر مارخت بيه الدنيا
وسام شكرا أمير على ادير فيه على خاطر بوي
أمير ياغبي مش بوك بروحك 😉
وسام مستعد
امير مستعد وبدت العملية وخدت ساعات .
والعيلة برا خايفين مع انهم ميعلموش
جهان قلبي غام عليا منعرفش علاش
جمان ان شالله خير ياررب
.....
بعد مرور ساعات ....
طلعو من العملية ونجحة وبلغو الكل ان العملية صارت ونجحت
تفاجئو بس بعدين فرحو انها نجحت
الكل يسأل علي عادل
جهان أمير كيف حاله
وسام للاسف
جهان انهارت وقعمزت عى الارض متقولهاش
ليث امير خيرة
وسام دخل في غيبوبة بس وضعة مستقر
وبوي عادل وضعه تمام التمام وفاق من البنج
الكل فرحو بس في داهلهم غصه
واكتر وحدا جهان مقدرتش تفرح بنوضه بوها
وسام بوي فاق تقدور تشوفوه
مشو كلهم شافو عادل وعيونهم يضحكو من الفرح ماعدا
ليث وجهان كانو فرحانين بس في غصة في قلوبهم
عادل أسف ياجهان
جهان على شني اسف يابابا
عادل أمير
جهان امير هوا يلي خدي القرار وانت ملكش اي دنب يابابا امير قوي وبينوض من الغيبوبة في اي لحضة
عادل يارررب
جهان نخليك ترتاح توا يابابا وطلعت وخلتهم ودمعتها علي خدها لحقتها جمان
جمان جهان
جهان خايفة عليه ياجمان هايقة نخصرة
جمان مدامك تحبيه لهدرجة ليش ماسمحتيش من الاول ليش
جهان ندمت اني ضيعت السعات والايام واني بعيدة عليه ندمت ياجمان والله نحبه والله
ليث وهوا يحبك
جهان حولي من حضن جمان وشافتله
ليث منعرفش بينوض او لا متنميه ينوض وينور حياتنا ببراته مرا تانيه بس يلي متأكد منه ان يحبك لان دس علياا كلنا ان دار التحليل
جمان وانت دسيت
ليث اي صح دسيت وسام دس بس حني مندخنوش
جهان في خطر عليه
ليث ان شالله خير
جهان ليش يا أمير ليش ومشت تجري ماوقفهاش الا المرش متع العينايه
شفاته كيف مهزوم يحاول يحارب الموت بروحه
عاش هالتجربه على خاطرها
وقفت وغيونها مبطلوش دموع وهيا تتفكر في كل لحضه ليهم مع بعض وندمة غلى كل مرا تاسف فيها منها مقبلتش اسفه
جها صوت من وراها
وسام كان يحبك بجديات
جهان وقاعد يحبني وبينوض قولي ياوسلم انه بينوض قولي ونهارت من البكي في حضن وسام
وسام ان شالله ينوض ادعيلة سلم وخيتي محتاج دعائك
جهان علاش درتلا العمليه علاش وانت غرفة مدخن وان بيصير فيه هكي
وسام مكنتش نعرف ولا مرا دخن قدامي ومقليش 😔
جهان اه ياوسام نار في قلبي ياخوي ناررر
وسام سلم وخيتي مدامك تحبيه هكي علاش عدبتيه
جهان الكل كان عارف ان يحبني لدرجه النوت الا اناني كان نغمي غلي قلبي وماشفتش غير خياناه واخظائه 😭😭😭
وسام خلاص ياجهان متبكيش نوضي ديري عليك المي وصلي ودعيله سلم وخيتي نوضي
.............
بعد مرور سنه
ليث وبيسان تجوزو وعندهم ولد يجنن سموه عادل واخد ملامح بوه الرجولية وجمال وعيون امه
ليث يلا عدولة فنص في خالتو
عادل مبتسم 😊
بيسان ليث بطل تعلم في الولد حركاتك ياسر واخد ملامحك
ليث شني مش عاجبك اني ولا كيف 😒
بيسان كان معجبتنيش متجوزتكش بس خلي الولد يعيش حياته بحب قاعد صغير
ليث سيبناه هي عدولة بوس ماما
عادل 😘😘
ليث شفي شفي كيف البوس تبوس بس تفنيص لا 😅😅
بيسان سلمهولي البطل 😘😘😘
ليث احم
بيسان وانت بطلي😘
وسام احم
ليث مبردك الزح منمنين طلعتلي انت
وسام 😅😅😅
جمان طلعت من المطبخ شادة بنوته اطير العقل من جمالها : جيت حبيبي
وسام عيون حبيبك اي جيت
ليث احم
وسام شكارت فحم على راسك
ليث هههه ليه عليك يابو نسيب
وسام هاتي جنان نشدها عليك شويا
مدتلا جمان البنت
جمان احلا بابا والله
وسام واحلا ماما في الدنيا
ليث جهان تعالي قعمزي معانا خيرك مقعمزا بعيد وحزينة
وسام دار صوت طفولي وقام ايد بنته وشار لجهان تعالي خالتو
جهان عيون خالتك 😍
عادل محلاكم ومحلا جمعتكم
جهان تسلم يابابا 😍
بوجودك يابوي
تلفتو ورا عادل لصوت
جهان أمير عطلت من امبكري نراجي فيك 😍
أمير عيون أميرك اهو جيت
ليث بانو سنونك اول ماجي راجلك
بيسان حرام عليك ليوثة خليهم
جهان شن صار معاكم
أمير حط ايده على كتف عادل لا امورنا تمام التمام حتي مراجعة معادش فيه
جهان الحمدالله ياررب وشن صار في التحليل
الكل تحليل شني
أمير قرب لجهان وشوشلها قي ودنها حتكوني احلا ماما
جهان حقا وحضناته من فرحتها ونست كل الموجودين
وسام لاهكي هلبا
ليث مش تعرف اني مقدرك بس 😅
الكل هههههههه
عادل ربي يخليكم ليا ومايحرمني منكم
الحمدالله ياررب اني عشت وشفت هاليوم
النهاية ..
............
#ثار_الحب
الحب مش شرط يكون للحبيب لا في حب الاخ في حب الام والاخت في حب الاب اعظم من اي حب
حب بدون مقابل بدون حواجز بدون حدود بس يحبك ويتمنالك الخير ويتمناك تكوني افضل وحدا في الكون كله
الحب الحقيقي ميتعوضش لو لقيتوه حافضو عليه متقعدوش عايشين في وهم أن مافيش حاجة اسمها حب بالعكس الحب موجود
المغزة والعبرة من روايتنا
*الحب الحقيقي مهم مر عليه ضروف وقت صعب ميتغيرش ويزيد يقوا ويستمر
زي ماصار مع أمير وجهان مع انه يعرف العواقب
بي خاض التجربه على خاطر يشوف البسمه مرسومه على وجه حبيبته وتكون فرحانه
جهان عرفة قدر وقمة حبيبها لم حست بانها فقداته وندمه علي كل ساعة مرت وهيا بعيده عليه
و صبرت وتحملت لان بعد مافاق من الغيبوبة وتجوزو صارلهم تاخر في الحمل بسببه مضعفات بسبب العملية صبرت وربي جزاها خير
* لم تحبو حد ويبيع أثأرو لحبكم متكونوش ضعاف
زي مدارت جهان بس يكون نفسي مش جسدي لان الانتقام انفسي تاتيرا اقوا واشد من الجسدي
الانتقام الجسدي والتعدي بالضرب غلط لازم تشغلو دمغاتكم قبل يديكم
الانتقام الجسدي يفوت وينتسه زي ما أيمن نسي ضربت بيسان وهاشم نسي
و كل يلي ضربهم ليث نسو
بس مراد مستحيل ينسه جمان مهما عاش ومهما تعرف على بنات
جميلاتي ديما خليكم أقوياء القوة مش لراجل بس بالعكس حتي الانتي يلزمها تكون قوية ودافع على عرضها وشرفها وعيلتها زي مادارت بيسان
* جميلاتي متكونوش قاسين لدرجة لو الحب دق بابكم تتجاهلوة وتقولو مستحيل وتنجرو ورا كرامتكم وتقولو اكيد بتصدنا وترفضنا بالعكس مرات تقبل زي مادار ليث هدا اكبر غلط للولد او البنت لو حبيتي اعترفي بحبك ومدسيشي متقدريش تعترفي لمحي بيه
لان الحب مش عيب ولا غلط
جميلاتي واجهو العالم بقوة حبو بحنيه واثأرو من كل شخص غلط فيكم متكونوش ضعاف متنجروش ورا كلام الناس ان المرا غبيه ومتفكرش وتستخدم في قلبها بس بالعكس اتبتولهم ان المرأه نص المجتمع وان المرأه تقدر تشغل عقلها وقلبها مع بعض علي عكس الراجل وهيا الاقوة وهيا اساس الحياة هي الام والاخت والصديقة والزوجه والحبيبه 💛
وزي مايقول عمنا عادل ديرو الخير ونسوه واكيد تلقوه
احسنو الضن بالله ومتقضعوش الصلاه والدعاء وارضو بقضاء ربي
شوفو شن صار مع عادل كان يتمنا سند ليه ولبناته وربي بعتلا ثلاته بدل واحد واحد احسن من تاني وكانو سند ليه
ودار العملية وعاش وشاف احفادة وشاف عيلته سعيدة وملتمه وسط تألاف اسري وضحك ولعب مكانوش يحلمو بيه
يلي عند ربي مش بعيد احسنو الضن بالله
بق لاف جميلاتي
#ثأر_الحب
النهاية ...
.....
تابعوني في رواية جديدة 💛
#مكسورة_الجناح قريبا
تحياتي :
#ميرو_الشريف_بنت_طرابلس
