#ثأر_الحب_11
#بقلمي #ميرو_الشريف #بنت_طرابلس
💛💛💛💛💛💛💛💛💛💛💛💛💛💛
الدكتور حالته كل يوم تتراجع للاسف
وسام 😓
الدكتور مزال ملقيتش المتبرع يادكتر وسام
وسام لا للاسف
الدكتور ان شاء الله خير والله حالتهم تقطع القلب البنات
وسام الحمدالله على كل حال وربي ينوضلهم بوهم بالسلامه
الدكتور ياررب
......
ليث مبرد عمك كيف مولي كأيب الزح
أمير مش بيدي يا صاحبي
ليث نوض نطلعو وندهورو ولا نقولك تعال نشرو شلاتيت
أمير صار شلاتيت والله مارح تتغير انت
ليث منبيش نتغير المهم انت ارجع زي ماكنت
أمير تي الهم نحبها وهيا مش معدلا عليا والله العظيم الا نحبها
ليث توا بلاهي عليك انت تعرف حاجه اسمها حب
أمير كنت منعرفاش بس معاها عرفته
ليث متنساش ان بوها مريض
أمير مقلت شي وعادرها بس متبينيش نكون واقف معاها وتكلم فيا بجفا
ليث متنساش روحك شن درت
امير وندمت والله العظيم ندمة
ليث بعد شني
امير هدا وين عرفت غلطي وعرفت اني نحبها بجديات
ليث انشالله ربي يحنن قلبها عليك
أمير ياررب
ليث قتلها على موضوع مراد
أمير لا مقتلهاش
ليث اهو جت لعندك
امير صدقت تو نبلغها
ليث نخليك تكلمها
أمي مكدبش خبر على طول كلم جهان في الاول انتضار بعدها مبتش ترد عليه
بعتلها مسج
(جهان ردي عليا في موضوع مهم بخصوص جمان)وبعد شويا عاود تصل بيها وردت
أمير اهلين حبيبي
جهان اهلين شن فيه
أمير كيف حال بوك توا
جهان على الحطه يقولو حالته مستقره
أمير بالشفي يارب
جهان تسلم اي خيرها جمان شن عندك بتحكي
أمير بخصوص مراد صاحبها
جهان خيرا الحقير
أمير من فترا كلمته مش نفهمه الموضوع زي ماوعدت جمان
جهان اها وبعدبن
أمير متقصيش عليا واسمعي للاخر
جهان تمام
امير المهم رد عليا وقال انه مش فاضي وعندا خدمة وفصل الخط وبعدها دخلت لمطعم لقيته مقعمز تقعميزه مش تمام مع بنت قلت بالك خدمة بس بعد فترا شد ايدها وهيا ابتسمتله وهكي شكيت انه مش شغل وقرارت نقعد وراه
جهان الحقير
أمير اسمعيني حبيبي
جهان الكلب يخون فيها وهيا تحبه وفوق هكي متهمها هيا بالخيانة اه كان نحصل عليه بس
أمير فاهم عليك حبيبي بس لازم نصبرو ونقعدو وراه ونجيبوه بتابت مش جمان تصدق وتنحيه من دماغها وقلبها نهائي
جهان تبتها عليها
أمير ايه قعدت في جرته واعطيت رقمه لصاحبي اخترقه وقتله سجلي جميع المكالمات وفعلا نفد كلامي وبلغني بجميع تحركاته وكنت نلحق فيه ونصور فيه توا تقدري تقولي حصلنا عليه في التركينه معانا تسجيلات للمكالمات وصور
جهان حلو ابعتهملي واني نوريهملها خليها تصحه على روحه وهيا كل ليله بكيوات وتسبيح دمعات عليه
أمير خلي نورهملها مع بعض ونفهمها بطريقتي
جهان تمام
امير تمام نتلاقو ومتفاهمو
جهان تمام حقا امير قولي من يعرف تاني على الموضوع
أمير ليث يعرف كل شي لان ساعدني
جهان وسام 🤔
أمير في الاول حكيتله وعلى اساس قالي اني معاك بس بعدين اني معادش حكيتله خلياه في خدمته هوا ماعندا على جو الشرطة والمشاكل وهكي
جهان اوكي نسال بس
أمير لا عادي من حقك
جهان تمام معناها سلام توا
أمير سلام 😓
ليث ها شن صار
أمير حكتلها وعلي اساس تتلاقو نحكو لاختها
ليث تمام هي شني تمشي معاي
أمير لالا مخاطريش
ليث انت غر اعرف وين ياعليك حاله وخلاص
امير ياودي لا منبيش نعرف
ليث تمام خليني نمشي بروحي لوسام ونجيك مش مطول
امير وساام خيرا وين بتمشيله
ليث يبي حوايج لان ميبيش يتحلحز من جنب حبيبته ويخليها بروحها مش زيك يا....
امير ماشي معاك باهي بلا سبان
بدلو وطلعو الشباب و مشو للمصح وستقبلهم وسام بحرارة لان كان مشتاقلهم وجت جمان وجهان كدالك رحبو بيهم
امير عيونه منقاموش من على جهان ودقات قلبه متسارعه كل دقه فيهم تنادي باسمها
ليث نخليكم تحكو شويا ونجي
ومشي لدكتور سأله على حالته وقاله نفس الكلام حالته مستقرا حالين بس يلزمه متبرع في اسرع وقت دفع الفاتوره وحط رقمه اي شي يلزم كلمني
وطلع مشي شور الشباب لقاهم زي ما خلاهم امير هايم في جهان بعيونه وجمان بضحكتها وبرئتها مغيرا وملطفه الجو وسام دايب فيها وعيونه فاضحاته وكل ما جمان تجي عينه في عينه يحمر وجها من الخجل من نضراته وجهان هاهايمه في الهدرزه معاهم ولا كان في حد هايم فيها ولا مغبراته ولا تلفتت جيهتا حتي
ليث السلام عليكم
الكل وعليكم السلام
ليث تعالو ننزلو للكفتريا عازمكم على حسابي
في الاول رفضو البنات بعدها وافقو
ونزلو وقعدو يهدرزو ويبصرو ومشي الوقت بدون مايحسو بيه
وسام شاف ساعه ونصدم اووبا سامحوني قايز الجمعة وتلهدرزة حلوة بس لازم نمشي عندي موضوع مهم والوقت توخر
ليث تمام وحني لازم نمشو
البنات وحني كدالك اكيد بيسو فاقت ومشغوله علينا
ليث امانتك في السيارة وسام
وسام تسلم ماتقصر اهو جاي معاك مش ناخدها وكلم امير قاله خليك مع البنات لين نجي
أمير تمام
وحل الصمت بينهم
جمان قرارت تسكت وتخلي فرصه لجهان تحكي
ويتقربو من بعض بعد يلي صار بينهم بعدو وقعدوش زي قبل بس للاسف خاب ضنها لان جهان مفتحتش فمها ولا امير وعم الهدوء وسيطر على الجلسه بس في داخل كل واحد فيهم عاصفة مستحيل تهدا
وسام اني جبت قايز أمير تسلم يراجي فيك ليث
امير ولو وخين وتصبحو على خير
وسام وجمان تلاقي الخير
جهان تصبحو على خير اني سبقتك لدار جمان
جمان تمام
وسام تلاقي الخير
جمان باسف شكلا مستحيل يرجعو زي قبل
وسام هكي الباين بس امير والله يحبها وتغير هلبا
جمان ماعندي مانقول اصلا تغير واضح عليه
بس جهان صعب تسامحه
وسام ربي يهدي سرهم ويردهم لبعض
جمان ياررب 😔
وسام وانتي شن صار فيك مع مراد
جمان ميبيش يرد وكان رد يعاملني على اساس اني خاينه
ونزلت دمعة فارة من عين جمان مقدرتش تشدها نزلت مكسورة كانت متمنياته يكون جنبها في كسرتها في بوها مش يسيبها لسبب مليشي اي اساس من الصحة
وسام : متخليش شي ينزل دمعتك ياغاليه
جمان مسحت دمعتها اسفه
وسام متتاسفيش ياجمان اني جنبك وحنقعد جنبك متخافيش عمرك ماحتكوني بروحك
جمان شكرا وسام بجديات ربي بعتك لينا من السماء
وسام مانيش ملاك جاي من السماء اني دكتور من بريطانيا 😅
جمان واحسن دكتور والله ربي يحفظك وسام ويبعتلك ايام حلوة
وسام بصوت واطي ايامي الحلوه معاك ياحلوتي
جمان مسمعتش شن قلت ياوسام
وسام ها شي متكلمتش
جمان اها مش قلت عندك مادير نوض احسن ما تعطل
وسام خبط علي جبهته اي صح فكرتيني عندي اجتماع
جمان اجتماع توا
وسام اي شني تجي معاي
جمان وين لا منقدرش نخلي خواتي ونطلع وبعدين الوقت امخر
وسام مناش طالعين من المصح نجيب لاب توب ونجي
جمان تمام
وسام بعد مشي خطوات رجع ومد ايدا قدام جمان
جمان بستغراب خيرك
وسام هي بري معاي منقدرش نخليك بروحك
جمان 😊 تمام
وشدت ايدا وناضت طلعو من الكفتريا ومشو لغرفة المكتب متع الدكاترة مقتلكمش وسام بدي يخدم معاهم في المصح كش يقعد جنب جمان
وسام ووصلنا
جمان غرفة الدكاترة
وسام اي ومدامها فاضيه بندير الاجتماع هني
جمان ميصرش مشاكل
وسام لالا ان شاء الله لا مباش يقلها ان بدي يخدم في المصحه هادي على خاطرها
وبدو الاجتماع عبر الاسكايب هوا ودكاترا تانين وجمان مش فاهما اي شي مكانوش يحكو إنجليزي جمان بس قعدت مقعمزا مقابله ل وسام وتتفرج عليه كيف يحكي وحست بشعور مفهمتاش شعور ممزوج بين الفرح والحزن
بين الامان والخوف شعور غريب عمرها ماحست بيه ستمرات في تاملها ومساعرها تتخبط في بعض وتحاول تفهمهم ومش عارفه لين فيقها من تاملها صوت تسكير المكالمه
وسام جمان
جمان اها شني خلاص كملت
وسام اي كملت
جمان ربي يعاونك
وسام يارب تسلمي
جمان اني تعبت ونبي نمشي نرتاح نستادن منك
ويام تمام نوم العوافي وسلامتك
هربت جمان منمن قدام وسام وهيا تصارع كميت مشاعر داخلها مش فاهمتها لين وصلت لدار
اول مافتحت الباب لقت بوها راقد ومش داري بالدنيا من كترت المسكنات والمنومات وعمليات الغسيل اوجها شاحب مافيشي قضرت دم
وبيسان متمسكه في ايد بوها وراقدا على الكرسي كانها تيتمد في القوا منه او تقولا نوض منقدرش مندونك لفت على جهان لقتها واقفه تتفرج من الروشن ودمعتها على خدها
جمان جهان
جهان .... لا رد
جمان مدامك تحبيه سامحيه
جهان منحباش ومش مسامحاته
جمان بطلي مكابرة اني توئمك واكتر من يعرفك
جهان وهيا كانت صاحبتي
جمان مكانش يعرف انها صاحبتك وهيا لو كانت صاحبتك حق راهي جت وقتلك مش دست علبك ولم سيبها جت قالت
جهان مكنتش تعرف
جمان كدب كيف مكنتش تعرف وانتي تحكيلها في كل شي
جهان منعرفش
جمان انتي متبيش تعرفي مش متعرفيش
جهان 😔😔
جمان اني نقولك لم لقاته سيبها على خاطرك قرارت تفسد عليك وعليه يعني يانلعب يانفسد الملعب هوا سيب كل االنات على خاطرك
انتي متقدريش تلوميه لانك مكنتيش صادقه ومخلصه معاه كدالك
جهان بس لم قررت نكون مخلصه ونسمع كلام قلبي هوا اتبتلي ان كلام عقلي صح وان جنس ادم مليشي امان
جمان كما تدين تدان يا جومان متنسيش اغلاطك وتركزي بس علي اغلاطه انتم الزوز غلطو وندمتو وانتم تخبو بعض خلاص انسي الماضي
جهان مستحيل ننسا
جمان مافيش حاجه اسمها مستحيل
جهان مستحيل مستحيل نرجع نوتق فيه
جمان وهوا ماقال نفس كلامك مع انه مر بنفس تجربتك بالعكس مداير المستحيل مش ترضي عليه وترجعي
جهان طلعت وسكرت الباب وراها
بيسان خيركم
جمان ولولا شي الريح سكرت الباب ارجعي ارقدي وتساوي مش ترتاحي في نومتك بيسو
....
وسام شارد ويفكر في كلام الدكاترة ان ملقوش متبرع وان الوقت يجري بس واحد من الدكاترة اقترح فكرة عليه وسام عجباته وافق عليها بدون مايفكر وقترحها على دكتور يلي معاه
الدكتور وسام انت متاكد ملي بديرا
وسام اي اي متاكد
الدكتور فكر بعقلك مش بقلبك
وسام العقل والقلب اختيارهم واحد
الدكتور غدوا ان شاء الله جهز روحك
وسام تمام بس ماتقول لحد لين نتاكدو .
الدكتور تمام
رقد وسام وابتسامته على وجها
.....
امير هيا ياراجل
ليث الزح اهو طلعت وانت متصربع
امير نبي نشوفها
ليث بخصوص موضوع جمان ولا في شي تاني
امير بخصوص جمان 😔
ليث هي اطلع ان شاء الله خير وتوجهو للمصح
...
وسام صباح الخير
البنات صباح النور
عادل صباحك طيب
وسام وصباحك عمو قرب وباس راسه
بيسان شن الاخبار يادكتر
وسام ان شالله خير
عادل ياولدي بنامنك امانه
وسام بس ياعمي
عادل اسكت وسمعني
وسام تمام
عادل انت باين عليك راجل كويس ومشاومشالله عليك وتهاف ربي لهدا بنامنك على اغلا شي عندي في هالدنيا بناتي التلاته
اجمل شي صار في حياتي
وسام انت بتمون كويس
عادل ياولدي على من بنكدبو اني خلاص في ايامي الاخيرة
نبيك ترد بالك منهم
اني مقدرتش نجيبلهم السند ولا ندوملهم
فحميهم انت ورد بالك منهم عارفك ولد اصل وراجل من ضهر راجل زي بوك الله يرحمه
انت كون ليهم سند وضهر
وسام متقولش هكي انت سندهم وسندي واني ولدك معادش تقول هكي
عادل والله عارفك راجل ربي يحفظك ياولدي
وسام ويحفظك ويطولنا في عمرك يابوي وباس ايده وراسه
عادل زي ما امنتك ياولدي
وسام امانتك على راسي وفي رقبتي ليوم الدين بس بعد عمر طويل ليك يابوي .
يتبع ..
اهلا جميلاتي اسفة لتاخير ضروف بس يلا نشطولي روحكم من اليوم ميرو متواجدا معاكم كان سخر ربي
وبنبدا انزل بالحلقتين
استنو الحلقه يلي بعدها لانها ناررر 💣
دعمكم وتعليقاتكم الحلوة تهمني 💛
بق لاف جميلاتي 😘
