#ثأر_الحب_5
#بقلمي #ميرو_الشريف #بنت_طرابلس
💛💛💛💛💛💛💛💛💛💛💛💛💛💛
بيسان صباح الخير عدولا
عادل تقصدي تصبح على خير
بيسان يلا بابا دوش بين ما وتيت الفطور
عادل مزال بكري يابنتي خيرك العفو
بيسان هوا هداكة الوقت يجري واكيد الطريق زحمة
عادل يشوف لساعته اها صح صح طريق زحما وبتاخد منانا ساعة
بيسان قتلك اني يلا عدولا نوض
عادل لو خدت الطريق منانا ساعة نوصلو ساعة 6:00 واعتقد انه مستحيل في حد مجنون فايق توا 😓😒
بيسان بس يابابا
عادل بدون بسبسه يابيسان يلا لنوم ومش حنتحركو من الحوش قبل 8
بيسان يابابا البنات بروحهم
عادل يقدرو يتصرفو كبرو ومهمش صغار زي قبل
بيسان عدولا
عادل بيسان لدارك وخلي خواتك يعتمدو على روحهم مش كل شي انتي واني احني مش دايميلهم يابنتي 😔
بيسان متقولش هكي يابابا
عادل هدا الواقع حتي لو هربنا منه للاسف يلا لدارك بيسو واني ساعة9 انوضك
بيسان 8:00بابا 😓
عادل 😅تمام تمام اطمني التمانيه وصفرين 8:00😉
بيسان لا اطمنت من ظحكتك 😒
عادل تصبحي على خير بيسو 😘
امير كيف حالك اليوم
جيهان الحمدالله بخير
امير يدوم الحمد ياغاليه خوفتينا عليك
جيهان 😊😊
امير احم امالا وين جمان
جيهان مش عارفة فقت ملقيتهاش
امير غريب تو ندورها وين
وسام السلام عليكم من يلي بدورها
أمير جمان من صبح مفقودا
وسام 😲
امير اهو تو نطلع نشوفها
وسام لالا خليك تو نشوفها
جيهان شكرا يادكتر
وسام ولا يهمك سلام توا
وطلع وسام بخطوات سريعة والقلب يدق والعيون يحوسو يدورو عليها
لين جت عينه علي وحدا عاطيه بالضهر في الجردينه عرف انها هيا قربلها بالشويا وقعمز جنبها
وسام بدون ما يشوفلها الحزن ميطلعش عليك
جمان شافاتلا ورجعت تشوف للفراغ ماحد يختار ان الحزن يسكن وجها
وسام اي والله ماحد يختار
جمان اي والله وانت شن مزعلك
وسام لالا الحزن يختار في الحلوين بس اني ميجنيش يخاف مني
جمان😊
وسام ايوا خلي الابتسامه تزين وجهك الحلو
جمان تسلم عيونك الحلوات وحتي انت جميل
وسام عيونك الحلوات ياحلوه
جمان بس ابتسامه ولا كلمه
وسام تقدري تعتمدي عليا ياجوجو
جمان فى شني
وسام شن رايك نمروجهولك طريحة
جمان 😲احم من هوا
وسام يلي مزعلك وحارق قلبك
جمان ومن قالك ولد
وسام مقلتش ولد انى انتي قلتي 😁
جمان 😊😳
وسام ها مني 😉 شكلها مشكلة قلب مدام نوم هارب
جمان للاسف 😓
وسام ااااه من وجع القلب 😓
جمان مجرب وجع الحب شكلك
وسام غر من بيدورني اني بس 😅😅
جمان غر خيرك
وسام يبو الحلو ويكون رتش واني زوز معنديش للاسف
جمان مش الكل هكي تلقا بنت لحلال يلي تحبك لنفسك
وسام ولا يهمك ياجميل تو ندير حل مرشق السنارة ومزال مشدت 😅😅
جمان 😅😅 مفيش حاجه معندكش ليها حل
امير😅 متحاوليش صاحبي عندا حلول لكل شي ماحد يغلبه 😅😅
وسام اكيد ياصحيبي
امير ها خيرا الحلو زعلان
جمان لا مش زعلانه تحطش في بالك
امير حاس بالدنب اعطيني الرقم وتو نفهمه يلي صار
وسام 😓😓
جمان حاولت بدون فايدا
أمير ابعتيلي الرقم ولا يهمك اني تو نحلك الموضوع 😉
وسام موضوع شني
أمير حبيبها
جمان قصة على كلامه تحشمة من وسام : تسلم امير تو نبعتلك الرقم من جيهان وقولي شن يصير ومشكور 😊
أمير ولا يهمك وعتبريني خوك الكبير من اليوم😉
جمان تسلم هي نتلاقو على خير بنمشي نشوف جيهان
أمير وسام سلام
وسام اها شن صاير
أمير ياودي هدا البهيم صاحبها شافني في المطعم معاهم وكيف كنا طالعين من باب الحمام متع البنات
وسام حمام البنات 😲
أمير اسكت انت التاني وخليني نكمل
وسام كمل كمل
أمير ياودي لم جيهان صارلها تسمم ومعادش قدرت توقف وجمان مقدرتهاش بروحها اني كيف شديتها جت ايدي على ايد جمان وهوا وقف تقول كان يراجي فينا الزح وطول
وسام وفهمكم صح 😅
أمير تتسهوك ياحيوان 😒
وسام تي هوا شن رفعه لحمام البنات كان مش قابع زيك 🤔
أمير تي لالا على حسب كلام جيهان ان يحبها من زمان
وسام وجمان
أمير وحتي هيا تحبه حتي يتقدمولها او يعرضو عليها في ارقام ترفض على خاطرة قد مادرولها خواتها مبتش
وسام هكي فهمت سبب حزنها 😔😔
أمير شني مني يادكتورنا حبيتها ولا شني
وسام تي لالا ياراجل خيرك
أمير حسبت بس
وسام لا متحسش يابو الاحساس انت
أمير تو يدوب التلج ويبان المرج
وسام انت شن موضوعك مع اختها
أمير كيف قلنا بسم الله لاكن ياودي عاجبتني من الاول وقلت لازم نظمها لمجموعتي وشكلا قراري كان مزبوط
وسام قاعد زي ما أنت 😅😅
أمير اي توا أنت ديرلي زي ليث 😒
وسام 😅😅 علي سيرت ليث نوض نمشوله اكيد ناض
أمير وانت قلتها
ومشولا وطول الطريق امير يحكي لوسام على مغامراته مع البنات وسام يضحك
الاستعلامات مني : دكتور وسام
وسام اها نعم
مني : خيرك يادكتور من امبكري ناديتك مرديتش عليا
أمير 😁😁
وسام كنت مستعجل بس تبي حاجه
مني لا غر كنت بنقولك صباح الخير 😊
وسام صباح النور
أمير مستعجل الحلو لدرجه مرديتش على المزه غر على شن مستعجل 🤔
وسام ولا شي متعشش زيها توا انت
أمير حلو مزه وعشاشه 😅
وسام عشاشه اي بس مزه لا منسمحلكش تغلط فيها 🤣🤣😂
أمير خيرها اهياا حلوة زي العقيد جمعة 😅😅😅
وسام والله خاطري نشوفه العقيد جمعة ههه
أمير غر علاش تظلم روحك بشوفته ياخوي بس
وسام لدرجه هادي 🤣
أمير وأكتر والله
وسام كيف بدير على خاطر حبيب جمان
أمير تقصد مراد
وسام وين نندري على دين اهلا شن اسمه
أمير وتقولي مكبتش عليها
وسام باهي ياهمي شن بنديرو
أمير بنديرو 🤔
وسام يلا قول مبردك اكيد معاك
أمير لا تعليق لاكن اهي الخطه اسمع
وسام اها
أمير ...
يتبع ...
