الجد مساعد : يا فيصل تعال
فيصل : لبيه يا جد
الجد : بكره به عشاء عشان ابو هتان روح انت و العيال و اذبحوا الذبايح
فيصل : سم يا جد
فيصل راح ل أمه : يمه
ام فيصل : هلا ياولدي
فيصل : جدي يقول به بكره عشاء عشان عمي و أهله
ام فيصل : على خير ان شاءالله
دخلت ام فيصل تقول للحريم
عند البنات
نايا : اف بنات طفشت
رذاذ : وربي صدق بنات وش نسوي
ايارا : بنات شرايكم نرقد فيني نوم
نبض : انتي للحين ماتغيرتي عادش تحبين النوم
ايارا : ايه احبه اكثر منكم
وريف : افا
ضحكت ايارا : اقول انقلعوا أنا برقد والي تبغى تجي حياها و الي ماتبغى تذلف
ايڤان : أنا بجي معش والله حتنى نعسانه
راحوا ايارا وأيڤان يرقدون و الباقين جلسوا يسولفون
عند الحريم
الجده : يا منى واضح فيش التعب و النعاس روحي قيلي شوي
منى : اي والله بروح ارقد لي شوي و إذا أذن قوموني
مهره : ابشري
عند العيال
نواف: يا عيال مافيني حيل اذبح الذبايح
انس : اصه لايسمعك جدي والله بيخليك انت الذبيحه
سعود بضحكه : تخيلتك ذبيحه
نواف: انكتم يامخنز
ضحكوا العيال بصمت عشان نواف لايفصل عليهم
إذن المغرب
الجد : اذن يا عيال يلا قومو نروح المسجد
قاموا العيال مع جدهم
راحت مهره تقوم منى
مهره: منى يلا إذن
منى : يلا بقوم
عند ايارا و ايڤان الي غاطسين ب النوم
نبض : بنات يلا إذن قوموا
ايارا : وش تقولين انتي
نبض : ايارا قومي ل اصفقش
ايڤان بانزعاج: اوفف ماتخلون الواحد يرقد
نبض بصراخ: قوميي انتي وهي لا ادعي امي عليكم
ايڤان: خلاص ي داويه ( مزعجه) بنقوم
بعد اذان المغرب
العيال و جدهم وهم راجعين من المسجد
الجد : اقول يا عيال ماودكم نطلع مخيم
همس نواف : يارب لا
انس : تم ياجد
مشعل : ابشر يبه بس متى ودك
الجد : شوفوا الأهل متى ودهم
عبد العزيز : ابشر
عند الحريم
مؤيد : ام هتان
ام هتان: هلا
قولي لامي و البنات انحن بنطلع مخيم بس اتفقوا وشوفوا متى ودكم نروح
ام هتان : يالله على خير
دخلت ام هتان تقول للحريم
قالت الجده : ودكم نطلع بعد بكره؟
سهام: احس ايوه وانتو يابنات
وحي: تم
ام هتان : وانا أشوفه مناسب
ام إياد: معكم
ام فيصل: الي تشوفونه
الجده : اجل قولوا للبنات يجهزون
دخلت وحي على البنات
وريف : اهلا بخالتي
ضحكت وحي وقالت لهم: جهزوا انفسكم ترا بعد بكره بنطلع مخيم
نقزت نايا بفرحه : اخيراا بنطلع
صفقتها وريف : اخلعتيني ي مطفوقه
ضحكوا البنات عليهم
الساعه ١٢ الليل
نبض : بنات شرايكم نطلع مع العيال نسولف ونسمر
البنات بصوت واحد : تم
دقت نبض على فيصل
نبض : فيصل
فيصل : هلا
نبض :وينكم فيه انت و العيال
فيصل :ب الحوش شبغيتي ؟
نبض :بنجيكم أنا و البنات نسمر
فيصل: يلا تم
راحو البنات الحوش عند العيال وهم متحجبين
هتان : متى اسلموا ذولا
انس همس بضحكه : بكره تشوفهم فاكينه
ضحكوا انس وهتان وناظرت فيهم ايارا بحده
خير شعندكم تضحكون علينا
هتان : مالش دخل ي دلوعه
وريف : هيه خير حدك على ايارا
هتان : اوف لهدرجه تحبين ايارا
وريف : كل تبن
ضحكوا العيال و البنات على رده فعل هتان
جلسوا يسولفون وكانوا شابين حطب
وكانو يسولفون ويذبون على بعض
فجاه كلهم لفو على ايارا الي وجها كان احمر وتكح
خافوا البنات عليها وقالت رذاذ: ايارا بنت شفيش
ايارا كانت منكتمه ولا تقدر ترد
هتان : نط وهو يصارخ على رذاذ بسرعه جيبييي بخاخ الربو حقها
انس بخوف صرخ على البنات :
انتو تعرفون انه فيها ربو خير مجلسينها عند النار
صارخت نايا : إذا انت ماتعرف ان فيها ربو حتى حن مانعرف
جات رذاذ و أعطت هتان البخاخ
هتان قال ل نبض: ادخلوا وانتبهوا لها
هزت رأسها نبض وقالت من متى فيها ربو
قال هتان : بعدين نتكلم ادخلوا الحين عشان ترتاح ايارا
