دخلت ايارا عند البنات ببتسامه
رذاذ : ماشاءالله أشوف نفسيتش تعدلت
نبض : حبيبتي اكيد هتان بيغير نفسيتها وش تتوقعين
وريف : يحظش عندش اخو يغير نفسيتش
رذاذ: ياليت اخواني نفس هتان
نايا: اي والله الي عندي نفسيات
ايڤان: اعوذ بالله لاتحسدون البنت ب اخوها
ايارا بضحكه: اي والله صادقه ايڤان لاتحسدوني ب اخوي
عند الحريم
سيهام : وحي زوجش مادق عليش وقال لش متى بيجون
وحي: إلا كلمته وقال لي انهم مطولين
سيهام: غريبه صار لهم شهرين وش ذا الشغل
وحي : ايه وكل ماسألته وش شغلكم قال بعدين تعرفين
سيهام: الله يستر
عند بيت اول مره نجيه
عواطف: هند متأكده ان الخطه بتضبط
هند: اي اي متأكده
عواطف : طيب صلاح يعرف بيت مساعد لانهم هم جالسين هناك
هند : اي قلت له كل شي وقلت له انهم طالعين مخيم وجهز نفسه
عواطف بخبث وفرحه: احسن أنا ابغى أتخلص منها العقربه اجل تبي تأخذ حبيب الطفوله
هند : بسألش انتي كيف عرفتي انهم يحبون بعض
عواطف : تذكرين العزيمه الي كانت ب بيت مساعد
هند : ايوه
عواطف : شفت انس مغطي ايارا بشماغه لأنها دخلت المجلس حق الرجال و الرجال جو وكان ماسكها من كتفها ودخلها مجلس الحريم
هند: اها يعني ذا الموقف الي مخلي الغيره تاكل قلبش
عواطف : ايه ومراح اخليهم يتهنون بخلي انس يأخذني أنا مب العقربه
في المخيم عند البنات
ايارا: بنات شرايكم نقول للعيال يودونا البقاله
رذاذ : والله صدق فكره
ايڤان : بس بنات السيارات الي كانو مستأجرينها رجعوها
نايا: عادي نروح ب الباص
نبض : اي صادقه نايا لأننا اساسا كثير
ايارا خلاص بدق على هتان أشوف
هتان:اهلا ي دلوعه
ايارا: هتونه
هتان : يلا معسلامه
ايارا بضحكه: لا خلاص امزح امزح
هتان: شبغيتي
ايارا : تكفى هتان نبغى نروح البقاله تكفى تكفى تهز الرجاجيل
هتان: انتي من يرد لش طلب
ايارا : أُحبكككك
هتان : وانا احوبش بس متى تبون تروحون
ايارا :الحين الحين ونبغى بعد العيال الباقين يجون
هتان : طيب يلا اخلصو
ايارا : بناتتت وافق يلا بسرعه بنروح الحيننن
نبض : ياليتت كل العيال نفس هتان
وريف : اي والله
ناظرتها رذاذ بحده: شدخلش تمدحينه
وريف بضحكه: الغيره الغيره
رذاذ : اقول اسكتي بس منزينه عشان اغار عليه
ايارا: اخلصي انتي وهي ل العن خيركم
في الباص
فيصل وهو يهمس ل رذاذ : امي تعرف انش طالعه معنا
رذاذ بخوف: لا بس تكفى انت قول لها تكفى هي تحبك
فيصل حضنها: ابشري كم عندي رذاذ أنا
رذاذ بصدمه: من متى وانت حنون كذا
فيصل بضحكه: ليه ماعجبش أتغير
رذاذ: لا لا خلك كذا كويس
وريف بصوت عالي: هتانن حط لنا أغاني
نبض ضربت وريف : وطي صوتش يالحجيه
وريف بزعل : شدعوه ي خاله مب مره عالي
ايڤان بضحكه: زعلت زعلت
هتان شغل لهم أغاني وجلسو يغنون معها بحماس
جيتني مثل الشروق اللي محى عتم الليالي جيت فرحه للحزين اللي من همومه هلك جيتني وانت يحبك الف محبوب بدالي سخرك سبحانه اللي في عيوني كملك
وصلو البقاله
انس بخباثه : لكم عشر دقايق بس
ايارا : تخسي
انس : حسابي معش بعدين ي دلوعه
ايارا : دز امها
انس : نشوف نهايه الهياط
داخل البقاله
نايا :اف بنات مالقيت العصير الي ابغاه
رذاذ : دوري لش واحد غيره
ايڤان: وريف بالله تعالي معي ندور لعبه تونسنا
نبض : بزران انتو
وريف : ايه بزران
ايارا الي كانت تبغى بطاطس وابتلشت انه بعيد
ايارا : يالليل ذولا حاطينه نهايه السقف من يجيبه
انس : أنا أجيبه
ايارا:اعوذ بالله جني انت في كل مكان أشوفك
انس : جني لش انتي بس
ايارا : يع ياشينك
انس: ياشينش انتي
ايارا : اخلص جيبه
انس : و إذا ماجبته
ايارا : احسن ب الطقاق بجيبه أنا
انس : يلا ي مهايطيه جيبيه
ايارا بوهقه وهي تطلع على الرف : بتشوف
انس ببتسامه : يلا
ايارا بغت تطيح من الرف بس مسكها انس بسرعه
انس بضحكه : للأسف ماقدرتي
ايارا الي قلبها وقف من الموقف : انقلع أكرهك وراحت
انس الي اخذ البطاطس الي هي تبيه وأخذ لها الايسكريم الي تحبه
في الباص
نبض : بنات خذتو كل شي نبيه
وريف : ايه ايه عاد أنا و ايڤان ماخلينا شي ماخذناه
نايا : كفو
ايارا : بناتتت نسيت ماشتري ايسكريم
رذاذ : غريبه عاد انتي اول شي تشترينه ايسكريم
ايارا بزعل : نسيت
ايڤان : مسرع زعلتي
ايارا: كلي تبن انتي
ايڤان: اوكيه
وصلو المخيم
مرام : ماشاءالله من وين جايين
رذاذ ناظرت فيصل بخوف
فيصل : رحنا حن و العيال نودي البنات للبقاله
مرام: وبدون ماندري
نبض : معليه يا ام فيصل ذي المره معنا العيال
مرام ناظرت رذاذ : تعالي ابيش
رذاذ ناظرت فيصل وراحت لها ولحقها فيصل
مرام بعصبيه : رذاذ أنا قلت لش ماتطلعين بدون علمي صح
رذاذ وهي منزله راسها: ايه بس
مرام بحده: بس وشوو هاه
فيصل : يمه أنا الي قلت لها تجي وهي مكانت تبي تروح
مرام: ماشاءالله
فيصل اخذ رذاذ معه وراحو من عند مرام
رذاذ : الحمدلله أنقذتني
فيصل بضحكه : افا عليش أنا يسموني المنقذ
رذاذ بتسليك : اوفف ي المنقذ الخايس
فيصل : اجل ارجعي ل امي يلا
رذاذ : لا لا امزح معك ترا
عند انس الي سحب ايارا بعيد شوي عنهم
ايارا : تراك أشغلتني الله يشغلك بحالك
انس : ادري
ايارا: اخلص شتبي بسرعه قبل يفقدونا
انس مد لها الكيس الي فيه البطاطس و الايسكريم
ايارا وهي ماسكه الابتسامه و الفرحه : من قال لك ابي
انس : ماتبينها خلاص باخذها أنا
ايارا بوهقه : لا امزح هاتها
انس قرب منها : اول شي عطيني بوسه
ايارا سرقت منه الكيس : يععع انقلع وهربت
انس ببتسامه خبيثه: اليوم قدرتي تهربين مني بس المره الجايه مراح تقدرين يابنت مؤيد
عند البنات
وريف : وين رحتي ي ايارا
ايارا سكتت وهي تشتم انس بداخلها
ايڤان: مو قلتي انش ماشتريتي ايسكريم والايسكريم ذا الي ب الكيسه من وين جا
ايارا بقول لكم بس تكفون بدون صراخ
نبض: اخلصي قولي
ايارا : من انس
رذاذ : الله الله الله حركات والله من متى
نايا : اوف روميو و جوليت جديدين على الساحه
وريف : هيه ذبتي ليه تسرقيها
ايارا : بنات بالله كلو زق
نبض : لا صدق اول مره ف حياتي اعرف ان انس حق حب وحركات
ايارا : وانا اول مره فحياتي اشوف عمه زي كذا
وريف : وشفيها خالتي
نبض : اي والله شفيني
ايارا : الله يشفيكم بس الواحد مايقول لكم شي علطول تاكلونه بقشوره
