ايارا دخلت وهي مهي مستوعبه الموقف الي صار
ايڤان : ايارا شقومش مابعد رقدتي
ايارا : مهو جايني النوم
ايڤان : غمضي عيونش وبيجيش النوم
هزت رأسها ايارا ب اوكيه
الظهر بعد ماصلوا وخلصو
ايارا : بناتتت ابغى اركب حصان تكفينننن ايڤان قولي ل انس
ايڤان : طيب ي داويه
ايارا بحماس: احبشش والله
ايڤان دقت على انس : انس ورع
انس: شتبغين
ايڤان: نبغى نروح أنا و البنات الإسطبل
انس بعناد: لا مافي تروحون ماعندنا بنات يركبون حصان
ايڤان بهمس وخطه شريره : اف ايارا حظش شين
انس بغباء بعد ماسمعها : شقلتي
ايڤان : خلاص خلاص معد نبي
انس بوهقه: لا خلاص بوديكم العصر
ايڤان بخبث: غصب عنك تودينا وقفلت منه
انس وهو يهمس بينه وبين نفسه : اخ ي ايارا شسويتي فيني لعبتي بحسبتي يبنت العم
عند الحريم الي ماخذتهم السوالف
ام إياد : بنات شرايكم بعد مانرجع من المخيم نطلع المول ونغير جو شوي
ام هتان : فكره حلوه والله تم
ام فيصل: معكم صدق نبغى تغيرر
وحي: ايه ومانبغى ناخذ البنات معنا بيبلشونا
سيهام: صح صادقه وحي نطلع حن لحالنا ونستانس هم إذا جو معنا بيزعجونا ويزعجون الي ب المول
ام هتان بضحك: اي والله انش صادقه
العصر
ايارا : اففف متحمسه مره
رذاذ : والله مدري ليه أحساسي يقول مراح يعدي اليوم على خير بترجعين وانتي صار فيش شي
ايارا: رذاذ بالله اسكتي
ايڤان : مطولين انتي وهي
ايارا : لا خلاص يلا يلا جايين
ب السياره عند انس و فيصل
فيصل : طولو ذولا
انس : الله يعين
ركبو البنات
وريف : هايي
انس :هاي ي فصعونه
وريف : شقصدك؟
انس : ولا شي
الإسطبل
نايا : اياراا تكفين انتبهي
ايارا : معليكم بنات بس يالله صورني
ايڤان : اياراا كفو كفو
رذاذ : يلا ايارا بصورش
ايارا بفرحه انها حققت حلمها وركبت حصان وجربت شعور ان الحصان يركض وتصارخ وتطلع كل الي كان بخاطرها
وريف : صدقوني بنات مهي صاحيه تخاف من دباب وماتخاف من حصان
شهقو البنات بصدمه يوم شافو ايارا طايحه وتبكي
صرخت ايڤان تنادي انس وفيصل ببكيه
ركضو انس وفيصل بعد ماسمعوا صراخ البنات
انس شفيكم ردت وريف وهي تبكي ايارا طاحت من الحصان انس بخوف وهو رايح ل ايارا الي كانت فاقده الوعي وشالها وراحو السياره ايڤان وهي منهاره و ايارا بحضنها ايارا تكفينن لايصير لش شي قوميي
الحريم
منى: مرام البنات دقو عليش ولا شي
مرام: لا وألله مستأنسين مافكرو يكلمونا
مُهره : خليهم يامنى شقومش
منى : مدري ماني بمتطمنه
الجده: معليش مابه شي
منى : ان شاءالله
في المستشفى
البنات منهارين وخايفين لايصير شي على ايارا
انس الي كان خايف عليها وقلبه يعوره بعد ماشافها فاقده الوعي وبين يده
فيصل الي كان يناظر ايڤان و وده يروح يحضنها و يهديها
طلع الدكتور : وين اهل ايارا
انس : شفيها ي دكتور
الدكتور: الحمدلله جت سليمه بس انكسرت يدها
رذاذ : وينها ي دكتور ابيها
الدكتور : شوي و تقدرون تدخلون لها
انس الي حس الدنيا تدور فيه
في الغرفه عند ايارا
رذاذ : ليه كذا ايارا تخلعينا عليش (تخوفينا)
ايارا ببتسامه تعب : معليه هذاني بخير قدامكم
انس : الحمدلله على السلامة ماتشوفين شر
ايارا بتوتر: الله يسلمك
فيصل : والله ايارا خلعتينا عليش بس الحمدلله جت سليمة
ايارا: الحمدلله
ايارا بتعب متى بطلع
وريف : وين تطلعين ترا توش طالعه من العمليه
ايارا بدموع:مابي طلعوني
نايا: ايارا بلا دلع تراش تعبانه
ايارا بحزن:لا مابي مابي تكفون ابي اطلع
انس : خلاص بروح أشوف الدكتور و اجي
هزت ايارا وطلع انس
طلعو من المستشفى ومتجهين للمخيم
