الحُب ماحرمه ربي ولا ذمّه

21

صباح يوم جديد في بيت الجد مساعد يوم الجمعه
الجد بصوت عالي : يلا ياعيال قومو لانتأخر على صلاه الجمعه
قامو العيال و الحريم وبدوا يجهزون مكانهم المعتاد ليوم الجمعه و العيال و الجد توجهوا للمسجد
الجده : يلا يابنات خلونا نجهز الفطور
رذاذ : يالبيههه اعشق يوم الجمعه
ايارا بخمول وتعب : يلا انقلعوا وقفلوا اللمبات ابغى ارقد
وريف : ياشيخه و الصلاه
ايارا : تستعبطين فوق راسي انتي ومسويه ماتعرفين
وريف : آهااا تذكرت اسفين
نايا : اي حبيبتي ولا ترا ايارا ماتخلي فرض لان لو تركت فرض تسوي عزا من قوه الخشوع
رُوح:خلاص بنات خلونا نطلع وربي بتفصل علينا
ايارا تناظر في رُوح وغمزت لها: احبش يافاهمتني
طلعوا البنات وصلوا ورجعوا الرجال من المسجد وبدوا يفطرون
مؤيد : غريبه وين ايارا
منى : اي والله وينها
ايڤان: تعبانه
فز  انس بعد ماسمع انها تعبانه
وحي : شفيها من ايش تعبانه
نبض : مسخنه
مهره : مسكينه ذي الايارا كل شوي تتعب
مرام: اي والله الله يعينها
وبدوا يسولفون وانس تسحب بشويش وطلع فوق ل غرفه ايارا
ايارا كانت تتألم من وجع بطنها
انس قرب لها : ايارا شفيش
ايارا انصدمت وتوترت وماعرفت شتقول
انس حط يده على جبينها وماحس انه فيها حراره: يقولون انش مسخنه لكن مافيش حراره
سكتت ايارا وحاولت تعدل جلستها لكن الالم زاد عليها وحطت يدها على بطنها
ضحك انس بعد ماعرف انهم كانوا يكذبون وغمز لها : اجل مسخنه
استحت ايارا و وجها قلب للون الأحمر : ممكن تطلع انس
انس مسك بطنها : وليه اطلع مو انتي قريب بتصيرين زوجتي
ايارا عرقت من كلامه ومن توترها : انس بليززز اطلع تعبانه
انس : البسي عبايتش والحقيني
ايارا: وين بنروح
انس : الحقيني
لبست عبايتها ايارا وراحت مع انس
مؤيد : على وين
انس : طالعين شوي وراجعين مراح نطول
الجد : الله معكم
رذاذ تهمس للبنات : تهقون عرف الي ف ايارا
نبض : اكيد حبيبتي
ايڤان: مسكينه
روز : عادي زوجها مرده يعرف
نايا: بس باقييي ماصار زوجها
وريف : كتبوا الكتاب يعني خلاص يعتبر زوجها

ايارا: وين بنروح
انس: اول شي بنروح المستشفى تأخذين شي يهدي الالم بعدين نروح نتمشى شوي
ايارا تتجاهل الالم : ابغى ارقد احسني منهلكه
انس : معليه ياعيوني تحملي شوي

هند : عواطف تراني جيت
عواطف : انقلعي ياباعصه خربتي علي حلمي
دقتها هند : قومي عندي لش خبر
قامت عواطف : وش
هند : صلاح بيخطبش
فزت عواطف من مكانها : تمزحيننن هيه متى قاله
هند : اليوم الصباح قال ل ماما و بابا وقالوا بيجون بكره
عواطف بتوتر : تكفيننن
هند : يلا قومي ياعروسه
عواطف : اسكتي تكفين

المستشفى
ايارا : مابغى ابره
انس : تستهبلين انتي ولا وش
ايارا بغصه : لا ماستهبل مابي ابره
الدكتوره : معليش ياحبيبتي كلها ابره صوغيره كذا وانتي امسكي يد بباكي ومراح تحسين بألم
انس بضحكه: صرت ابوش
الدكتوره : ليه مو انتا بباها
انس : لا زوجها
الدكتوره: اسفه مكنتش بعرف واللهِ
انس : يلا معليه حطي لها الابره
ايارا: قلت مابي
انس : عصيد
ناظرت فيه ايارا وكانت ماسكه ضحكتها