انتي النعيم لقلبي والعذاب له

البارت السادس

يبداء البارت بعد ما جهزو اغراضهم ورجعين
في نص الطريق شافت الهنوف خيل و في ناس يتسابقون يعني الي يبي يتسابق يسابق
الهنوف بحماس اشرت على الخيل / العنود شوفي خيل
العنود لفت عليه /يبه تكفى وقف عندهم نبي نركب الخيل
معلومه""العنود والهنوف يحبون الخيل مره ويعرفون له ومحترفين فيه والي شجعهم وعلمهم ركوب الخيل جدهم ابو امهم فيصل ""
ابو العنود ناضر في ام العنود وفارس /وش رايكم نوقف
فارس ابتسم /كيفك
ام العنود/وقف ولاكن قول لا اخوانك

"خلوني اعلمكم ترتيبهم
اول شي ابو فهد وام فهد ونمر و ريم في سياره
عبدلله و ابوه واخته وامه في سياره
عادل و ام هيام و غزل و هيام في سياره
ونايف وامه وخواته في سياره
وفهد ومرته في سياره
وابو خالد و خالد و ام خالد في سياره
وابو العنود وعياله ومرته في سياره
وفلاح واخته في سياره
يعني عدد السيارات ٨سيارات
ابو العنود كان في المقدمه وراه السيارت وجنبه سيارت ابو فهد الي يسوقها نمر
ابو العنود طلع يده من السياره واشر لهم يوقفون وهو لف يسار الطريق ووقف وقفت سيارة ابو فهد وقال/عسى
ماشر يا خوي
ابو العنود/ما شر ياخوي ماشر ميرالاهل يبون يوقفون هنيا عند اسطبل الخيول انتم معنا
قبل يتكلم ابو فهد وقفت سيارت عادل ونزل منها و نزل نايف من سيارته و فهد نزل و فلاح نزل و عبدلله و خالد
عادل /عسى ماشر وش فيكم وقفتم
نايف/سيارتكم فيه شي
ابو فهد وجه كلامه ل ابو العنود /نسئل اخوي خالد و اخوي نايف
عبدلله /وش السالف قولو
ابو العنود/الاهل يبون الاسطبل و قلنا نسئلكم اذا معنا او لا
راح خالد سئل ابوه  ابو خالد/كيفهم اذا يبون نروح معهم عادي
وكذالك وافق ابو عبدلله وراحو
نزلت العنود و الهنوف وهم فرحانين
العنود /يبه عادي نركب الخيال
ابو العنود/ايه يبه بس لزوم ناخذ جلسه ونقعد و بعدين تركبون
وقفو ونزلو فرش بعيد شو من الاسطبل وجلسو شوي
وكانو الحريم والرجال في نفس الجلسه لاكن الحريم منقبات
وقفت العنود وقالت/يلا نروح الاسطبل نبي نركب
الكل انصدم ان البنات يركبون الخيل وبذات الرجال وبانت الصدمه على جيهم
العنود لاحضت وجيهم وقالت/قلت شي غلط
امل /لا بس احنا عندنا ممنوع البنت تركب خيل عشان فيه رجال
فارس باستغراب منهم وعصبيه من عقليتهم التافهه /وش دخل الرجال في الموضوع يعني هي ساتره نفسها واصلن هي راحت عشان نفسها ماله دخل ابداااا
ابو العنود شاف العنود جلست و عيونه باين انها زعلانه حتى الهنوف  وقال/العنود وش بلاس جلستن قومن اركبن انتي و الهنوف معكن فارس قومن قومن
العنود فرحت وابتسمت ابتسامه بانت من وراء النقاب وقالت /الهنوف فارس قومن
فارس ضحك وقال/يلا يلا
وكانو رايحين لا كن قالت العنود لفارس انهم يبون البنات معهم لف فارس وقال/ياعيال احد يعرف يركب خيل حتى لو ماتعرفون تعالو معنا انتم واخواتكم عشان خواتي
نمر شاف عيون العنود الي تناضر فيه وتكأنها تستعطفه
وكانت العنود متقصده لانها عارفه لو قال تم الكل بيوافق
قال نمر بعد ما شاف عيون العنود /تم
البنات بعد ما قال نمر تم ركضو عند العنود والهنوف
غزل/الله يطعني يناس
العنود /بسم الله عليس  اصلن قلنا لفارس عشانس انتي
ريم /افا شكلٍ انسحب علينا
امل /اي والله انسحب علينا وبقوه
هيام/اما عاد حبيتو اختي اكثر مني
ذكرى /خف علينا يا الثقه
البنات ضحكو وقالت العنود/لا والله ما انسحب عليكن مير احس ان غزل غيرررر
غزل بتكبر وهي تضحك/اللهم لا حسد
البنات ضحكو
ومشو البنات قدام والعيال وراهم
وصلو وناضر فارس في العيال والبنات الي كانو جنب بعض كلهم فارس/مين بيركب خيل منكم
عبدلله /انا و نمر و فلاح
فارس/والباقي
عادل/مانعرف
نمر /انا ما ابي اركب
فارس ناضره بطرف عين وقال/غصب عنك مو بكيفك
ضحك نمر وقال/لعيونك اركب
فارس ابتسم وألتفت للبنات وقال/وانتم مين بيركب غير خواتي 
شافهم ساكتين وقال/ما عليكن من اخوانكن بتركبن  غصبن عنهم وما بيسون شي لكن
غزل بتردد/انا ابي اركب
فارس /تعرفين
غزل/يعني مو مره
فارس/تمام اركبي واذ ما عرفتي بعلمك
غزل باحراج هزت راسها بمعنى"تمام "
راح فارس وحجز ٧خيول ودفع بدون علم العيال وغزل
رجع فارس وقال يلا
ركبو العيال والبنات
قال عبدلله/فارس انت وخواتك تسابقوننا
فارس/انا مو معكم بس سابقو خواتي
العنود/متأكدين
العيال باستغراب من الثقه قالو /اكيددد
صفو العيال والبنات ماعاد غزل الي قالت ما تبي تتسابق
مدرب الخيول وهو ماسك علم الانطلاق /واحد اثنين ثلاثه
انطلقو وكان نمر في المقدمه بعده جات الهنوف والعنود وتعدوه وكانت العنود اسرع من الهنوف لحق نمر الهنوف وتعدها باقي قدامه العنود صارو متساوين
قال نمر بصوت عالي عشان تسمعه العنود/والله وطلعتي خياله يابنت سيف
العنود بثقه/اذا فزت علي لك الي تبي واذا انا فزت  لي الي ابي
نمر/تم
وصارو كل واحد يحاول يتقدم على الاخر وبل اخير فازت العنود
وبعده نمر وبعد نمر الهنوف وبعد الهنوف عبدلله وفلاح كانو تعادل
كل الي موجودين شاف السباق وصفقو للعنود
العنود انحرجت من الكل ما توقعت انهم يشوفن السباق
فارس/كفو اختي كفووو
العنود وهي تنزل من الخيل وقالت /كفوك الطيب
وراحت عند الهنوف الي كانت تهاوش عبدلله
الهنوف/يامعفن كله منك وش دخلك تجي جنبي وترتني
عبدلله/وين تبيني اروح انط من فوق الحاجز يعني ولا ايش
العنود وهي تضحك/خلاص حصل خير
الهنوف دفت العنود  وراحت عند غزل  ولحقتها العنود بعد ما قالت لعبدالله انها اسفه بدل الهنوف وقال عبدلله عادي اصلن هو الغلطان
راحت الهنوف عند العنود ولقيت فارس يعلمها كيف تثبت نفسها وضحكت العنود لما شافت الهنوف تضحك
وسئلتها ليش تضحك اشرت الهنوف على غزل وفارس وقالت /الله يزوجهم
العنود ضحكت
غزل بعد ما علمها فارس وراح عند العيال قالت لهم
غزل/العنود انتي و الهنوف وش رايكم اتسابق معكم بدون العيال
الهنوف/تم
العنود راحت عند المدرب وقالت/ممكن انا و ثنتين من اخواتي نتسابق
المدرب/اي وحده فيه اختك
العنود سحبت غزل والهنوف وقالت/هذولن هم خواتي
غزل ابتسم لما قالو انها اختهم
المدرب /تمام جيبو الخيال روحو عند حلبت البدايه
راحو ركبو الخيل وقفو عند البدايه  قال فارس/انتبهو لا تطيحون بذات انتي يا غزل
الهنوف/عشنا وخواتك يابعد حيي
العنود وهي تضحك/قبل شوي نقول الله يزوجهم لاكن الحين لا هاذي وباقي ما زوجناهم نسانه فما بالس اذ تزوجو
غزل بإحراج ناضرت فيهم وقالت/خلاص انتي وهي لاتفشلوني معا اخوكم
فارس ضحك على كلام  خواته وعلى  انجراح غزل
وراح
بدا السباق و نمر يناضر في العنود لاكن قال في نفسه "ياولد ارفع علومك وش بلاك تناضر البنت كذا وتتكلم كنها وحده تحل لك ""
عبدلله همس لفلاح وقال /شكل خويك هاذا طاح ومحد سما عليه
فلاح/ايه والله صدقت مدري وش فيه صار يهوجس كثير
عبدلله/تتوقع صار شي بينه وبينها
فلاح/والله مو بعيده عنه
نمر جاء فجاه وسمع اخر كلام ولي هو كلام فلاح لمًا قال/ مو بعيده عن من انت وهو
فلاح فز وقال/الله يخرشك ياشيخ خرشت إمي
نمر ضحك وقال/اسفين اسفين
وسكتو وقعدو ينضرون السباق
نرجع لسباق بعد ما اعطاهم المدرب اشارت البدء
ركض الخيل وكانت العنود ا الأولى وبعدها الهنوف وبعدها غزل هدت العنود حتى وصلت الهنوف وقالت لها بصوت واضح/الهنوف  هدي حتى تجي معنا غزل عشان نكون متعادلين
الهنوف هدت وصارو الثلاثه سوى وقبل ما يوسلو النهايه اشر فارس لغزل انها تسرع وتفوز عليهن وفعلن اسرعت غزل وفازت
الهنوف  بعد مانزلت قالت بصدمه/كيف تسوين فينا تسذا ياحيوانه
العنود وهي تضحك/الهنوف لاتزعلين ترا لو ما انا كان خسرتو كلكم
غزل اشرت على فارس وقال/هو قال لي اني اسرع
الهنوف/وانتي ما قصرتي
فارس  ضحك وقال/انتم اغبيا وش اسوي يعني
جو العيال والبنات وهم يضحكون قالت هيام/كفو اختي كفو لوالله انش ذيبه
الهنوف /ايه والله انها حيونه
امل/وش دخل هي تقول ذيبه
الهنوف/طيب الذيب من فصيلت ايش
امل/الحيوان
الهنوف/طيب
الكل ضحك اولهم عبدلله الي حس انه يحب عصبيتها
فهد/طيب ماودكم نرجع لانا طولنا الساعه١٠:٣٠
نمر /يلا يلا مشينا
فلاح /الدفع ياعيال
نمر/الدفع علي
فارس/ سبقتكم
نمر/خيررر احنا بندفع لنفسنا
فارس وهو رايح/مشها يارجال
نمرطلع فلوس قال/امسك هاذي قطتي
فارس /دز امها بس
عبدلله/وش دز امها انت الخيل الواحد ٧٥ واحنا ٧تستهبل انت
فارس طنش ومشى لحقوه وحاول فيه لاكن لا حياه لمن تنادي و أيسو انه ياخذ الفلوس منهم
و راحو ولقو انهم شلو الاغراض وينتضرونهم ركبو
ورجع الديره
———————————————————
خلصت البارت
اتمنى عجبكم
ومعا سلامه💋🫀