انتي النعيم لقلبي والعذاب له

بارت١٧

"مركز الشرطه "
ضحى جالسه في مكتب الضابط رعد وكانت متوتره وخايفه رفعت راسه لما دخل الضابط رعد وقال بصوت هادي/لاتتوترين
ضحى/مشكور على مساعدك لي
رعد/ولو واجبي
حققنا معا طارق وقال انك بنت عمه صحيح؟
ضحى/اي
رعد/وش ركبك معه طيب؟
ضحى كانت بتتكلم لاكن دخل ابراهيم بسرعه وفتح الباب ونطق/ضحى وينها اول ماشافها حضنها
ضحى انصدمت من حضنه وهو انصدم من نفسه وحس باحراج وانه جاب لنفسه شبهات لما شاف رعد يناضر مصدوم من ذا وش جابه وليش يحضن البنت
رعد بصدمه وحدت صوت /من انت ومن سمح لك تدخل كذا
ابراهيم بنفس حدت الصوت/ معك الرائد ابراهيم زوج ضحى
قام رعد ودق التحيه له بحكم انه اعلى منه رتبه وقال/ارحب
ابراهيم وخر عن ضحى شوي وقال/البقى
رعد/اسمحلي بطلع اكمل تحقيق
ابراهيم/تفضل
اول ماطلع وخر ابراهيم عن ضحى كثير اما ضحى فا كانت مصدومه وساكته
ابراهيم/معليش
ضحى قاطعته وقالت/فلاح وينه طول
ابراهيم/فلاح ماله يوم رايح
ضحى/ ومتى بيرجع يعني
ابراهيم/ما ادري والحين بنطلع
ضحى بتردد/و طارق
ابراهيم/طارق موضوعه عندي الحين اوديك البيت عشان اطمن امي وخواتي
راحت معه ضحى وفي خاطرها ماتبي تروح معه تحس انو اهون لها طارق ولا ابراهيم وجفاه
وصلو البيت ونزلت سلمت عليهم وراحت غرفة حنين تنام فيها

اما طارق في السجن رفض ابراهيم يتنازل عنه

_________
نرجع شوي عشان نعرف شلون عرف ابراهيم مكان ضحى
بعد ماطلع ابراهيم من بيت ابو طارق كان متوتر ومايدري يبلغ او لا
وخايف يخرب على مهمة اخوها
دق عليه علي ضابط يشتغل مع رعد وتكلم ومعه وجاب طاري طارق
ابراهيم/وش اسمه طيب؟
علي/اسمه طارق اما البنت والله ما اعرف اسمها
ابراهيم/تمام شوي وانا عندك
استغرب علي لاكن ما علق
اول ماوصل راح غرفة التحقيق وفعلا حصل طارق مسكه من ثوبه وقال /ضحى وينها ياكلبببب ليش تاخذه منيييي
طارق/مالك دخل فيها انا ولد عمها
ابراهيم/وانا زوجه يامريض
وكان بيضربه بس مسكوه الضابط وطلعو اما طارق فا كان مصدوم شلون زوجها

_____________
نروح عند فلاح و حمد ومساعد
فلاح/الحين ادخل وش اقول لهم
مساعد بعدم صبر/ياخي لي ساعه اقول لك وش تقول ماتفهم
حمد/فلاح انت لاتتوتر ادخل وقول لها انك خوي احمد وادخل خذ الاوراق واطلع
فلاح ما اعجبه كلامهم وحس انهم بيطردونه فا قرر يتفهم معهم بنفسه
نزل بيت احمد اما مساعد وحمد فا راحو المركز عشان ما احد يشك فيهم
بيت احمد
كانت ام احمد جالسه في الصاله ومعها بنتها شوي ودق الباب راحت ام احمد ونطقت/مين؟
فلاح/فلاح ياخاله
ام احمد بتعجب واستغراب/ماعرفك يمه من تكون
فلاح/انا خوي احمد اكيد انه قال لك عني يوم من الايام
ام احمد/والله ماذكر يمه بس وش بغيت؟
فلاح/ابي اخذ كم عرض من غرفة احمد
ام احمد بعدم اهتمام فكت الباب وخلته يدخل اول ما دخل طلعت بوجهه لين اخت احمد صد هو اما لين راحت ركض لغرفتها  ما اهتم فلاح ودخل غرفة احمد بدا يدور وحصل ضرف فيه اورق وصور مقرفه و شريحه اخذها وطلع ركض استغربت ام احمد وخافت لايكون مو صاحب ولادها