"يبدا البارت "
بعد مرور شهر من حادث نمر وموت احمد وكمان موافقة فلاح ومساعدته ل مساعد لاكن قررو يأجلون الموضوع لبعد رمضان انتهى الشهر الفضيل بدون اي احداث مهم غير طلوع مساعد من المستشفى واستقرار اثير اخت عمر في الجنوب وتحديدًا في ديرة الابطال هي واخوها عمر استقبلوهم اهل الديره بصدر رحيم لاكن اثير ما طلعت لاحد ابدا ومحد شافها
———————-
بيت ابو فهد
ابو فهد/عادل يا عادل تعال شغل التلفزيون اليوم بيعلنون عن موعد عيد الفطر
جاء عادل ولبى طلب ابوه وجلس معه في الصاله وبعد دقايق قليله دخلت ريم وامها وجلسو معهم قالت ريم /يارب مو بكره باقي ما جهزت شي
عادل /الله يسمع منك باقي ما فصلت ثوب لي ولنمر
ناضرت فيه ام فهد بحزن وابتسمت عشان ما تحسسهم بشي بس هي مشتاقه لولدها حيلللللل
طلعت ريم للمطبخ تجيب القهوه شوي وتسمع صراخ عادل بفرحه /يسسسسسسسسس بكره العيد بكره العيدددد
لف على ابوه وقال/العيديه ١٠٠٠ريال جهزها يبو فهد
جلسو يضحكون طلعت ريم بصدمه وقالت /وش فيه
عادل لف عليها بفرح /بكره العيدددد
ريم بفرحه ناقصه /الحمدلله
وبنص عين/دوبك تقول الله يسمع منك وش غير
ابو فهد بضحك/عشان العيديه يابوش
ريم ابتسمت /كنت حاسه والله
حطت القهوه وراحت غرفتها دق عليه فهد وسئلها اذا تروح معها هو وزوجته ذكرى عشان ياخذون اغراض و فساتين للعيد وقالت له انها ماتبي وبتروح معا عادل هو احترم قرارها وسكرت الخط ونامت بعد مابكت حسره على اخوها وهي تتذكر ايامها الحلوه معه
————————
عند فلاح الي دق عليه مساعد وقال له يجي القسم دخل فلاح القسم وكان القسم مأمن بجميع جهاته دخلوه بامر من مساعد اول مادخل شاف مساعد و حمد سلم عليهم وجلس تكلم مساعد /صح مو وقته لاكن حاليًا المكان امن وكنا نراقب بيته ونشوف اذا في احد دخله او شي واستنتجت انو بيدخلون البيت بعد ما يرحون اهل احمد في العيد لاهلهم في الخرج
ومن الحين احنى بنبدا الإجراءات
فلاح باستغراب /الحين؟
حمد/اي ولا تخاف ابراهيم اخذ اختك عن اهله
فلاح بغضب /من سمح لكم تاخذونها اصلا وكيف ما اتصلت علي وقالت لي
مساعد وحمد يحاولون يهدونه ونطق مساعد/لاتخاف الحين ادق عليهم ويخلونك تكلمها
دق حمد على ابراهيم /سلام
ابراهيم/ارحب
حمد/انت عند اهلك
ابراهيم/ايه ولاتخاف وصيت اهلي عليها
حمد /طيب اعطهم الجوال يوصلونه لها اخوها يبي يكلمها
فعلا اعطهم الجوال
نطقت ضحى بخوف وبصوت خافت/فلاح وين موديني انت مو مرتاحه تعال خذني تكفى
فلاح بحنيه/ياروح فلاح ابشري باخذك بس انتي خليك عندهم أمن لك من البيت برد معروف ل نمر وارجع اخذك اتفقنا
ضحى بزعل واضح في صوتها /اتفقنا
قفلت المكالمه ورجعو جوال ابراهيم له
تعالو اعطيكم تعريف مختصر ل اهل ابراهيم لانو بيكون لهم اهميه في البارتات الجايه
ابو ابراهيم اسمه /عون
كبير في السن و على كرسي متحرك طيب ويحف عياله وولده الوحيد ابراهيم
ام ابراهيم /عمره
انسانه طيبوبه وعلى نياتها تحب عيالها حيل ومو مره تحتك في اهلها بسبب مشاكل في الماضي ما يحتاج تنذكر
أنت تقرأ
انتي النعيم لقلبي والعذاب له
Storie d'amore" القصه خياليه " تحكي القصه عن ولد عايش حياته كلها في الدير ولاكن تتغير حياته لما تدخلها بنت عمه الي ما شافها من ٩سنوات تقريبا لانها كانت عايشه في المدينه
