زنزانة المجانين

part 3〽️

نبدأ بذكر الله 🤍🙏🏻

للكاتبة زيلان محمود 🍂📝

العيش مع الاهل مجاني لكن ستدفع ثمنه نفسياً!

قراءة ممتعة اغاتي 🦋😍

‏
☙☙☙☙☙☙☙☙

مرت السنوات بس ولا عبالك خلصت وهاي سنوات جديده مرات اكول لنفسي ليش موجوده الساعه ' اذا كل ايامنا مثل بعض

بيوم من الأيام اني واخوي خلصنا الشغل ودخلنا للبيت جانت مرت ابونه واكفه بل مطبخ وتباوع من الشباك باوعت علي اشرلي براسه اروح يمها رحت كعدت بصفها باوعت عليه دارت وجها من عدنه ومسحت دموعها ابتسمت

أمل: هااا حبيبي رجعتوا لازم خلصتوا الشغل بسرعة ٫٫راح اكوم اصب العشا اكيد انتوا جوعانين سوده عليه يمه

دتحجي وتروح تجيب الاكل وضعها مو تمام هوه هم وكف اباب المطبخ ويباوع عليها مستغرب من كلامها وكفت كدامها لزمت ايدها عبالك جانت منتضره حجه حتى تبجي خلت ايدها على وجهه وبجت ماحبيت ازعجها كلت خليها تبجي براحتها راحت غسلت وجها واجت تشغل نفسها بلـ طبخ

: ممكن تعوفيهم مجوعانين اريد احجي وياج

أمل: اكلوا وبعدين نحجي

: لا نحجي وبعدين ناكل واني على كلامي مراح اغيره

أمل: ايي ضرغام وبعدين وياك  ديلا احجي داسمعك

كعدت بلكاع وايدها على بطنها
ضرغام: تعرفين وهاي ألف مره كتلج انتي امنا الله شاهد على كلامي احجيلي كلشي مثل مااني احجيلج

أمل: ايي ادري انت تحجيلي بس ذاك ميحجيلي شي عبالك غريبه ديلا اني اعرف ميحبني

تحجي بزعل وتباوعله  وهوه رفع عيونه بملل معاجبه اجه كعد يمنا وأمل تأشرلي انُ راح يبدي بسوالفه كال

:هسه شبيكم بدون جذب وهاي سوالف شهل لواكه يلا أمل احجيلي شبيج ليش جنتي تبجين اذا هذا الـ*** اله اليوم ا****

نزلت راسي بسرعه هسه وكتها اله تجفص خرب استوعب كلامه يريد يغير الموضوع بس ميعرف شلون وأمل صاحت بي من يمي فزيت على صوتها