زنزانة المجانين

part 28〽️

نبدأ بذكر الله 🤎

الكاتبة زيلان محمود🇮🇶

زنزانة المجانين

‏
‏عيوني من السهر كلش عبر حدهن
وعصافير الصبح صرت اني اگعدهن ...

☙☙☙☙☙☙☙☙

طلعت من الحمام انشف شعري بدلت ملابسي لبست بنطلون جينز اسود توب طويل بدون اكمام اسود وقميص حليبي بدون ما اسد الأزرار القميص كعب حليبي شويه عالي شسورت شعري خليت مكياج خفيف شغلت السيارة وانطلقت لمكان عملي فتحت الحاسبه وبديت اشتغل شغل الهندسة تقريباً خلصت الشغل بـ ساعه 12 الظهر وصلت يم سيارتي شغلتها رجعت لورى طخت بسياره ثانيه عضيت ستيرن بخوف وكفت اسمع صوت الجام يندك نزلته شفت رجال

حور: اتفضل اخويه

: نزلي

حور: احجي

: دعمتي السيارة

حور: مو اني

: شنوووو مو انتِ مامرت دقيقه لعد هم زين جنت واكف لو ما واكف جنتي تشردين

حور: اخي اول شي لا تصيح ثانياً دعم صغير مايحتاج كل هاي العصبيه

: شنوووو تحجين انتِ تعالي نزلي وشوفي شمسويه

حور: أهدأ شبيك ليش معصب

: نزلييي

حور: اوكي عيناي هسه انزل بس أهدأ تريد مي؟

: الله اكبر دنزلي نزلي

نزلت من السياره وقفلتها وشفت خطيه سيارته الدعم كلش يبين ومأذيها من ورى باوعت لرجال وظلينا نحجي واجت ناس من افتهموا بيها دعم والذكور كلها وكفت ويا الرجال من شافوني بنيه وكامو يصيحون عليه عصرت جنطه بيدي ماريد ابجي كدامهم

: السلام عليكم

كلنا التفتنا ورانه من شفت باقر مسحت الدمعه الي سقطت من عيني حسيت اهلي أجو وطمنت راح يحل السالفه مادام هوه موجود

علي: شكد تريد

: هذا فيترجي يكلك شكد تدفع فلوس التصليح

اتفقوا وانطاه 600 الف الكل مشه واني بقيت واكفه بمكاني مستحيه منهم وهمه يباوعون لألي مدري شلون نظراتهم يضحكون لو اني تافهه

حور: اروح اجيب فلوس واجيكم

باقر: متزاعله

مشيت للسياره فتحت بابها اجه صار بيني وبين سياره متقاربين كلش سد الباب يميل راسه ابتسم درت وجهي وباقر انطانه ظهره

حور: اجيب فلوسك

دنك صار بمستواي رافع حاجبه
علي: ليش؟

حور: فلوسك هذا وشكراً

علي: اممم ميخالف خليها تنقص الفلوس من المهر