نبدأ بذكر الله 🤎
الكاتبة زيلان محمود🇮🇶
زنزانة المجانين
انا بنص الحرٌب
جي منطي كلمة وياك"
نمت ويه الجثث
بعيون مفتوحه
نمت ويه
الجثث ماخفت وهتزيت ،
خفت من كتلي
كلمن يلتِهي بروحَه
☙☙☙☙☙☙☙☙
حور:- بديت اداوم لأن اني تخرجت والحقير جان مانعني من الدوام والوظيفة مرت اشهر وكمت استلم الراتب شكد لحيت على ليث ميقبل يأخذ فلس والي محيرني ليش عمي لحد هسه قابل بعيشتنا ويا ليث
مريت بچاي خانه واني امشي للسوك ازدحام انضربت بشخص كال عفواً بدون مااشوف وجهه هزيت راسي ومشيت استمعت اسمي التفتت وراي اني بين مجموعة ماكدر احرك بس متأكده أحد صاحني وبعده جاي اسمع الصوت وكف كدامي رفعت حاجبي بتعجب
حور: باقر
باقر: شتسوين؟
ردت اتقدم عنده واني اطلع نفسي من بين الازدحام
باقر: ماكو داعي تجين ابقي بمكانج
حور: باااقر
تركني زين ليش شسويتله حتى ماخلاني احجي مشيت واني شويه وابجي كلشي يصير وياي عكس اني أريده شفته يمشي كدامي وظهره عليه
حور: باااقر اوكف
التفت عليه وشخص بصفه هم يمشي مااندار عليه باقر بسرعه باوع على الشخص وهوه يباوع علي بس ماشوف وجهه
حور: ليش متحجي وياي؟
حتى بوجهي ميباوع باقي صافن ع الي بصفه سمعت حسرة الي بصفه
باقر: روحي منا
حور: شلونه علي
باقر: لااااا وبعد تسئل انچبي وصوتج ماسمعه
انصدمت من طريقة كلامه وياي ليش هيج يحجي وقبل جان يحجي بأحترام
حور: ليش هيج تحجي؟
باقر: غير تسكت
نزلت دموعي مسحتها ميعرف شصار بيه وشلون جنت عايشه شلت الأغراض من الأرض ردت اروح اندار عليه الي جان من اسمع صوته اطير من الفرح وهسه احس انگصت جناحاتي واني دموعي جمدت بعيني گلبي انقبض من الصدمه احس روحي صارت بيده راح يأخذها
أنت تقرأ
زنزانة المجانين
Adventureروايه عراقيه حقيقية قبل لتسئلون القصة حقيقية وبأخر البارتات نحجي شلون كتبنا هل الحب يتحول الى الجنون ؟ هل الصداقة تضحية؟ هل الأهل دائماً سند؟ في هذه القصه سنرى وكل تلك الاسئلة سنشاهدها اذن ادعوكم للمشاهده قصة زنزانة المجانين الى اللقاء 🤎🔥 2023...
