زنزانة المجانين

part 8〽️

نبدأ بأسم الله

الكاتبة زيلان محمود🇮🇶

زنزانة المجانين

اتفاعلوا حتى نستمر🤎

چا والرسَايل والصُور والحَيل أحبَك وينهن ؟ .

☙☙☙☙☙☙☙☙

حور:-

عيني ماشافت النوم احس جبل وعلى صدري ساعه ابجي ساعه اسكت مادري شسوي شعور القلق والخوف دمرني كمت اتوظيت وصليت ركعتين دعيت انُ الله يسهلهه عليه وابويه يصير زين رجعت لفراشي اتمددت بين زينب ورهف بستهم واباوع عليهم ادعي بكلبي عمي وخالي يديرون بالهم عليهم ماادري شكد مر الوقت لكيت واحد يهزني على الكيف من زندي التفتت لكيتهه مرت عمي اشرت بيدهه يلا

نزلن دموعي شسوي اذا ماروح ميصير واروح نفس الشي بست اخواتي وكمت غسلت وجهي وبدلت ملابسي الجنطه مال الملابس همه حظروها بس خلتهه بيدي لزمت ايدها واني كل الحجي الاحجيها بترجي
حور: خاله ابوس ايدج انتي مثل امنه دخيلج من بعد الله انتي وعموو النه رهف وزينب أمانة عندج

طبطبت على ايدي وكالت
مرت عمي: بعيوني اخليهن انتو بناتي وانتي هم ديري بالج على نفسج ولتوصين ولا تخافين اني موجوده

ودعتهم ورحت بسياره عمي راح يوصلني مشينه هواي وكفوا بأخر سيطره للجيش بعدها بقية المناطق بيد الد1عش واحد وعمي حجوا هواي كالوا انزلي نزلت من السياره عمي طمني وكال روحي وي هذا الولد اني اعرفه لابس ملابس العسكرية واللثام على وجهه ركبت بلسياره باوع ورا يباوع حيل خفت درت وجهي من عنده وكف السياره ونزل منهه فتح بابي

: انزلي

حور: وين انزل منو انت ترا اخابر عمي

اني حتى موبايل معندي
: باعي نزلي حتى تروحين لان منا وبعد انتي لوحدج راح تروحين

نزلت من السياره هوه سد الباب
: باعي انتي راح تدخلين المنطقه.....الي كدامج اكو رجال منتظرج هوه گرايبكم راح يوصلج لأبوج لان البيت الي بيه ابوج هذا بيتهم ومن تدخلين للمنطقه تدنكين راسج وتمشين لاااا متمشين ركضين لان اذا لزموج اشهدي على نفسج