بالمجلس *
ملاك : وانا بعد قلتلك من السيارة اذا اقنعوني البنات بجلس
عز : قفلي السيرة
اسماء : طيب خلها تقعد وشفيها ؟
عز : صبي قهوة
نجلاء : شفيك انت منزمان ما شفنا البنت خلها تقعد عندنا يومين وتعال خذها
عز : قعده مهيب قاعده
خزته ملاك وسحبت جوالها بعصبية
قام عز وهو يضبط شماغه : خليك جاهزة بعد العشاء بجي اخذك
ملاك بتجاهل : صبي لي قهوة
ناظرها عز على السريع وطلع
اسماء : شفيه ذا من غيره صار راسه يابس
ملاك : يستهبل عشان قلتلك اقدر اعيش بدونك زعل
مرام بضحكة : تمزحين ذا السبب ؟؟
ملاك : اكيد مافيه غيره
مرام : والله وطلع اخوي خفيف ما توقعتها منه
نجلاء : يمكن مو ذا السبب يمكن ما يبيك تقعدين وخالد موجود وانتي تعرفين المشاكل الي بينهم
ولفو كلهم على صوته : وشفيه خالد تراه اخوك
توترت ملاك من شافته وشدت على عبايتها
خالد وهو يخزها : لا تحسبيني بعديها لك فرقتي بيني وبين ولد اخوي والله ما تعدي على خير
ملاك برعب : افعالك الي فرقتك
خالد وهو يسمع صوت البوري من برا : الحين طالع الوعد لما ارجع
ملاك وهي تناظر البنات : شقصده ؟
اسماء : اقولك اسمعي كلام عز وروحي معه
ملاك : عناد مراح اروح
مرام : المهم اسمعوا
اسماء : وش
مرام : وحده من البنات خوله تعرفينها المهم طلبت مندوب واخذ فلوسها وسحب عليها والغبية شهرت فيه في كل مكان وللحين يهددها والبنت من ثلاثه ايام ما وصلتني رساله منها بس قالت لي انه كان يرسل لها رسايل تهديد ويرسلها كلشي يخص اهلها انا خايفه عليها خلونا نروح نتطمن تكفون البنت وحيدة امها
