لا اسامح القراءه بدون لايك
قمر بصدق :ابوي قاسي ومره بعد على اخواني حتى بس م عمره قسى معي أو رفض لي طلب لدرجه اني اكذب الي قولون لي قاسي
أم نوف ابتسمت: طبيعي لانتس بنته وأبوي م قد قسى على بناته بس قسى على اخوي وبناته م تحملوا القسوه
ابتسمت قمر بهدوء : اخليتس ترتاحين؟
أم نوف هزت راسها باي
وطلعت قمر بعد م قفلت وراها الغرفه وطلعت راجعه لصالة تحت
...
عند الجازي الي اول م ركبت السياره وابتدت تبتعد عن البيت دخلت للاتصالات وسجلت رقم عزام الي حافضته وعزام م يرد على الارقام الغريبه ابدا
لكنها م استسلمت وارسلت له رساله بأنها الجازي وضروري يفتح ثواني واتصل هو عليها
عزام بخوف: صاير شي رقم مين ذا؟
الجازي بهدوء: صاير ابيك تدق على فيصل وتجون لفندق ال*** وانا بمر للبنات وفهد واجي
عزام وهو يرفع الساعه: بس مو وقت خروجهم!
الجازي : بطلعهم عاجل لازم يطلعون وانتوا حاولوا م تتاخرون ومروا شغلي وأخذوا إذن اني مريضه
عزام: الله يستر بحاول اطلع فيصل ونجي سلام
سكرت منه وهي تتوجه لمدرسة فهد وقفت وكلمت الحارس لانها م تقدر تدخل لأنهم عيال
والحارس بدوره تفهم وراح للمدير وطلع بنفسه
المدير : انتي ولي أمر فهد محمد ؟
الجازي وهي تنزل نضارتها بجمود: نعم لو سمحت عاجل ابي اطلعه
المدير: اعطيني السبب ؟ وكيف اوثق انك تقربين له
تاففت بتملل وطلعت بطاقتة عملها ومدتها له : تقدر تتأكد من الاسم !
بعد ما تأكد وشافها محاميه
المدير: ثواني ويطلع
وصدق مرت دقائق وطلع فهد باستغراب : ليه جايه وين عزام أو فيصل اصلا ليه طلعتيني
الجازي بانزعاج: هرجتك واجد ياخو البنات اركب وافهمك
ركب السياره باستغراب وتوجهت لمدرسه للبنات الي عانت وما رضوا يطلعون ليان ونوف بحكم انها مو قريبتهم
اتصلت على عزام وهي تعطيه المديره ويعطيها الاذن بأنها تطلع خواته والمديره تعرف أنهم خوات من الرضاعه
طلعوا وركبوا وهم منصدمين وشفي توجهت للبيت وهم يسالونها بس م جاوبتهم
شافته مقفل وركنت السياره جنب البيت بهدوء : انقز الغرفه وجيب الفلوس
فهد : والمفتاح وين حنين وين
الجازي : مافي وقت بعلمكم بالفندق روح الان وتسلق
تنهد فهد وهو يتسلق الجدار ويدخل البيت اخذ الضرف وطلع وهو يمد الفلوس لها ونطق بحده: ياليت تتكلمين لاني حاسس نفسي غبي
الجازي : جو اعمامنا اخذونا غصب
نوف بخوف: وامي؟
الجازي هزت راسها: انا وامتس وحنين اخذونا قدرت اطلع بحجة شغلي ولحين بنروح للفندق نشوف حل
سكتوا كلهم بخوف على ام نوف وحنين
وصلت وشافت عزام وفيصل الي اسرع بخطواته واحتضنها بخوف: انتم بخير؟
الجازي تجمدت وهي تحس بحضن ابوها تحس بنفس اللحضه صارت نفس ريحة ابوها
حاوطته لما حست أنه بيبعد وشدت وهي تهمس بدون وعي : ريحة ابوي
سمعها فيصل وشد عليها أكثر
ابتعدوا بعد ثواني وهي تجاوب على سؤاله بخير
دخلوا وأخذوا لهم جناح
عزام وهو يهز رجله بتوتر : وش بتسوي الحين كيف نطلعهم
الجازي بانزعاج: حتى إذا طلعناهم وين تأخذهم وهم عارفين مكانا
فيصل بتفكر : ناخذ بيت جديد ؟؟
الجازي تميل راسها بهدوء: بيكون غالي علينا
هز عزام رأيه برفض : معي المبلغ لبيتين بس أنهم رافضين اطلعهم من الحاره
ليان بحزن: بنترك بيت ابوي ؟
عزام احتضنها على جنب وبحزم: ايه بنعيش حياتنا من جديد
فيصل بتفكير : أجل اسمعوا كامان لنا خلونا ناخذ بيت واحد بس يكون دورين لراحه الجميع
عزام هو رأسه بالموافقه: تم
الجازي وهي تطلع الضرف قدامهم : ٤٥ الف والباقي نص عليك ونص عليه
عزام وفيصل مع بعض : فلوسنا تكفي !
التفتوا على بعض وضحكوا
فيصل : الصدق يعني نحنا نقدر
الجازي باعتراض : ابدا م ارضى الا اذا اخذتو المبلغ عشان اعيش براحه
عزام الي يعرف وش كثر هي عنيده: تمام تمام نخليها اثاث ونزيد فوقها
فيصل : اوكيه نتوكل ؟
الجميع: توكلنا
عزام وهو يطلع جواله ويوري فيصل الفله الي من دورين وكانت فخمه مع حوش ومزرعة ورد بالحوش الي ورا مع مسبح متوسط وبسعر يناسبهم
فيصل بانبهار : تجنن من وين لقيتها
عزام ضحك: الصراحه مكلم الرجال من اسبوع ناوي اخذها لين اتزوج ويرضون نطلع من الحي
ليان بتافف وعفويه: اوفف جيعانه
رفع رأسه فيصل عليها وهي خاق عليها
أما نوف وجود الي كانوا كل وحده متكيه على ثانيه ونايمين
ليان بنفس النبره:هه وذول ناموا وخلوني هففف
التفت لها فهد بانزعاج : بدل م تتحلطمين فوق راسي شوفي ذاك التلفون واطلبي اكل واسكتي
ليان رفعت حاجبها: شدخلك ليه حار نفسك
فهد: وععع استكي م يليق عليك الدلع
ليان بعصبيه: عزامي
عزام الي كان منشغل بالجوال: وجع يافهد خل البنت لحالها
ليان شافت فيصل الي ناضرها ومصدوم: هيي وانت اول مره تشوف بنت بحياتك
صحح على نفسه وهو يرقع: من زينتس عاد عشان اناضرتس
تجمعت الدموع بعيونها وقامت من كنبتها لحضن عزام تبكي الي ترك الجوال بفزع وهو يحاوطها: علامتس ياعين ابوتس؟
ليان وهي تشهق: شف شف ذول مدري وش الي مسلطهم علي واحد يقول اني مزعجه والثاني اني شينه
فيصل بصدمه من حساسيتها: والله قلتها من باب المزح ماكنت اعرف انتس بتبكين
عزام تنهد : الله يهديكم
فهد بمزح: يليل الدلوعه خلاص ادري تبكين لانتس جوعانه الان احلى اكل لاحلى كرشه بالعالم
قامت من كتف عزام:صدق
فهد: اي بس ترا مطفر الحساب على فيصلوه
فيصل : اخوك الكبير وش فيصلوه بس يلا بحاسب امري لله
عزام ضحك لليان:هاه رضيتي
ليان ابتسمت بين دموعها: اي
قام فهد وهو يطلب : احد يبي اطلب له؟
عزام:هات لنا كلنا
الجازي وقفت : لا تحسبون حسابي برجع عندهم وبحاول اطلع عمتي وحنين
عزام : اجي معك؟
الجازي هزت راسها بنفي : لا حاولوا تكملون اجرات البيت بسرعه وارسلوا لي الموقع سلام
وطلعت وخلتهم
عزام بابتسامه: انت تدري بوش تذكرني اختك
فيصل: وش
عزام: بهيبة وجمود ابوك الله يرحمه
فيصل ابتسم:امين مدري من وين اخذت القوه ذي عن الف رجال
فهد بغرور: مني طبعا
فيصل بمزح:قلت الف رجال مو الف بنوته
سحب فهد المخده وهو يضربها فيه: وجع
أنت تقرأ
"'خلوه يرتاح ما غيره ملا عين هاويه'"
Action""وجد"" تربعت على الأرض بملل ونطقت: ياخواتي والله ماهيب حاله فطور وعشاء صامولي ردت اختي الكبيره بحنيه: احمدي ربتس ياختي غيرنا مالقى لترد علي اختي الوسطى بعصبيه: سدي حلقتس وكلي ولا يسمعتس فهد ولا عزام والله م يصير لتس خير سمعتي؟؟ اردفت بملل: ابشري يا...
