مر شهر رمضان المبارك على خير
وابتدت اول ايام عيد الفطر
رعد الي راح بعد اسبوع من رمضان لمهمته وأخذ الجازي عند اهلها وكان بتواصل معها للاسبوع مره بعذر شغله
صقر وفهد الي صاروا قريبين من بعض مره وصقر تاكي نص رمضان في بيت فهد
*******
★★★★★★★★★★★★★★★★
في اول يوم من عيد الفطر
" الجازي "
كانت بالحمام وتنتضر النتيجه تطلع وهي تدعي بنفسها أنه يطلع سالب تحس مو مستعده ورعد متغير عليها كثير بسفره
امتلت عيونها بدموع وهي تشوف التحليل إيجابي
يعني هي حامل الان
كتمت شهقتها بمشاعر مختلطه
مسحت دموعها من سمعت دق حنين الي تنتضرها خارج
حنين: الجازي حبيبتي شفيتس؟
الجازي بصوت مخنوق: طالعه اصبري
طلعت وهي تناضر اختها وآثار الدموع فيها
حنين بحنيه : الجازي شفيتس ياروحي عادي تحملين مرا الثانيه تو بدري على الحمل
هزت الجازي راسها بنفي وهي تمد لها التحليل
صرخت حنين بفرح وهي تكتم صرختها بكفها: انتي حامل مبروك الله يتمم لتس على خير
الجازي : ادري، عقبالتس
حنين ابتسمت : امين،امشي نقولهم
الجازي: لا لا تقولين الحين
حنين : براحتتس بشوف باقي الاشياء عشان نروح لبيت جدي ملزم نروح العزيمه
الجازي هزت راسها: ساعه وانا جاهزه
طلعت حنين وابتدت الجازي تتجهز بسرعه وتلبس فستانها ولما خلصت مسكت جوالها وهي تتصور وترسل بعضها لرعد
واخر صوره كانت لبطنها مع التحليل وكتبت
" مبروك رح تصير اب"
عقدت حواجبها باستغراب وهي تشوف الصور من رقم غريب!
*********
★★★★★★★★★★★★★★★★
"رعد في الجنوب"
رعد بقرف: اقول لا يكثر ياست حنان خذي رقم مرتي وارسلي لها الصور الي تصورنا
حنان بدلع: اوكيه وبعدين
رعد: وبعدين وش اطلقتس وانقلعي لزوجتس مو اصلا متفقين اتزوجتس عشان ترجعين لزوجتس
حنان وهي تفرد شعرها الطويل: بس ما اتفقنا اصورك وانا نايمه بحضنك وارسلها لمرتك
رعد بحده: انتي تزوجتيني لمصلحه وانا تزوجتس لمصلحه وخلصنا وبنطلق
حنان تاففت: ابي مقابل باختصار افهم !
رعد بعدم فهم رفع حاجبه: مقابل وش !
حنان : مو انت مكلمك طليقي عشان تتزوجني وتتطلقني عشان نقدر نتزوج مرا الثانيه و معطيك مقابل؟؟؟؟؟
رعد: ايواا ؟؟
حنان: وانا يعتبر طلبت مني شي ابي المقابل
رعد :, ها تبين فلوس
حنان :واخير فهمت
رعد : تمام تمام بعطيك الفلوس كلها الي بيحول طليقتس
حنان ابتسمت: كذا اتفقنا ارسل لي رقم مرتك !
ارسلها لها وهي بدورها
راحت وارسلت الصور الي متصورتها مع رعد وهو نايم
ابتسم رعد وهمس لنفسه: وبكذا كسرت راسك مع قلبك يالجازي
حنان وهي تتكلم بس ما سمعها: ماشاءالله تفتح بسرعه
رفع جوالها وهو يشوف صور منها وبدأ يتأملها وكلم نفسه " الحين وش يستفيد من حركتي غير اني بخرب حياتي وحياتها والله انها صاروخ
تصنم وهو يشوف اخر صوره بلع ريقه وهو يقرب للتحليل حق الحمل حس بدوخه
والتفتت لحنان بصراخ : احذفي الصور قبل تشوفهم
حنان بخوف من صرخته: بس فتحتهم زمان وردت علي وقالت من انتي
صرخ رعد بقهر من غباءه: الله يلعنـ**ـك يارعد الله يلعـ**ـني خرب حياتي ومستقبلنا بيدي
حنان بخوف بلعت ريقها: وش صاير.
التفتت لها رعد وهو يوريها صورت التحليل وقال بترجي: قولي انها مو حامل
حنان تأملت الصوره: هذا يعني أنها حامل ميه بالميه ويمكن تكون ببداية حملها
رمى رعد الجوال بقهر وهو يكسر العطور الي على التسريحه
حنان بخوف: رعد وقف يا رعد
طاح على ركبه بقهر من نفسه وبدأ يكلم نفسه: وش استفدت من حركات المراهقه هاذي الحين بنتطلق ويعيش ولدي متشتت وش سويت بنفسك يارعد وتسمي نفسك عسكري
زفر بضيق وندم شديد بس ما بيده شيء وقف وهو صاد عن حنان: امشي للمحكمه نخلص إجراءات الطلاق عشان ارجع .
أنت تقرأ
"'خلوه يرتاح ما غيره ملا عين هاويه'"
Action""وجد"" تربعت على الأرض بملل ونطقت: ياخواتي والله ماهيب حاله فطور وعشاء صامولي ردت اختي الكبيره بحنيه: احمدي ربتس ياختي غيرنا مالقى لترد علي اختي الوسطى بعصبيه: سدي حلقتس وكلي ولا يسمعتس فهد ولا عزام والله م يصير لتس خير سمعتي؟؟ اردفت بملل: ابشري يا...
