"لا اسامح القراءه بدون لايك "
سعود بتررد: ذول أخوالي أهل امي يعني
روان: تمزح! امك ساره،؟
سعود : ايه هي
روان: بتساعدني ولا؟
سعود بغباء وطيبة قلب: افااا يا بنت خالي ليه لا
روان بامتنان : شكرا
"بعد ساعات هبطت الطائره على الأرض المملكه العربيه السعوديه"
نزلوا الثلاثه ورا بعض واخذها سعود وهو يحجز لها فندق وياخذ رقمها ويرجع لاهله
"عند الجازي ورعد الي صاروا يتشاركون الغرفه نفسها وتحديداً بالفندق"
"الجازي"
تنهدت بضيق وانا اتذكر تفاصيل الليله المؤلمه بالنسبه لها ولاهلها
"نرجع لـ يومين"
دخل جدي على الغرفه ونطق بحده: اطلعوا كلكم
استوقفنا نطلع وانا معهم ولكنه استوقفني : انتي اقعدي
اخذت نفس بحقد وقهر طلعوا كلهم وبقيت لحالي معه ما طول بالكلام وهو يرمي الاوراق قدامي : وقعي على زواجك من رعد
نطقت بتحدي: اجبرني اذا تقدر
الجد بدون مطاوله طلع اوراق من جيبه: اقراي
أخذتهم بسرعه وانا اقرا واحس جاني هبوط
الجد بجمود: اذا ما وقعتي بتوصل كل ورقه لمكانها
حسيت بضعف اول مره احس فيه حسيت لو الأرض تنشق وتبلعني كيف استقلها رجعت تقرا الورق وبحكم أنها محاميه ذي الأوراق الي تودي عزام وفيصل الطرف الآخر من الحياه
نطقت بالم: بس ذي مزوره كلها مو حقيقه
الجد :ادري بس اثبتي أنها مزوره؟
قطعتهم بسرعه بيدي لقطع صغيره ورميتهم ونطقت: ورني وش بتسوي !
ضحك علي وحسيت الدم يغلي بجسمي : عندي الاصلي ذا نسخه يا بنت ابوك
الجازي بمحاوله: ماهي علوم رجال الي تسويها ياجدهم
الجد: ما سالتك وقعي ولا كيفك
بلعت ريقي بألم وانا أوقع مجبوره
لينطق ويصدمني: البسي عبايتك وشنطتك جاهزه برا
الجازي بصدمه: بعد وين بروح
الجد بحده: مع زوجك ولا ليكون ناويه تقعدين
كتمت دمعتي وجرحي ولبست العبايه بسرعه وانا احس بضعف ولاول مره احس بذا الشعور البشع تمنيت لو ابوي معي ووقف قدامهم كلهم
نزلت وراه وانا اشوف فهد يركض لي ويمسكني بيدي بيركض يهربني بس وقفته
فهد بسرعه: لا تضنين أنهم بيجبرونك و
قاطعته وانا اصدمه: وقعت وخلصت
عزام بصدمه: نعم !
فيصل بغضب: ما راح تروحين مكان اغضبي ارضك
سكتت وانا اشوفهم كيف اندفعوا لناحيتي بس مسكوهم بأمر الجد
تقدم رعد وهو يمسك يدي ويبوسها قدامهم لأجل يستفزهم
سحبت يدي وانا اتفل عليه وبهمس :تفو على رجولتك ومن رباك ومن ربا ابوك
رعد باستفزاز: معليه يازوجتي نتفاهم بعدين
فيصل : لا تروحين معه بطلقك منه بسوي كلشي وبوقف معك
عزام بسرعه: ايه لا تحسبين ان نحنا عاجزين وقفي يالجازي لا تروحي
مسك يدها رعد وهو يجرها وهي تحاول تفلت منه وهمست له بضعف: خلني احضنهم خلني ابوس رأسهم
رعد بجمود: احلمي
فهد بصراخ وغازي ماسكه: اجلسي يابنت ابوي لا تتحركين
فلتت يدها بقوه من يد رعد وهي تركض لفهد وتحضنه بقوه حاول يفلت بس كان غازي اقوى منه
همست بإذنه : بوداعة الله ياسندي انتبه على خواتي بامانتك
سحبها رعد بقسوه وهو يطلع فيها ويطلعون
" صحت على صوت رعد ومعه اكل"
رعد: كلي لا تموتين وتوهقيني
الجازي بقرف: اعتقد ما يخصك
رعد جلس جنبها وهي ابتعدت وابتسم: اتوقع يخصني يا زوجتي
الجازي بسخريه: ما الومك زوجتي زوجتي مصدوم انك تزوجت وانت وجهك مثل الشبشب
ضحك رعد بقوه وهو يبوسها بخدها عشان يستفزها اكثر
صرخت بقهر: ابعد يامقرف
غمز لها: مقرف لعيونك عادي راضين
قامت وهي تدخل الغرفه وتقفل سامحه لدموعها تنساب وتعبر عن شوقها لأهلها""
أنت تقرأ
"'خلوه يرتاح ما غيره ملا عين هاويه'"
Action""وجد"" تربعت على الأرض بملل ونطقت: ياخواتي والله ماهيب حاله فطور وعشاء صامولي ردت اختي الكبيره بحنيه: احمدي ربتس ياختي غيرنا مالقى لترد علي اختي الوسطى بعصبيه: سدي حلقتس وكلي ولا يسمعتس فهد ولا عزام والله م يصير لتس خير سمعتي؟؟ اردفت بملل: ابشري يا...
