" Sean "
" အင်းပြော "
" ဝမ်ရိပေါ်ရဲ့ဆေးစစ်ချက်အဖြေထွက်လာပြီ "
ညာလက်ရုံးဖြစ်သည် ကျိုးချန်ရဲ့စကားကြောင့် Sean ခေါ် ရှောင်းကျန့်၏မျက်နှာသည် တည်ကြည်လေးနက်သွားသည်။ Sean ဆိုသည့်သူသည် ဒုစရိုက်လောက၏ နတ်ဆိုးတစ်ပါဖြစ်သည်။ လူသတ်သည်။ ဘိန်းရောင်းသည်။ လက်နက်မှောင်ခိုလုပ်သည်။ သို့ပေမယ့် ပြည်တန်းစားလုပ်ငန်းကိုတော့ လုံးဝရှောင်၏။ အကြောင်းရင်းက Sean သည် သူ့ကိုမွေးဖွားပေးသည့် မာမားကိုတန်ဖိုးထားလွန်းလို့ အခြားအမျိုးသမီးဘဝတွေကို သူ့ကြောင့်မပျက်စီးစေခြင်း။
" ဆေးစစ်ချက်ကဘာတဲ့လဲ "
" Dominant Omega "
ကျိုးချန်ရဲ့အဖြေကြောင့် အညိုရောင်သန်းနေသည့် Sean ၏မျက်ဝန်းညိုကြီးတွေသည် နူးညံ့ရိပ်အနည်းငယ်ပျော်ဝင်လာခဲ့သည်။
ထင်သားပဲ ကလေးငယ်ငယ် မင်းက Omega တစ်ယောက်ဖြစ်နေမယ်ဆိုတာ။
.
.
.
" Dominant Omega ဟုတ်လား "
" ဟုတ်ပါတယ် ခေါင်းဆောင် ။ Sean ရဲ့မွေးစားသားစစ်ဆေးချက်အဖြက Dominant Omega ပါ "
ဝမ်ချောင်းတစ်ယောက်သူ့လက်ထောက်ကပြောလာသည့်စကားတွေကြောင့် သဘောကျသလို တစ်ဟားဟားအော်ရယ်သည်။ ဝမ်ချောင်းဆိုသည့်သူကလည်း မှောင်ခိုလောကရဲ့ဆရာတစ်ဆူပဲမလား။ ဒါပေမယ့် Sean ဆိုတဲ့ခွေးကောင်ကြောင့် ခြေလှမ်းကျယ်ကျယ်လှမ်းလို့မရဖြစ်နေရသည်။ ရှေ့ကနွားကမြန်မြန်မသွားတော့ သူကနောက်ကောက်ကျနေရသူမလို့ Sean ဆိုသည့်လူကို အပြီးသတ်ချေမှုန်းဖို့လမ်းစရှာနေခဲ့သူမလို့ အခုတော့ ရန်သွားစဖို့လမ်းစပေါ်လာပြီဖြစ်သည်။
" Black"
" ဟုတ်ကဲ့ခေါင်းဆောင် "
" ငါအမြန်ဆုံးလိုချင်တယ်ဝမ်ရိပေါ်ကို "
" ဟုတ်ကဲ့ဖြစ်ရစေပါမယ် "
.
.
.
ကြီးမားကျယ်ဝန်းတဲ့ခြံကျယ်ကြီးတစ်ခြံရဲ့ ခန်းနားလွန်းတဲ့အိမ်ကြီးထဲက အိပ်ခန်းတစ်ခန်းထဲမှာ အိပ်ပျော်နေတဲ့ဆယ်ကျော်သက်အရွယ်ကောင်လေးတစ်ယောက်။ အသက်အရွယ်အားဖြင့် တစ်ဆယ့်ခြောက်နှစ်အရွယ်ရှိပြီး ယခုရက်ပိုင်းကမှ အဆင့်သတ်မှတ်ချက်ဖြစ်သော Omega အဖြစ်အသိအမှတ်ပြုခံထားရသူလေးဖြစ်သည်။
