واقفه بتدندن وتقول "وحياه عينيك وفداها عنيا" "انا بحبك قد عنيا" "لا قد روحي..لا لا شويه" "طب قد عمري..برضو شويه".."حيرتيني.."توهتني.." غلبتني".. وياك كده لي"
عمر من وراها كمل وقال: "نستني كنت هقولك اي"
نور: لفت وراها بسرعه وراحت حاوطتو بأيديها وابتسمت وقالت نورت
عمر:حاوط خصرها بأيديه وقال بغزل انتي النور كلو
نور: ضحكت امم غلبتني كده
عمر: محدش يقدر يغلبك وغمز وقال بتعملي اي
نور: نسكافيه استني اعملك تاكل وبعدين نشرب انا وانت في الجنينه
عمر: حرك براسو بمعني لا وقال: لا انا جايب اكل واحلي سهره الليلادي وغمز
نور: صقفت هو ده الكلام وخرجت هي وعمر وجابو الاكياس الي فيها الاكل وحجات البيت وبعدين عمر اخدهم منها حطهم علي الرخام وشالها بحُب وقال: مش عاوزك تتعبي انهارده وشالها قعدها علي الرخام وباس خدها وقلع القميص ووقف هو وبقي عاري الصدر امامها وخرج كل محتوايات الشنط علي الرخام وبقي يحط الفاكهه في مكان والحلويات والشيبسي والمشروبات وفوسط ما هو بيعمل بص لنور وقال: عاوز اسمع جمال صوتك وغمز بمعني غنيلي بصوتك الي عشقته نور ابتسمت وبدأت تدندن بحُب المرادي بأغنيه عمرو دياب وتقول: "ياما ليالي شاغل خيالي ومسبتنيش" "ده حبيبي.. حبيبي اغلي من عمري" ونطت من علي الرخام وراحت حاوطت عمر بإيديها وعنيها في عنينه وقالت بصوتها الجميل وكله حُب "وحياتي كلها ليه" عمر: ضحك وصوت ضحكته رن في ارجاء المكان علي محاوطتها وتغزلها ليه وقال: "ده حبيبي" نور كملت وقالت "حبيبي قولتها بقلبي"
عمر: شدد علي محاطته ليه اكثر وقال وعنيه كُلها حُب "دوا روحي حته من قلبي" كملت نور وقالت "ولا يحلي عُمري غير ليه".... خلصت كلمات الاغنيه وهي باصه لعيونه وكأنها بتاخد منو طاقه وبتديلو فنفس الوقت عمر شالها اول ما خلصت وغمز وراح قعدها علي الرخام وقال بغزل: لو فضلتي علي كده هكنسل السهره وانتي عارفه بقي وغمز وضحك
نور: شدتو عليها وحطت ايدها حوالين رقابتو وقالت مش مصدقه إن الجمال ده كلو ليا انا وبس
عمر: ولله ولا انا مصدق اصلي حلو بزياده انا عارف وضحك
نور: ضربتو بخفه علي قلبو.... عمر ضحك وحط ايدو علي قلبو وردد: قلبي
نور: غمزت وقالت سلامتو وزقتو جامد وغيرت نبره صوتها من دلع لمرح وقالت: خلص بقي
عمر: فضل يضحك علي تغيرها السريع وقرباها منو وكمل الي كان بيعملو..... اما عن فؤاد وزينه فَ من بعد ما مشيو من المستشفي كانو زعلانين من بعض بس فؤاد ميقدرش علي بُعد زينه فَ كلمها وهي كانت بتعيط عشان هما الاتنين زعلانين من بعض هو نزل راحلها البيت وكانت مامتها واهلها موجودين قالهم انو عاوز يتكلم مع زينه وزينه خرجت وكان باين عليها العياط وانفها وعيونها لونهم احمر اثر البكاء
فؤاد: خدها من ايدها وقعدها ومسح دموعها بحنان وقال: اهدي عشان نتكلم
زينه: هديت شويه نعم
فؤاد: بصي يزينه انتي عارفه عمر طيب قد اي وبيعزك ازاي ودايما شايفك اختو الي ربنا مرزقهوش بيها وعارفه قد اي هو تعبان وما صدق ربنا بعتلو نور عشان تعوضه عن كل الي راح والي حصل امبارح عصب عمر لانو مش بس بيحب نور ده بيعشقها لانو لقي فيها الي يعوضه عن كل الي اتحرم منو تيجي انتي وتسمعيه كلام وحش اووي وتقوليله انو مريض نفسي من امتي وانتي بتقولي كده يزينه من امتي وانتي معتيش بتخافي علي احساس الي قدامك فين زينه الجميله الي بتخاف تقول كلمه للي قدامها عشان ميحسش بإحساس وحش فين زينتي الي بتخاف علي مشاعر الناس وبتخاف عليهم لي تقولي كده لعمر وانتي عارفه انا بحبو قد اي ودي مشاكل بينو وبين باهر انتي مينفعش تتدخلي دول رجاله مع بعض انتي بنت حتي لو انا الي اتخانقت مع مين انتي متدخليش خليكي بعيده عن اي مشكله ومتسمعيش حد كلام وحش بشكل ده يزينه انا مش هعاتبك ولا هزعل خلاص لان حصل خير وانتي حبيبتي يزينه بس عمر تعب امبارح بسببك عارفه لي جاله نوبه غضب ووهم اتوهم ان كل الي حواليه بيقولوه انو مريض نفسي بسبب كلمتك انا دكتور نفسي عدي عليا مواقف زي دي واكتر وفهمت عشان كده عمر فقد وعيه وكان بيحاول يوقف الصوت الي سامعه لو تفتكري شكله وهو بيبص حواليه بمعني انو موهوم وفي عالم كلو وهم محتاج الي يفوقه منه وانا بحبك وبحب عمر وعمري ما اقدر اخسر حد فيكم فَ انتي بدل ما كنتي بتقوليلي خلي عمر يخف ويكون كويس حرام تروحي انتي تخلي حالته تسوء اكتر مش معني انو مريض نعايره يزينه انا عارف انك كنتي متعصبه بس ارجوكي بعد كده اتحكمي في كلامك الله واعلم كان ممكن اي يحصل واخر حاجه عارف أنك زعلانه عشان قلتلك اطلعي برا بس لو مكنتش قولت كده كان المشكله هتكبر اكتر وعمر هيتعب وباهر مش هيسكت لأنك اختو وانا مش هقدر اشوف عمر حاصلو حاجه واسكت وكل ده بسبب حبيبتي وبسبب كلام هي قالته وقت غضب معني كلامي مش اني مستعد اخسرك بالعكس انتي روحي وحبيبتي ومقدرش اعيش من غيرك انتي الحاجه الي باخد طاقتي منها وبتخليني اضحك بس ده اخويا الي ربنا مرزقنيش بيه فَ ارجوكي يازينه متزعليش ولا تحاولي تدخلي في مشاكل انتي ملكيش علاقه بيها افهميني انا خايف عليكي ومش هخاف علي حد قدك ومش عاوزك تزعلي اني قلت حاجه تدايقك وخلاص يازينتي المسامح كريم وخلي قلبك ابيض انا فؤش حبيبك هاا وغمز
زينه: كانت بتسمعو وفي الاول كانت زعلانه من كلامو الي حسسها انها مش مهمه بالنسبالو بس بعدين صبرت وسمعت للأخر وراضها وراضي قلبها وجبر خاطرها وهي ابتسمت ودمعه منها نزلت وفؤاد اول ما لمح ابتسامتها ابتسم بحب علي زينته الجميله الي ميقدرش يعيش من غيرها ومسح دموعها بحنان
زينه: حاضر يا فؤاد هعمل كل ده بس انت متقللش مني قدام حد ولا تكسفن...
فؤاد: قاطعها مقدرش.. مقدرش اقلل منك ولا عمري انتي نفسي التانيه وزينه حياتي ازاي اقلل منك ولا اكسفك حتي عُمري ما افكر انتي تاجي ومراتي المستقبليه وام عيالي بأذن الله اوعي تقولي اني اقلل منك دي او اعمل حاجه تزعلك او زعلك يهون عليا ده يهون العُمر كلو والتعب كلو لأجل ابتسامه زينتي تظهر عمري ما اقدر اعملك حاجه تزعلك يزينه ولله ويشهد ربنا... خلص كلامو وكان بيحاول يوصل بعض من حبو ليها ولقي ابسامتها الي بتهون عليه اي شيئ ظهرت تاني ابتسم بحُب ورضا وقال اجمل ضحكه فحياتي ربنا يقدرني واخليكي دايما مبسوطه
زينه: ربنا يخليك ليا ويقدرني واسمع كلامك واعوضك عن اي حاجه وافرحك يارب
فؤاد: يارب يا ام عيالي وضحك وغمز وقال يلا قومي البسي عشان نخرج زينه قامت بفرحه ايوا يفؤش وضربت كف ايديه گ سلام وجريت تلبس اما فؤاد خرج لقي مامتها وباباها قاعدين وباهر داخل قعد واستأذنهم فإنو هياخدها ويخرجو ومش هيتأخرو ابو زينه ابتسم ووافق لأنو واثق في فؤاد وعارفو كويس وعمرو ما خاف علي زينه طول ما هي مع فؤاد بالعكس ده يخاف باهر يزعلها او اي حد يزعلها الا فؤاد لانو عارف انو بيحبها ودايما بيشوف ده في عينيه ومعاملتو معاها.... زينه خلصت وفؤاد خدها ومشيو
عند نور وعمر كان عمر خلص الاكل وكان بيحطو برا في الجنينه وخلص ونور خرجت وكانت شايله الايس كوفي وعمر اخدو منها وحطو وقعدو واتغطت والفيلم اشتغل والاتنين قاعدين بياكلو بيتزا وكريب ومندمجين.... خلصو اكل وعمر اخد من نور الطبق الي كان علي رجليها وحطو علي الطرابيزه وجاب الايس كوفي بتاعها وبتاعو وجاب المكسرات ونور اخدتهم وشكرتو وشربت عمر بصلها وضحك واخد واحده كاجو وقربها من بوقها ونور اكلتها وبعدين قربت منو وحضنتو وفضلت علي وضعها وهي بتتفرج علي الفيلم وبتشرب الايس كوفي الي عملهولها وكان عاجبها اووي من ايديه ومن وقت للتاني كان عمر بيأكلها وهو باصص للفيلم وبيشرب معاها وفضلو قاعدين في الجو الجميل المليئ بحُبهم
..... بعد مرور ايام وعمر عرف فؤاد واحمد علي الي مراد قالو ومراد رن علي فؤاد وقالو ورن علي احمد برضو وقالو وفؤاد فرح ان اتغير فعلاً واحمد كذالك وكان الكل بيحضر لقرأه فتحتهم وعمر وفؤاد واحمد كانو عاوزين يفرحوه وعملولو مفجأه وكانو متفقين وعمر جاب لنور فستان باللون الاخضر الهادي بس مكنش مكشوف ولبس قميص باللون الاخضر الهادي علي بنطلون اسود وجزمه اسود وساعه فيها لون اخضر هادي وكان رافع اكمام القميص وفاتح اول زرار ولابس دبله تدل علي انو متجوز وبجانبه خاتم تاني والسلسه الي في رقابتو وكان شكلو هو ونور يجنن اما فؤش وزينه واحمد ورقيه فَ لبسو زي عمر ونور لانهم متفقين علي كده والمختلف حنان ومراد كان مراد لابس قميص ابيض علي بنطلون اسود وحزام ابيض وجزمه بيضه واكمام القميص رافعها والساعه واول زرار مفتوح في القميص مع البرفان وجسمو كان شكلو يخبل وزاده وسامه اما حنان لبست فستان رقيق جدا باللون الابيض والطرحه ابيض والهيلز ابيض وميكب خفيف جدا ورقيق وكان شكلها تحفه اووي.... كلو جهز وكل واحد اخد حبيبتو وركب عربيتو وراحو علي بيت حنان وكان مراد ماسك بوكيه ورد وماشي في الشارع وكام واحد من اصحابه ماسكين صواريخ بتطلع نار گ زينه وعمر وفؤاد واحمد ماشين وراه بالعربيات مراد ماشي والبنات بتسقف ونور قالت: عمر ممكن ازرغط عمر ضحك وقال لو بتعرفي زرغطي يست نور فرحت وزرغطت وطولت فيها وكانت صوتها عالي فيها زينه قالت لفؤاد كذالك فَ ضحك وقال فتحت علينا يسي عمر وقال زرغطي يختي زينه زرغطت برضو واحمد بص لرقيه وقال موافق موافق يلا فرحه ع الكل وضحك ورقيه ضحكت بكسوف وزرغطت معاهم وحنان واقفه في البلكونه بصالهم بكل حُب وصحبتها هبه جمبها وامها جمبها وبيصورو وهي مسحت الدمعه الي نزلت منها بسرعه وثواني وكانو فوق وامها وصحبت عمرها بتزرغط ونور ورقيه وزينه معاهم وكان الحو مليئ بالسعاده والدفئ ومراد في قمه انبساطو هو وحنان والرجاله دخلو قعدو وام مراد كانت قاعده وعمر بدأ وقال احنا طالبين القرب منك في الانسه حنان لمراد... وعملو التقاليد المصريه الجميله وحنان خرجت بالمشروبات والبنات بتصورها وبيزرغطو وقراو الفتحه واول ما قالو صدق الله العظيم كانت الزراغيد رنت في ارجاء المكان وام حنان حضنتها وكانت بتدمع بحُب ومصطفي اخوها حضنها وباباها كذالك واخوها الصغير كذالك دليل علي فرحتهم بيها وهبه صحبه عُمرها حضنتها والشباب حضنو مراد وباركوله وهو كان مش مصدق إن أخيراً ربنا عوضه بأميره زي حنان وبأصحاب زيهم اما مامت مراد فَ كانت فرحانه بِ حنان ومبسوطه بإختيار ربنا لابنها وإختيار ابنها برضو وحمدت ربنا وادت حنان هديه وكانت عباره عن سلسله اقل ما يُقال عليها جميله ورقيقه وشكلها كان باين عليه الغلاء كانت رفيعه وفيها جوهره صغيره وبتلمع بشكل غريب بس كان شكلها يلفت النظر من كتر جمالها حنان شكرتها وحضنتها ومامت مراد قالتلها انها جيباها مخصوص من الجوهرجي بتاعها تحافظ عليها عشان دي هديه منها ليها بعيدا عن اي حاجه حنان اتبسطت جدا وعرفت انها غاليه بجد ومش شكل علي الفاضي... بيمر الوقت والكل بيفرح وينبسط وبيخلصو ومراد بيقعد مع حنان لوحديهم شويه يعبر عن حبو ليها ودلوقت يقدرو يتكلمو براحتهم لان بينهم حاجه رسمي اما الباقي فَ قررو ميروحوش وطلعو علي بيت عمر ووهما ماشين كانو جابو حجات كتير شكلهم هيقضو السهره عندو وعمر الي قايل كده وهما وافقو وطبعاً فؤاد استأذن ابو زينه وهو مكنش موافق في الاول بس فؤاد اقنعه واتفقو انهم هيقدمو الفرح لأن كده زينه مش بس حبتو لا دي عشقتو وبابا زينه وافق لأن فعلا بقالهم سنه مع بعض وكان كل ما فؤاد يعوز يقدم الجواز هو ميوافقش عشان يخاف يكون اختار غلط مع إن زينه وفؤاد بيحبو بعض من قبل الخطوبه بس باباها برضو حابب يطمن علي بنتو... وصلو علي بيت عمر ونزلو وكل واحد كان شايل اكياس والكل دخل يغير وكأنهم كانو متفقين علي كده اصلا ومشاء الله البيت كان كبير بس دور واحد وعمر الي مصممه زي مقولنا ومأتقن فيه.... خلصو تبديل ملابسهم والشباب كان عمر خرج الشوايه برا في الجنينه وفؤاد بيظبط القعده واحمد بيحضر الاكل اما البنات فَ كانت بتساعدهم بيمر وقت وكانو خلصو وعمر واقف قدام الشوايه وبيعمل اللحمه ومحاوط نور وبيتغزل فيها علي ما اللحمه تتعمل اما احمد ورقيه ف كانو قاعدين بيشربو نسكافيه ورقيه كانت حامل وباين عليها اما فؤاد وزينه واخدين جمب وفؤاد حاطط رأسه علي رجل زينه وبيكلمها وهي بتكلمو وبتضحك والشاشه شغاله علي اغنيه ام كلثوم وبتقول "الليل وسماه" "ونجومه وقمره" " قمره وسهرو " عمر كان بيقلب اللحمه وبيهوي عليها والريحه جميله وسابها وحاوط نور ورقص معاها وكان بيقول "وانت وانا" نور: قالت: "ياحبيبي انا" وكملو رقص وفؤاد قال لزينه " يا حياتي انا"
زينه: كانت بتبصلو بحُب وهو كان ماسك ايدها باسها وقال "كلنا كلنا" "في الحُب سوا" وغمز لزينه وهي ابتسمت وقام وقال: ضحكت يعني.. قلبها مال وابتسم وبعدين حط ايدو علي وجهها بحنان وقال: بحبك يزينه حياتي ولو عيشت عمري تاني وتالت هتكوني انتي اختياري الأول والأخير
زينه: وانا كمان يافؤش ولله بس مش يلا بقي انا جوعت
فؤاد: طيب يختي كوليني احسن وضحك وقام لقي نور وعمر بيرقصو ومسمتعين بالسهره فؤاد بصلهم وقال: يعيني عليك يا فؤاد ياحبيبي كلو واقع في الغرام ومستمتع الا انت يقلب امك واقع في واحده بتحب النوم والاكل يارب صبرني يارب وارزقني الي هما فيه يارب وبعدين كان رايح يعمل اللحمه هو بس قال بتفكير: إن لم تستطع اسعاد نفسك فَ عكِر مزاج الآخرين وراح لعمر ونور وقال بصوت شبه عالِ الأكل يا استاذذ الأكل
عمر: بعد عن نور وقال.....
#نور_العُمر24
#بقلم_حبيبه_محمد
أنت تقرأ
نور العُمر (مُكتمله)
Romanceكان سَجين داخِل ذِكراه ومَاضِيه ولَكِن أتَت هِىٰ وأفرَجت عنهُ، وأخذت بِيده إلىٰ طريقِ النُّور، وأصبحت هِىٰ دَوائُه ومُنقذّتُه مِن عَالمهِ الأسود ولَكِن.. فى طريقهُم صُعُوبات هَل سَيَستسلِم كُلاً مِنهُم أم لا؟! للـ كاتبه/حبيبه محمد .
