نور العُمر (مُكتمله)

25

إن لم تستطع إسعاد نفسك فَ عكِر مزاج الآخرين وراح لعمر ونور وقال بصوت شبه عالِ: الأكل يا استاذذ الأكل
عمر: بعد عن نور وقال: يخربيتك يا فؤاد وانت فصيل غور يعم الاكل هناك اهو
فؤاد: لا يخويا انت الي هتعمل يلا وزقو ونور وقفت تضحك فؤاد قال بضحك: إن لم تستطع إسعاد نفسك فَ عكِر مزاج الاخرين وضحك ونور ضحكت علي تفكيرو وقالت: يخرب عقلك يافؤاد
فؤاد: كان بيضحك بس بصلها بدون ريأكشن وقال انتو عاوزين تخربوني يا تخربو بيتي الي لسه متفتحش مش كفايا الي معايا يارب
نور: فضلت تضحك يعيني عليك يا ابني طب روح روح ربنا يسهلها عليك فؤاد مشي ونور راحت لعمر وعمر كان بيضحك علي ضحكتها الجميله
...... خلصو وقعدو واكلو كلهم وبعد ما اكلو كانو قاعدين بيشربو قهوه وايس كوفي من الي عمر بيعملو وبيتفرجو علي الفيلم وكل واحد واخد حبيبتو جمبو ومتغطين بس الفرق ان نور حاضنه عمر وكانها بتدَفي بيه ورقيه كذالك اما فؤاد وزينه فَ مكانوش قريبين من بعض زيهم لانهم لسه مش مكتوب كتابهم فؤاد بصلهم وكأنو هيعيط عشان هما قادرين ياخدوهم في حضنهم وهو لا بس ابتسم بعديها بحُب ودفئ وبيدعي ربنا يحفظهم كلهم ويعوضهم كلهم ويوفقهم مع بعض
.... بيمر الوقت وكانت نور نامت ورقيه علي كتف احمد وزينه نامت علي كتف فؤاد فَ عمر دخل نور وغطاها وخرج وقال لفؤاد مش لازم يروحو هما كمان وهو هيكلم ابو زينه فؤاد قالو تمام واحمد كان اخد رقيه ودخلو في الاوضه واخدها في حضنو ونامو وعمر وقف برا ورن علي ابو زينه وثواني كان رد وعمر فضل يقولو ان زينه نامت وبكره الصبح هتيجي وهي فأمان وفؤاد معاهم وميقلقش بس كان باباها رافض انها تنام برا رفض تام بس بعد محااولاات كتير من عمر وفؤاد وافق عشان ميقلقوهاش وقال لعمر انو واثق فيه بس هو معندوش حد بينام برا البيت وعشان كده ياخد بالو منها عمر قالو حاضر وطمنو ودخل وفؤاد دخل ونام بس في اوضه غير الي زينه فيها وعمر فتح باب اوضتهم لقي نور قاعده علي السرير راحلها بسرعه وقال: اي الي صحاكي يا نور مالك
نور: ردت بنوم كنت بحلم بحلم وحش اووي يا عمر
عمر: طيب اهدي يحبيبتي واذكري ربنا ونامي ونام جمبها واخدها في حضنو ونامو
بعد مرور شهر وكان تم جواز زينه لِفؤاد وخطبه حنان لِمراد ورقيه جابت ولد واسمو سيف ونور بقت حامل وكان بس فاضل فرح حنان علي مراد وبس اما بخصوص بسيم فَ خلاص كان اخد جزاؤه ومامتو عرفت وحاولت تخلي اي محامي يخرجه بس اتعدم وفضلت عايشه حزينه وكرهت نور وجوزها بعد ما عرفت الحكايه..... كان الكل متجمّع عند احمد ورقيه عشان البيبي بيطمنو عليه لأنو كان في الحضانه بقالو اسبوع وكان كل واحد جايب هديه شكل للبيبي(سيف) ونور وزينه وحنان كانو فرحانين بيه جدااا مراد قال بحماس في مفجأه... الكل بصلو وقالو اي مراد قرب من حنان ومسك ايدها وقال بمناسبه خروج سيف من الحضانه قولت كفايا كده بقي وكلمت باباكي اننا مش محتاجين اي حاجه واني بحبك وكده و... بصلهم كلهم بإبتسامة وقال: حددت معاه ان الفرح وكتب الكتاب اخر الاسبوع دهه الكل اتبسط واتصدم وحنان حطت ايدها على بوقها وعينها دمعت من الفرحه والكل بارك وسلمو وادو الهدايه لسيف وفضلو قاعدين مبسوطين ومن تاني يوم كانت حنان والبنات سوا بيحضرو للفرح مفيش غير ايام بس علي الفرح والشباب كانو بيحضرو مراد وبيحضرو مفجأه ليه
بيمر كام يوم والكل كان سعيد جدا وحنان عزمت كل صحابها ومراد وعمر والكل كذالك لانهم كانو فرحانين ليهم وهبه صديقه حنان كانت مع البنات وهما بيحضرو للفرح وخطيبها اتعرف علي مراد وخلاص كل حاجه كانت جهزت وخلصت والفرح كان هيتعمل في الفندق الي عمر ومراد مشاركين فيه وكان عمر مظبط كل حاجه لمراد ومبسوطين لبعض
... كل حاجه جهزت والقاعه اتملت ناس وحنان والبنات في اوضه في الفندق وكانت هبه بتأكل حنان وهي بتخلص عشان متتعبش وخلصو وكانت نور لابسه فستان ازرق مع الهيلز والاكسسوارت والتسريحه والميكب الخفيف شكلها كان جميل خالص وزينه فستان احمر رقيق مع تسريحه شعر جميله وميكب خفيف واكسسوارات رقيقه وجميله وهيلز كان شكلها يجنن ورقيه لابسه فستان سماوي رقيق وميكب خفيف مع الهيلز والاكسسوارت والتسريحه شكلها كان يخبل اما حنان لبست فستان ابيض بالطرحه بيضه وشكلها كان زي الاميره الجميله وهبه صحبتها لابسه فستان وردي هادي والطرحه ابيض والهيلز ابيض مع الشنطه والميكب الرقيق وكان كلهم شكلهم زي الاميرات الملفته كل واحد اخد حبيبتو ونزلو للقاعه ومصطفي كان واخد ايد حنان وسلمها لِمراد وقال: لو فيوم اتخنقت منها او دايقتك متعملهاش حاجه ولا تزعلها استحملها وراضيها وانا هكون معاك في اي وقت بس بالله عليك تحافظ عليها هي مفيش احن ولا اطيب منها مراد رتب علي كتفو وقال: متقلقش ولله هحافظ عليها بروحي وإن شاءلله ربنا يقدرني واكون الراجل الي يسعدها ويفرحها بإذن الله واخد ايدها وتم كتب الكتاب وبقت حنان مرات مراد ووالد حنان قال: حنان أمانه هسألك عليها يوم الدين متزعلهاش يابني لو فيوم مبقتش تحبها وبصيت لغيرها رجعهالي ومتأذيهاش رجعهالي ومش عاوز منك حاجه بس متخليهاش حزينه ولا تزعلها اديتك روحي بين ايديك اتمني تحافظ عليها واوصيك عليها تكون السند والأدب والاأخ والصديق والأبن وكل حاجه في حياتها وانا واثق إن بنتي هتصونك وهتعمل كل الي تقدر عليه عشان تسعدك فَ انا بسلمك روحي وحبيبتي وبنتي واختي وصديقت عمري علي كفوف من ورد حافظ عليها من نسمه الهوا
مراد: حضنو ورتب علي ضهرو بحُب وقال: متقلقش ياعمي وأنا قد الامانه بأذن الله والوصيه وهكون كل ده ولله وعمري ما هعمل اي شيئ يزعلها دي حبيبت روحي وحناني كلو وبص لحنان بحُب حنان مسحت دموعها وراحت حضنت باباها واخوها وهي بتعيط وبعدين حضنت مامتها واخوها الصغير وبعدين هيصو وكانو بيرقصو والبنات بتزرغد هي وصُحاب حنان وكان الجو مليئ بالسعاده والانبساط وكانو كلهم بيرقصو مع حنان ومراد وعمر كان مفهم نور متتحركش جامد ولا كتير عشان هي في اول حملها وتاخد بالها من نفسها
..... بيمر وقت والفرح بيخلص والكل بيمشو بعربياتهم بعد ما ودعوهم ودقايق وعمر ونور وصلو لبيتهم وفؤاد وزينه راحو لمطعم ياكلو برا اما نور اول ما بتخطي خطوه لجوا البيت اضاءه بتشتغل وكان شكلها تحفه وهي بتبص لعمر ومبتسمه وماسكه ايدو عمر شالها ودخلو وكان محضر ليها مفجأه دخلت لقت ورد احمر وشموع واضاءه جميله واكل متحضر شكل عمر مظبط كل حاجه نور حضنتو بحُب وقالت شكراً اووي ده عشاني عمر هز راسو بمعني اه وقال: ايوا يلا ادخلي غيري بقي عشان النهارده ليلتي وضحك
نور: ضحكت والاتنين دخلو غيرو ودقايق وخرجو ونور كانت لابسه قميص نوم حرير باللون الاحمر وقصير والضهر عاري وعمر لبس شورت للركبه باللون الاسود وقعدو ياكلو ووسط الاكل كان عمر بيتغزل بنور ومن وقت للتاني بيأكلها
... خلصو اكل وعمر حاوط خصرها بإيديه وشالها ودخلو اوضتهم اما عند احمد ورقيه فَ احمد كان خدها وراحو علي قعده رومانسيه علي البحر محضرها ومفيش غيرهم وبس وكان في الاكل واكلو وقعدو مع ضوء القمر وجمال البحر والاضاءه وكانو بيرقصو وسيف ابنهم عند جدتو... اما عن حنان ومراد فَ الشباب كانو حضروله مفجأه جوازه وهي أنهم ودوه لجزيره علي البحر للعرسان الجداد وبس وكان صاحبها صديق لعمر وهما ظبطو كل حاجه عشان يقدرو يستمتعو بشهر العسل بعد ساعاات مراد وحنان وصلو ونزلو وكان اضاءه المكان جميله ومريحه بشكل واول ما دخلو كان مكتوب مراد and حنان وقلب وزينه ووقتها نزل ورود عليهم من فوق ومراد طقطق بصوابعه بتجاه السما وحنان بصت علي السما لقت مكتوب بالنار i love you hanoon شكلها كان جميلل اووي حنان حضنتو بحُب وقالت شكراً علي كل حاجه شكرا بجد مراد بادلها الحضن ودخلو للجناح بتاعهم وكان محطوط زينه جميله وهاديه ومع كل خطوه بيخطوها اضاءه بتشتغل وفي الجناح نفسو دخلو لقو مكتوب بالورود مراد and حنان وشكلها كان جميل جداً مراد فتح ستاير الجناح وكان بيطل علي البحر حنان بصت بأعجاب وقالت: يخبر ابيض علي الحلاوه مراد حاوط خصرها بأيديه وقال ربنا يقدرني واحققلك كل الي بتتمنيه حنان حضنتو وقالت: انا مش عارفه اوصف فرحتي ولا حبي ليك قد اي مراد حط ايديه علي شفايفها وقال: اشش ردك واصل المهم انك تكوني مرتاحه ومبسوطه معايا حنان شالت ايديه وقالت بحُب: مبسوطه دي قليله ربنا يخليك ليا وميحرمنيش منك ابدا
مراد: قبل خدها بحنان وقال: يلا نغير ونبدأ حياتنا بالصلاه حنان ابتسمت علي كلامه وقالت: حاضر والاتنين دخلو بدلو لبسهم ومراد ساعدها تبدل فستانها ولبست العبايه وهو غير واقام الصلاه
.... خلصو صلاه ومراد قربها عليه وقال تقبل الله
حنان:رددت بإبتسانه مننا والاتنين قامو وحنان بدلت الاسدال وقعدو علي السرير.. مراد لمس شعرها بحُب وقال: بحب كل حاجه فيكي ياحنان بحب ضحكتك وعينك وشعرك وكل حاجه فيكي انا بقيت بدمنك بقيتي زي الدم الي في اوردتي
حنان: ابتسمت بخجل وقالت وانا بحبك اووي يا مراد بجد وربنا يقدرني واكون الزوجه الي تقدر تسعدك ورددت بحنان: ولو في يوم هتميل فَ انا كتافي هتشيل
مراد: ابتسم وقبل كف ايدها بحُب وقال: طب تسمحيلي اخدك في عالمي تلقي نظره علي جزء من حبي ليكي
حنان: مسكت ايديه بحُب وهزت راسها بالموافقه مراد ابتسم وذهبو لعالمهم الجميل الي صنعوه سوا بالحلال وامام ربنا وعاشو كل حياتهم بالحُب والإيمان وبقي كل واحد فيهم حبو بيزيد جواه كل يوم وكملو حياتهم في حُب ودفئ بعد صُلح الشر وتغيره للخير (ولأن الحلال اجمل فَ هنستناه♡) .
تمت بحمد الله وحابه اقول إن قصه البطل حقيقيه وانا غيرت فيها شويه أتمني تكون عجبتكم وإستفادتو ولو بحرف واذا حابين اعمل جزء تاني قولو بستني رأيكم علي صفحتي بإذن الله وأخيراً وليس أخيراً انتظروني في روايه ومغامره جديده بقلم حبيبه محمد .
نور_العُمر_النهايه