إلى...

-إلى رفوعتي...

هلا بحبيبتي
معزتج بقلبي وحبي الج أبد مو عادي
رفعت أنتِ شخص حاليا محتل المركز الأول بقلبي اتمنى ما تتغيرين وتبقين نفس ما أنتِ واتمنى الشغلات الي علمتيني عليهن ما تغيريهن وتنسيهم لأن ما أحب شخص يعودني ع شي وادور يتغير
حرفياً رفعت تعلقت بيج اهواي وأريد ابقى وياج وما أريد انهي علاقتنا ولا أريدج تعوفيني واذا الموت فرقنا على الأقل اني أموت اول مو أنتِ لأن حيل راح اتذه
رفعت الناس الي حولي كلهم عرفوج
كلهم عرفوا حبي الج ومدى معزتج عندي
رفعت حبابة لا تخذليني وحافظي عليه
صح اني غثيثة بس صدكيني اذا حبيت حرفياً أكول نيال الي احبه
رفعت أنتِ اعز من زهراء مشتاق رغم بت مشتاق علاقتنا اني وياها دامت 5 سنوات واني وياج صارلنا تقريباً سنتين
اتمنى الله يحفظج الي ولاهلج ويوفقج ويستر عليج وأريد الزهرة أم الحسن تحفظج
رفعت اني من ذاك اليوم انهاريت عليج بسبب أنو تزاعلنا رفعت هاي مجرد تزاعلنا وهيج اني انهاريت
هو حتماً راح يجي هذا اليوم والي نفترق بي
ومحد دايم ادري بس اتمنى يطول شوية ولا يستعجل
رفعت أنتِ انسان نقي
حرفياً كلش نقي
اني مو نقية لا تكولين انجبي وأنتِ حبابة والخ
لا صدك اني مو نقية ومو حبابة اني لوما أخاف الله جا ماكو انكس مني الدين مقيدني رغم اني مو كلش احس روحي ملتزمة حتى
اتمنى ما اسوي شي او تصرف ويخليج تأخذين عليه غير صورة
اتمنى ابقى مثل ما اني هسه
حرفياً خايفة اسوي شي وأخرب هاي العلاقة واطلع منها بالوجه الاسود
اتمنى لاا........
ودي اعيش وياج وأنتِ هم تتمنين هيج
بس هي بعد الأهل والمسافات الله يستر عليهم 🌚💔
وبس حبيت اكول اني احبج اهواي حتى أكثر من ما تحبيني أنتِ ، رغم مشاعري كاعدة يوم عن يوم تزداد الج حرفياً معتبرتج مثل روحي
ما تلعب نفسي منج رغم تلعب نفسي من كل البشر يي حرفيا من كلهم بس هي استنظفها حرفياً ما ارتاح بس بحضنها
ما اسمح لأي شخص يبوسني حتى أهلي ما اخليهم واخليها بس هي اكل من اكلها واني مطمئنة بس اباع لوجهها ارتاح واضحك 🫂✨
احبج رفوعتي 🫶🏻💕