العبرة ليست في البدايات
العبرة بمن يمسك يدك حتى النهايه🫂♥️. ""
_________________________________
نور بضحك: أي تاني يا أسر
أسر بضحك: بحبك يهبله
نور بصدمه: إيييي
أسر: مالك أول مره تسمعيها
نور بحرج: أحم أنت متصل تقولي كده طب يلا من هنا
أسر بضحك: الله أنا ال لقيت الطريق واقف قولت أشوف ال هتبقي مراتي كمان كام ساعه
نور: طب يلا خلص شغلك بسرعه وارجع
أسر: حاضر ي نوري سلام بقا في أتصال مهم
نور: سلام
______________________________
في الأسفل
ثريا: أنا مش عارفه أي ال رجعها م كانت مختفيه بعيد عننا
سيرين ببرود: أنا مش عارفه لي يا مامي مزعله نفسك سيبك منهم مش كفايه عايشين في بيتهم
ثريا بغضب: بيتهم أنا مش عارفه أنتي طالعه ل مين ده بيتي أنا ولينا الحق أنتي فاهمه أنتي هتصدقي كلام ال متتسماش دي
سيرين: طنط صفاء دي طيبه خالص وبتحب ولادها متقوليش عليها كده
ثريا: أنتي لو مفتحتيش دماغك دي لاكون فتحهالك بس بطريقتي ولازم توقعي ال أسمه جاسر علي الأقل نضمن حاجه من ورا الأملاك دي مش نطلع من المُولد بلا حُمص
سيرين وهي تنظر للأمام: أممم نبقي نشوف
ثريا بقرف: أهي شرفت ست الحُسن والجمال
صفاء: أزيك يا سيرين يا بنتي
سيرين: بخير يا طنط عن إذنكم بقا مامي أنا خارجه أشوف صحابي في النادي أوك
ثريا وهي متعمده النظر لصفاء الجالسه: ثواني يا سيرين خديني معاكي لاني بتقرف من القعده مع الأشكال دي
بعد مغادرتهم
صفاء بحزن: ربنا يهديكي يا ثريا ويعقلك علشان خاطر بنتك
جاسر: صباح الخير يا ماما هااا بتعملي أي كده
صفاء بحب: صباح النور يحبيبي يلا أنا جهزت الفطار
جاسر: يحبيبتي ولا تتعبي نفسك ما في خدم
صفاء: ولا تعب ولا حاجه أنا هروح أصحي أخواتك وااه فين يوسف مشوفتهوش من أخر مرا
جاسر: لاا يوسف ده حياته كلها للمستشفي وأنا هفطر في الشركه يا ماما عن إذنك
صفاء: لأ يحبيبي أفطر قبل ما تخرج وانا هشوف البنات علي طول
جاسر بقلة حيله: حاضر يا ماما
__________________________
عند يارا
هند: أنتي يا زفته ما تصحي يا أخرت صبري أنتي مش وراكي شغل
سارا: يلهوووووووووي أنا أتأخرت علي الجامعه هاتي جاي السندوتش ده يا أمااا
هند: غوري من وشي يا مصيبه خليني أشوف أختك ال نايمه زي الغيبوبه دي أنتي يا بت يا يارا الساعه بقت 10
يارا بنوم: لسه بدري يا... أعععععععع بتقولي كام ده جاسر مش هيحلني النهارده
هند بخبث: طب يلا بسرعه قبل ما ترجعي مطروده من الشركه
يارا وهي تحاول ربط حذائها
يارا: اه يا ماما كنتي بتقولي ايه بقا أصل مسمعتكيش
هند: ولا حاجه يحبيبتي تعالي خديلك سندوتش لسه الساعه 8
يارا بصدمه: أنتي بتقولي كام ما كانت 10
هند: مبيجيش معاكو غير كده يلا بقا أختفي من وشي السعادي خليني أشوف شغلي انا كمان
يزن بغضب: هو محدش بيعرف ينام في البيت ده ده أنتو عالم تق..
قاطعه شبشب والدته وهو يصبح عليه
يزن: أحلي صباح ده ولا أي
يارا وهي تغادر المنزل
يارا: صباح الخير يا عم عبدو واه مش هكرر كلامي تاني تبقو تشوفو صرفه للأسانسير ده مش كل يوم هقولك
عم عبدو: أي يا أستاذه يارا مش حال بيتكم في الدور التاني
يارا: شوفو الراجل أنا واحده بتخاف علي صحتها متبقاش تعاند بقا
يلا سلام عليكم
في الشركه عند دخول جاسر بكل هيبه
جاسر: أنسه صوفيا ياريت كل الملفات تجهز في مكتبي وأي أجتماع تبلغوني قبلها
صوفيا: تمام يا بشمهندس تحت أمرك
جاسر: أممم هي البشمهندسه يارا لسه مجتش
صوفيا: لأ لسه
بعد مرور ساعه
يارا: اااه علي ده يوم باين من أولو هاا يا صوفيا هانم الباشا وصل
صوفيا بضحك: أه وصل وسأل عليكي وهو دلوقتي في مكتبه
يارا بقرف: طب بلغي إن الزفته وصلت
في مكتب جاسر
فارس وهو يقتحم المكتب: جاااسر
جاسر بغضب: تعرف لو حد مكانك وعمل العمله دي ، وانا هقولك كام مره في باب تبقي تستأذن
فارس ببرود: طيب طيب المره الجايه وبعدين نورت الشركه يابو الصحاب
جاسر بغرور: عارف وأبعد كده خليني أشوف شغلي
فارس: عملت اي أمبارح ورجعت أمتي وجبتو أي و حد سأل عليا ومين كان معاك قول ها أنت مبتتكلمش لي
جاسر: وهو انا عارف أتكلم وأظن أصلا أنت مش بتسأل غير علي شئ مُعين
فارس بضحك: حبيبي ال فاهمني أيوا كده
جاسر: طب بلاش الضحكه السمجه دي ومحدش سأل عليك ولا حتي خد بالو منك
فارس بأحباط: بجد وهو يُكمل بخبث نسيت أقولك وانا علي باب الشركه لمحت يارا ب..
قاطعه جاسر بغضب: مهندسه يارا
فارس: مهندسه يارا وهي بتكلم واحد من الأمن وبتقولو
جاسر بغضب: بتقولو أي أنطق
فارس ببرود وهو يغادر: ولا حاجه ده كان ببناولها الورق ال وقع منها وكانت بتقولو شكراً
جاسر: أخرج برا يا فارس ومش عايز أشوف وشك
فارس: وعلي أي أنا طالع
جاسر وهو يرفع سماعة الهاتف ويتحدث من بين أسنانه
جاسر: صوفيا أبعتيلي أنسه يارا المكتب حالاً
صوفيا: حاضر يفندم
صوفيا: يعمايلك السوده يا يارا الحقي نفسك وشوفي عملتي ايه ده بيتكلم برعب وعصبيه وعلي وشك قتل حد
يارا بخوف: والله ما عملت حاجه أستر يا رب ده أنا غلبانه وماليش غيرك وعلي قد حالي
__________________________
في المستشفى وتحديداً في عيادة جراحة القلب
يوسف: لأ كل خير أمشي بس أنت علي نوع العلاج ده ولو حصل أي جديد بلغني علي طول
............
يوسف: أه تمام تقدر تتفضل
يوسف للممرضه: خلاص راحه شويه وأبقي أرجع عن إذنك
يوسف وهو يتجه إلي الكافيه
يوسف: واحده قهوه لو سمحت
حيث يمسك هاتفه وينقر علي بعض الأرقام ويرفع السماعه
يوسف: ألوو يا مراد أنت فين
مراد بأرهاق: مانت عارف في قسم جراحة الأطفال في حاجه
يوسف: لو فاضي تعالي في الكافيه نتكلم شويه
مراد: تمام جايلك أهو
يوسف وهو يشير إلي أحدي الواقفين: خليهم أتنين قهوه
ثم يزيح ببصره في أحدي الأماكن الفارغه
: القهوه
يوسف: شكراً جداً تعبت.. أي أنتي مين مش المفروض راجل ال يقدم
: اه يعني أي الفرق بين البنت او الولد مش في الأخر هتتقدم القهوه
يوسف: أه القهوه أمم أول مره أشوفك هنا ياا
: فريده أسمي فريده وأول يوم ليا هنا
يوسف: أنتي بتشتغلي أي هنا
فريده: والله معرف بس أهو أي شغلانه أقدر أصرف علي جمعتي منها و.. هو انا بتكلم لي معاك عن إذنك
يوسف: طب ثواني بقو.. أحم راحت
مراد: بتكلم مين يابني
يوسف: هاا لا أنت أخرت لي كده
مراد: المستشفى بقت مُتعبه أوي يا يوسف كان مالها هندسه وعلي الاقل جاسر مش بيتعب زينا كده
يوسف: لا متهيألك يا مراد هو بس فتره وهتتعود متقلقش دي يعتبر البدايه
مراد: يلا خير ثم لاحظ دخول إسراء لاا دي المستشفى ومهنة الطب دي بلعبها بصباع رجلي سهله سهله ولا تعب ولا حاجه
يوسف بضحك: مش كلامك ده يا مراد
مراد: بلا كلام بلا بتاع اه أنا سمعت إن كتب كتاب أختك بكرا
يوسف بحزن: اه بكرا
مراد: ومالك زعلان لي
يوسف وهو يتنهد بحزن: مش عارف أقولك أي يا مراد 25 سنه مشوفتش ماما وأختي و بعد ما أشوفهم أختي تتجوز ومش متأقلم عليهم لسه
مراد: شوف يا يوسف اه هتتجوز بس مش هتسافر و الوقت ال هتبقي في حاول تقعد معاها مش في المستشفى ال 24 ساعه مش كده برضو دي كلها حكاية وقت ومش هتقعد معاها كتير وإن شاء الله هتتعود عليهم و أهو لسه في شبابك ورجعولك وكويس إنك لسه معجزتش ولا حاجه
يوسف: معاك حق و اه أنت تعرف البنت ال هناك دي
مراد وهو ينظر مكان إشارته: دي لأ أول مره اشوفها لي في حاجه
يوسف: لاا أبداً بسأل قولي بقا حياتك عامله ايه
مراد: أهي ماشيه من المستشفى للبيت وأوقات بروح الشركه
يوسف: لسه أخواتك مجوش
مراد: قاسم لسه بيفكر ينزل أجازه مع زينه
يوسف: طب متكلمو وأعزمو علي بكره أصل مشوفتهوش من زمان وأهو نقضي شوية وقت سوا
مراد: ماظنش هيوافق بس هحاول معا ويلا سلام في حالات أطلع أشوفها
يوسف بضحك: حالات برضو طب أمسك قهوتك
مراد: متشكرين يا جوو
يوسف: فريده لو سمحتي
فريده: أتفضل
يوسف: معلش لو هتعبك معايا ممكن مايا
فريده: تمام
فريده: أتفضل ال.. بجد أنا أسفه والله مقصد وقعت غصب عني
يوسف وهو يقف: لا لا عادي ولا يهمك أنتي كويسه.. ط..طب أنتي لي بتعيطي دلوقتي
فريده ببكاء وهي تنظر لأسفل: أسفه
يوسف بأبتسامه جذابه: وبتتأسفي علي أي عادي محصلش حاجه يعني ل ده كله
فريده: شكراً.. عن إذنك
يوسف: تمام ثم ذهب لعيادته الخاصه
_________________________
في الشركه
يارا: حضرتك طلبتني يا بشمهندس جاسر
جاسر: بقيت دلوقتي بشمهندس عادي
يارا: أحم عايز أي
جاسر بغضب وضغط علي المكتب رعب من أمامه: أنا مش قولتلك....
______________________
يُتبع
أنت تقرأ
شـوق ونجـاح وحُـب"
Avventuraهّـذه أّلقصـه من الخيال ولا تمُس الواقع بصله قصه مُختلفه عن باقي القصص فهذه القصه ليست للبطل والبطله فقط بل لأصدقاء وصداقه دامت لوقت طويل هذه القصه الشئ الحقيقي فقط بها إنها تُمثل شخصيتي مع أصدقائي علي أرض الواقع. ف نحن أربعة فتايات سنظل معاً وللأب...
