يوم جاته من زعلها كنها تقصر خطاها

البارت الرابع

صباحات الديره__
بعد صلاة الفجر راح ضيدان للحمل وعزوز وبارق اتجهو للعزبه بدون لايفطرون
عون وكسار طالعين يفطرون وبعدها للدوامهم هم بطريقهم كان فيه صقر توه طاير صدمه عون ونزل يركض له شافه مو ميت بس ان رجله منكسره اخذه معه لسكاكا كان الجو غيم بدايه شتاء
كسار:عون تكفى لا تأخرنا بعدين توديه للبيطري
عون:صاحي ؟ طير ذا مب وقت دوامك
اتجه للبيطري ونزله
الدكتور: به كسر
عون:زين خله عندك الظهر بجي اخذه وذا وقمي
الدكتور:زين
طلع عون واتجه لششركه ( الشركه ذي تصنع عطورات )
دخل عون بدا المدير يرحب فيهم اتجهو للمكتب بدا يعلمهم عن اساسيات الشغل وكيف الربح
عون: ممكن اقدر اني اسوي عطر ونبيع منه بكمية قليله ونشوف اذا عليه طلب؟ لان انا عندي تركيبات واحب ذا المجال
مرضي: اي خذ راحتك يحق لك تصنع العطر اللي تبيه والتركيبة اللي تعجبك بمجال العطور مافيه خساره
عون:ابد طال عمرك
قاممو وكل واحد واح لمكتبه
_________\\\\\__\\\______________
بمجلس ابو بارق محمد ومطلق ابو جابر
محمد:اقول ورا ماتشور على ضيدان ياخذ فاتن
مطلق:ابد والله ياخوك اللي تشوفه
محمد: بيني وبينك ترا البنت شاورتها وماعندها مانع تبيه
مطلق:اصل الولد ماله الا بنت عمه
محمد:اييي لاتعطيه مجال ويكسر قلب بنيتي
مطلق:يعقب الا هو ياخذها ورجله فوق راسه
محمد:بعدي ياخوي
__________
"  قبل لليلة "
خزراي :فاتن اسمعيني زين وحطيني على بالتس تروحين لبوتس وتقولين له انتس تبين ضيدان ونزلي لتس دمعتين وقولي قل لعمي انه يخطبني
فاتن:يمه بس اخاف ابوي يعصب علي
خزاري:لا ماهوب معصب بس انتي سوي تفستس زعلانه وابتسي
وقولي انه من وانتي صغيره تتحرينه وعقبه اوري خزنه نجوم الظهر لخليها تحترق على ولدها وانا بنت ابوي اهم شي الشيفه اليتيمه ماتاخذه
فاتن ب ابتسامه خبث:حاظررر بس يمه مياسه
خزاري: وشبها العقرب؟
فاتن:يمه اذبحيها
خزاري:كيف
فاتن:يمه انتي ادرى بس تكفين اموت لو خذت ضيدان وتستانس بفلوس عمي
خزاري: زين بس لين ابوتس يجي يرقد انا ادبر الموضوع
\_____________________
الساعه 12:00  اخذت الجوال وطلعت للغرفه وتسولف بصوت واطي
خزاري:بعطيك خمس الالف ريال كاش بس تسوي اللي اقولك عليه
فراج:اسمعتس يختي
خزاري:تعرف بيت ابو عون صح ابيك تحرقه بكرًا باليل انت وشطارتك عاد ابي العجوز والعقربه يصيرون فحمه
فراج: ابي 7الالف
خزاري:كلب فلوس بعطيك بس اياني واياك احد يدري والله ان احرقك حي
فراج:حاظرين
قفلت واتجهة تنام
__________________________________
نرجع ليوم خطبة ضيدان
محمد:ودنا الخطبة العصر
مطلق : اي محفوفه
قام مطلق واتجهه للمحل لضيدان
------------------------------
بيت ابو (عون)
جالسه تغسل مواعين الفطور بعد ماراح دغيم للمحل
وترفه راحت لاام سعود  بعد ماخلصت شغلها سوت لها حنا وحطت على شعرها ودخلت غرفتها ترتبها وتطلع ملابس الشتاء وتغسلهم كانت مندمجه بترتيب طاحت عينها على صورته اللي طاحت من الدولاب كان مجلسها بحضنه وكانت ملامحه مره صغيره لكن فيها حده عقدة حواجبه من اشعة الشمس وهي بحضنه بيدينها "خزامى "وراها النياق وهي مبتسمه كانت ملامحها بصوره واضحه وش كثر هي كانت مستانسه وشعرها المتتثر جاء بالها كيف كانت معه وكيف مستائمنه وجوده وليه هي من بعده صارت تجهل اشياء كثيرهه وليه لما كانت معه محد قادر يتكلم عليها بحرف عكس الحين يرمون عليه من الكلام سم ) وعت على نفسها  اول ماطق باب الحوش ورفعت الصوره وطلعت حطت الجلال وفتحت  اتسع مبسمه اول ماشافت غيد وبدو
غيد: وراتس ماقلتي انتس حاطه حنا بحط معاتس
مياسه:والله مدري لكن ماعليتس بقى بحط لتس
بدور:اجل بجهز القهوه انا
__________\\\\---------------
بالمحل عند ضيدان فز اول مادخل ابوه عليه
ضيدان: ارحببب مليون
مطلق:البقى
ضيدان: امر؟
مطلق:بقولك كلمتين وابيك تنفذها
طاح قلب ضيدان جاء باله انها عرف بوجود عون وقال:اسلم
مطلق:ابي اليوم اخطب لك فاتن بنت محمد
انصغق ضيدان وبين على وجهه الذهول
مطلق:مابيك ترفض وتسود وجهي عطيت عمك كلمه وقال حياكم الله وانزفضت مانت بولدي ولا اعرفك
ضيدان بكل هدوء:طيب ابشر
طلع مطلق وتركه مليان بتساؤلات
ضيدان يدعي ان بارق وعزوز يرجون بدري
\_____________________\_\_______
بيت ابو عون جالسين فوق السطح وغيد حاطه حنا وجالسه قبال مياسه اللي تحني بدور
غيد:ياختي احس فاتن صايره عاقله مب زي اول
بدور:جعلها بالعقل ازود لعل تفكنا من للسانها
مياسه:حرام بنات شتبون فيها دعو الخلق للخالق
غيد:ذا وهي بس تسولف فيتس
مياسه:اهم ماعلي نفسي
بدور:صح انفق معاتس وخالتس
مياسه:اي ولا اذا على الناس بطقاق صراحه
غيد:طيب ماتحسين  انتس فاقده شي؟
مياسه بتناسي:لا وش؟
بدور بتتجاهل:اقول تبون نحظر زواج بنت الشيخ؟
مياسه:ماعندي لبس شسوي؟
غيد:نلبس اللي عندنا شدعوه ديره الفلس ماحد متسنع فيها
بدور:تخيلو فاتن تاخذ ولد الشيخ؟
غيد:لعنه مقوى حظها لو تصير غير ترفع خشمها علينا
مياسه بضحكة:عاد هي قبل وهي مامعه شي رافعه خشمها
___________\\\_______________
بالمحل عند ضيدان اللي ميت ب مصيبة ابوه وهو يجهل فاتن وحركاتها  أتسع مبسمه لنا لمح سياره عزوز وبارق شر لهم ومشو له على طول نزلو من السياره ودخلو المحل
عبد العزيز:العلم؟
ضيدان:ابوي خطب لي
بارق:تستهبل ؟؟
عبدالعزيز: من؟
ضيدان بتدارك للموضوع ان اخوها واقف وشبه ابتسامه:بنت عمي محمد  وهويناظر لبارق
بارق اللي اختلاف وجهه ومال لضيقه وقال بصوت هادي:اذا مغصوب من عمي وابوي لاتوافق
ضيدان:لايرجال وش الكلام المهم ترا الخطبة اليوم العصر
بارق ربت على كتفه :على البركه واي شي ودك فيه علمتي بروح اشوف الآهل
ضيدان بهمس:بحفظ الله
عبدالعزيز ؛ورع وش خطبته هذي اللي اسرع من تفاعل الخميره
ضيدان زم شفايفه :مدري لاتسألني اسال ابوك جاني واعطاني العلم كني من المعزومين وماتقل العريس
عبدالعزيز:مالقى الا فاتن؟
ضيدان:ماعليش يعني الباقيات اعتذرن
عبدالعزيز بضحكة قويه:تستهبل مكسور وتبرد؟
ضيدان بعصبيه:مدري عنك كان فيه مليون بنت بحياتي وانا اللي ماقد شفت من جنس حواء احددد من العزبه للبيت وتسال ذا السؤال
عبدالعزيز:هدها ياخوك وتعوذ من ابليس والله مايحطك بشي الا وانت قده وماتدري وين الخيره ماتدري انها خير عليك وعلى حياتنا لاتضيقها
ضيدان بشتات:ماحسني ماتريح الموضوع ثقيل ورب الكعبه يالعز ان الدنيا يضلوعي
عبدالعزيز بهمس:ماعليك بتهون المهم بتروح تحلق؟
ضيدان:لا ماودي اسوي شي
عبدالعزيز :فقل المحل نبي نرجع للبيت
ضيدا: بروح اشوف عون وينه فيه
عبدالعزيز:زين لاتأخر
____________\\\________
بيت محمد ابو بارق------
جالسه تسوي شعرها ومبسوطه على الاخر انها تبي تزوج اول وحده من بنات الديره ولا ماخذه ضيدان اللي الكل يمدح فيه وب اخوانه ومعروفين بالديره بالصيت الزين دخلت امها ببتسامة: هلا بالعرووس
فاتن ضحكت بخجل : اف يايمه ماني مصدقه أخيرآ
خزاري: هه ماني بخزاري ان ماجبت لتس اللي بخاطرتس
فاتن :تهقين يرضى
خزاري بضحكة:طرققق بس انتي لامن صار العرس احملي على طول وثبتيه حتى مايطلقتس
فآتن:افا عليتس يمه
سكتو اول ماحسو ان فيه احد جاء
بارق:سلام
الكل عليكم السلام
بارق بكل برود :مبروك فاتن بس هذاي علمتس حطي ضيدان بعيونتس ولا تزعلينه
خزاري:لعنه بدال ماتوصيه على اختك تقول ذا الحكي؟
بأرق بهمس: لاني اعرفها واعرفه
تركهم واتجه لغرفته يتحمم
________________________
بـسكاكا طالعين ممن دوامهم راحو يصلون الظهر بعدها اتجهو للبيطري
عون بكل رزانه وثقل: سلام عليكم
الدكتور: هلابك وعليكم السلام
عون: باخذ الصقر
طلع له الصقر واعطه اياه اتسع مبسم عون على شكل الصقر صغير ب يدينه اخذه وطلع ياكذ له شبك وفعلا حصل عند السكراب (اللي يبيع اشياء مستخدمة او قديمه)
حطه
كسار:بدري ترا من لعن خيري
عون بكل روقان:بسم الله عليك وعلى خيرك
كسار:لاحول ولاقوة الابالله حرك تكفى
حرك عون للديره وهو يدندن بـشيله: يقولون القصيد والشاعر بدون شعور واقول الله يعاقبني اذا ماهو من اعماقي
كسار: كلك تسذاب مو بس شعرك
عون ضحك بصوت عالي : لاحول ولاقوة الا بالله انشهد انها خربت بينا
كسار بكل ضيقه:تساهل دابلن تسبدي
___________\___________________
بيت دغيم
  بعد ماسوت الغداء ورتبت البيت خذت شور لابسه قميص روز اخضر ماسك ومن الخصر وتحت نافش نفشه خفيفه ( فستان رمضاني )خذت المسك وحطت تحت اذانها ومررته على كفها حطتت شعرها على جنب وجدلته طلعت  تجلس مع خالتها ويسولفون
ترفه:بروح اسوق بشتري صحون فطور وصنية التمر وبشتري بعد بخور ومسك ودهن عود وبحطه بالمرش
مياسه:طيب بروح معاتس بشتري لي غوايش وروج ومسكرا
ترفه ابشري بعزتس وانا خالتس
مياسه:اقول عمي دغيم شعنده يختفي كثير
ترفه: الشيبان يتجمعون بيت شيخ الديره وزاع من الصباح لين 10و يتغدون ببيوتهم والعصر يرجعون له
مياسه: انا مستغربه وين يختفون اثري يتجمعون
ترفه:ايي
__________________________________
بيت" مطلق"____
دخل البيت وهو معصب ومنضغط من ابوه شاف امه جالسه بالحوش تهجز سفرة الغداء ابتسم ابتسامه باهته وقال :وجه ليا شفته انزح همي
خزنه: ي بسم الله عليك وش بك من هم يابوي انت
ضيدان:مابه هموم ينظر عيني
خزنه:اجل رح بدل بحط الغدا ابوك شوي ويجي
ضيدان بفضول:ليه هو وينه رايح!
خزنه:عند عمك محمد
صد واتجه للمجلس فصخ ثوبه وطشه على جنب اخذ منشفته ودخل الحمام يبي يطرد الافكار من راسه
_______\_
طلع عبد العزيز من الصاله ومعه صنية شاهي ولبن بل نزلهم وحط راسه بحضن امه
خزنه: اقول يمك
عبدالعزيز:لبيه
خزنه:مافيه اخبار عن عون ولد عمك!
عبد العزيز بلع ريقه:ها يمه لا ليش؟ ابوي قالتس شي؟
خزنه:لا يمك بلا ابوك يحتسي؟ بس كاسرين خاطري ترفه ومياسه باين الحزن بعيونهم حتى لو تجاهلو الموضوع
عبد العزيز بفضول:ليه تقولين كذا
خزنه:صح انحكم عليهم بيتهم انهم مايطرون اسمه ولا يفتحون غرفته لكن خذت حيلي الهم ماكل ترفه اكال
عبدالعزيز:طيب تهقين لو رجع امه بترضى عليه!
خزنه: ايبالله انها بترضى ماسوا خطآ نعرف أنه مظلوم
سكت عبد العزيز يفكر يقول لعون وانه يتصرف لان يحس ان الوضع طول
دخل مطلق وفز عبد العزيز من حضن امه واعتدل
مطلق بشده: سلام عليكم
الكل وعليك السلام
خزنه قامت تحط الغدا وعبد العزيز وضيدان يساعدونها
جلسو ياكلون
مطلق: بعد الغداء فيه موضوع بحستي لكم فيه ولا ودي معارضه ولا غيره اللي ابيه يصير
خزنه: ابد اللي يريحك
ضيدان صد بكره وقام
خزنه:وشبك ياامي ماكليت شي
ضيدان بشبه ابتسامه:كثر الله خيرتس يممه والله انه لذيذ بس اني شربت حليب نياق
خزنه ضربته بخفه على كتفه :الله يهداك لين متى اعلم فيك ان الشرب قبل الاكل يسد النفس
ضيدان: ابد ابشري بي
مطلق:لاتنام ابيك عشان نكلم امك بالموضوع
ضيدان بهمس:ابشر
__________________
بعد الغداء مطلق وخزنه وعبد العزيز وضيدان جالسين بالحوش
مطلق: باركي لولدتس خطبت له فاتن بنت محمد
شهقت خزنه بصدمه وقالت:فاتن ماغيرها؟
مطلق بعصبيه:ليش وشفيها بنت اخوي؟؟؟ليكون ماهيب عاجبتس؟ولا ماهيب قد المقام
تداركت الموضوع خزنه :لاوالله تستاهل مافيه الا كل خير بس مو كنه بدري عليها
مطلق:لا بدري ولا غيره الخطبه الرسميه اليوم بعد صلاة العصر ونتفق بعدها على الملكه والمهر وهذاني قلت بنت اخوي تصير بعيونكم
الكل :ابشر
قام مطلق وترككهم موراه
خزنه:ضيدان يمك ليه مارفضتها؟
ضيدان:لايمه وشبها الزواج لاتشيلين همي ترا حتى انا راضي
خزنه:بس ياامك وجهك ماهو راضي
انسدح ضيدان بتعب وغطا وجهه بالشماغ :لايمه بس تعبان من الشغل روحي يمه تجهزي لعرس ولدتس وعيني خير وعلمي عمه ترفه
قامت خزنه تجهز لبس لليله وبالله مشغول من الزواج المفاجئ
عبد العزيز طلع واتجه للعيال يعلمهم ويسال عون عن متى يعلم اهله انه موجود
أما ضيدان اللي كنه ميت وهو حي كايعرف ليه الثقل بداخله صح انه مو صغير على الزواج لكن ماهو متقبل انه يصير عرسه كذا ولا ان ابوه حطه بالأمر الواقع غمض بتعب وبدا تدخل يدينه بشعره ويده الثانيه تحت راسه ويعرف ان اللي يعيشه مو سهل بس عشان امه وابوه
___________________________________
عند عبدالعزيز اللي دخل عند عون وكسار
كسار:العلم
عبدالعزيز بكل هدوء: عون ترجع لهلك؟
عون:ماعندي دليل على برأتي
عبدالعزيز طالع بكسار
كسار:وش اقوم!
عبدالعزيز بضحكة:ياليت
كسار:افا بس طلعت نشب لعيال العم مو عشاني يتيم ولا عندي عيال عم
عبدالعزيز:يالطيب ترا اليتيم اللي ابوه وامه ميتين مو اللي ماعنده عيال عم
كسار:مالك داخل انا ماعندي لاعيال عم ولا ام وابو تخيل بس
عبدالعزيز:اقول قم بلا دراما ماحنا باتسين
قام كسار ودخل المطبخ يسوي شاهي وقهوه
___________________________
عون:العلم ويش هو ؟
عبدالعزيز:امي تسولف عن عمتي ترفه ومياسه
فز عون من سمع اسمها وقال بتدارك: وش بها امي!
عبدالعزيز بتركيز عليه:امي تقول ان مهما طالت باين ان عمتي فاقدتك ووانها تتنظرك وتدعي لك هذا غير عمي اللي قفل غرفتك عنها هي بخير بس حاول ترجع لها
عون بكل هدوء:ومياسه؟
عبدالعزيز:ماعرف عنها شي
سكت عون وكمل عبدالعزيز:الأكيد انها نستك لانها ماكنت تذكرك بالحيل 14سنه ماهي بسيطه بحقها حاول عشان امك وابوك مو عشان احد ثاني
عون ب انفعال:ابوي اللي يصدق فيني ولا يزورني 14سنه وينه عني ميت حي احتاج شي حرم علي دخول الديره عشان العيب حاط كلام الناس قبل ولده ابوي اللي يداري الناس ولا يداري ولده ابوي اللي شك بتربيتي ؟
عبدالعزيز:اعذره لانه ابوك لان الانسان بدون عائلته ولا شي
عون:ضيدان وينه فيه؟
وماهي الاثواني الاطق الباب
عبدالعزيز:جاء اره
ابتسم عون وصد يناظر الشباك
فتح كسار الباب وجاو ورجع كسار معه الشاهي والقهوة
كسار:العلم علام وجهك انت بعد؟
ضيدان بورطه:ابوي خطب لي
عون التفت بصدمه:تعقب ؟؟
كسار:وراك تقولها كذا بالعكس استانس تنحاش عن حياة العزوبية
عبدالعزيز بضحكة:مغصوبه هههههههههههههههههههههههههههههههههههههههههههههههههههههههههههههههه
عون:العلم انت وياه؟
ضيدان:ابوي خطب لي فاتن بنت عمي محمد المشكلة ان اليوم الخطبة يعيال ضغطني حطوني امام الآمر الواقع
وعون:قل لااله الا الله  تعوذ من ابليس واقدم بها مادام صارت السالفه لاتزعل عماني
كسار:ماتدري عن الخيره يمكن ربي حطك بزواج ذا لان فيه شي زين بيصير لك وبمكن الزواج يغير حياتك للفضل
عبدالعزيز:صدز يا ضيدان ماتدري وين الخيره بس قم اجهز لان بعد صلاة العصر الخطبه
كسار:اجل صل وتروش وروح لهم
عون:ودي اني احظر
كسار عطاه نظره:اركد انت بعد
_________________________
بعد صلاة العصر لابس ثوب ابيض وشماغ حمراء واقف عند المراية يسوي تنسيفته تقدمت امه تبخره وهي مبتسمه بحزن التفت شاف عبدالعزيز وابوه وعمه دغيم ينتظرونه باس راس امه وطلع لابست امه واتجهة لبيت محمد وعي مستثقله الروحه لهم
___________________\\\\\_______________________
تبلثم واتجه لسوق ومعه كسار اللي واقف عند  المحمصه وياخذ بزارات  التفت على الاسم اللي شده
غيد:مياسسسسه هلااا
مياسه ضربته بخفه:قصري صوتس حتى الناس تدري
بدور:تسلم عليتس وكانها مبطيه عنتس ماتقل اليوم حاطين حنا مع بعض
مياسه:وش عليتس انتي ترا محد حابني غيرها
غيد : اقول شعندس جايه؟
مياسه : ابد ادور لي زوج شعندي يعني غير اني بغير جو خالتي مسكينه مره تضايق ومره تسوي نفسها تنسى
بدور : طيب وينها فيه
مياسه : بالمحل ذا حق الصحون
غيد : وش مزعلتس انتي طيب
مياسه:وويلي ويلاا شايفتني جابتس ابتسي؟
بدرو: لا
\\_________________
عون اللي كان مركز عليها ومتجاهل الدنيا
مياسه بغضيض:قطيعه تقطع عيونه نعم مطيرهم
التفتو غيد وبدور وضحكو
مدت يدينها تضربهم لانهم التفت له مع بعض
مياسه:لعنه تلعنكم ليه تلتفتون يالضفادع
عون عرف انها شتمته واتسع مبسمه تعدا من عندها
ارتبكو كلهم وبدو يسحبون العبايات على يدينهم وبعدو عن طريقه
مياسه :عسى الله ياخذ ذالتوعيه يويلي مافيه حيا ولامجحب مدري من الحرمه حنا او هم (قصده عشانه متلثم)
التفت لها بطرف عين وابتسم  تعدا واشر لخويه وراحو مع بعض
التفت مياسه على خالتها اللي تناديها حطت العبايه على راسها وسوت برقعها وراحت لها
ترفه:بنروح لخزنه شريت لها ذيك الصحون والقدور والكاسات اللي تهبل
مياسه:ابشري يخاله بس عطيني عنك ذولا
ترفه:الله يرضى عليتس ويفرج همتس
اتجهو لبيت مطلق وشافت نفس الشخص واقف يسولف على خويه ومركز عليها صدت تستغفر بدت تطق ترفه
كسار:خاله اهل البيت ماهم فيه
ترفه:طيب ياوليدي ماتعرف وينهم فيه؟
كسار:لايخاله بس اني شفتهم طلعو
مياسه اللي ركزت على عون تصد وخلا خويه قدامه وكانه يتخبى عنهم
ترفه:يعطيك العافيه
اتجهو لبيتهم تحت انظار عون
ترفه:تهقين وين راحت
مياسه:يمكن راحت لسكاكا تمشى مع عيالها مدري
ترفه:خزنه ماتسوي شين بدوني
مياسه بتشتت:مادري انا بقوم اجهز قهوة العصر
_________________________________
عند كسار اللي شاف عون منسدح بالحوش تحت النخل ويلعب بشعره
كسار عشان يعدل جو عون:اها يابو دغيم وش يقول؟
عون التفت وببستامه حزينه:
هلاببتس وين مايشرق نظرتس الناعم القتّال
‏هلابتس وأنثنى غصن الزمان وطار بأسرابه"
كسار:الليالي لا قست تبدي بشايرها هي فترة و ترجع مثل ما ككنت الشجاع أشجع
اتسع مبسم عون :لبى كبدك علي نذر انك دواء
كسار:ابد وين ماتبي نجي واللي تبي يصير بس انت ازهلني
عون:سمعت ان خاطرها ضايق
كسار:اللي مرت به ماهو بسيط لاتواخدها
ابتسم عون:علي نذر لو اعرف وش مزعلها اني لاراضيها واللي زعلها اني ابيده بس هي وش بخاطرها
كسار:حييي عينك اجل اثبت برائتك وادخل بيتكم وشف من زعلها
غمض عون من تذكر الطاري وتنهد
__________________________
بيت محمد الخطبه ""
خزنه:شخبارتس ياخزاري وشعلومتس
خزاري خزتها: بخير انت اخبارتس ليه ترفه ماجات معاتس
خزنه: ابد والله مشغوله وماهيب داريه للي صار بعد الله يهداه مطلق الخطبه بسرعه
خزاري:ماهيب داريه ولا زعلانه لانتس ماخذتي بنت اختها اللي بتطيح بتسبدها؟
خزنه بحده:وشالحتسي ياام بارق لا واصلا مياسه من عمر الدنيا وهي لعون مياسه ماتزهى الا بعون وعون مايزهى الا لمياسه
خزاري ضحكت بسخريه : اتلاها تاخذ خريج السجون ومدمن مخدرات! الله يعافينا بس
خزنه:الكل يدري انه مظلوم والظلم مايدوم حطها حلقه ب اذنتس يخزاري
دخلت فاتن وهي الابتسامه شاقتها لابسه فستان احمر طويل باكمام ماسكه من المعصم  شعرها ستريت لحد كتفهااشقر
فاتن:اخبارتس عمه؟
خزنه:هلا ارحبي بخير انتي اخبارتس
فاتن :بخير
خزنه خزتها وبداخلها تقول شالبنت اللي ماتستحي ذي
فاتن:اي يخاله وشخبارتس سولفي ليه ساكته
خزاري:اي صدز سولفي ولا سوالفتس بس لترفه
خزنه:بقوم ارجع لبيتي ووجهي على سوالفتسن
قامت خزنه ودقت على ضيدان واعطته خبر انها بتروح لترفه وفعلا راحت لترفه وهي مقهوره من حركاتهم
_______________________________
بيت دغيم
فارشه بالحوش وحاطه شاهي وقهوه وصنية تمر بالزبده وجالسات يتقهوون فجاة طق الباب
فزت مياسه وفتحت واتسع مبسمه وهي لما شافت خزنه
مياسه:يامرحبا
خزنه؛بقيتي
مياسه :فوتي حياتس الله
دخلت وسلمت على ترفه وجلست
ترفه:ويلي شقومتس وجهتس مصفر؟
خزنه:مطلق خطب لضيدان
ترفه: ايوه وش مزعلتس انتي ام عريس طرل عمرتس ودتس تزوجينهم
مياسه:لحظه يالخالة خليها تكمل
خزنه:وده بيزوجها بنت ملعونة الثوى بنت خزاري
ترفه:اسالتس بالله ؟؟؟
خزنه:اي واليوم اخذني اشوفها تخلي مابها حيا تسولف وتضحك وجالسه قدام وجهي ماتستحي خابره بنات اول مايطلعون ذي طلعت ولا استحت مدري كيف ضيدان يصبر عليهز والله ان ودي اموت من قهري
ترفه صبت لها شاهي:تعوذي من ابليس يوخيتي. مادامها بتصير زوجة ولدتس انتي اصبري عليها تراها بنت صغيره وعلميها الادب والاصول لاتصيرين ضده وخلي ضيدان يصبر عليها لين تخلي طبع امها ترا امها اللي خلتها هلون بس انتي حني عليهم
نتهدت خرنه بتعب : ممطلق بيطلع مع دغيم للعزبه شرايتس تنامين عندي؟
ترفه:ابد ابشري
خزنه:عسى الله يبشرتس بالجنه والله انتس اختي اللي جابتها لي الايام
ترفه:امين وعسى الله يديمنا ونشوف عيالهم وعيال عيالهم
خزنه:انا بروح البيت بشوف وش نهاية موضوعهم عسى الله يسرها وان جيتي علمتس
ترفه:الله يستر عليتس مياسه وصلي عمتس واشتري ريالين خمس ولبن وحليب باتسر الاثنين بصوم
خزنه:الله يذكرتس بالشهادة والله اني سجيت بصوم معاتس وابي تفطرين عندي
مياسه: انا مقدر اصوم
خزنه: ابد الله محله لتس
صحكت مياسه لان فهموها ومشت مع خزنه لبيتهم وصلتها
خزنه: مياسه خليتس هنا بعطيتس فلوس تجيبن رز مصري عشان بسوي السليق
مياسه:ابشري
تلفتت تدرروه بس ماحصلته حولها وكانت الديره الكل طالع فيها اللي مسيره العصر واللي رايح لسوق واللي يحرج على البسطه والبزارين يلعبون
جلست تامل الديره صدت بكره لما شافت فاتن طالعه هي وامها وراكبين مع خالهم معيض
خزنه:هاتس وانتبهي لنفستس
مياسه:ابشري
مشت لين وصلت البقاله ودخلت خذت للبن وحليب مراعي وخذت رز مصيري خذت فصفص حب الشمس وطلعت اتجه للمخبز  طاحت عينه بعين كسار وصدت بكرهه لانها تعرف خوي السربوت ذاك
مياسه:عم حمدي ابي اخبز
حمدي:حاظر ي ست الكل
ابتسمت وصدت
طلع كسار وراح لعون اللي كان واقف برا السوق
عون :شتبي جاي
كسار:ذيك البنت اللي تراقبها بالخباز
تنح عون وقال :احلففف؟؟
كسار:استهبل عليك ورب الكعبة صادق
تلثم عون واتجه للمخبز ولحقه كسار
شافته دخل حطت عبايتها على راسها وشدت عليها
عون بكل هدوء:شسوين هنا؟
مياسه خزته وصدت
عون بنرفزه وهو مايبي يرفع صوته:ماتسمعين ؟
لفت تناظر له
بلع ريقه من عيونها والكحل اللي راسمتها وباين من شدت سواده
بعد عنها خطوه
عون بحده:هذا مكان رجال المفروض ماتدخلينها ولا عاد اشوفتس به تبين شي تعالي لي ولا لذاك واشر على كسار غيره لا
مياسه ركزت عليه بعيونها وبحده:تخسي اجيك بذات انت ومن انت؟عشان اجيك لا ابوي ولا اخوي ولا حتى ولد عمي وتوكل قبل لا الم عليك الناس مو انت اللي تتحكم فيني ولا انخلق اصلا اللي يفرض كلمته علي تحسبني مثل البنات اللي تعرف؟ هه لا ابد
مريض انت تسولف على وحده ماتعرفها
عون اللي تايه اصلا بنظرة عيونها مثل ماعاهدها يعرفها زين ابتسم ومشى
مياسه بقهر ورجفه:لعنه تلعنك
اخذت الخبز وطلعت توصل الاغراض
_______________________________
دخلو البيت يجهزون للكشته مع عيال ورجال الديره ماكان فيها احد لان الغدا ب عزبة ضيدان بمناسبة خطبة ولده حددو أن الملكة تكون يوم الزواج اللي هو بعد سبوعين فقـط
ضيدان:يمه
خزنه:لبيه هلا بالعريس
ضيدان ابتسم بتعب :هلابتس ياامم العريس
عبدالعزيز:وانا اخو العريس بعد
ضحكت خزنه:الله يقطع شرك
ضيدان:يمه ابوي حدد ان الملكه والزواج بنفس اليوم وانه يكون بعد سبوعين لان بتكون اجازه ويجون اخواني وزوجاتهم ومنها يساعدونتس
خزنه بفرح :بلمبارك حبيبي عسى الله يتمم لك على خير ياامي انت
ابتسم براحه من شاف ردة فعلها وتريح جزء منه
عبدالعزيز:يمه ترا بنطلع للعزبه ولا نجي غير بكرا العصر وعماني
معنا
خزنه:استودعككم الله ياحبايبي انتبهو من البرد ترا بدايات غير
عبدالعزيز:يمه كل شي بداياته غير وحلوه
خزنه وهي ترتب معاهم شراع النوم:اي شي بدايته حلوه نهايته موجعه ف بداية الشتاء حلوه بس يجي بها تعب
عبدالعزيز ب ابتسامه:يزين التعب اللي من الشتاء
دخلو اخذو تروشو وطلعو قربو الشاص وحطو فرش النوم والفروات والبطانيات
لبس ضيدان ثوب بُني وشال تطرزيه كُحلي سوا عصبه واخذ عصاته وحط دهن عود وركب بنتظر عبدالعزيز
عبدالعزيز لبس ثوب اسود وشماغ عاديه ونسفها
ركب الشاص واتجهو للعزبه قبل اذان المغرب
لتوضيح
(شماغ بس يقولون لها الرجال شال وهي شتويه ابحثو عنها وتشوفونها)
________________________________
عند مياسه اللي انسدت نفسها من كل شي وجلست ترسم 
ترفه: مياسه تروحين معاي عند خزنه؟
مياسه : لا يخاله بنام ف البيت
ترفه :زين طلعت وانجهة لبيت مطلق
-------------------------------
قامت مياسه ترتب البيت وتنظف كالعاده تشغل نفسها كل مازهقت دخلت غرفتها وطلعت ملابس الشتاء اللي هم قمصان روز ثقيلات ومدرقه اللي كانت سودا وعليها نقش عنابي ابتسمت وهي معجبه ب للبس اهل الشمال غسلتهم ورفعت ملابس الصيف كان باقي لها تعزيل المطبخ بس اذن المغرب توضت وصلت بالحوش كان نسيم الهوا حلوو خلصت صلاتها وقامت ترتب المطبخ وتعزل المواعين اللي مالهم فايده سوت لها كبسه وجلست تاكل بعد ماتعشت بدري قامت تنظف الثلاجه ورجعت كل شي مكانه جلست بصاله وتنهدت يتعب سوت شاهي وقامت تاخذ شور وتلبس شي ثقيل وتوقف قدام المرايه تمشط شعرها اللي كان لحد خصرها اسودد ابتسمت وهي تردد
:يابو جديلٍ على حد الخصر يضفي
‏الموج زاد بسواده لونك الصافي
بدت تجدله ثنين وتجلس ترسم
_______________________________
بعد صلاة العشا بعد ما الكل نام الديره فاضيه  الساعه 11:00
بمكان ثاني ماقد جينها دخل وهو سكران معه ثنين من اخوياه البيت فاضي مافيه الا بنت اخوه زوجته وبناتها عند اهلها
ويتهزز من الثقل قرب له وغمضت بخوف وهي تبعده وتدعي عليه
معيض بثقل:انتي حلوه من بنته؟
نجد:عسى الله ياخذ عمرك
قرب منه وهي ترجع للوراء
معيض:اشش يغزال خلنا تاخذ راحتنا
نجد ترجف سحبت طرحتها ورجعت ورا
معيض:اعطيتس اللي تبين بس خلينا  نتهنى
شخص: نعن ابوتس مافيه بجمالتس
شخص ثاني : رخيصه رازه نفسها لنا بس احب اللي مثلتس بايعه نفسها
معيض بضحكة:انا الاول
شحص ثاني:صيده حلوه وصغيره
صدت بقرف من كلامهم لين ماحست ان معيض  يقرب لها ويحدها ف مكان واحد دفته ووراحت تركض فتحت باب
تلفتت بالحاره فاضيه شافتهم طالعين وراها
ماسكه طرحتها بيدها وراحت تركض صوب العزبه اللي نهاية الديره تركض وطرحتها بيدها مروعبه من منظر عمها صح قاسي لكن ماتوصل للمرحله انه يسوي كذا ويسكر ويدخل عليها رجال
لين مابعدت عن الديره وقفت تاخذ نفس وهي مصدومه  سمعت صوت سياره بادي يقرب شافت عمه واخوياه انصعقت ف اتجهة للعزبه فعلًا تركض ب اقصى سرعه لين  وصلت مكان العزبات شافت عزبة اهل مطلق والسيارات عندهم كثيره بدت تلعن نفسها تلعن الرجال انجه صوب العزبه الفاضيه والطافيه ركبت على ألباب لين طمرت وانشقت يدها من الحديده حقت البوابه راحت تخبى ب اي شي تشوفه قدامها شافت مجلس فاتح تمشي شوي شوي وفتحته شافته فاضي دخلت وسكرت الباب تناظر يدها اللي مرا متعوره والدم بكل مكان خذت طرحتها تلفها من الابهام لان الجراح وسط اليد غمضت بتعب وهي مرعوبة من اشكالهم تذكرت كلامهم وبدت تبكي ماتعرف كم صار لهز تركض انهد حيلها بس خايفه تنام هي من زمان ماتغفى عينها تناظر الباب وتدعي للطف ربي لليله طويله بارده مُوحشه بنسبه لها ثقيله
____-----------------------------__--------
كان جالس مع عيال عمه مطلق ويتنون عون معهم كانو كل عيال الديره سهرانين
بارق:كم الساعه ؟
ضيدان 12:00
وقف بارق
عبد العزيز:على وين؟
بارق:بسري للعزبتنا عشان اعلف الحلال الصبح
ضيدان:الله يسهل دربك
اتجه للعزبتهم ركب سيارته لين واقف عند ابوابه طلع مفتاحها وفتحها ورجع دخل لين وقف
فزت برعب لما شافت انوار السياره على شباك المجلس بدت تلعن نفسها وعرفت ان عمها راح يخلص حاجتها ويتركها كتمت شهقاتها الغرفه ظلام تحسست دله واخذتها بترميها اول مايدخل
نزل بكل هدوء وهو رايق فتح باب المجلس وحس بشي اننرمى وضرب الباب غمض وفتح وشاف  وشخص واقف وشعره منتظر
غمضت ورمت الدله بكل قوتها بدت تتكلم ببُكاء:الله يلعنك انا بنت اخوكككك اصحى من الزفت اللي شاربه لاتبتليني بنفسك يعل ربي ياخذك وافتك منك مو كفايه انك معذبني الحين تحرش فيني انت واخوياك فكني الله يخليك فكر اني يتيمه عمي تكفى اصحى واغمى عليها
واقف وانصعق لما سمع بككاها وترجيها لعمها مايعرف منهي ولا يعرف من وين جت لكن لمس نبرة الصدق بـ كلاممها  حس بشي طاح وعرف انه اغمى عليها دخل وسكر الباب وشغل المبه
تنح بصدمه لما شاف يدها تنزف وهي طايحه طلع واتجه لسبارته واخذ شنطة الاسعاف اللي تجي بسياره واخذ علبة مويه غسل وجها ورفع رجليها وصحت ركى رجليها على المركى عدلها وشربها مويه صحت وبدت تدفهه عنها وتقول بترجي بتعب:تكفى بعد عني تكفى لاتلمسني
بارق:هدي نفستس وتعوذي من ابليس بس لاتعذبين نفستس
بعدت عنه وتركت على الجدار
اخذ يدها بناظر فيها وقال:تحتاج خياط شسواه؟
تناظر له بنظرات مُشتته بوجه شاحب وتعبان
بارق:باخذتس للمستشفى
اشرت له براسها بـ لا
بارق:مب على كيفتس
_____________________
بالديره بعد مالكل نام
عون وكسار جالسين عند المسجد كانو يتاملون النجوم
كسار :بقوم اسوي شاهي تبي؟
عون:اي امشي معاك؟
كسار:لا اجلس الحين اجي
عون :زين
مشى وانتبه لراعي السيارة يمشي شوي شوي من عند بيت دغيم ابو عون وكنها يتفحصها شافه ياخذ جركن بنزين ونزل مسرع جالس يتفحص الموضوع وهو ماستوعب الا لما الرجل طلع
بيت دغيم تحديدًا نزل فراج من السياره وهو مرعوبة تطب بيت دغيم وكب بنزيل على دواليب الخاشب القريبه من المطبخ وغرفة عون مسك برميش مويه الحوش رشه  على الساخنات الخارجيه حقات المطبخ وغرفة عون ومياسه لين شافههم بدات تلمس وتولع   وطلع يركض من البيت تصادم مع كسار وطح لمح بيت ابو عون فاتح دليل ان فيه مصيبه مسكه وثبته وصراخ ب اسم عون اول ماشاف البيت ولع والنار بكل مكان
عون  اللي فز يركض وهو يقول وش ماهو منتبه لشي وعلى باله ان كسار صار له شي
كسار؛بيتكم اركض
عون اللي تنح ب البيت اللي يحترق وراح يركض صوبه وهو نتجاهل النار  ومنادات كسار له
كسار اللي ناظر لرجال وسحبه للمسجد وقفل عليه وراح يركض للبيت
دخل عون وهو ميت خوف ينادي اسم امها محد رد فتح غرفتها ووغرفتة مياسه  لكن مافيه احد النار  بدت تزيد وعون صامل ويسمع كسار يناديه لكن متجاهلها
عون:بصوت عالي فيه احد؟
مياسه اللي حست بكتمه من الدخان الي تسرب لغرفة عون لانها بجهة الدولايب
قربو كسار وعون كسرو باب غرفته شافها طايحه شالها وهو يناديه :مياسه وين امي؟
مياسه بتعب ودوخه :عند خالتي خزنه
كسار:عون بسرعه طلعو بسرعه بدق على الدفاع المدني والشرطه
عون فصخ ثوبه يغطيها :دق دق
كسار اتجه للبيت وهو ياخذمويه ويعطيها عون
بدا يغسل وجها وسمعها تكحه فتح السياره وجلسها
وماهي الاثواني الا الشرطه والدفاع المداني بكل مكان وحريم الحاره طالعات وخزنه وترفه يصيحون وينادون مياسه داخل
عون بعد عن الكل وركب السياره ومياسه ورا
عون وهو يحسبها ماعرفته:تحتاجين مستشفى ؟
مياسه بصوت مبحوح من الكحه:انت ؟عوون؟
عون شد على الطاره وهو يصد عنها
مياسه:اسالك باللي خلق الكون ب اكمله انت عون ولد خاله؟؟
عون كان ساكت يسمع اسمع بصوتها يستشعره ياكم كان حلمهز تناديه وهي كبيره من طفولتها مكان يشوفها الاشي يخصها كان عايش ب عالم ثاني يحسها حوله يستشعر وجودها اللي فقده من14سنه واعى لما سمع شهقاتها وقال بتردد:اي عون ماغيره عون اللي صدقتي فيه وصديتي عون اللي ماله ب خيالتس ذكريات اي انا للاسف اللي حتى بنومي اذكرتس وانا متاكد اننتس حتى بالخطأ ماراح تذكريني
نزل من السياره وقف قدام امه اللي ماكنت منتهبه له اصلا وتنادي سحبها مع يدها وهو مقهور  لان امه ماتذكرتها قال بصوت مليان تعب : هنا البنت
فتحت امه السياره وطاحت مياسه بحضنها تبكي وتقول:يخاله خفت خفت عليك اكثر من علي خفت لو صار لي شي انتي من لك بدنيا
وقف  ورا امه يغطي مياسه سحب الشماغ الطايحه على الارض ورمها  اتجه لكسار والعسكري
العسكري: مافيه أضرار صح بس بناخذ اقوال البنت واقوالكم والشخص اللي ف سياره ودقو على صاحب البيت
كسار: صاحب البيت بالبر يجي الصباح ف بقوله يمركم
العسكري : جيبو البنت لي
عون بحده:مايحتاج خذ اقوالها هنا
كسار بهمس:مو قت غيرتك
عون بنفس الهمس:مااغار
العسكري :طيب ساعه واخذ اقوالها
بعد ماطفو الحريق خزنه جابت لها عبايها وطرحه ف رمتها على وجههه واتجهو لبيت خزنه وجاء العسكري ياخذ اقوالها تحت انظار عون
العسكري:كيف صار ؟ الحريق
مياسه:مادري والله بس كنت بالغرفه وتسرب لي الدخان واسمع صوت اشياء تفقع ماحسيت الا وناقص الاكسجين عندي
العسكري:كنتي اي غرفه؟
مياسه بدون انتباه:غرفة عون
التفت لها عون بصدمه
مياسه:اقصد الغرفه اللي جنب المطبخ
العسكري:حلو عندك شي تقدمينه؟
مياسه : لا يعطيك العافية
خزها عون وتعدا مع العسكري وهو يتحلطم
كسار:وشبك؟
عون:يطيط العاطيه
كسار:اعوذ بالله شتقول انت
عون بهمس قالت له يعطيك العافيه
كسار ضحك ضحكه قويه
عون:الله يلعنك انت الثاني بعد امش نروح للمركز
ركبو واتجهو للمركز
__________________________
عند بارق مصدوم من الورطه اللي قدامه وعنيده فوق تعبها صامله ماتروح مكان
بارق: خلصيني امشي
نجد بتعب : اتركني خلاص اعتقني يامسلم
بارق : امشي للمستشفى خلصيني
نجد : خلني هنا اموت مالك علاقه فيني
بارق  مانتظر شالها وهي تنادي وتضربه وتسبه بصوت مبحوح
ركبها السياره ناظر فيها اخذ الفروه وغطها وحرك للمستشفى
بعد ماوصلو المستشفى  نزل وفتح الباب لاثمها بشماغه ولابسها الفروره طلع كرت العائله على اساس انها اخته وشقها السكين دخلو عند الدكتور وهي ساكته خيطو جرحها وصرفو لها مسكنات بدا الدكتور يتكلم مع بارق والمواعيد اللي تاخذذهم  تحت انظار نجد  ركبو السياره وهي ساكته
بارق: يقول الدكتور تاخذينهم بعد كل وجبه
نجد:سمعتها
بارق:بس هذاي احذرتس لو ماتاكلينهم
نجد بكل هدوء عكس اللي بداخلها:بطقاق
بارق يلطف الجو:اعاقبتس
نجد:عادي
بارق: يعني فداي؟
نجدناظرت له بطرف عين
بارق:مدري كنتس تقولين يابارق عادي فداك عاقبني
نجد:تخسا يبارق
بارق ضحك ضحكه قويه وصد
نجد كانت تعرف حجم الكلمه ذي بحق الرجال لانها كانت تذكر عمها يضربها عشان تقوله الكلمه ذي لكن ذا ضحك
وقف عند مطعم وطلب لها برقر وله اخذ ثنين كولا اعطها تاكل
نجد:مو مشتهيه
بارق:ماهو على كيفتس اقول كولي الدنيا ماتستاهل شايله هم والدنيا بتزين بكرا وترا ماهو كل الليالي عتمه مصيرها بتشع لتس الدنيا مستحيل تبقين بالحزن ذا ويمكن ورا الحزن ذا فرحهه عظيمه
نجد:طيب باكل بس اسكت
بارق بضحكه :مُقبوله يا؟
نجد:مالك علاقه ب اسمي
بارق:اسم حلو بس ماعجبني بسميييك عذوب
نجدناظرت له بطرف عين :انزل
بارق:نعم ي الاخت سيارتي! ماكنتس منتي؟
نجد:انزل باكل
بارق:طيب
نزل واعطى قفاه السياره
فكت اللثمه وجلست تاكل بيد وحده بعد ماكلت وخلصت رمت على وجهه الشماغ لان ماهي قادره تسويها اشرت له وركب
بارق:كليتي  علاجتس؟
نجد:لا
بارق:اي بس فالحه تهاوشين وتنافخين علي تقل ماخذ منتس يدي او رجل
كتمت ضحكتها وهي تشوفه يحاول يطلع دواها ويحط بيده ويعطها مويه وفعلا اكلت اتجهو لديره بس مع طيرق ثاني
نجد بخوف:وين ماخذني!
لمس نبرة الخوف بصوتها وقال بكل هدوء:باخذتس لديره مع طريق ثاني بنزلتس عن زوجه عمي تنامين وترتاحين ولين بكرا والصباح رباح مابي اخذتس للعزبه كلها وخايف عليتس
نجد بهمس:تمام
______________\\\_____________________
بمركز الشرطه____
الشرطي: عون تعرف فراج فريج؟
عون:ايه
الضابط : هو المتسبب
عون: عرفت منه ليه يسوي كذا او احد مرسله
الضابذ:قال ان ماحد ارسلني ابد وانه هو كان السبب ب سجنك
عون:وش عرفتو بعد؟
الضابط:حط لك بشاهي مخدرات قبل14سنه وحط لك عينه ب سيارتك ولما اتمو القبض عليك وحللوك اتضح لكم انك تتعاطى وهي النسبه بسيطه
عون بعصبية:ممكن بكرا اخذك تقول الكلام؟ والكلب اللي عندكم  حاول فيه لين تعرف ليش ضيع عمري
الضابط:كنت ادري انك برئي بس ماعندي دليل والذي نفسي بيده الا اروح لديرتكم واعلن الشي ذا واثبت برائتك
عون ابتسم واستاذن وطلع يركض لكسار
كسار اللي كان واقف برا ويدخن بعد ما اخذو اقواله شاف عون مقبل عليه ومبتسم وفاتح حضنه بادله برفعة للأيدين وحضنو بعض
كسار بضحكة:اخو حسن العلم؟
عون:ابشرككك بتثبت برائتي وارجع لاامي وارفع راس ابوي اخيرا ياكسار ابوي بيرضى علي
كسار شد على حضنه ويتمتم :الحمدالله  الحمدالله ياعين  كسار
طلعو واتجهو لديره وبدا عون يشرح له اللي صار لين دخلو الديره وشافو بارق معه واقفين قدام بيت اهل عون ويناظر بصدمه نزلو واتجهو له وركض بارق يحضن عون
بارق:تكفى العلم فيه احد صاير له شي؟
عون:لا بسم الله على قلبك مابه الا العافيه امي ومياسه بيت عمي دغيم ولا صار شي
بارق:الحمدالله على السلامه من الخسيس اللي سوا تسذا؟
عون:تونا جينا من الشرطه ومسكنه وبكرا وابشرك بكرا باذن الله تظهر بررأتي ويجي الضابط يجمع اهل الديره ويعلمهم اني مظلوم
صرخ بفرحه بارق وحضنه  ويتمتم الحمدالله الحمدالله علي نذر لا اوقف معاك
عون بكل هدوء:خالك تسبب بالحريق وبسجني
سكت بارق شوي بعدها قال:مال الظالم الا جزاته لو انها أمي
وورجع شد على حصنه
عون:اهلك بسياره رح شفهم
بارق :ابتسم وقال بنزلها عند عمه ترفه ومياسه
عون: ليه امك وينهي
بارق بكل هدوء:ماهيب اختي
عون تنح:لعنه
كسار:صاحي انت توعى الكلام اللي يقوله فمك؟
بارق:خيررر لاتفهموني خطا والله ماهيب اللي بالكم ولا اعرفه بس ساعدته وبنزلها عند عمه ترفه وعمه خزنه يساعدونها
كسار بحده: وليه وين اهلها
بارق:ماعندها اهل بعدين اعلمكم
عون :خلص وتعال علمني
بارق:زين
اتجهو كسار وعون للبيت وبارق راح يطق على بيت مطلق
فتحت الباب خزنه وتشوف بارق واقف
خزنه:العلم فيه شي؟
بارق:لا يعمه بس ابيتس انتي وعمه ترفه بشغله ياليت تساعدوني
خرننه:دقيقة اناديها
راحت خزنه ونادتها ورجعت
ترفه:بسم الله فجعتني وش السالفه يوليدي
بارق:يعمه معاي بنت ماعندها اهل بنت عمها  تهجم عليها   وهو سكران وشردت للعزبه وشاق يدها هو واخوياه ولقيتها بعزبتنا وساعدتها ولا لها مكان تروح له وديتها للمستشفى بكرت العائله بس خلوها يوم عندكم لين ترجع زوجة عمه ونمسك عمها واخوياه  وترا ماعرف اسمها هي يتيمه  بس ترا ماعرف اسمها ولا اسم ابوها بس انتم حاولو فيها وعلموني عشان احاول امسك عمها واخوياه
ترفه بكل هدوء:دخلها وانا امك وراح ارتاح
خزنه  بحزن:يقلبي قلبها
اتجه لسياره وشافها نايمه ركب جنبها وفزت بخوف
بارق بحنيه:اسم الله عليتس بس وصلنا انزلي زوجات عمامي ينتظرنتس لاتخافين من شي واذا حسيتي ان المكان ماهو مناسب هذاك بيتنا تعالي يمه وعلميني اوديتس للمكان اللي يعجبتس
نجد نزلت بدون اي رد شدت على الفروه ونزل وراها لين وصلو الباب
خزنه:ارحبي يهلا ببنيتي
ترفه حضنتها ودخلتها داخل
رجعت ترفه لبارق
ترفه؛ بارق ياوليدي خلاص تيسر الله يسهل دربك ويفتحها بوجهك
بارق:امين اذا احتجتو شي علميني
ترفه ابشر
سكرت الباب وهو اتجه لبيت كسار
خزنه:يمتس نامي وارتاحي وبكرا باذن الله خير
التفت نجد شافت مياسه نايمه وهي فراشها جنب فراش مياسه وخزنه جنب نجد وترفه جنب مياسه
ترفه:ارتاحي وفكي اللي عليتس
فكت نجد الشماغ والفروه
خزنه بببتسامه اعجاب:تبارك اللي خلقتس وسواتس
نجد جمعت شعرها وانسدحت
ترفه جابت مويه وحطته عند راسها
خزنه: اكلتي شي ياامي؟
هزت راسها نجد ب ايه
خزنه :عافيه
الكل دخل فراشه ونام
-----------------------
بيت كسار
عون وكسار معصبين على بارق وهم ماهم عارفين شي داخل بارق
عون:يلا اشرح لي بتفاصيل
بارق بدا يقول السالفه كلها
كسار وعون انفعجو وبنفس الوقت عصبو
كسار:والذي نفسي بيده لو اعرف الشيبه لا اهد فيه الدنيا لعنه تلعنه
عون:اعوذ بالله الحمدالله ان الله جابها عندك ولا رامها بواحد مايخاف الله
بارق:ايوالله الحمدالله رغم انها فجعتني بس الحمدالله فكرت اخلي عمه خزنه عمه ترفه يعرفون اسم عمها وابلغ عليه وعلى اخوياه وكذا تكون البنت بخير
عون:ايوالله نمسك اللي مايخاف الله
كسار:بارق ماودك ترجع للعزبه؟
فز بارق وهو يقول كم الساعه ؟
عون3الفجر
بارق يلا بروح عشان اعلف الحلال
وفعلا ركب سبارته واتجه للعزبه  لين ووصل ومابقى على صلاة الفجر شي شب النار وسوا كرك وجلس يهوجس بعمها وش وصله للمرحله ذي
اما عون وكسار اللي نامو على طول
_____________________________
إنتهى البارت اتمنى ينال اعجابكم وتعطوني ردودكم الحلوه استودعككم الله الذي لاتضيع ودائعه ونشوفكم بارت ثاني طويل ومليان احداث 💖💖💖💖