يوم جاته من زعلها كنها تقصر خطاها

بارت

بصباحات المُنتظره اليوم الموعد "
صحت على إزعاج البنات عندها عاقده حواجبها
مياسه: اسم الله عليتس شفيتس
نايا: ازعجتوني
تولين: صحصحي
نجد: الناقشه بتجي
قامت من السرير متجه لدولاب تطلع روب الحمام تاخذ شور جل حقها وللوشن : ماراح انقش ارتاحو
تولين: ليش
ناايا : مابي
دخلت دورة المياه
خزنه: تعالو الفطور جابه عون
اتجهو البنات لصاله
_______________
برا يعلقون العقود على بيت مطلق ويعلقونها بالديره
ضيدان: ترا جهزت الذبايح وديتهم للمصلخ
عبدالعزيز: كفو انا بروح للعزبه واشوف متعب الجادل
بارق : اهدا يولد لاتروح انا بروح عنك
ناظر له بطرف عين وركب سيارته واتجه للعزبه
عون:متى تروحون للحلاق؟
بارق بهمس:العريس بكبره رايح للعزبه
عون من الصدمه حط يده على راسه:في ذمتك
بارق :والله
عون:تعالو نحط الدلال والكاسات والفناجيل
اتجهو العيال يتربون المخيم مع عيال الديره
______\____________-____
سارحهه ب افكارها وتتمرر الفقعات على يدها مليون شعور يدامها بوسط الكم الهائل من الصابون والبخار  تعرف آن الحياة اللي بتعيشها ماهي سهله مع شخص عكس شخصيتها طلعت مـن البانيو تغطي نفسها بالروب ترطب جسمها وتلبس بجامتها الستان الاسود وتطلع
\__\\\\________--------
بصاله جالسه تنقش كفوفها لزواج اختها الصغيره ومختاره نقش ناعم يليق بفستانها الموف
_____
عند نايا اللي اتصلت على كسار
كسار:لبيه
نايا:ابي توديني لصالون
كسار:جايتس
مياسه:تروحين الحين
نايا:اييي
نجد:اصلا مافيه وقت
لالبست عبايتها وطلعت
تولين:انتبهي لنفستس
نايا بهدوء:من عيوني
_____________________
بالعزبه حط العلف وجلس عند الجادل ويبوسها  ناظر بالساعه:12:50 الظهر ركب سيارته واتجه للديرة
_________________
عند البنات بعد منقشو كل وحده بدت تطلع فستانها وتجهز اكسسواراتها
نجد:ترا طلعت لكم الميك اب عشان مانضيع وقت
تولين:مالقيت لي عقد مناسب
مياسه:اشوف
اعطتها  الطبق حق العقود
كان فستان تولين موف يجي قصير تحت الركبه بشوي مكشوف الاكتاف
طلعت لها عقد الاماس ناعم
نجد:اي ذا اللبسه
تولين:شكرا ميمي
مياسه:عفوا
نجد:ابي صمغ اظافر
تولين: شوفيه عندك بشنطة الميك اب
هنوف: انا بعد عندي
غدير:  بدور عدساتي
____________
عند العيال بعد ماسفهم عبدالعزيز ودخل يتحمم وطلع
جابر:بفهم وش استفدت ؟
عبدالعزيز: حضن الجادل متعب
ضيدان:ياصبر الارض
بارق:اركبو عون يحترينا بنحلق
جبر:يالله يرجال مابقى وقت
طلعو واتجهو للحلاق
____________
عند نايا جالسه تسوي بديكرر ومناكير بعد ماخلصت بدت بالمكيك اب
__________-
بيت مطلق  فرشو الزل الاحمر وجهزو العقود حطو المناقل (اللي يشبون فيها النار)
ترفه: جهزتس كل شي بس على العصر نسوي الشاهي والقهوة
خزنه: جزاتس الله خيرر يوخيتي ممير حقت الديجيه مدري متى بتجي
كان منظر الحوش حلوووو
____________________
مر الوقت بدون احداث كل واحد يجهز نفسه 5:50
عند البنات اللي لبسو فساتينهم لان الناس بدو يجون
تولين: بناتتت احد يجي يسكر سحاب فستاني بليززز
غدير : تعالي
تولين:يلا
نجد:بنات كيف شعري ؟
هنوف:بسم الله عليتس تجننين
مياسه:تكفون شوفو كشخه نوره بنت غدير
غدير:وشعرفككم ترا هي عروسه
نايا:وييي اموت على الابيض والنقش والمناكير
هنوف:اقرو اذكاركم
دخلت خزنه بالبخور اتسع مبسمه:ماشاءلله لاقوة الابالله عسى الله يحفظتسن  يلا اطلعو
مياسه:حبيبتي ام العريس
ترفه:يالله النسوان جو
__\______\__\\_
عند الرجال لابس ثوب ابيض وشماغ ولابس البشت الاسود مع الكبك والخاتم تقدم ضيدان يبخرهه سحب عبدالعزيز دهن العود وبدا يمرره على يده ومن عند اذنه
جابر:حط بنت الناس بعيونك لاتنسى انها يتيمه
عبدالعزيز:ابوي وينه
جبر:عند الرريجيل
بارق:يالله عشان يمديك تسلم
اتجهو معه للمخيم وبدات العرضه حقت العريس
__\\\\\_____________________________
بالصالون  مسويه تسريحه ناعمه رافعه نص الشعر والباقي ويفي ناعم لابسه فستانها والميك اب ناعم يشابه نعومتها  حطت طرحتها وطلعت لعمها
كسار: ارحبي يعروسة قلبي
نايا: هلابك
شغل المسجل ويرقصها معه
_______________________
بيت مطلق بعد مااشتغلت العقود وصوت السماعات البنات وافقين والكل يسلم ونجد ومياسه يقهوون وتولين توزع حلا
خزنه تنتظر نايا مع الباب الثاني وفعلا دخلت نايا وبدت تزغرت (تغطرف)
خزنه: ماشاءلله تبارك هلاا ببنيتنا
مسكت يدها
هنوف: حبيبتي لاقوة الابالله
دخلوها الغرفه
طلعت هنوف ونادت البنات  عند تولين اللي واقفه عند الباب ورافضه تدخل
غدير:توته ادخلي
تولين ببكي:لاتكفوون
مياسه:توته الحين بتخربين ميك ابك
سحبتها نجد ودخلتها
ناياشدت على الباقه: توتي بليززز لا
تقدمت تولين تحاوط نايا:عمري انا البنوته اللي صارت عروسه
دخلو غيد وبدور يسلمون
شغلت السماعة نجد وبدو يرقصون نايا وهي تصور ومبتسمه
غيد:اهخ يحظ عبدالعزيز فيتس
نايا:وي اشبها ذي
ترفه:تعالو الناس برا
طلعو البنات وتركو نايا
___________________
بالحوش الكل حاظر والبخور بكل مكان مع البنات اللي يقهون ويحلون رقصت تولين على ذهب ذهب كان رقصها ناعمم والبنات يعزوزن لها ابتسمت إبتسامه خفيفه ورجعت توقف
__________________________________
عند الرجال____
بدو العرضه جابر اللي وواقف عند الرايه كان سامري شمالي كانو واقفين صفين وبدا طق الطبول مع صوت راعي العرضه
اخذ السيف ضيدان وبارق وبدو يلعبون اتسع مبسم عبدالعزيز على منظرهم  سحب السيف واتجه مع عون وارتفع صوت راعي العرضه رفع بشته يلعب فيه وتقدم لها ضيدان يلعب بسيف معه
لين انتهاء وكل واحد رجع مكانه
تقدم جبر وهمس ان العشاء جاء
_____________-----------
بعد عشاء الرجال اخذو الصياني ضيدان وعون وبارق يودونهم للحريم  واقف عند الباب الخلفي ودق عون وقال لامه يفتحون الباب 
ترفه:مياسه روحي افتحي الباب  الخلفي بعد شوي العشاء بجي بسرعه قبل يجي
مياسه :يلا
راحت مسرعه تفتح الباب
رفع راسه على فتحت الباب بقوه: يمه شوي
ناظرت له بصدمه مكان يغطها شي سوا شعرها اللي مغطي اكتافها
كان مركز ولا يبي يرمش عشان مايفوته منظرها شعرها اللي كاسي الفستان الازرق لكن كان عنقها كاشف لان الفستان بدون اكتاف
مياسه بعصبيه من نظرته:لعنه
تركته وراحت تركض
اتسع مبسمه يناظر مكانها قاطعه صوت زمور السياره حمد ربه انهم جو متاخرين
نزلو الصياني وطلعو
______________
تولين:اشبكي
مياسه:بعلمك بعدين العشاء جاء
خزنه:يلا بقلط الحريم
قامو خزنه وترفه يقلطون الحريم
_____________
عند الرجال
جابر:يلا ياعبدالعزيز الزفه
عبدالعزيز: يالله
ضيدان: كسار الزفه
كسار: ابد جاهز
بارق: عز الله الاسبوع اول مره يطول
ضيدان:استحى
عبدالعزيز: شعور يابارق ماينوصف شعور واحد فازت ناقته بالهجن
عون: الله يقطعك على ذا الغزل الله يعين بنت الناس عليك
ضيدان: وشذا الوصف المعفن الواحد يقول شعور حلو يزين الشعور انك تكون متزوج ماهوب شعور واحد فازت تاقته
بارق: يالليل من العزوبية اشغلونا ماعليك ياعبدالعزيز افهمك
عون: الله لايبلانا فيكم
جابر :دقيت على امي وعلمتها
--------------______----------
عند خزنه بعد ماقلطت الحريم قالها جابر انهم بيزفون عبدالعزيز
اتجهة للبنات
نجد: وش
خزنه: تعالو بنحط نايا بالمجلس بيجي عبدالعزيز
تولين: يلا
راحو البنات يطلعون الدبش ويحطونها بالمجلس عشان على طول يزفونها
نايا:اشبكم
خزنه:مابه شي ياحيي بس الزفه
نايا بخوف:لازم دحين
غدير:لا بكرا
حطوها بالمجلس وجلسو يتصورون وطلعو وتركو نايا وتولين
دقت تولين على كسار
كسار: ارحبي ياخت العروس
تولين: تعال مافيه احد
كسار: يلا وقفلً
كسار: لحظه بروح اسلم عليها واشوف
عبدالعزيز:طول عمرها قدم وجهك
كسار: بنتي هذي اذلف
كانو واقفين عند الباب
دخل كسار واتسع مبسمه على شكله رفع الكاميرا يصورهم
نايا: عمو
كسار:عيون عمتس لاتخافين والله اني مازوجتس الا حمر عين وسنافي وان سوا لتس شي والله لاهد به الدنيا وتذكري اني معاتس وراتس كل ماحسيتي ان الدنيا مالت مالتس الا حضني حاوطها بحضنه
نايا بكي : حبيبي عموووو
تولين اللي كانت تصور: خير لاتخلوني اصيح
بعد عنها وتقدمت تولين تحضن نايا
تولين: دنياي انتي لاتبكين
نايا بنهيار: لاتخليني
كسار:يلا لاتخربين وجهتس  الرجال برا
طلعت تولين
طلع كسار:عبدالعزيز تعال
دنقت نايا بخوف وشدت على المسكه
دامها صوته الرجولي عكس هدوء صوت عمها:سلام عليكم
كسار:ارحب
عبدالعزيز:تبقى
رفع راسه يشوفها شاده على المسكه وصاده
كسار:لاواصيك عليها بنتي حطها بعيونك
عبدالعزيز:لاتوصي حريص ابد
تقدم كسار يحاوطها وماسمعو إلا شهقاتها
كل البراكين والزعل بداخل عبدالعزيز تلاشى
كسار:افا وانا عمتس لاتبتسين
دخلت خزنه وهي متغطيه: روحي روحتس علامتس
عبدالعزيز بكل هدوء:يمه لبسيها بنمشي
نايا بكي:لا اعرف اللبس
خذت عبايتها ولابست
كسار:بركب الدبش
نايا:نادي توته
خزنه :يالله يامتس
وماهي الاثواني الل دخلت تولين متغطية حاوطتها :استودعك الله حبيبي الله يوفقككم ويجمع بينكم
نايا بكي:توته
تولين:حبيبتي اهدي لاتسوين كذا
نايا:ماقدر
واقف يناظرها كيف تبكي بحضن اختها :أمشي ترا ماودي اكلتس
مسك يدها واتجه لسيارة  سحبت يدها من يده وركبت
وركب واتجه للفندق
_______\__________\\\___________
عند البنات بعد ما الكل راح بدو يرتبون ويساعدون الخدمات
تولين :ياربي تعببب
غدير :صادقه
دخلو المواعين للمطبخ واتجهو للغرفه
نجد:جبت لكم قهوه وحلا محد جاه
مياسه:عززز
هنوف:يالله يا ام ممحمد نشبت لي تبي تخطب تولين
تولين:صرفتها لك
مياسه:كيف نايا
تولين:منهاره
هنوف:ماتنلام اللي يشوف شكله يموت رعب
تولين:ذا غير صوته يماما لما حكى بغيت اموت وشذا
كانو جالسين دائره وعندهم قهوه وحلا وفطاير ورق عنب وكولا
تولين ببدل وارجع
نجد خوذيني
هنوف:نبدل ونرجع
بعد مابدلو جلسو يمسحون الميك اب
تولين:صح وش صار لك مياسه جيتي قبل لايحطون العشاء وجهك مصفر
مياسه:تكفون خاله قالت روحي أفتحي الباب قبل لايجون العيال بالعشاء دق عليها عون المهم احسب انهم بيجون مع بعض مادريت ان عون سبقههم تخيلو رحت مسرعه وفتحت الباب بقوه القاه واقف تخيلو مايستحي ماشال نناظره حتى ماارمش
هنوف:يحلل النظره
نجد:عما يالعدو وشذا
تولين بضحكه:مبروك زواجك قرب
غدير وهي تاكل ورق عنب:يتمنى من ربي شكله من البارح يدعي
مياسه:يابنات بدون مبالغه ماارمش
نجدد:ماكان يحسب بتجين كذا دعاء البارح واليوم قدامه
تولين:شكل بكره ملكتك
مياسه:لعنه بنات خيررر
غدير:  بعيد عن ذا شفتو بنت ام حسين؟
مياسه: لا
غدير: تسال عن فاتن تقول وينهي زوجة ولدكم
نجد: شقلتي
هنوف؛ ترا تدري
غدير: اي قلت لها مطلقه وقالت بكشره ماتستاهلكم وقلت هي اللي ماتستاهلنا
تولين:قطيييييعه ياطاريها
_________________\\\__________
بسياره كان الصمت سِـــيـد الموقف
عبدالعزيز: اخبارتس؟
ماردت عليه
عبدالعزيز: دوم
صاده تناظر الشباك  ناظرها
عبدالعزيز:تعرفين على الدريشه
ماردت
وصلو الفندق ونزلت ونزل معه خلا العمال ينزلون الشنط
مسك يدها وثبتها بقوه عشان لاتحسبها وهمس:عشان ماتفكينها بس
دخلو الغرفه ومشت تجلس على السرير وهو طلب عشاء ودخل الشنط
رممت عباتها دخل واقف عند باب الغرفه وساند راسه  مربع يديه يناظر لها ترمي عباتها :كل ذا البتسي خوف او ودتس اختس؟
رفعت انظارها له بعيون مليانه دموع : ايش تشوف
ركز انظاره عليها:خوف مني
صدت عنه وتقدمت يجلس جنبها :اتسذب عليتس لو قلت لتس اني مافهمتس ادري انه خوف مني لمحت الصد من اول مادخلت وش السبب بفهم منتس ماودي اللمح صدودتس وافسرها ودي اسمع منتس ماودي اشوف منتس
نايا بصوت متقطع:ماعندك وسط تعصب ومرا تكون عادي تعصب لدرجة تخوفففني منك
ركز انظاره عليها وابتسم ابتسامه خفيفة:الله لايغضب علي دام كل الدموع خوف مني والله لايسلممني ان كان خوفتسس عطيني فرصه اصلح مامضى خليتس كريمه ومن اهل الخير وسامحيني حتى لو اقول اسف الاسف مايكفي تسامحيني ؟
نايا بهدوء :ايوا
عبدالعزيز:وش اللي ايه
نايا :سامحتك
عبدالعزيز ببتسامه:عسى الله يسامحني
مسك يدها وباسها :انتي حلم بغيته من سنين انتي ربيع ايامي بعد ماكانت سنيني خريف
صدت بخجل
بعد عنها :تعالي العشاء ماراضى بكلمة لا
نايا:حبدل
عبدالعزيز:لاخليتس كذا تعالي بس
نايا:يلا
طلعو للصاله وجلس قبالها على الطاوله :مادري وش تاكليين بضبط بس جبت لتس بيتزا
نايا:ثانكيو
عبدالعزيز:ها؟
نايا:شكرا
عبدالعزيز:شقلتي من شوي
نأيا ببتسامة:ثانكيو
عبدالعزيز:اهاه
اكلت شوي وقامت تغسل
عبدالعزيز:ماعجبتس الاكل ؟
نايا؛لاوالله حلو بس كليت خلاص
عبدالعزيز ببتسامة:هني وعافية
راحت تجلس بالغرفه
شال الاكل وحطه بالمطبخ ورجع
عبدالعزيز:بتصور معاتس بجوالي!
نايا:يلا
رفع جواله ياخذ صوره
عبدالعزيز:ماودي تبدلين بتصور عقبه سوي اللي ودتس
نايا:كان قلت نتصور بجوالي
عبدالعزيز:لاودي بجوالي انا
نايا؛اوك كيفك
اتجه للشنطه طلعت بجامه ستان ورديه دخلت بدلت بدورة المياه وطلعت واقفه قدامه وتمسح الميك اب وتفك شعرها وتشيل الاكسسورات
عبدالعزيز:تربعي بين الحشى والازارير واخذي على ترويقة  البال فله  والاصبري بطير القلب تطير وانتي تعالي واجلسي محله
رفعت ناظرها له وصدت تسوي شعارها
عبدالعزيز:تعالي اجلسي
نايا:ثواني شعري عيا يُضبط معايا
وقف ومد يده يسحبها مع يدها :معلونه ذا الضبطيه اللي ماتضبط
خليتس منها انتي بكل حالاتس تاخذين العقل
نايا:لايشيخ
عبدالعزيز:وربتس
نايا:اشبك
عبدالعزيز:بخاطرري شي بسويه يصلح خراب الايام
تقدم يحاوطها بيدينها شدها لها وضاعت بين يدينه
تجمدت ماقدرت تكلم ماسمعت الا صوت دقات قلبه
_______________________________________
انتهاء البارت  استودعكم الله لاتنسون النجمة والكومنت 💖