يوم جاته من زعلها كنها تقصر خطاها

البارت الثالث

صباحات الـديره صباح مُختلف للكل
بسجن وتحديدًا غرفة -عون:
الضابط:عون بن دغيم بن مايح
عون :سم
الضابط: تم الافراج عنك امش معانا نخلص الإجراءات
اخذ اغراضه عون بعد ماودع اللي معه
اتجه يخلصون الاجراءات
الضابط: اقول لاهلك ياخذونك؟
عون:لا دق على كسار ياخذني
فعلًا اتصل على كسار وماهي ثواني الا كسار مستقبله ويحضنه
عون:ترا امس رحت مني
كسار:ياليل يالجلف بس مستانس لك
ركبو السياره
كسار :على وين
عون :خذني لديره بشوفها
كسار :تنزل؟
عون:لا
اتجهو لديره
____________________
بديره اللي الكل صاحي ضيدان بالمحل والشيبان بمجلس الشيخ وعون وعبد العزيز بالعزبه وعيال الديره يصطفون المخيم
_________________________
بيت مطلق ام جابر عازمه ام عون ومياسه على الفطور
وفراشه بيت الشعر دخلت مياسه وترفه جلسو يتقهوون
وبدت السوالف بجمعة امس
خزنه:يخيتي وش فوم خزاري علينا؟
ترفه:ماهيب صاحيه ذا العجوز رجل بالقبر ورجل برا وتسوي ذا السوات
مياسه:خاله هي شفيها حتى بناتها مثلها
خزنه:مافيه الا سواد الوجه ماحد قالها عيب اللي تسويه
مياسه:خاله بروح اطلع دجاجه واشتري شاهي وارجع
ترفه:زين روحي
طلعت مياسه وهي رافعه نص عباتها عشان ماتطيح ومكان بالديره احد اتجهة للبقاله
عون وكسار اللي نزلو يشترون عصير للسندويش
عون كان متلثم ويدور شي غير العصير ياخذه
دخلت البقاله وقالت:سلام عليكم أيمن
أيمن اليمني :وعليكم السلام
مياسه: ايمن ابي شاهي الخير ولا عليك امر
ايمن : على حساب دغيم مايح؟
فز عون يناظر للبنت اللي قدامه معقوله هي؟ ولا مين ذا اسم ابوه
مياسه:لا مو على حساب عمي معاي فلوس
اخذت الشاهي وطلعت
عون ترك العصير واتجه لكسار
عون:تكفى يككسار
كسار:العلم وش ابشر بسعدك
عون:اضنها البنت اللي طلعت قبل شوي مياسه
كسار وهو ياخذ فصفص:يمصرقع وش يطلعها الوقت ولا يكثر بنات الديره
عون:قالها على حساب دغيم بن مايح قالت لا
كسار:يمكن بنت عمك ولا ناس ابوك يخليهم يأخذون على حسابه
عون اللي مااعجبه كلام كسار وراح ورا مياسه وشافها بيعده مشى ورراها لين شافها تدخل بيتهم رجع لكسار
كسار اللي طالع من البقاله ومعه اكياس وشعره متبعثر
كسار:فيك بلا؟علام وجهك مصوفر
عون:يناظر وراه كسار هي والله هي
كسار:يرجال وش عرفك تراك غايب14سنه مب يوم ولليله
عون:دخلت بيتنا
كسار:يمكن اهلك نقلو لاتأمل واجد
عون اللي صابه الهدوء روكب واطلعو من الديره
___________________________________
بدُبي
ناديه جالسه تقراء كتاب وحسين جالس يتفرج على جواله
ناديه:حسينن
حسين:لبيه
ناديه: انت  ليش ماتسال عن كسار اخوك؟
حسين:دايم اسال بس من والله سبوع ماسالتهم واني احول لضباط فلوس يلبون  احتياجه
ناديه:حسون حبيبي تكفى لا تتركه الحين اتصل عليهم واسال
حسين:ابشري
دق حسين على السجين وجابوه الضابط فلاح بن احمد وعلمه بالسالفه وقفل
حسين فز من الفرحه
ناديه:شفيك؟
حسين:كسار طلع
ناديه قامت حضنته :قلت لك ماعلى ربك عسير
دق حسين على كسار
كسار:لبيييييه لبيه
حسين:لبى قلبك يالبزر
كسار بضحكة:افااا انا بزر
حسين:وستين بزر
كسار:تامر لكن ليش زعلام
حسين:ليه ماقلت لي انك طلعت
كسار:والله يحسين خذيت اغراضي من الصابظ واتجهة لبيت ابوي اللي حول ديرة الغزلان ونمت ولا صحيت الا على اتصال العسكر يبوني اخذ خويي
حسين:زين على زين شويات واكلمك
فقل وحجز اقرب تذكره
ناديه :نروح معاك ؟
حسين :لا بس بسلم عليه واضبط امورهم وارجع عندي شغل لازم اخلصها
نزله نايا لابسه بجامه وردي شافت امها وابوها واقفين
نايا:صباحو اشبكم
حسين:عمك كسار طلع
نايا:والله؟
حسين:ايوا وبروح له الحين احجز طيران للمطار سكاكا
نايا:نروح؟
حسين :لا ماني مطول بجيبه
__________\\\_________________
عند كسار اللي عرف ان اخوه راح يجي جلس يرتب البيت
عون:يمكن مب جاي
كسار:لا بجي اكيد
عون:وش السوات البيت فاضي مابه لا شاهي ولا قهوه
كسار:ماهو لازم يعرف ان حنا مطافير
_________________________________
بالعزبه العيال جالسين يسون لهم غدا بعد ماقررر يباتون فيها بس ينتظرون ضيدان يخلص شغله
عزوز :شد لي اللحمه زين
بارق:طيب بس ارفع يدك
عزوز :طيب
ماهي ثواني الا جاي ضيدان وجايب لهم لبن وشطه وزبادي ودجاج متبل
عزوز:ذا ليه
بارق:عشان العشاء
\________________________________
بيت ابو عون بعد ماجهزت العشاء وقطعت السلطه والايداممات حطته وقصدرت الصن وحطت الصحون عليه ولابست عباتها وطلعت لبيت ابو ابو جابر
خزنه:يويلي يملا السعد يالذا الوجه
خذت منها الاغراض وجلسو ياكلون
خزنه : اقول ترفه ورا ماتنامين عندنا ذا الليله العيال بالعزبه وابوجابر ينام مبكر شقولتس؟
ترفه : بقول لبو عون واعلمتس
بعد الغداء
خذت الصحون وراحت هي وخالته للبيت
________\\\\\________________\\\\__
بدُبي ماجهز اغراضه وراح للمطار باقي على طيارته ساعه بضبط
جلس يقراء كتاب
ناديه وتولين ونايا قررو يطلعون مطعم وبعدها كوفي
تولين:ماما ليش مانروح لديره زي بابا؟
ناديه: بنروح بس مو الحين يمكن الثلاثاء او الخميس لين ماابوك يخلص شغله
تولين:مرا بخاطري اشوف عمي كسار
نايا: احس انو لو يجي احسن من حنا نروح
تولين :ليش
نايا: ايوووو تخيلي نروح عند مكان كذا مرا لا
تولين: احس عادي ماحيفرق
نايا: يفرق معاي
ناديه : نوني حبيبي لاتكلمين كذا بنهايه ترا انا وابوك منها
نايا: سوري ماما
بعد ماخلصو اكل راحو يلعبون بالمدينه الترفيهية
____________________________________
مر الوقت بدون احداث
جاء حسين للمطار واستقبله عون وكسار وبدو يسولفون
حسين:بعزكم على مطعم
كسار:كويس تعرف ان حنا طفارا
حسين: ليش ماتدورن شغل؟
عون:بالله عليك من يقبل في واحد ممسوك بقضية مخدرات والثاني مسسوك بمحاولة قتل؟
حسين:خويي عنده شركه بيقبلكم وانتهم بس انضبطو
عون:وين؟
حسين:بسكاكا
كسار بغمزه:قريبه لاتخاف ساعتين وانت عندها
عون ضرب كسار بكوعه مع بطنه وصرخ كسار
حسين:الله لايبلانا
كسار:ترا زعلان عليك
حسين:زعل طوقان
عون:اح قويه
كسار:لعنه حسسيونه ليش ماجبت اهلك!
حسين : كانو بيجون بس قلت لا مب الحين اخر الاسبوع با اجازه برجع هنا نجلس6اشهر وبعدها نرجع
كسار :طيب ورا ماتسكن هنا على طول
حسين :مدري اذا لقيت نقل لي ولناديه
كسار:والبنات ؟
حسين:نايا ماتبي تكمل الحين وتولين عادي اسوي لها نقل
كسار:احسنن وربي
بعد ماوصلو المطعم جلسو ياكلون ومابقى عن اذان المغرب شي
اتجهو للفندق مع حسين
كسار:ليه ماننام بيت ابوي؟
حسين:يرجال بيت ابوك كله غبار قبل امس كلمت العمال يرتبون بيتي اللي بديره الغزلان  نروح له بكرا؟
كسار طالع عون اللي صد
كسار:لايرجال ماودنا فيه
حسين:بس نجلس فيه على ماجيب عمال يسون بيت ابوي ونقضي له مقاضي
عون بكل هدوء :تمم
___________\\\\__________________
بالعزبه العيال متجمعين بارق عزوز ضيدان ويسولفون
بارق:الله الليله14القمر كامل
عبد العزيز:حييي ذالعين
ضيدان ودنا قصيدة
عبدالعزيز: عسى هذا الحزن ياخاطري نزوه وعسى هذا الشعر مايكسر اقلامي عسى مابيني وبين الفرح فجوه؟  عسى ماينتهي صبري واناضامي
الكل :الله
ضيدان: يعيال العشاء جاهز
بارق:عسى الله يسلم يدينك
عزوز:تسويه لزوجتك
ضيدان:اذلف انت وياها
جلسو ياكلو وبعد الاكل فرشو فراشهم
وبد فصلة النوم كان بارق بالوسط وضيدان يدف بارق على عزوز وعزوز يرجع يدفه وبارق من الضحك والخضه عجز ينطق لين قام عزوز وطاح عليه
بارق:تكفى يابو مطلق ماودي اموت
ضيدان:يرجال موت ناكل مفطح ثلاث ايام
عزوز:بعدين فعاليه نغير من الروتين الميت
بارق:امحق عيال عم
ضيدان:تهقون عمي دغيم يسامح عون؟
عزوز:واضح ماعندنا حياه جلسنا نخش مشاكل العائله
بارق:هو من ناحية ماعندنا حياه ماعندنا صراحه لكن صدز ليه مبتليه بذنب ماهو ذنبه كلهم عندهم يقين انه برئي
عزوز:يرجال اللي يقهر كلهم مصدقين ان فعلا عون سواها
بارق:تهقى من ممكن يتهم عون؟
عزوز:شوف الصدز اعرف آن عون ماعنده عدوات كثيره ف ممكن يكون شخص واثق فيه عون
بارق:يرجل الله يلعنه بس
عزوز استغرب هدوء ضيدان: ضيدان ضيدان
بارق التفت له وشافه نايم:  فتح موضوع مشاكل العايله ونام اهنيه
عزوز:قليل خاتمة
بارق:بصير زيه قليل خاتمه وانام
عزوز:مايذوق العز خمام الوسايد
بارق:اقول اذلف مابي اذوق شي
_____________________________
بيت ابو جابر بعد ماسمح لترفه ومياسه ينامون عندهم
مياسه جالسه عند التلفزيون وعندها بسكوت ابو الولد وشاهي حليب تسمع سوالف خزنه ترفه عن خزاري وحقدها عليهم
طفت التلفزيون وحطت راسها بحضن خالتها لين نامت
وماهي الاثواني ونامو
_______________________
الساعه 9:30 اهل الديره الكل نايم الديره هاديه مستحيل يسهرون حتى لو تغير الوقت مستحيل يتغيرون
_____________________________________
بصباحات الديره
حسين:عون قم قم يلا ودنا نمشي
كسار اللي جالس يدخن
حسين:الله يعين كبدك وشش انت من انسان تصبحها على دخان
كسار ب ابتسامه خفيف:وش اسوي يخوك عشان اصحصح
عون قم ياطالع فيه:كسار تدري انت ماعندك معده
كسار:جزاك الله خير صحصح بنمشي
قام كسار واخذ شور واتجه لهم
حسين:يلا توكلنا على الله
ركب حسين وكسار وعون ورا اتجهو للمطعم وافطرو وبعده لديرة الغزلان
عون:كسار باخذ ثوبك الابيض
كسار:طيب
فصخ ثوبه واعطاه كسار واخذ ثوب كسار وتلثم وصلو الديره وقفو بنص عند محامص القهوه ونزلو لكن شد انتباها بيت عمه
______________
طالعه هي وخالتها وعيونها واضحت من ورا البرقع
مياسه:خاله ليش رحنا بدري؟
ترفه: عشان عمتس سوي له غداء
مياسه:طيب
ترفه  تسان ودتس تروحين لـبدور ولغيد روحي
مياسه: لابساعدتس بالغداء
ترفه بمزح:ويلي ودي اجلس مع زوجي بالحالي
مياسه بضحكة عاليه:قوليييي كذااا طيب بروح
وصلت خالتها واتجهة للبيت لبدور وغيد
__________
طالع من المحمصه وشافه تمشي وهو ماهو متاكد انها هي بس ليه طلعت من بيت عمه
خزته وتعدت وسمعه تقول:قطيعة هالاشكال يناظرون بنات الناس
ابتسم قاطعة ابتسامته يد حسين
حسين:عسى ماشر مبحر بها تسذا؟
عون:سبحان الله نفس طينة اخوك قاتلين اللحظات السعيدهّ
حسين:لا حرام مسكين اقول امش انت وياه وراي رحله العصر
كسار:وش يعني مافيه وظيفه ؟
حسين:بلا كلمته وعلمته بوضعكم قال خل يجوني بكرا ومن بكرا يبدون
(ركبو السيياره واتجهو للبيت حسين اللي نهاية الديره )
عون:وش الشغل اللي يبدا على طول مافيه مقدمات
كسار:ماعطونا فرصه على طول
حسين:اقول انت وياه احمدو ربكم عشاني انا كلمته قبل على طول
كسار:اهاا
(وصلو البيت واعطاهم حسين كل واحد خمس الإلف يعدلون فيها وضعهم وملابس للدوام  وصلو حسين للمطار بدري)
واتجهو للخياطين فصلو ثياب بما انه بدايةً شتاء فصلو ثياب شتويه عون بُني واسود اماكسار بيج بُني غامق وسماوي ورمادي
اطلعو واتجهو للحلاق خلصو من الحلاق شرو جزم الله يكرمكم
وبعدها راحو للسوبرماركت اخذو معلبات وشاهي  واخذو خبز
الساعه 12:50اتجهو للمسجد صلو فيه وطلعو راحو مطعم  للغداء
_________\_\\\\_____________________________
ضيدان راجع بدري وشاف عون  بس ماهو متاكد لان ملامحه متغيره بعد ماخلص شغل وطق البيت بس مالقى احد
رجع جلس عند باب بيتهم جاء مطلق من الشيبان الديره
مطلق: ضيدان يابوك مسخن فيك بلا ورا جالس فيه ذا
ضيدان: ها والله كذا انتظر عز وبارق يجون
مطلق: الحق الغدا امييمتك مسويته
ضيدان: ابشر
بعد ساعه جو بارق وعبد العزيز
بارق : يرجال قول انك مشتاق لنا
ضيدان: بارقوه انطم فيه موضوع ودي اقولكم عليه بس ماتدري هو الشخص اللي بالي او لا
عزوز: اسلم
ضيدان:شفت عيال اثنين شكلهم باين جديد على الديره وصارو
بيت حسين القديم واحد فيهم فيه ملامح من عون والله مدري يعيال انلخمت
بارق:صادز انت ولا مقلب ؟
ضيدان: بارق يرحم اهلك صادزززززز انا
عزوز:وش يعني نروح لرجال ونقول ووالله تشبه ولد عمنا
ضيدان:انا بروح على اقل اريح ضميري
بارق:يمكن مايرجعون
ضيدان بعدم اهتمام: بنتظر
بارق :اجل تعال عند الدكه
راحو يجلسون بالدكه رغم ان كلهم فاقدين الامل بس يحاولون
___________________________________________
طالعين من المطعم ورايحين يتمشون بسكاكا جلسو بالحديقه ينتظرون صلاة العصر عشان ياخذون ثيابهم
كسار:تهقى يقبلون فينا؟
عون: والله مادري ياخوك واذا ماقبلو ماهيب اول مره لعون بن دغيم هذي حياته  استغرب لو حصل اللي ابيه
كسار: عين خير
عون:(قتيل الاماني لا اقبل الليل وش يحييه
‏ولا به بوادر تسعف القلب و احلامه
‏يمدّ الخوات اللي من اوّل تسمّى يديه
‏وصارت مناشف دمعه  وراية حطامه
‏لا مرّ الحزن صدري تبسمت ثم قلت اييييه
‏مثل من حسب ضحكته بـ تضيّق اخصامه
‏ليه الوقت لا خالف يعرّي الطموح؟و ليه
‏معَ كلّ ليل يجدد الياس هندامه
‏انا ادري بـ فرقي لكن الوقت وش يدريه
‏جعلني بجيز الناس .. والناس ظلامه)
كسار:عز الله اللي صح للسانك وش يقول بعد؟
عون:ولا تحزن على عثرات عمرك جعلها تفداك
‏تشوف المقبل أجمل كل ما توقف على حيلك
كسار بضحكه: اييييييييي جوي المتناقض
عون: تعقب بس تذكرت ان الدنيا زايله
كسار:عيش حياتك وانسى
عون: ولو انها هي فعلا شجابه لبيت عمي؟
كسار:يمكن خذت واحد منهم
عون: ضيدان او عزوز
كسار: احس ضيدان
عون:شدراك
كسار:مدري اتفلفس
عون:يحمار اسمها اتفلسف
كسار:كله واحد
عون:اقسم بالله انك خوي يجيب الكتمه
كسار بتمثيل البراءه :شسويت
عون :لاابد الله يسلمك
كسار:يرجال تصير
-----------------------------
بمكان ثاني (بديره)يشربون شاهي بعد الغداء وفصفص اسود
غيد:بنات ورب الكعبه اني بخاطري نطلع للعزبه
بدور:يدبل تبسدي دبلاه يختي وراتس ليه ماتقولين لندن سويرا شي تسذا مب العزبه
غيد: يوه من وده يووديتس كل اللي بالديره مصرقع
مياسه:شدراتس يمكن تاخذ حمد ولد وازع
غيد: يعع ذا نفسيه وربي بنات
بدور ومياسه:شدراتس
غيد:تخيلو يوم عشاهم نزلت مع امه الاغراض وكراتين الموية المهم امه تمزح معه ماضحك
بدور:قطيعه
مياسه:نفس قبل شوي قطيعة واحد جالس يطالعني هو متلثم وربي بنات خرشني الله ياخذه بس سويت نفسي قويه وخزيته
بدور:جعلها الفغص عيونه وع
غيد:مياسه انتبهي صدزز
مياسه:ماعليتس ترا صدز قويه
ماهي ثواني الا اذن العصر وقامن يتوضن
جت بدور بتسبق مياسه زلقت وطاحت وجلسو يضحكون عليها
بعد صلاة العصر راحو لدجاج ام احمد (اللي هي ام بدور وغيد)
مياسه:الله الجو يرد الروح
بدور :اييي تعالي نسوي شاهي وقهوه
راحت مياسه وبدو يسون شاهي وقهوه وغيد تحط تمره بصنية التمر وتحط طحينية سايله بسمسم طلعو ورا العماره وجلسو تحت الكينه يسولفون
_____________________________________________
عنـد دغيم جالس ينتظر
عزوز:والله بيحل المغرب وانت جالس في ذا تقل شايب
ضيدان:ودك تروح روح
بارق:احس طولنا يمكن ماعااد هو راجع
ضيدان:روحو انا بجلس
بارق:مانيب مخليك
ماهي الاثواني دخلت السيارة جلسو يطالعونه لين مانزلو كسار وعون ودخلو ورجعو ينزلون الاغراض
ضيدان:ذولاهم
عزوز:نروح لهم؟
ضيدان:اصبر خل يدخلون
بارق:مدري وش الثقة اللي عندك
مشو معه لين وصلو البيت وطقو فتح كسار الباب
ضيدان:سلام عليكم
كسار:هلا وعليكم السلام
ضيدان: اخبارك
كسار بستغراب :بخير
ضيدان:مممكن ندخل ؟
كسار:حياك
دخلو واقفو بالحوش
كسار بصوت عالي:عونن فيه رجال تعال
عون:اذلف بلا مقالب
كسار:والله صادز
جاءعون ركض واقف يشوف رجال قدامه بس جاهلهم
ضيدان ب ابتسامه: عون بن دغيم
عون:الله الله
صرخو العيال وراحو يحضنون
عبد العزيز: ولعنه جلي مالك عيال عم تعلمهم
بارق شاد على حضنه وقال:عز الله اللي مرحبا يابعدهم
عون:لحظه افهم انتهم عيال عمامي ؟
ضيدان:ايه
عون رجع سلم عليهم
كسار:بكم تسلمون مرتين؟
عون:اقلطو اقلطو
قلطو وقام كسار يسوي قهوه وشاهي
ضيدان:ورا ماحستيت
عون:الصدز  حسبت انكم لون ابوي ولا هرجت وطلعت قبل امس والله يجزاه خير حسين واخوه كسار ماقصرو ولقى لي وظيفه بكرًا ابدا فيه انتم احد فيكم اعرس؟
بارق:لاوالله على حطت ايدك والله ماتغير غير اننا كبرنا
ضيدان:بتقول :لهلك عن رجعتك
عون:لاوالله بصبظ اموري وبعدها بثبت برائتي بعدها اقول
عزوز:اقول سيارتك من اعطيتها اخر مره تذكر؟
ضيدان:صاحي انت ودك يتذكر
جاء كسار وجاب القهوه وبدا يقهويهم
عون بتردد:بلا اتذكر
ضيدان:انطق بسرعه
عون:الصدز كانت لليله عيد وبدا يسرد الحدث وختمها اللي اخذ مني السياره فراج بن فريجج خالك يابارق
الكل انصدم
بارق: علي بالحرام اني يندم ان ماجبته من العين مشي ماكون بارق فز كسار يمسكه ويهديه
ضيدان: اسمعو ماهوب ذوان بعد سبوع نروح لين يثبت عون بالوظيفة ونسوي اللي نبيه
كسار:اقول نامو عندنا
بارق:ماعندي مشكله
ضيدان :بقول لبوي عقبها ارد
كسار: زين
عون:يعيال ترا اذن المغرب
كسار:تذكرت كل واحد يجيب بطنيته
عزوز :وش الهفقر
عون وهو يتوضى: تعوذ منه بس
_________________________
مياسه بعد ماشافت الكل دخل المسجد راحت لبيتهم
دخلت البيت وتحس خلاص ارتاحت كانت محتاجه الجلسة ذي خصوصًا مع بدور وغيد لانهم اقرب ثنتين لها دخلت لقت خالتها جالسه عند التلفزيون سلمت عليها وبدت تعلمها ايش سوت
ترفه:تراعمتس مايتعشاء عندنا عازمه محمد ابو بارق
مياسه: المهم اصلح لتس ولي عشاء
ترفه:زين
قامت مياسه تصلح العشاء بدري لان اكيد بعد صلاة العشا ينامون
بعد ماخلصت تعشو بدت تغسل المطبخ ورجعت جلست بصاله
____________________________
بيت كسار بعد الصلاه قرر يعشيهم مكرونا على دجاج وفعلا
وعون يسولف عليهم عن السجون ومره ضيدان وعبدالعزيز وبارق وكسار كل شوي يقوم عشان طبختها
بعد العشاء قام بارق وعزوز نظفو المطبخ وسوو شاهي وقهوه جديدات اذن العشاء وبعد الصلاة ضيدان جاي وجايب معه فصفص
كسار:فكني شرك مابي احش بخلق الله
بارق :لا باين
كسار:هذا فيه واحد اطناني(قهرني)
العيال:هههههههههههههههههههههههههههههههههههههههههههههههههههههههههههههههه
ضيدان:توك ماتبي تحش
بدا عزوز يقولهم قصه
مر الوقت وهم يسولفون لين مابدا الكل ينام
_____________________________________
كانت ذي اجمل نومه بنسبه لهم بعد ضحك وطقطقه الكل نايم وماوده يصحى يخاف انه حلم الليالي تصير مريحه لصارو الناس مريحه تحسك تسولف كذا تنهمر بالسوالف ولاودك تسكت
انتهاء البارت اتمنى ينال اعجابكم + بكرا واللي بعدها ماراح انزل
للسبب اني اتعمق بالكتابة استودعككم الله 💖