တအိအိနဲ့ရွေ့လျားလာတဲ့ သူဌေးကြီးတွေဘဲစီးတတ်တဲ့ကားထဲမှာ မိုးထက်တစ်ယောက် မူးနောက်ပြီးအော့အန်ချင်စိတ်က ထိန်းမရ
စောဖြူခင် မင်းဒုက္ခပေးလှချည်လားသေနာမလေးရဲ့
ငါလည်းနင့်ကိုယူချင်တယ်များထင်နေလား
စောဖြူကိုစိတ်ထဲကနေသာကြိမ်ဆဲမိနေသည်
သူ့နာမည်က မိုးထက် အပြည့်အစုံကတော့ မိုးထက်လွန်း ဘိလပ်ပြန်မြို့အုပ်ငယ်လေးတစ်ယောက်ပေါ့
ယခုမှာမူရန်ကုန်မှလင်းခေးထိ လိုက်ပြီး ရှာနေရသည့် အချစ်ရဆုံးသူငယ်ချင်းလေးကျေးဇူးကြောင့်အော့အန်မိတော့မတတ်ကားကိုစီးခဲ့ရသည်
"သခင်လေး..ကားပျက်သွားပြီ.."
သူ၏အလုပ်သမားကပြော၍ကားပေါ်ကဆင်းသွားသည်
ကြာလျှင်ကားပေါ်မှာပူနေတော့မှာမို့သူလည်းကားထဲကထွက်လာလိုက်သည်
"ကားက ကြာမှာလား ပြင်တာ?"
"ကားကဆီကုန်သွားတာ သခင်လေး နဲနဲတော့ကြာလိမ့်မယ်"
ချီးပဲ
သူစိတ်ထဲကပြောမိသည်
ထို့နောက်သူလည်းအရိပ်ရသည့်တစ်နေရာရာတွင်ထိုင်နေလိုက်သည်
ကားပြင်သည်မှာကြာအုံးမည်မို့နားထားရမည်
သူအနားယူနေတုံးသူတို့ရှိသည့်နားသို့တစ်ဖြည်းဖြည်းရွေ့လျားလာသည့်ကားလေးတစ်စီး
"တိုးချစ် ဟိုမှာကားတစ်စီး!"
သူ့တပည့်ကိုလှမ်းပြောမိသည်
"ဟုတ်လားဆရာ!?ဘယ်မှာလည်း"
"ဟေ့ကောင်တွေ့ရလား?"
သူ၏တပည့်ကိုကားရှိရာဘက်လက်ညှိုးညွှန်ပြတော့
တိုးချစ်ကတစ်ချက်ကြည့်လိုက်သည် ပြီးနောက် သူ့ဘက်လှည့်သည်
"ဆရာ..!အဲ့ဒါ ဒီနယ်တဝိုက်က သူဌေးတစ်ယောက်ဖြစ်မယ်ထင်တယ်"
"ဟုတ်မယ်ကွ!"
သူတို့လည်းအကူအညီရလိုရငှားလှမ်းတားမိသည်
ကားကစျေးကြီးသည့် နိုင်ငံခြားဖြစ်ကားတစ်စီး
အနက်ရောင်ကားဟာနေရောင်ထဲမှာပြောင်လက်လို့
ကားဟာသူတို့စီတစ်ဖြည်းဖြည်းနီးလာပြီးသူတို့၏အနားတွင်ရပ်လိုက်သည်
ကားထဲမှအသက်၃၀ကျော်ေလောက်ရှိမည့်လူတစ်ဦးထွက်လာသည်
ဝတ်ထားစားထားသည်မှာသူဌေးမှန်းသိသာသည်
အနက်ရောင်လယ်ကတုံးတိုက်ပုံနှင့်ပုဆိုးတို့ကိုဝတ်စားထားသည်မှာပနံသင့်လှသည်ပါးစပ်ထဲတွင်လည်းနိုင်ငံခြားထုတ် ဘားမားစတိတ် စီးကရက် တစ်လိပ်ကိုခဲ၍ သူ၏တုတ်ကောက်ကိုတစ်တောက်တောက်ထောက်၍ကျွန်တော်တို့ရှိရာဆီတစ်ဖြည်းဖြည်းလျောက်လာသည်
YOU ARE READING
ချစ်ကြိုးသွယ်သည့်လင်းခေးနယ်
Romanceby ဝေဟင်နွယ် မြတ်မဟာရွှေရည်+စောဖြူခင် (main couple-gl) စဝ်ခွန်းမဟာနွယ်+ခွန်းမိုင်စဝ်နွမ် (side couple-normal) မာန်ကောင်းနိုင်ဟိန်း+မိုးထက်လွန်း (Side couple-bl)
