وصلو لبيت امها نزلت فخر و لحقها نواف بعد ما وقف السياره دقت الباب و فتحت لها العامله دخلت وهي تجري بشوق لامها حضنت امها بقوه و قالت : ماما وحشتيني امها ( مزون ) : ما عندك الا الهرج لو انك صدق مشتاقه لي كان جيتيني مثل نواف حبيبي كل يومين وهو عندي نواف بضحكه : عشان تعرفين ان مو الكل يحبك يا عمه فخر بعبوس : وجع حتى ماما قلبت علي عشان نواف ! اعترفي تحبين مين اكثر ؟ مزون بضحكه : والله كلكم عينين فوجهه نواف باس راسها و جلسو كلهم فخر بفضول : اي يالغاليه وش عندك راسلته لي ؟ مزون : بطلب طلب بس رجيتك لا ترفضين فخر : سمّي بس وش هو طلبك ؟ مزون : بنطلع للبر مع اعمامك و خوالك بس 4 ايام و ودي انك تجين معنا فخر بتردد : بس دوامي مزون قاطعتها بحزن : خذي اجازه بس ذي المره يا امي انتي ! والله اني اشتقت لقعدتنا سوا فخر : تمام بس باخذ نجوى معي ترا مزون : جيبي الي ودك بس تعالي نواف بمزح : يعني بقعد مقابل وجهك 4 ايام ورا بعض ! فخر : هذا الي ما حسبت حسابه مزون : خلو عنكم المناقرات ذي و روحي بيتك جهزي اغراضك فخر بضحكه : طرده ذي ؟ مزون : بنمشي الفجر ترا ! متى تنامين و متى تجهزين اغراضك ؟ فخر : ما تحسين انك معلمتني متاخر يالغاليه ؟ مزون : اقول ترا لو جهزتي من الحين بتلحقين نواف : كلمي مديرك على الاجازه قبل يتأخر الوقت فخر : كفو عليك اول مره تفيد بشي دقت على مديرها ( فيصل ) مزون : افتحي السبيكر فخر اشرت على عيونها و فتحته فيصل باستغراب : هلا ؟ فخر : باخذ اجازه 4 ايام من صباح اليوم لين مساء الاحد فيصل : ولو اننا ما نستغني عنك يا دكتورتنا الا انك تستاهلين الاجازه فخر بابتسامه : ما تقصر فيصل : يلا نشوفك بعد الاجازه فخر : مع السلامه كانت المكالمه هذي تحت مسامع نواف المبهم في اللحظه هذي تحديدًا حس بمشاعر تجتاح قلبه دفعه واحده مشاعر مؤلمه و غريبه نواف بهدوء : يلا مشينا ؟ مزون : نواف تقدر تجيب فخر و نجوى معك للمخيم ؟ نواف : ابشري فخر : ما يحتاج بجي بسيارتي مزون : لا ما ينفع يا امي روحو سوا فخر بتذمر : ليش يعني؟ مزون : يا بنتي لو مره وحده بس اسمعي الكلام فخر بعبوس : تمام ، يلا باي سلمت على امها و نزلت ورا نواف طلعو السياره بصمت بعد دقايق فخر : وش ذا الصمت ابغى اشغل اغنيه نواف مد لها جواله بصمت اخذت الجوال و شغلت اغنيه : كل ليله " اميمه طالب" انتهت الاغنيه نواف اخذ الجوال شغل اغنيه : غير الناس عندي " راشد الماجد " وصلها بيتها نزلت وناظرت نواف و قالت : شكرًا
عذوب انتهت من يومها الدراسي الاول مدينه جديده ، مدرسه جديده ، حياه جديده ، بيت جديد ، صحبات جدد كل شي هنا مختلف تمامًا عن جده تحس جده امها الحنونه طول عمرها و كل ذكرياتها بجده تحس بصعوبه فالرياض بالرغم انها ما كملت اسبوع حتى دخلت البيت بتعب ابوها ( غيث ) : يا هلا بحبيبه ابوها ! كيف اول يوم في المدرسه ؟ عذوب ابتسمت و جلست تحكي له عن يومها وهذي عادتها مع ابوها من طفولتها للحين غيث بابتسامه : ايوه تقولين لي اعطاك كتابه ؟ عذوب بتذمر : بديت اندم اني قلت لك ترا غيث : شكله عندنا New couple يا ورد امها (ورد) : خلاص لا تحرج بنتي عذوب بعبوس : ترا كله كتاب لا تبالغون و ذكروني معد اقولكم اي حاجه تصير لي بالله ورد : شدعوه نمزح معاك يا جميلتي عذوب باست امها و ابوها و طلعت لغرفتها تنام شوي قبل تنام فتحت جوالها و لقت نفسها داخله في قروبين الاول : مدرسه ****** الثاني : 3/4 عرفت انها قروبات مدرستها ف تجاهلت كل شي و نامت بعد ساعتين قامت بسبب رنين جوالها المزعج رفعت راسها بخمول و اخذت الجوال شافت رقم و ردت بعدم اهتمام مروى : عذوب ؟ عذوب : اشبك ؟ مروى : باقي نايمه ؟ الظاهر ما شفتي القروب عذوب : ما شفت شي ايش الهرجه ؟ مروى بضحكه : بعد ساعه ونص في حفله لمدرستنا عذوب : حفله ايش ؟ مروى : بدايه سنه دراسيه جديده ، مدرستنا يحتفلون بكل شي تعودي عذوب : طيب ايش ممكن البس يعني ؟ مروى : اكشخ فستان عندك عذوب : تمام يلا سلام مروى : بمرك انا تمام ؟ عذوب : اوكيه برسل اللوكيشن قفلت المكالمه و هي متردده تحضر ولا لا نزلت لاهلها غيث : صح النوم ايش عندك صاحيه بدري ؟ عذوب : مروى دقت علي تقول في حفله للمدرسه بعد ساعه ونص تحسون اروح ؟ ورد : روحي و خلي الكل يعرفك ترا الثانويه افضل ايام عمرك لا تضيعي متعتها عذوب : بابا انت ايش تحس ؟ غيث بمزح : روحي و خلي كل العيال يجرون وراك عذوب بضحكه : اب يبغى له اب طلعت غرفتها و جهزت فستان وردي يتلائم مع لون بشرتها البرونزيه اخذت شور سريع و جففت شعرها البني وخلته منسدل على اكتافها حطت ميكب خفيف يبرز ملامحها مع اكسسوارات بسيطه و رشه من عطرها المفضل بكذا اكتملت طلتها لهذا الحفل نزلت تحت وهي جاهزه تاخذ اراء عائلتها في اطلالتها تذوب وهي تدور حول نفسها : حلو ولا مبالغ فيه ؟ غيث بابتسامه اعجاب : قمر قمر ورد : قول ماشاءالله على بنتي الحلوه غيث بضحكه : ماشاءالله اللهم لاحسد عذوب حضنتهم و قالت : احبكم دق جوالها و كانت مروى مروى : يلا يلا انا برا انتظرك عذوب : تمام ثواني بس سلمت على اهلها و طلعت لمروى شافت جي كلاس صفراء قدام الباب شافت مروى تلوح لها من شباك الراكب ركبت ورا باستغراب و اول ما دخلت شافت الي يسوق و كان علي طبعًا مروى : عذوب ! شكلك يجنننن مره واو عذوب بخجل : انتي الي تجننين والله مروى : يلا علي امشي وش فيك تنتظر علي : تمام
عند فخر دخلت بيتها و شافت صوره نواف و الكلام و ضحكت دخلت غرفه نجوى و شافتها صاحيه نجوى : ما طولتي فخر : الفجر بنروح مخيم مع اهلي وانتي معانا طبعًا نجوى : كم يوم ؟ فخر : 4 ايام نجوى : غريبه اخذتي اجازه ! فخر : امي طلبتني و لجل عين تكرم مدينه نجوى : كويس بالمره تكونين مع نواف فخر : بالله لا تذكريني انه بيناشبني 4 ايام ! نجوى بابتسامه: خلي عنك والله انه يحبك وااااضح فخر بتسليك : ايي اي يحبني المهم جهزي شنطتك ونامي بنقوم نصلي الفجر و نروح لما نواف يجي نجوى : بنروح مع نواف ؟ فخر : للاسف نجوى : اقوى محتوووى جاي فالطريق فخر وهي طالعه من غرفه نجوى : ياربي صبرني على هذي البنت راحت غرفتها و جهزت ملابسها و اغراضها كلها و حطت منبه و نامت بتعب قامت على المنبه بالضبط و قومت نجوى معاها صلو الفجر و تجهزو على السريع دق نواف و نزلو تحت نواف اخذ الشنط و حطتها فالسياره جلسو كلهم في المقاعد الي ورا نواف : سواق عندك انا ؟ تعالي قدام فخر : ما ودي نجوى قرصتها و همست : عيب يا بنت فخر : وي ما ابغى طيب نجوى فتحت الباب و قالت : انزلي بلا هبل فخر نزلت وهي تتذمر و جلست قدام
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
بارت بمناسبه يوم ميلادي و فوز الهلال بالبطوله فعليًا وضعي زي الرياكشن قاعده اذاكر و اكتب البارت في يوم ميلادي 😢
