جاب لها قهوه و كندر و كملو طريقهم للبر
قاطع صمتها سوال نواف
نواف بفضول : ليه صرتي دكتوره ؟
فخر : قصه طوووييله
نواف : عادي بسمعك
فخر : يوم وفاه بابا الله يرحمه كان عمري 10 سنوات و سمعت الدكتور وهو يقول مات بسبب ورم فالجهه اليسرى من الدماغ و بعدها وعدت نفسي اصير دكتوره مخ واعصاب و اعالج اباء و امهات الاطفال العاجزين مثلي
نواف ابتسم و قال : الله يرحمه ويغفر له
فخر : اي علمني انت ليه صرت لاعب ؟
نواف : من طفولتي وانا احب الكوره طبعًا بس ما كنت واثق اني بصير لاعب لين ابوي فاجأني و سجل اسمي في تجارب اداء نادي الهلال رحت وانا مبسوط بس خايف بنفس الوقت ، خايف انرفض و مبسوط لان لو انقبلت بلعب في الهلال ! فريقي المفضل و طبعًا طلع كل خوفي مجرد وهم و لعبت و قبلوني و كنت اتدرب و العب معاهم في فريق الناشئين لين طلعت للفريق الاول
فخر : شكلي بتابع الهلال حقكم ذا
نواف : ليه ؟
فخر : نجوى و انت و نهار و بدر و كل اقاربنا هلاليين حسيت اني الوحيده الي مالي في المباريات هههههه
نواف : عندنا مباراه الاسبوع الجاي تجين ؟ انتي و نجوى و تذاكركم علي
فخر : والله العرض ما يتفوت ارتب جدولي و ارد لك
نواف ابتسم و قال : نامي من امس ما نمتي زين و باقي مطولين
فخر : تمام
رجعت المقعد على ورا و انسدحت عشان تنام
نواف : في هودي فالمقعد الي ورا اذا بردانه البسيه
فخر اخذته و قالت : مرا شكرًا على كل شي
نواف : ما سويت شي
نامت فخر و نواف قفل الاغاني و صار يسوق و يحاول يسرق النظرات بدون ما يزعجها بحكم نومها الخفيف
وصلو للمخيم
لف عليها و شافها باقي نايمه
نواف : فخر بنت
فخر : خمس دقايق
نواف بضحكه : انزلي و نامي عند البنات طيب
فخر ضحكت و قالت : ما دريت اننا وصلنا طيب
نواف : يلا يلا لا تجي سلاف تقول ليه طولتو فالسياره و نبلش بها
فخر : وهذي المراهقه ما عندها غيرنا ؟
نواف : والله جدولت علينا ذي الايام
نزلو و قفل السياره
مزون : اخيرا جيتم ! والله مت من القلق من امس ما عطيتونا خبر حتى
فخر : والله خلصت العمليه و جينا
مزون : جيعانين صح ؟
فخر : اييييييه
نواف : اكيد
مزون : مجهزه لكم فطور تاكلون اصابعكم وراه
نواف : اذا من يدك اكيد لذيذ
مزون بضحكه : ما صرت ولد اخوي المفضل من عبث
عبد العزيز من وراهم : اح ! غدرررره
مزون : كلكم حبايبي
نواف : لا لا خلاص قد قلتي انا المفضللل
فخر : اقول خلاص لا تحرجون ماما !
نواف : ياي من متى تقولين ماما ؟
فخر : وش عليك بكلامي انت ؟
عبد العزيز : كيف سلاف تتوقع بينكم شي وانتم كذا ؟
فخر و نواف بنفس اللحظه : مراهقه
مزون : تعالو كلو يلا لا يبرد
راحو ياكلون و بنص اكلهم قامو الباقيين
نجوى : فخرييي ! متى جيتي ؟
فخر : قبل شوي
نجوى : كيف العمليه ؟
فخر : الحمدلله نجحت
نجوى : كفو عليك شطورتي
نواف : اما عاد شطورتي !
فخر : ياخي وش تبي انت ؟
نواف بضحكه : احارشك ! طول الطريق نايمه ما خذيت جرعه المحارش
فخر شمقت و قالت : كريه
بدر بابتسامه : هذا مو هودي نواف الجديد ؟
أنت تقرأ
كل الطرق تؤدي إليك
Romanceوجت بك كل الرفاق و الاحبه كل الاشياء الجميله و المطمئنه وجدت بك اماني وملاذي و زالت بوجودك وحشة الليالي المظلمه
