فخر رجعت عند نجوى و هي ما تعرف كيف بتتعامل مع نواف
هو يحبها و هي تحبه بس ما تقدر تغير تعاملها معاه
هم فخر و نواف الي بس يتهاوشون ! كيف تغير كل شي فجاه
قاطع افكارها اتصال نهار
ردت و هي تعرف انه بيتكلم عنها و عن نواف
فخر : ها ؟
نهار : ابغى التفاصيل الاااان !!!
فخر بخجل : ما صار شي
نهار : فخر بلا استفزاز لي سنوات انتظر اليوم ذا
فخر ضحكت و قالت له كل شي
فخر : احس احراج لاننا بنسكن سوا عند جدي يووووه
نهار : عاد ودي اعرف ليه فجاه قرر يجيبنا عنده
فخر : والله مدري حتى انا ابي اعرف
اليوم الثاني
فخر قامت و تجهزت لدوامها كالعاده
فتحت جوالها و شافت رساله من نواف
نواف : صباح الخير ، اعرف انك تفكرين كيف بتعامليني الحين ؟ و كيف فجاه بيتغير كل شي بس معليك مو لازم تغيرين شي لاني افضل الخصام معاك على الضحك مع غيرك صدقيني ما يهمني شي قد ما تهميني انتي
ابتسمت لانها فعلا نامت و هي تفكر بالموضوع ، فرحت ان نواف يفهمها لذي الدرجه يفهمها لدرجه عرف الشي الي شغل بالها و وضح لها كل شي و اثبت انه فعلا يحبها
ردت عليه و قالت : صباح النور ، كيف عرفت وش افكر فيه ؟ ههههههههه ، صدق كنت محتاره كيف اتصرف بس كلامك مرا ريحني شكرا
( اعرف ان ردها بارد بس قاعده احاول اوصل لكم انها شخصيه منغلقه و ما تصارح الكل بمشاعرها و محد يقدر يفهمها او يعرف وش تحس فيه الا القريبين منها فطبيعي ما بتعامله بحب من اول يوم بس بعدين بتتغير )
راحت دوامها و كملت يومها طبيعي متجاهله كل الرسايل من قروب grandchildren 1
فيه كل الاحفاد من الجده الاولى
و كلهم كانو يتكلمون عن نواف و فخر
كل ما شافت اشعارات القروب حست باحراج اكثر لانها فعلا بتقابلهم اليوم و بتسكن هناك من بكرا
فتحت القروب و فعلا الرسايل كلها عنهم تجاهلتها باحراج و كتبت : ممكن محد يتكلم عن الموضوع ؟ احراج ههههه
سُلاف : منجد اسكتو لان كذا ولا كذا بنتقابل اليوم
قفلت جوالها و طلعت من المستشفى و رجعت بيتها اخذت شنطها و اغراضها و ودعت نجوى و راحت لبيت جدها
دخلت المجلس و كلهم متجمعين و كل الانظار صارت عليها بس لسوء حظها نواف لسى ما جا
سلمت عليهم و جلست و هي تحاول تتصرف طبيعي
بعدها بدقايق دخل نواف و اعتذر من جده لانه تاخر
جلس جنب فخر و قال : كلهم يناظرون ولا يتهيألي ؟
فخر : لا فعلا يناظرون و يضحكون علينا بعد
نواف : اوه اجل بهرب لغرفتي قبل يبدا التحقيق
فخر بحده : والله يويلك تخليني لوحدي عندهم ! انت الي اعترفت و نكبتنا
نواف : نسيت انهم ملاقيف
فخر بضحكه : تحمل عاد
طلع جدهم لغرفته عشان يرتاح و صارو لوحدهم فالمجلس
مياس بضحكه : لا تفهموني غلط ماني ملقوفه بس لازم تبررون لنا الان ! ليه محد فيكم تكلم طيب
نواف : مياس ! من متى تهتمين لذي المواضيع ؟
مياس : والله لنا سنتين نسألك تحب مين ؟ ليه للحين ما تزوجت ؟ ولا ترد علينا و فجأه كذا تعترف لفخر اكثر وحده تستفزها ! اكيد بهتم
سُلاف : انا قلت لكم من اول انهم يحبون بعض قلتو عني مراهقه
لارا : والله ما توقعت ابدا نواف و فخر ! ما تجي فالبال حتى
نهار بتردد : انا كنت اعرف من البدايه
بدر : حتى انا
سُلاف : الكلاب متسترين على اخوهم !
نهار : وش نسوي هو بنفسه استوعب متأخر هههههه
نواف بضحكه : خلاص اهم شي اعترفت ولا ؟
لارا : للحين مو مصدقه
سُلاف بحماس : وش شعوركم وانتو بتسكنون سوا هنا ؟ و قدام يارا كمان !!!!!
فخر : يووووه نسيت يارا انا
مياس : اعرفكم الحين بتتهاوشون فكل مكان الا قدامها ههههههه
فخر : طبعا !!!!
نواف : ليه ما تحبينها ؟ احسها مسكينه
فخر : ايه دافع عنها محد يقدر يتكلم عنها قدام المحامي نواف
نواف : مو منجدك ! بس سألت ترا
فخر بعبوس : كل ما تكلمت عنها قمت تدافع خير ؟ وع كريه اكرهك !!!
مياس : يمه اقطعو الشر خلاص
فخر : هذا نواف الغثيث
نواف بضحكه : انتي الزعوله ما سويت شي !
فخر شمقت له و طلعت لغرفتها
تركي ناظر نواف و قال : الله يعينك وانا اخوك غيرتها شينه
نواف استوعب سبب زعلها و ابتسم وهو يفكر كيف يراضيها
أنت تقرأ
كل الطرق تؤدي إليك
Romanceوجت بك كل الرفاق و الاحبه كل الاشياء الجميله و المطمئنه وجدت بك اماني وملاذي و زالت بوجودك وحشة الليالي المظلمه
