طلعت غرفتها وهي تضحك ولبست ملابس المدرسه و حطت ميكبها المعتاد و رتبت شعرها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كان شكلها مرتب و جميل كالعاده نزلت مسرعه وهي ملاحظه تأخيرها الغير معتاد غيث باستعجال : يلا يا بابا وراي دوام انا عذوب : بس دقيقه اربط الشوز غيث : استناك فالسياره انا عذوب : تمام خلصت و باست امها و طلعت السياره مع ابوها غيث : طولتي اليوم عذوب : اييه ما حسيت بالوقت غيث : الله يهديك اخرتيني عذوب : عندي رخصه ليش ما تجيب لي سياره و ترتاح ؟ غيث : امك تقول باقي بدري هههههه عذوب : يالله ! متى طيب ؟ غيث : معليك بحاول اقنعها عذوب باست خده و قالت : انت الافضللل غيث بضحكه : اهجدي لا نسوي حادث بس ! عذوب : اسفه هههههه بعد دقايق وصلو للمدرسه غيث : يلا مع السلامه ياعيوني استودعتك الله عذوب : مع السلامه حبيبي نزلت للمدرسه بثقه علياء ( اداريه ) : يعني ليش التأخير من ثاني يوم ؟ عذوب بابتسامه : غلطه و ما تتكرر علياء : اتمنى انها ما تتكرر و يلا على فصلك طلعت وهي مستعجله دخلت الفصل و الاستاذه تشرح عذوب : السلام عليكم حنان : وعليكم السلام ، ادخلي دخلت و جلست مكانها ( جنب علي ) طلعت كتبها و بدات تركز بالشرح عكس علي الي حاط راسه على الطاوله ولا هو حول الشرح حنان : مين يقولي تعريف المعلقات ؟ يلا يا علي علي رفع راسه و ناظر فيها ببرود و رجع نزل راسه عذوب ناظرت فيه و همست له : قول هي قصائد من اجمل الشعر الجاهلي علي تجاهلها و كمل نومته حنان : يلا يا عذوب جاوبي عذوب : هي قصائد من اجمل الشعر الجاهلي حنان : ممتازه ، اتمنى الباقيين يركزون معانا
انتهت الحصص وجا وقت الفسحه عذوب لمروى : كيفك ؟ مروى بحماس : ليش تأخرتي !!! فاتك وش صار عذوب : ايش صار ؟ مروى : جانا استاذ جديد اسمه فهد عذوب : طيب ؟ مروى : شكله غريب تحسينه مو طبيعي عذوب : كيف يعني ؟ مروى : مدري مدري بعدين اوريك هو عذوب باستغراب : تمام نزلو تحت يفطرون و بالصدفه كان قدامهم الاستاذ فهد مروى : شوفي هذا هو عذوب : منجد شكله غريب توقعتك تبالغين !!! مروى : يمه شوفي كيف يناظر فيك عذوب : بسم الله اشبه كذا هههههههه مروى : امشي نروح مكان ثاني بس
عند فخر و نواف فخر : يلا نروح نستأجر دبابات ؟ سُلاف : تمممم مياس : انا ما ودي والله فخر : لييه!! خلونا نلعب سوا مياس : تعبانه والله فخر : اوف منك ! رغد و نجوى طبعًا معانا صح ؟ رغد : اكيد نجوى : ايه معاك فخر ناظرت العيال و قالت : نهار بتجي ؟ نهار ناظر نواف و قال : يا عيال نروح ؟ نواف : خلوها العصر احسن عشان الكل يكون موجود فخر بحلطمه : العصر حر و تعب ! نواف : خلاص روحو انتو واحنا بنروح العصر فخر : احسن نواف تنهد و قال : مجنونه فخر من بعيد : يا كريه ! سمعتك ترا نواف ضحك و كمل يسولف مع العيال اما البنات ف راحو ورا فخر فخر : انا بستأجر دبابات وحده تجي معي و الباقي يروحون يعطون امهاتنا خبر نجوى : انا بجي معاك سُلاف : اجل انا ورغد بنلحقكم فخر : تمام لا تتأخرون راحو لراعي الدبابات فخر : ابغى اربعه دبابات ساعه وحده ينفع ؟ راعي الدباب : طبعًا ، تعالي هنا اختاري الدبابات نجوى : انا بختار الدبابات و انتي جهزي الفلوس فخر : اوك نجوى راحت مع راعي الدباب يشوفون الدبابات و فخر تجهز الفلوس قاطعها صوت واحد يقول : شعنده الحلو لحاله ؟ فخر سفهته و كملت تعد الفلوس الولد بابتسامه : ضايعه ؟ انا اقدر اوصلك لاهلك ترا سيارتي كبيره فخر بعصبيه : انت بتذلف ولا كيف ؟ الولد نزل من سيارته و قرب لها بشويش و قال : لبى المعصبين بس ! فخر : لا حول ولا قوه الا بالله! بتذلف ولا ادق على زوجي ؟ الولد مد يده بيلمس شعرها بس قاطعه مسكه نواف ليده و قال : ما يحتاج تدقين يا حياتي انا وراك اصلًا نهار بهمس لبدر : هي قالت بدق على زوجي وهو قال انا وراك ولا يتهيألي؟ بدر بابتسامه: الا والله قالو !!! نواف لف يد الولد بقوه لدرجه انه حس انها بتنكسر الولد بتألم : اهخ خلاص اسف بس اتركني !! فخر بخوف : نواف خلاص اتركه نواف بغضب : هذي اليد الي كنت بتلمسها فيها صح ؟ شد على يده بقوه و ضربه على راسه بعدها تركه يروح و قال : كم مره قلت لك ما تروحين مكان لوحدك !! يعني بالله لو ما غيرت رأيي وجيت وش كان بيصير لك ؟؟؟ فخر : ما بيصير شي ! انا اعرف اتعامل مع المرضى ذولي ! نواف : لا ما تعرفين ! كان بيلمس شعرك فخر بعصبيه : خلاص ترا خلينا نستمتع و لا تندمني اني جيت للمخيم معكم !! كل هذا صار تحت انظار بدر و نهار و نجوى و رغد و سُلاف سُلاف بهمس لبدر : الظاهر في حبايب جدد بدر بضحكه : لا وييين سُلاف : والله مفضوحين نجوى بهمس : اسكتو لا يسمعونكم بس ! سُلاف : يلا نلعب ؟ نجوى : يلا تعالو نواف حجز للعيال دبابات و بدو كلهم يلعبون سوا بعد ساعه فخر بضحكه : شفتو كيف سُلاف انقلبت ؟ هههههههههههههه سُلاف شمقت لها و قالت : ما يضحك ! ترا تعورت نواف : قايل لك انا لا تسرعين عند اللفه ههههههههههه نهار همس لفخر : زعلانه ؟ فخر : من مين ؟ نهار : نواف طبعًا ! فخر : اكيد ! شفت كيف يصرخ علي قدام البنات ! و كمان يبغى يتحكم فيني المريض نهار : والله ترا نواف مو قاصد هو خاف عليك فخر : ياخي لا تحاول ترقع له لانه يعاملني كذا من يوم واحنا صغار ! نهار : ما اقول الا الله يعينكم على انفسكم بس فخر : ههههههههه
بعد كم ساعه تحديدًا الساعه 1:34 الليل كانو كلهم متجمعين حول النار و لابسين ملابس تدفيهم ما عدا فخر مزون : فخر يا امي غيري لبسك الجو بارد فخر : لا معليك لو بردت بلبس هودي مزون : براحتك مياس : متى تبدأ فقره سوالف الجن ؟ من زمان انتظظررر بدر : نهار اكثر واحد يعرف قصص نجوى : حماااس فخر : ترا اذا ذكرو حضرو رغد : معليكم اقرو اذكاركم ولا يجيكم شي بدو كلهم يقولون القصص الي صارت لهم او سمعو القصص من شخص ثاني كلهم يسمعون قصص بعض بحماس الا نواف كان يراقب يدين فخر الي بدأت ترتجف من البرد و خدودها الي حمرت قام من مكانه بهدوء و حط فروته على اكتافها و رجع جلس مكانه فخر شدت الفروه عليها عشان تتدفى اكثر و ابتسمت وهي تكمل سالفتها للبنات نهار همس لبدر : هذا وهم متهاوشين انتبه انها بردانه ! عندي فضول اشوفهم بدون الهواش؟ هههههههههههه بدر : والله اخوك طايح على وجهه واضحه نجوى همست لفخر : شايفه انه يحبك ! حتى وهو زعلان منك انتبه لرجفه يدينك ! فخر : ماله دخل اي احد في مكانه بيسويها نجوى : والله انك مو صاحيه رغد بضحكه : الفروه لايقه عليك ههههههههه سُلاف بغمزه : الفروه ولا صاحب الفروه ؟ عبد العزيز : سُلاف عيب ! سُلاف بتذمر : اوف يعني الواحد ما يمزح ! فخر قامت من مكانها و قالت : طفشت بقوم امشي شوي بعدها بدقايق لحقها نواف كانت تمشي و تحس فيه وهو يمشي وراها كمل يمشي وراها بهدوء اخر شي قال : تعبت لين وين ناويه توصلين ؟ فخر : ما جبرتك تجي معاي نواف : اسف فخر : على ايش بالضبط ؟ على صراخك ولا عصبيتك ولا تناقضك الغريب ؟ نواف : على كل شي فخر : الكلام ما يفيد دام الافعال كذا نواف طلع من جيبه كندر و قال : طيب نتصالح ؟ فخر ضحكت و اخذت من الكندر و قالت : افكر نواف : اعطيني معاك لا تكوني بخيله ! فخر اعطته واحد و اخذت الثاني: تعطيني هديه و تاكل منها ! مالك داعي هههههههههه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ياهلا وحشتووونييييييي احس مستحيه منكم ههههههههه مره طولت وكمان البارت مو مره عاجبني بس خلاص ان شاء الله اخر مره اسحب عليكم 🙏🏻🙏🏻🙏🏻🙏🏻🙏🏻
