شدّوا بدُو قَلبِي عَنْ دِيَار قَلبْك..والبدّو لَا شدّوا عَن الدَار يَبطونْ

"البارت الثاني"

بعد مرور سنه ونصف :
كان الكل متجمع ببيت الجد هملان ، وابوفارس كان جايي من الطايف(لهجه اهل ابوفارس هي اللهجه الحجازيه بحكم سكنهم) ، والجد هملان كان ماسك رويدا بين احضانه، تعلق فيها وجداً وبالذات من يتذكر انها يتيمه ويتذكر ولده المرحوم يخشع قلبه لها ، التفت له فارس وهو يقول - جدي عادي امسكها؟
كانت رويدا تضحك بضحكه طفوليه وتتمسك بجدها
الجد هملان ابتسم -شوف هي ما تبيك تبي تجلس بحضني
ابوعبدالعزيز ابتسم- بنيتنا الحلوه ! بتكبر وتدرس وتصير دكتوره
احتدت ملامح الجد هملان وقال- ماعندنا بنات يدرسون !
ابوعبدالعزيز ما كان يبي يجادل ابوه وقال- على خير توها !
فارس كان ينصدم ويقول في نفسه " ليه وش فرق البنت عن الولد لا الدين حرم العلم ولا شيء "
الجد هملان - فارس خذ رويدا وروح العب مع العيال
مسكها فارس بيدينه وهو يبتسم -ياهلا بقمراي
راح وشاف العيال يلعبون وكان جالس على الرصيف يتأملهم ورويدا بحضنه
عبدالعزيز ركض له وقال- قوم العب معانا !
فارس- هاه ءء لا بيدي نونو !
نيّاف بمزح- الله هذي زوجتي المستقبليه!
فارس بحده - تهبى !! جدي يقول انها اختنا كلنا !
نيّاف- طيب طيب لا تأكلني بس امزح
فارس بهدوء- ما قصدي
نيّاف- م عليك سامحتك حن اخوان اكيد
فارس ابتسم وهو يقول- وش شعورتس لا أم لا اب ولا شي ؟
رويدا-وثو؟ (وشو)
ضحك فارس من كلامها الطفولي ووقف وهو يشيلها وقال-ولا شي سلامتس يقمراي! انا اخوتس وابوتس واللي تبينه
نياف بضحكه- اخوها وبس ههههههههههههههههههه
رويدا تمسكت بصدر فارس يوم كانت بتطيح ونادت- اثاف
فارس ابتسم- عسّاف عسّاف شوف رُويدا تناديك
ركض عسّاف وهو يمسكها ويبوسها - عيون عسّاف سمي
ضحكت رويدا وهدوء افلتت يدها من فارس وهي تركض لعساف- ابي بتوت( ابي بسكوت)
عسّاف - ماعندي فلوس الغبنه !
رويدا- ابي ازوز( عزوز)
فارس- شوف ياعزيز تحبك اكثر من عسّاف
عبدالعزيز- لبييييه هاتها هاتها قلبي النونو
جت ريّوف(عمرها خمس سنوات )
عسّاف ركض لها ومسك يدها وقال- رويدا شوفي ريّوف معي وانتي لا !
ريوف بسرعه افلتته- ابي نيّاف ما ابيك انت وخر !
عساف بضحكه- ياليل وش فيها معصبه ذي !
ريوف- نيّاف نيّاف
نياف- هاه !!
ريوف- العب معك
نياف-تمام تعاليييي يا عيون نيّاف
كان عسّاف يطالع لها بضحك وهو مصدوم منها بس ماينكر على نفسه انه يحبها طبعاً حب طفله ..
قاموا يلعبون ورويدا تناظر في عسّاف بزعل وتصد عنه وتبكي - ابي بداله( بقاله)
قام عسّاف بهاللحظه وبالغلط رمى الكوره على بيت جده هملان !
العيال التموا بخوف
فارس- شسويييت !! كسرت اللمبه الخارجيه
عسّاف بخوف- ما ادري ماكنت ادري
خرج الجد هملان وبيده سكين والكوره بيده الثانيه
وقال- من كسر اللمبه !!! من رمى الكوره تكلممممووووا !!!! ( وقام وشق الكوره*)
الكل ناظر ب عساف وعساف استسلم للأمر الواقع ونزل راسه
فارس- انا رميتها !
ناظر له عسّاف بصدمه - هاه؟
الجد هملان- ايا ابن اللذيينن
رفع عقاله وهنا رويدا راحت وتمسكت بفارس بخوف انه جدها يضربه !
الجد هملان اشر لفارس يدخل وفارس اشر للعيال الثانين يرجعون !
الجد هملان- ليه تكسره !!! انت صاحي انت ولا مهبول ولا وشفيك انت كل شوي طايح بمصيبة
نزل راسه فارس بأسف وقال- اسف ياجد
رفع الجد عقاله وهو يضرب فارس وفارس يتألم بس كان ساكت
الجد هملان بعصبيه- المشكله انك كبيرهم والا قلت تمام
فارس كان يحس بوجعع ويقاوم
الجد هملان- ان عدتها مره ثانيه ياويلك هذي المره عشان تتأدب المره الثانيه بيصير شي اكبر مفهووووم!!!
فارس هز راسه بالإيجاب وطلع
دائماً كل ما يسوي عسّاف مصيبة يردها على نفسه ويتحمل اللي يجيه بحكم انه يشوف نفسه الكبير وبحكم انه هذا الجانب الحنون منه .
عسّاف- ليه تسوي بنفسك كذا ؟ عشاني ؟
فارس كان معصب ويناظر الكدمات بجسمه بس قال بهدوء- انا احب انجلد ، ليه تبي انت تنجلد بعد
عسّاف-وش فيك ؟
فارس- انا بخير م فيه شي يوجعني ماعليك

مرت فتره

وعساف واهل ابوفارس راحوا للطايف

بعد مرور فتره وفي الوقت الراهن(في جوالات بس ممنوعه ع البنات ، والعيال بس الكبار . ) :
الديره|وتحديداً بيت بطلتنا بيت ابو بتال : .
ساره - ريوفي
ريوف- لبييه
ساره -تعالي عمي فزاع بيجي منن الطايف !!
ريوف - اماااااا انش صادقه !!!!
ساره - بنتتت ابوي يقوله !!
ريوف-نشميييي !
بتال - لبيه
ريوف- عمي ابوفارس بيجي ؟
ساره - ياليل ما صدقتيني
بتال بهدوء - وشمدريني انا ، ريوف زهبي القهوه بروح لمجلس الديره عند الرجاجيل ولا عند عيال عمي
ساره - بتال اسمع لاجيت روح بقالة سليم وجيب الاغراض اللي وصيتك عليها
بتال- سمي ، ريوف تبين شي
ريوف - سلامتك يالنشمي ..
التفتت لــ سارة - وين نياف؟
سارة-هاه مدري ماجا من الصبح
ام بتال- ببيت جدكم اتصل عليه يجي وراح كملوا شغلكم !
ريّوف- تم يأمي
____
بيت ابوعبدالعزيز:-
رويدا جالسه تقطع عشان تسوي العشاء وتسولف مع عبدالعزيز :

عبدالعزيز - تخيلي الخيل مدري وش جاه قام وهرب مني
رويدا بضحكه- انخرش منك
عبدالعزيز- حرام عليش والله اني حلو !!
رويدا- يالبى اخوي المزيون ! انت احلى واحد بالدنيا!!
عبدالعزيز ابتسم - طيب عندي لش مفاجأه بس خليها لأخر الليل ابي الكل نايم !
رويدا- يالله سترك ههههههههههههههههههه وش مهبب فيه؟
عبدالعزيز- معليش معليش انا عزيز بن عبدالله آل تميم
رويدا- ونعمم!!
قام وهمس فإذنها-بوديش عند الخيل
فرحت وقامت وضمته- اطلق اخ بالعالم
كان يشوفها اخته ، اخته اللي ما جابتها امه، ويشوفها اكثر من اخته بعد
التفت لها وقال- بروح للرجال تامرين شي؟
هزت راسها بالنفي وقالت- سلامتك اذكارك عزوز!
عبدالعزيز- تم ان شاء الله
ام عبدالعزيز- ياولدي اسمع يقولون عمك ابوفارس بيجي لهنا كلم عيال عمك وجهزوا البيت
عبدالعزيز توسعت ابتسامته وكان فرحه ما يوصفه احد و قال - بالتقي بعساف بعد ذي السنين
رويدا- من عساف ؟ اخوي؟
عبدالعزيز ابتسم - ايييه انتي عندش مليون اخ
رويدا- واحبهم كلهم
عبدالعزيز- وكلهم يحبونش انشهد.
_____

بيت الجد هملان :
اجتمعوا عيال العم في بيت الجد هملان :
الجد هملان - ياعيالي عمكم فزاع بيجي من الطايف ابيكم تجهزون بيته وتنظفونه لأنه بيجلس له اسبوعين ويعود ، وبيجي يزورنا بين فتره وفتره
التفت له عبدالعزيز- جد ، علامهم قطعو عنا هالمده
احتدت ملامح الجد هملان وهو يقول -ما ابي اسأله سوو اللي قلته وبس
عبدالعزيز برعب- سم طال عمرك.
التفت لــ بتال وقال- قم قبل يمصعنا
الجد هملان رفع عقاله وقال - سمعتك اذلف انت وياه
قاموا العيال كلهم بخوف وهم يضحكون
__

انتهى
تفاعلكم 🤎.