الطايف | بيت فزاع آل تميم (ابوفارس)
الطايف (لهجه حجازيه*)
___
ابوفارس - فارس
فارس التفت له - سم
ابوفارس- سم الله عدوك ، خل اخوانك يزهبون اغراضهم كلمت جدك وبنعود للديره
فارس- ليه وش تبي بالديره؟
ابوفارس-عندي شيء مهم هناك
فارس بقلق قال بهدوء في نفسه- الله يستر لا يكون يخصني
قام من مكانه و يبي يخرج من البيت توجه للباب واول مافتح الباب طاح فوقه جسار من الجري ووراه عساف يلحقه بالحذيان ( الحذاء) ، وقف بهدوء مايبي ابوه يسمعه لكن ابوه كان للأسف وراه بالصاله رايح لامه
فارس - علامكم انت وياه !!!
جسار- وش اسوي به ذا عصبي
ابوفارس بحده- قوموا زهبوا اغراضكم ولا يكثر ! ولا لا انتفكم بالعقال
جسار وفارس وعساف -سمم !
ابوفارس راح من عندهم
فارس بحده- انت وياه من وانتوا صغار وانتوا ناشبين بحلقي ماتتوبون
جسّار- لا
عسّاف بحده التفت لجسار اللي كب الشاهي فوقه- بتناشب انا وياك بيوم ، اهجد بس !!
فارس - اني داري بكم ، عسفي الحقني نجهز العزبه ، جسار ازهم خواتي يزهبون اغراضنا بكره بنروح لعمي هزاع بالديره
عسّاف بهدوء- اما جد ؟
فارس- اي نعم على ما سمعت
عسّاف - متى قاله ابوي ؟ (يقول ميد ابو فارس ابوي*)
فارس- بقولك بالعزبه لو يجي ابوي ويلقانا ع الباب مردغنا
جسار- يلا فمان الله انتبهولكم
____
عند البنات بالمطبخ |
كُوثَر ابتسمت بهدوء وهي تلم اغراض ع اساس تسوي العشاء والتفتت لـــ وصال -انا بسوي العشاء انتي سوي الخبز
وصال- ابشري تم
كوثر- تمت افراحتس
زاهيه دخلت - بنات وين رويّد؟(رائد*)
كوثر- مدري يمكنه مع سليمان برا
زاهيه - اووف !!
وصال- وش تبين منه ؟
زاهيه - بغيت يشتري لي كم شي من البقاله
دخل جسار وقال -انا بشتري لتس م عليتس،الا بنات ابوي يقول ازهمكم تزهبون اغراضكم لبكره بنعود ديرة جدي هملان
انخرش من شاف وصال تضمه وهي تقول- اخييييرا
كوثر تغيرت ملامح وجهها- ابها؟
جسار بضحكه- ايوه علامتس ههههههههههههههههههه
كوثر - هاه لا ولا شيء
جسار انصدم من هدوءها وقال- ماتبين تروحين
كوثر - هاه الا
جسّار في نفسه " في علم في راستس وانا لازم ادري بوه"
خرج من عندهم وهو يطلع لغرفته هو واخوانه وكان رائد نايم هناك على عكس توقع كوثر من قالت انه يلعب مع سليمان،
جسار بهدوء- اصحى رايد!!
رائد- نعم وش تبي خليني انام! نايم على قلبك انا !
جسار- ورع لا تطول لسانك، بنروح الديره قم تجهز !!
رائد استوعب ونط يلم اغراضه بفرح !
وقال-اخييييرا ما بغينا
دخل عساف عليهم وقال-عيال تعالوا معي ابيكم بشغله
جسار- عسى خير
عسّاف-الخير الخير بإذن الله ، تعالوا ابي نشرع الشاص عشان لا ابطينا بالبر يكون معنا اللي نحتاجه بحكم انه ابوي ما يحب الفنادق
جسار- طيب الخيام جهزتها؟
عساف- ابيكم تجهزونها معي
جسّار- تمام ازهلني
رائد - انا بروح المستودع ادورها
فارس دخل وواضح على وجهه الضيق وقال- عيال روحوا بجيكم عقب شوي
عسّاف- شفيك ؟
فارس ابتسم بتصنع وقال-بخير يا اخوي
عسّاف ابتسم انها اول مره يقول له يا اخوي بالعادة يقول له عسفي او عسوف او ابوتركي
ما حب يضايقه وطلع
ارتمى فارس على فراشه وهو يتصل على محمد ،
فارس- الوه محمد!
محمد- هلا ارحب ابوهزاع
فارس- البقاء
محمد- سم
فارس-كيف الحال يحمود
محمد- الحمد لله بخير لك الخير آمرني
فارس- مايامر عليك عدو ! ابد احس اني ضايق
محمد- افاااا جعلي اشيل ضيقك وش بلاك ؟
فارس- بنجي عندكم الديره
محمد ابتسم بفرح وقال- اطلق خبر يالله ان تحييهم
فارس- الله مير يسلمك وانا اخوك ،
محمد- اجل ليه ضايق ماتبي الديره ولا كيف
فارس - مهب مبي الديره لكن مدري وش يدور براس ابوي
محمد- اها سالفه زواجك اللي قلت .
فارس- الله الله من الشهر اللي راح وهو يقول متى نفرح فيك
محمد- وش قلت له؟
فارس بضحكه ضايقه- قلت لا تخرجت من العسكريه
محمد- متى دورتك ؟
فارس - عقب شهر
محمد ابتسم وهو يقول - اسمع وانا اخوك انا ما ادري ليه انت خايف من سالفة الزواج وذا الكلام لكن وانا اخوك اعرف ان اللي كتبه لك ربي خير مهما كان وعسى ربي يرزقك ببنت الحلال بإذنه، وانا عارف انك خايف تاخذ وحده من بنات عماني وهي ماتبيك غصبا عنها عشان ابيك ..
فارس قطع كلامه وقال- لا مو كذا
محمد بضحكه- اجل شيء ثاني
فارس- ايش هو
محمد- بقلبك احد ؟
فارس-هاه انا ؟
محمد-- قفطتك من سعيدة الحظ
فارس- ما ادري يبوحمود ضااايع ضايع صدز مدري من وين اتلقاها ،ومثل ما قلت بخاطري وحده ، بس خايف انها ما تبيني وانا احبها من زمان وما قلت لها وانا عزيز نفس ما ابي اذل نفسي لجل حب يومنها م تبيني !!
محمد- تقرب لك ؟
فارس -مره ، بس اخاف انها ماتبيني، وامي ماتحبها
محمدبخوف -ساره ؟بنت عمي رعد؟
فارس- لا لا سارتك لك محد بيقربها
محمد- بإحراج - شدخل متى قلتها هاه ؟
فارس- مفضوح مفضوح من وانت بزر !تحسبني معرفك؟ اعرفك اكثر مما تعرف نفسك
محمد- يارجال بنات عمي مب معطينا وجه ! سارة ذي كل ماقلت لها شي سافهتني ولا كأني قدامها!!
فارس بضحكه- ليه وش قلت لها
محمدُ-يوم كنا صغار مب الحين
ارتبك فارس على دخول رائد وغير الموضوع بسرعه - الا صح نيّاف شرا له موتر جديد ؟
محمد عرف ليه غير السالفه- الله الله
رائد- من تكلم
فارس- ابوحميد
رائد - بلغه سلامي
فارس- محمد ،رائد يسلم عليك
محمد- الله يسلمه
فارس بهدوء- استأذنك بنجيكم بكره ع العموم واكلمك بالموضوع وجه لوجه
محمد- الله معك انتبهلك
قفل الخط وهو يحس الدنيا تدور فيه من الضيقه اللي بخاطره ، سهى يتذكر ذكرياته بالديره وكيف انه كان المختلف عن عيال الديره بشخصيته ، ماهو من النوع اللي يحب يتكلم ويعتبر عصبي جداً ، بس انه فيه جانب حنون ودايم لا قسى على احد بسبب عصبيته يجيه تأنيب ضمير ولا يرتاح، قاسي يعترف لنفسه بهالشي، بس هالبنت اللي براسه دايم تكسر قسوته ، مع انها اصغر منه بكثير ، الا انه حبها ما درى ليه وكيف واللي يعرفه ان هالحب ربي نزله على قلبه بدون شعور شاف نفسه وقع فيه وهو اساساً منصدم من نفسه ، فارس ! اللي ماهمه احد يطيح بهالدرب، كان يحاول يتجاهل مشاعره هذي بس أنها كانت اقوى منه يوم قال ابوه بيزوجه، كان يتهرب من الاجابه عن ابوه ويتحجج بشغله ولا اللي بعمره من اخوياه عندهم عيال بعد
_______
انتهى.
أنت تقرأ
شدّوا بدُو قَلبِي عَنْ دِيَار قَلبْك..والبدّو لَا شدّوا عَن الدَار يَبطونْ
Poesiaالقصه تتكلم عن جيل الطيبين وعن القتال لأجل الحُب العفيف زمان مافيه لا انترنت والتواصل فيه صعب، زمان فيه القلوب نظيفه والمحبه منتشره بينهم والتواد، زمان كثر فيه الخوف وقله الامن ، هنا يعيشون ابطالي " القصه تتكلم عن اكثر من بطل اختار بطلك بنفسك!" "...
