مشاري : وش تسوون انتم ؟
سلمى راحت وهي معصبه دخلت على البنات وسكرت الباب بقوه وقالت لهم السالفه وهي معصبه البنات
الساعه 12:30 الضهر
ساره بغرفه البنات تصحيهم وتنط فوقهم
ساره : يلا عمه سلمى بنروح مخيم كلنا جدو قال صحي البنات يلا قومو
سلمى: اف ساره روحي عني
ساره عصبت منهم وفتحت النور عليهم ومسكت مويه وكبتها على سلمى سلمى صحت مفجوعه وساره تضحك وتركض طلعت من الغرفه وسلمى قعدت تتضيم
سلمى : ياربي شسويت انا ليش ترش علي انا والله لذبحها الحيوانه
الساعه 1:22
صحو البنات كلهم وقاعدين يفطرون والرجال جهزو العده حقت المخيم البنات راحو فوق تجهزو
إبتهال: بنات تدرون وش راح يسوون بيعلمونكم الخيل
والاسلحه
صارخت نوره : يعني سلمى بتتحقق امانيك بيوم !!!
ضحكت سلمى : يمه متحمسه يلاا
الحريم والرجال كلهم راحو وكان في سيارتين وحده للبنات وحده لرجال
مشاري: اي مين بيسوق فيهم
سلمى دخلت السياره والبنات دخلو
سلمى : جدي قال انا الي سياره لنا وسياره لكم
مشاري : اقول انزلي انزلي وش معرفك بالسواقه انتي لا وبسيارتي حلوه ذي
سلمى مشت ومشاري دخل السياره بعصبيه ضحك فهد
فهد : ترا تعرف تسوق معليك وشوف الحين وش بتسوي
سلمى تلثمت بشماغ فهد وقالت للبنات يتمسكون عدل بدت تفحط ومشاري شوي ويصفقها ضحك محمد وقال والله بنات الرياض مب هينين ....... وصلو ونزلو البنات والعيال وبدا الجد يوزع كل بنت ولد عشان يتعلمون الاسلحه والخيول
الجد : سلمى ومشاري ومحمد ونوره وابتهال وسامر وفهد وجنى وسهى وحمد وعبدالعزيز والعنود وناصر واسماء يلا وسلمى ونوره تعالو هنا اول شي
مشاري جابت العلب القزاز وحطاهم بعيد ومسك السلاح يعبيه رصاص
مشاري : سلمى تبين اوريك ولا تعرفين
سلمى : وريني اول شي
مشاري بدا يعلمها وكانت العائلة كلهم حوالينهم يشوفون مسك مشاري السلاح وطلق على العلب بسهوله وراح يبدلهم وعطا السلاح لسلمى سلمى وقفت وطلقت على علبه وغمضت ضحك مشاري وقال لا تغمضين سلمى تنرفزت وطلقت على العلب بسهوله ونفخت على السلاح ضحكو البنات ومشاري تنرفز
الجد وهو شاقته الابتسامه: كفو كفو هاذي بنتي سلمى
يلا روحو الاسطبل
راحو للخيول وبدو يشوفونها والعيال يسولفون والبنات يصورون سلمى لفتها خيل كان على رقبته سلسال مسكت السلسال جاها مشاري مسرع
مشاري : وش تسوين انتي !!!
سلمى: وشو شفيك
مشاري: تمسكين السلسال او الخيل ذا مايصير لك زين
سلمى : مجنون وربي ذا !
ابتهال جت على سلمى
ابتهال : ذا الخيل والسلسال محد يقرب منهم
سلمى : وليه شسالفه
ابتهال : محد يدري
نوره كانت خايفه مره ومحمد كان يضحك عليها وهي خايفه مره طاحت ومحمد مسكها بسرعه
نوره : ركزت على المسافة الي كانت قريبه بيننا خلاص خلاص مابي اتعلم انا
محمد: فاشله هو خيل
ركبو الخيول وكلهم كانو حلوين وكانت سلمى شاطره مره وحكم الجد بعد اسبوع مشاري وسلمى يتسابقون ويشوفون مين راح ياخذ الخيل الكبير الي كلهم يتمنونه خاصًا مشاري الرجال راحو مخيمهم والبنات راحو مخيمهم قعدو البنات يتقهوون ويسولفون سلمى بملل
سلمى : بنات طفشنا لنا من المغرب وحنا بس نسولف ونتقهوى امشو ناخذ دبابات
ابتهال: انتي حالفه انو مشاري يذبحنا
ضحكت سلمى وقالت ايذا قلنا لجدي مستحيل بيرفض لنا البنات سمعو كلامها والجد وافق البنات راحو الدبابات وكان الواحد ب 25 جت جنى
جنى : لا ليه الواحد ب25 وحنا بنلعب فيه خمس دقايق لا ب 15 ريال خلاص أتفقنا يلا
لعبو البنات وكانو متلثمين وكانو يلعبون
عند مخيم الرجال
مشاري : ابلشونا باصواتهم
الجد: اي هذولي بناتي قاعدين يلعبون
قامو العيال
الجد: اقعدو خلهم على راحتهم
مرت 5 دقايق وسلمى راحت بمكان بعيد لان كانو سلمى ونوره يتسابقون ضاعت سلمى والبنات يدورون عليها راحو على الخيمه حقت الرجال
سهى : جدي سلمى ضاعت مو راضيين نلاقيها
فهد وسامر راحو بسياره ومشاري وعبدالعزيز كل واحد بسياره
سلمى: حسيت اني بديت ادخل أعماق البر وماكان فيه احد والبنات ختفت اصواتهم كانت في سياره تلحقني بديت اسرع والدباب حقي خربت علي لا لا تكفى مب وقتك الحين يمه يارب ساعدني نزلو ثلاث من السياره الولد :تبين مساعده ياحلوه ؟
سلمى : لا شكرًا مابي شي روح
الولد: شدعوا اروح مافي تعارف اسمك رقمك
سلمى : خلاص عاد انقلع !!
الولد مسك يد سلمى ويحاول يدخلونها وقف مشاري ونزل وسامر وفهد وقفو مع مشاري سامر مسك يد سلمى
سامر : ليه تبعدين عن البنات مريضه انتي ؟
سلمى بخوف : سامر تكفى مب وقتك ابي اروح المخيم
سامر : يلا حنا بنروح سياره وانتي مع مشاري
ركبو السياره وسلمى انتبهت على يدها انه مافيه سوارها
سلمى : مشاري وقف وقف
مشاري : ليه شفيك؟؟
سلمى : وعيونها مليانه دموع سواري تكفى
مشاري : هو سوار الله واكبر
سلمى: مشاري تكفى وقف
وقف مشاري وبدت سلمى تدور سوراها وهي تبكي لاحضها مشاري وبدا يدور معها مسك سوار وقال ذا خذته سلمى : اخيرررا! مره شكرا
مشاري: اركبي السياره ..... وش سالفه الاسوار
سلمى : ايذا قلت لي سالفه الخيل ذيك الساعه اقولك
نزلو من السياره وراحو للبنات
جت الساعه 1:12 الليل
ومخيم الحريم يسولفون وضحك والبنات برا يشربون قهوه ويسولفون والرجال بمخيم يسولفون ومشاري خذاه التفكير بسلمى وشلون دموعها ووجها أعذب وضحكتها ترد الروح وتسوي الشي الي تبيه وكأن اول مره يقابل شخص كذا ويجذبه
الجد: مشاري سمعنا من ابياتك اشتقنا لها
مشاري : يقول بدر بن عبد المحسن
جلست اناظرك... ماارف لي جفن تقل مسحور
واقول ان الجمال انتي وكل العشق باسبابك
هقيت اني ملكتك... ماادريت ان الأماني غرور
محمد بضحك : اخس اخس يامشاري ومين ذي الي اول بيت قصدته عنها؟
الجد: طول عمرك يامشاري مانشدت عن الجمال مين الي خذت فكرك وخلتنا نسمع كلام كذا حلو منك؟
مشاري وهو يضحك: افاا بس انا احب ماهو سالفه حب لاكن طرا على بالي
الساعه 3:33 الفجر
البنات نزلو وراحو غرفتهم والعيال ينزلون الاغراض
عند غرفه العيال
كلهم نزلو ثيابهم دخلت ساره وقالت جدي الكبير يقول العصر كلكم صاحيين
عند غرفه البنات
سلمى تقولهم السالفه ومغيرين ملابسهم لبجامات ويمسحون المكياج دخلت ساره وقالت جدي الكبير يقول العصر كلكم صاحيين بيقول لكم شي
سلمى اي تمام تعالي انتي راحت ساره بسرعه وركضت وراها سلمى وصادفت عبدالعزيز
سلمى : وجع انشاءالله ماتشوف؟
عبدالعزيز: محد قالك يوم تصيرين معصبه تصيرين حلوه بزياده؟
سلمى : شوف عبدالعزيز قسم بالله انو ايذا قلت هل كلام ثاني مره بتشوفني شخص ثاني طيب ؟
عبدالعزيز: سلمى انتي توك ماعرفتيني انا لو ابي شي اخذه فاهمه
سلمى ضحكت شدخل مريض راحت للغرفه وسكرت الباب بقوه ونامت
الساعه 5:23 المغرب
الجده : وهي تصحي البنات قومو قومو جاء المغرب وانتم نايمين قامو البنات وبدو يسوون اكل ويتفننون
الساعه 8:10
والبنات والعيال مجتمعين عند الجد
الجد: ياعيالي انا مجمعكم عندي لان مسابقه الخيول بكرا لمشاري وسلمى والخيل ياخذه الي يفوز وانتم عيالي وكل هالسنين انتم عندي وحفيداتي نوره وسلمى يوم جو يشهد الله محبتكم محبه حفيداتي الباقيان بس ياسلمى وانتم يالبنات بكرا ابي يجوني ضيوف كثيير بالسباق وانا عزمتهم وخلصت
سلمى : بس انا وشلون بتسابق واركب الخيل ؟
مشاري : ياجد ماعندنا بنات يطلعون للضيوف
بدو العيال يقولون ياجد مايصير ومدري ايش
الجد بصراخ : وانتم شدخلكم شوف يامشاري انت محبتك بقلبي غير عن كل الرجاجيل وانت تعرف انك انت الوحيد الي سوينا اشياء كثير مع بعض مابي اخذ بخاطري عليك وبناتي بيتلثمون وشماغك الي لابسه وتعحبه حيل بتعطيه لبنتي سلمى
مشاري بعصبيه: شماغي! ياجد لا تسوي كذا والله ياهو غالي علي وذي بتخربه
سلمى: بخربه ولا ماخربه بالنهايه كلام جدي هو بيمشي عطيني
مشاري رماه عليها وطلع وكلهم طلعو الا سلمى
سلمى : جدي لا تاخذ عني فكره سيئه واني بنت الرياض وماني كويسه وقليله ادب والله ياجد اني احبك والعادات ذي ترا ابوي كان يمشيها علينا انا ماني مستغربه من شي وبكرا برفع راسك وافوز عشان يعرفون اني حفيدتك الجد بضحك : انشالله يابنتي انشالله
الساعه 12:11 اليل والبنات بفراشهم والبيت كله نايم
نوره : بنات بطني تطلع اصوات ابي اكل
جنى: وانا بعد
سهى: بنات في بقاله قريبه واشياء تجنن امشو امشو نقول لواحد من العيال يودينا
سلمى : اقول قومو البسو انا اوديكم
إبتهال: واي سياره؟ مستحيل بمشي رجولي تعورني
سلمى بضحكه : اي سياره قدامنا بناخذها
البنات لبسو شوي شوي وسلمى اخذت السياره شغلتها
ابتهال : سلمى !! سياره مشاري والله بيذبحنا مايرضى عليها وربي
سلمى : اقول اركبي بس
سلمى : وهي تمشي وتقلب بالاغاني ياخي ذا الولد يابتهال ماعنده ذوق
شغلت سلمى ذكرى وبدت تردد وراها وصلو البقاله وراحو ياكلون وخلصو وبدو يتمشون ويصورون ويضحكون
نوره : يلا بنات نرجع ؟
جنى: يمه بنات مره استأنست!!! سلمى نوره وينكم عننا من زمان وربي كنا نحترم العيال ومافي بينا مشاكل ولا مغامرات كنا احس كبار
نوره : ماشفتو شي بنعيشكم حياتكم صدق
دخلو السياره والبنات بدو يرقصون ويغنون وصدمو بسياره مرت 10 دقايق
والبنات طلعو من السياره وماكان فيهم شي وكانت الصدمه قويه طلعو عيال من السياره الثانيه وبدو يعتذرون ويقولون انتم بخير تعالو نوصلكم
نوره مافينا شي روحو خلاص راحت السياره وبقينا حنا
ابتهال : مشاري مشاري بيذبحنا
سلمى : ماعليكم اركبو خلونا نروح البيت لاني دايخه بشكل ونقول مب حنا
الساعه 2:21
وكلهم نايمين الا سلمى كانت يدها تعورها بشكل وراحت منها الدوخه
صحو البنات الساعه 1:40 العصر على صراخ مشاري
وسلمى كانت يدها حمرا ومورمه بشكل
نوره : سلمى شفيها يدك !!!
سلمى : اخ بنات مره تعور تكفون
نوره : صبر ذي يدك الي طحتي فيها وانتي صغيره
ابتهال : سلمى لا تنزلين بنجيب لك ثلج ونشوف وش صاير جنى خليك معها
نزلو البنات ونوره قالت وش صاير ؟
محمد : والله ياهقوتي من بنات الرياض هم سبب البلا ذا
نوره بصراخ : هي انتم سكتنا لكم كثير ترا ترانا بس سكنًا بالرياض لا تحسبون كل هل بلا مننا كل ماصار شي بنات الرياض ابد كان ابوي يربينا زي تربيتك تمام انشالله كل سياراتكم تتكسر لو ابي آخذ سيارات اخذ من اخواني
الجد: خلاص روح صلحها انت وماعليك
راحت سهى وجابت ثلج وراحو فوق سلمى كانت تتألم بشكل دخل عليهم الجد لان شاف الثلج بيدهم مسك يد سلمى وشهو ذا يابنتي سلمى تعورت بقوه
الجد : انا ادري انها انتم الي سويتو بالسياره كذا عسا ماجاكم شي
نوره: لا لا مافينا شي بس يد سلمى تأذت حيل وهي يوم صغيره بعد يدها تعورت عليها
الجد: البسو عشان نروح المستشفى بعدها الخيول ولا ماتقدرين؟
سلمى : والله ياجدي انا وعدتك وانت عزمت الناس معليك برفع راسك
لبسو البنات وكلهم راحو مع الجد عند المستشفى ولفو يد سلمى وعطوها كريم راحت الاسطبل وبدت تدرب جو ناس كثير وكانت لابسه كل شي أسود وتلثمت ماكان باين شي غير عيونها عند خط البداية
وقفت سلمى وكانها دارسه الخيول ووقف مشاري وهو يعرف لهم بدو يتسابقون مشاري وش فيها يدك سلمى وهي تسرع يمكن من سيارتك صارخ مشاري وقال انتي والله ادري بدا يسرع وسلمى تسرع كان بيفوز مشاري وسلمى سرعت وخذت الخيط مشاري نزل ومسك يدها وقال والله سلمى محد راح يفكك مني ضحكت وراحت باست رأس الجد
الجد : والله بعيني هم الفائزين دائما
راحت سلمى للبنات ولامها وبدو يمدحونها ويباركون لها والجده حلفت تسوي عزيمه كبيره وعزمت كل الناس
الساعه 7:20 والحريم يجون ويجيبون هدايا لسلمى
والبنات يضيفونهم ويسوون قهوه ويروحون ويجون في وحده من الحريم نادت سلمى وقعدتها عندها وبدت تكلمها عن ولدها وعمره واسمه وشغله
نوره بضحك : بنات شوفو تعابير سلمى باين تبي الفكه
سهى: بنات !!! ذي ام سطام
جنى : جدي وجدتي كانو يبون وحده مننا تصير لولدها
نوره : معليكم مستحيل بتاخذه
ابتهال: نوره تراها عندها واسطات عند نص الناس وربي ولدها الكل يتمناه وجدي اول واحد
سلمى جتهم
وابتهال خذتها برا
ابتهال : سلمى خطبتك صح.
سلمى : اي بس جوابي لا طبعا
سهى: انشالله
الساعه 12:33 بعد ماخلصت العزيمه وكل البيت قاعد عند الجد والجده ويسولفون معهم
الجد: يابنتي سلمى ترا في ناس خطبوك
سلمى : اي بس طبعا ماراح اوافق
الجد : ليه طبعا الولد مابوه عيب وكامل والكامل الله
سلمى : انا صغيره توي ويني وين الزواج سلامات
الجد : شوفي ياسلمى انتي مانك صغيره والولد يصلح لك وباين امه تبيك
ابو سلمى واخوها الكبير بدو يتدخلون وصار الموضوع غصب
سلمى بصراخ: انا جاني مليون واحد رفضته تبوني اقبل على ذا والله ماقبل
راحت فوق والبنات لحقوقها ووكل واحد راح لغرفته وبقو العيال
ضحك فهد: والله ياخي سلمى ذي احبها قويه وربي الحين ذا مستحيل تتزوجه دام قالت مابيه ومانزلت دمعه منها
مشاري : ذي ماتبكي على الاشياء الي كذا بس تبكي ايذا ضيعت سوارها
فهد : يووه تحب اساورها
مرت اسبوعين وسلمى بالحوش تبكي وحست في احد مسكها ناضرت وطلع عزوز قامت بسرعه وبعدت عنه قالت شتبي ؟ قرب منها صارخت هي وشافها مشاري جاها بسرعه وضربه لين ماهرب وهو متحلف بسلمى ناضرت فيه سلمى وضمته بكل قوتها وقالت وهي عيونها مليانه دموع شكرا مره مشاري مسح على كتفها وقال سوالك شي ؟ سلمى لا شكرا وربي واسفه عشان سويت بسيارتك كذا ضحك مشاري وقعدو يسولفون مع بعض
(بعد مرور خمس اشهر) ومشاري يحب سلمى وسلمى تحبه
والبنات تعودو على العيال وكل يوم مصيبه معهم
والجد تعب مره وقرر يجمع كل احفاده
بالمجلس كل احفاده موجودين
الجد : ياعيالي انا صرت رجال كبير وتعبان وانا ماشفتكم متزوجين وانا مابي اروح من هالدنيا ابي اشوف احفاد احفادي وعلى سنه الله ورسوله بينعقد قرانكم واحد على الثاني
محمد ونوره
سهى وحمد
جنى وفهد
ابتهال لسامر
وسلمى لعبد العزيز
ومشاري للعنود
سلمى قامت وقالت جدي تكفى لا مابي عبدالعزيز
مشاري وانا والله ماراح اخذ العنود وطلع بسرعه
طلعو مشاري وسلمى
وراحو لمكانهم المعتاد
سلمى : مشاري تكفى سو شي مستحيل اتقبله
مشاري : والله بحاول وان ماصار شي باخذك ونهرب
(مر شهر )
وابتهال وسامر تزوجو لانهم يحبون بعض
ومحمد ونوره تزوجو
وجنى وفهد تزوجو
بعرس واحد
وجاء زواج عبدالعزيز وسلمى
ومشاري والعنود
(ليله العرس )
بدت سلمى تحط المكياج وهي تبكي
والعنود الفرحانه
خلصو كل شي وراحت سلمى تلبس الفستان دخل مشاري عليها بالغلط وقعد ساكت يتأملها وهو تعبان ويبيها ناضرت فيه سلمى وقالت اطلع برا جسمي باين سلامات قرب مشاري وقال تكفين لا تعذبيني
سلمى : اعذبك ؟؟؟ ترا ماصار لنا شهرين تقبلنا بعض فاهم لا تكذب على نفسك ولو كنت تبيني صدق تصير رجال وتاخذني والحين اطلع لا اصارخ
الساعه 9:10
دخلت سلمى بفستانها الابيض والناس تتأمل والعرس كان فخم وكان ناس كثير مره دخلت وغطوها ودخل عبدالعزيز الفرحان مره مسك يدها وخذاها
دخلت العنود بفستانها الابيض وهي مستأنسه مره ودخل مشاري خذاها بدون تعابير
ابتهال عند البنات شوفو الفرق اول شي دخلت العروس ماهي راضيه والعريس راضي وثاني شي دخلت العروس راضيه والعريس ماهو راضي
نوره يابعد الدنيا اختي كانت متوقعه شي وجاها شي ثاني يارب احميها منه
لاتنسون النجمه ✨
ومعليش على التأخير انشالله اقدر اعوضكم 🌷
