سقيت لك من حبي قدور وانت ياليتك له تقدر

Part9

~عند هيثم~
كان يدورها بكل جنون،بعروق مشدوده،وبحواجب معقوده
واتجه نحو الشاليه وفتح بابه بعنفه ينادي بإسمها
وطلعت له لورين والخوف مبين على وجهها ونطقت: تلقاها بالغرفه ذيك
مارد عليها ودخل الغرفه بعنف يتجه لهيام اللي كانت جالسه على السرير وملاك واقفه جنب السرير
نزل على ركبه لأجل يوصل لمستواها واردف بخوف عليها:هيام ابوي شفيك ؟ تسمعيني ؟
هيام وهي تمسك راسها وبتمثيل للألم: مافيني شيء
هيثم: كيف مافيك شيء ؟ الا فيك
هيام وهي تنزل يدها عن راسها: خلاص مافيني شيء..لاتشيل همي
هيثم: طيب قولي لي السالفه،طمنيني عنك!
سكتت هيام وناظرت لورين اللي كانت واقفه عند الباب ترجف واللي زاد خوفها لما ناظرها هيثم بحِده وبمجرد شوفته لها ارتخت عروقه لثواني ورجعت اشتدت ويناظر بعيون هيام بحِده ونطق بهدوء: منجد كنتي تعبانه ؟
هيام بتوتر: انا ؟
هيثم وهو يقوم ويضرب الطاوله اللي جنبه بعنف: تحسبين الامور ذي فيها مزح ؟
لورين بتوتر: انا ؟ انا ماكان قصدي كنت بشوف بس ردة فعلك والله ماعيدها
هيثم وهو يلتفت على ملاك: وانتِ ؟
ملاك بخوف: انا ؟ اي قصدي لا! اكيد مالي دخل
هيثم بصراخ: اطلعوا برى قبل لا اجرم فيكم
ونطق مره ثانيه بعصبيه بعد ما طلعوا: سكروا الباب وراكم
هيام بعد ماسكروا الباب: انا مالي دخل
هيثم وهو يقرب وجهه لوجهها وبملامح مشدوده: قدها يابنت عبد العزيز ؟
هيام: شدخلني انا ؟
هيثم بحِده: تراك كملتي التمثيليه علي!
هيام: خلني افهمك السالفـ..
هيثم بمقاطعه: مابي افهم السالفه اللي سويتيـ..
بترت حروفه من لما مسكت وجهه بكل يدينها الناعمه وقربت شفايفه لـ شفايفها وطبعت قُبلتها فوق شفايفه بكل رِقه..
بعّدت عنه ولكنه مسك فكها وسحبها له وارْدَف: ذيك المره مشيتها لك هالمره ماراح امشيها لك
هيام وهي تميل شفايفها: وش بتسوي ؟
وضع يده خلف رأسها وقرّب شفايفه لـ شفايفها وقبّلها بعنف..تألمت من قُبلته وأصبحت تضرب صدره لأجل يوقّف ولو لثانيه لأنه آلمها وبالحيل..
وماتوقّف الا لما سمع رنين جواله اللي كان بجيب ثوبه
ترك شفايفها بهدوء وعدل وقفته، بينما كانت هيام تمسح على شفايفها بألم
رد على جواله بفحيح: وش تبي ؟
احمد: لا بس حبيت ابشرك انهم اقتنعوا اخيرا بفتح ملف للقضيه
هيثم: الحين انت متصل عشان تقولي هالكلمتين ؟
احمد: اي
هيثم: كان ارسلت رساله وكثّر الله خيرك، ماتعرف تتصل الا باللحظات الحلوه
احمد: علمني حتى انا ابي اعيش اللحظه الحلوه معك
مرّت من قدامه تبي تطلع لكنه حاوط خصرها وسحبها له بحيث اصبح ظهرها ملاصقًا لصدره..
هيثم:المهم شوي وجايك نكمل ملف القضيه
احمد: لا ماله داعي.. قالوا بنكمل التحقيق بكرا
هيثم وهو يحاول يثبت هيام:زين اجل نتقابل بكرا
وقفّل الخط ولف هيام بحيث وجهه يصير مقابل وجهها: كنت ناويه تهربين مني يعني ؟
هيام: اي بهرب منك
هيثم بتمثيل للزعل: وش سويت انا ؟
هيام وهي تأشر على شفايفها: وهذا ايش ؟
هيثم وهو يحك رأسه: وش اسوي يعني ؟ والله مو بيدي انتِ اللي بديتي
هيام: تخلي الانسان يندم يقعد معك 
هيثم: ماحبيت هالكلام منك
هيام: وجعلك ماتحبه ! شفايفي كلها دم بسببك ياعنيف
هيثم: المفروض تحمدين ربك انه اتصل علي والا الحين صار زود
هيام: معشوقي
هيثم بإستغراب:مين ؟
هيام: اللي فكني منك
هيثم وهو يفك زرار ثوبه:انقلعي لا افرشك الحين
هيام وهي تطلع: اي بطلع ياغيور
~عند البنات~
كانت كل وحده منهم ترجف وماسكه كوب عصفر
هيام بضحكه: شفيكم انتم ؟ تراكم تضحكون
لورين وهي تمسك راسها: اخخخ ياراسي بموت
ملاك: تبين كوب عصفر ؟
هيام: لا الحمدلله ماحتاج
لورين بإنفعال: اييش ؟؟ ماسوى لك شيء ؟
ملاك: لحظه اللي بشفايفك وش ؟
هيام: عضيتهم من كثر الخوف وش بعد
لورين: نصيحه خوذي لك كوب عصفر، والله بيهدي اعصابك
هيام: الغريب مو هنا الغريب وش جابه معك ؟
لورين: حبيبتي انا يوميا العصفر بشنطتي،عاد انتِ تعرفين نفسية اخواني تف تف عليهم ما شاء الله
هيام: لهدرجه ؟
لورين وهي تترك الكوب من يدها: طببعاا واكثر بعد بس للحين ماشفتي وجهه الحقيقي
ملاك: يبنات تصدقون كنت اقول لورين تبالغ بس يوم شفت الموقف قدام عيوني بغيت اسويها على نفسي ! هيام تكفين صارحيني كيف بتقبلين تتزوجينه وتعيشين معه ٢٤ ساعه
لورين بتنهيده: اهخ بس! يارب انك ترزقني بالزوج الحنون حتى لو انه حمار ماهتم بس اهم شيء ما يصارخ لإن جتني عقده من الصراخ الصراحه
ملاك: احسبيني معك بالدعاء
لورين: عساس انك تعانين
ملاك: اهخ ما المحظوظ الا ندى ماجربت شعور الخوف
لورين بشهقه: نسيييتتته
ملاك: مين ؟
لورين: ام راشد وولدها مشوا ؟
هيام: اي قبل ١٠ دقايق تقريبا
لورين: ياااربيي قبري اليوم والله اليوم
<<عند سعود ونَدَاه>>
~سيارة سعود~
قاطع سواليفهم اتصال لورين اللي قطعه سعود على طول واتصلت للمره الثانيه ورد عليها بدون نفس: نعم ؟
لورين بخوف: الحق ياسعووودد ام راشد رجعت لبيتها من ١٠ دقايق تقريبا
سعود وهو يعدل جلسته: تستهبلين ؟؟
لورين: والله ماستهبل! 
سكّر الخط بوجهها ومسح راسه بورطه،ورد على ندى اللي نادت بإسمه: قلب سعود، سمي
ندى: شفيك ؟
سعود وهو يحرك سيارته: امك واخوك رجعوا
ندى بتوتر: وش بنسوي طيب ؟
سعود: ادعي ربك ما يقفطونك
-بعد ١٠ دقائق-
ندى:وقّف هنا
سعود: صاحيه انتِ ؟ المسافه بعيده
ندى: اجل توقّفني عند الباب ويشوفوني ؟
سعود بتنهيده: اهخ بس لو نتزوج محد بيقول لنا شيء! بس انتِ راسك يابس
ندى: انا راسي يابس ؟
سعود: لا طبعا ! انا اللي راسي يابس
ندى وهي تنزل من السياره: عبالي بعد
<<بيت ابو راشد>>
دخلت بكل هدوء وهي تتمنى بقلبها ان محد يشوفها وسرعان ماشهقت من لما سمعت صوت راشد وراها
ندى: قل اعوذ برب الفلق من شر ماخلـ..
راشد بمقاطعه: سلامات ؟ ماباقي شيء وتختمين القرآن
ندى: خوفتني وش متوقع يعني
راشد: طيب وين كنتي ؟
ندى: بالبيت
راشد: تستهبلين انتِ ؟
ندى: قصدي كنت بالبيت قبل لا اطلع
راشد: وين طلعتي ؟
ندى: لبيت وحده من صديقاتي وين يعني
راشد: بس ماشفت سياره واقفه برى
ندى: اي لأنها كانت مستعجله قلت خلاص نزليني بنص الطريق وروحي انتِ لمشوارك
راشد: وليش ما اتصلتي علي عشان اجي اخذك ؟
ندى: ماخطرت على بالي والا كان اتصلت عليك
راشد: طيب استأذنتي من ابوي ؟
ندى بإنفعال: تحقيق هو ؟ كل ماتنفست سألتني! كلها طلعة رُبع ساعه وجيت شفيك انت ؟
راشد: طيب ماخلصت اسألتي
ندى وهي تصعد للأعلى: وفرها رجاءً
راشد بينه وبين نفسه: تحمد ربها اني ماني فاضي لها
~غرفة راشد~
رفع سماعة جواله ونطق: هلا بروحي
حور: هلا فيك ياعيني
راشد: كيفك اليوم ؟
حور: بخير الحمدلله، وانت ؟
راشد: طلعنا اليوم وانبسطت بس وحشتيني الصراحه، خليني اجي اخطبك ونرتاح
حور: لا! مره بدري بعدين تخطبني
راشد: لك سنه تقولين نفس الكلام، متى الوقت المناسب ؟
حور: انت ليش مستعجل ؟
راشد وهو يعدّل جلسته: كيف ليش انا مستعجل ؟ انا احبك وابيك وانتِ تشوفين الموضوع عادي ؟
حور: لا ماشفت الموضوع عادي بس يعني انا لسى ماني مستعده.. مجرد اني استعد بنتزوج صدقني
راشد بتنهيده: اللي تشوفينه
حور: طيب حبيبي انا بخاطري بخاتم
راشد: سمي وش الخاتم اللي تبينه ؟
حور: بس غالي شوي
راشد: مايغلى عليك شيء ياقلبي، بكم ؟
حور: ٤٠٠٠ ريال، تقدر ؟
راشد: خاتم بـ ٤ الاف ؟
حور: اي شفيها ؟ كأنك هونت ؟
راشد: لا ما هوّنت! بكرا تلقين الفلوس عندك
حور: وليش بكرا ؟ ليش مو الحين ؟ ترى الخاتم بتنفذ كميته
راشد: اللي تبينه، شويات واحولها لك
حور: احبك
راشد وهو ينسدح على ظهره: وانا اموت فيك ياعيوني
<<بالشاليه>>
ام سعود: يلا استعجلوا نبي نوصل قبل وقت السحور
لورين تشيل اغراضها: وليش مانتسحر هنا ؟
ام سعود: انا احب اتسحر في بيتي يلا
لورين: طيب والله بدري
ام سعود: لا مو بدري لازم نوصل هناك الحين عشان يصير معنا وقت نطبخ السحور
-بعد نصف ساعه-
ام سلطان: اعتقد مابقى شيء
ام سعود: اي مابقى
هيثم: اجل يلا إتكلنا على الله
هيام: لورين انا ابي عند الباب لا تروحين له
لورين: تخسين! انا ابي عند الباب
هيثم وهو يمسك يد هيام: هيام بتروح معي
هيام بهمس: بأحلامك
هيثم وهو يقرّب وجهه منها وبنفس الهمس: انا دايم أحلامي حقيقه يابنت عبد العزيز
هيام: انت شكلك فرحان انك تعرف اسم ابوي صح ؟
هيثم وهو يبعّد عنها وبإستغراب: ليه ؟
هيام: لأنك ابلشتني يابنت عبد العزيز ويابنت عبد العزيز
هيثم وهو يشد على يدها: اعقلي يابنت عبد العزيز وامشي معي السياره
ام سعود: يلا كل واحد يركب سيارته ويتأكد من اغراضه قبل يمشي
<<عند هيثم وهيامِه>>
~سيارة هيثم~
هيثم وهو يحرك سيارته: لا يكون للحين زعلانه ؟
هيام: من ايش ؟
هيثم: مدري بس كأنك زعلانه
هيام: اي زعلانه وماراح ارضى الا بشرط
هيثم: داري انك مو زعلانه لكن اسلمي وش شرطك ؟
هيام وهي تلف جسمها وتصد عنه: يعني متكاثر علي الطلبات ؟
مسك فخذها وسحبها له وارْدَف:لا تصدين عني مره ثانيه
هيام: يصير خير
هيثم: وش مزعلك انتِ ؟ قولي شرطك يلا
هيام: نأجل عرسنا
هيثم: لا
هيام: على طول رديت ؟ فكّر طيب
هيثم: وليش نأجله ؟
هيام برجاء: هيثم تكفى والله مالي خلق برمضان خلّه بعد العيد
هيثم: وش لي ؟
هيام: سخييفف !! وش اللي وش لك ؟
هيثم: مثل انك انتِ تطلبين حتى انا بطلب
هيام: وشو طلبك ؟
هيثم وهو يأشر على خده: وحده واوافق
هيام: تخسي
هيثم: اجل حتى انتِ تخسين
هيام: هيثم توي عطيتك يكفي
هيثم بجحده: متى ؟
هيام: هيثم والله لا اصيح
هيثم: شفيك رميتي كل اوراقك اصبري طيب
هيام: والله ان الدمعه جاهزه اذا قلت لا، والله بصيح
هيثم: لا تكفين خلاص موافق
هيام وهي تعدّل جلستها وتناظر للأمام: احبك
هيثم بحماس: وش قلتي ؟
هيام: وش قلت ؟
هيثم: الكلمه اللي قلتيها قبل شوي
هيام بإستغباء: "قلت" ؟
هيثم: لاا اللي قبلها
هيام: "وش" ؟
هيثم: انقلعي
<<بيت ابو سعود>>
~غرفة سعود~
دق عليها عشان يتطمن اذا صار لها شيء او ل
سعود بعد ماردّت عليه: ها طمنيني، صارلك شيء ؟
ندى: اي ضربني
سعود وهو يوقّف وبعصبيه: ايييشش !! ميين ؟؟
ندى: اهجد، كنت امزح
سعود وهو يجلس: مزحك ثقيل
ندى: مو عاجبك مزحي ؟
سعود: الا عاجبني
ندى: عبالي بعد
~عند هيثم وهيامِه~
هيثم: طيب عطيني سبب وش يضرك ؟
هيام: لا يعني لا
هيثم: ياخي ليه طيب ! ابي سبب واحد عالاقل
هيام: بعيدا عن انه عيب ومايصلح انا انسانه ما اضمنك
هيثم: وش اللي عيب ؟ انا زوجك طيب
هيام: والتبن ماهتم
هيثم: ايش ؟
هيام: والنعم ياحبيبي انت
هيثم: طيب ماراح يضرك شيء
هيام: لاااا
هيثم: وتقولين ليش مانأجل عرسنا ؟ انتِ السبب
هيام: صاحي انت تبيني اروح معك البيت ؟ تونا ماتزوجنا
هيثم: طيب اذا كذا متى بيحصل لي وقت اجلس معك ؟
هيام: سهله! اذا تجمعنا
هيثم: عساك تبيني اجلس معك عندهم ؟
هيام: اي شفيها ؟
هيثم: ياخي مقدر اخذ راحتي
هيام: وهذا المطلوب مابيك تاخذ راحتك
هيثم: نفسيه من يوم ماعرفتك
هيام: شقصدك ؟
هيثم: سلامة قلبك
<<تسريع للأحداث-العشر الأواخر من رمضان>>
~بيت ابو سعود~
ام سعود: احمدي ربك وكولي
لورين: مابي ماشتهيه
ام سعود: عاد والله هذي مو مشكلتي! مو عاجبك المطبخ مليان
لورين: يمه ماعرف اطبخ طيب
ام سعود: انا بعرف مين بيقبل فيك وانتِ كذا ؟
لورين: وليش اطبخ له ؟ المطابخ مليانه
هيثم وهو يجلّس جنب هيام: شسالفه ؟
هيام بهمس: قوم لا تطيح الميانه
هيثم: اسكتي ترى والله واصله معي
هيام: طيب امزح شفيك انت
-بعد نصف ساعه-
هيثم وهو يوّقف: الحمدلله
ام سعود: ما اكلت شيء
هيثم وهو يطلع: شبعت الحمدلله، انا استأذنكم
<<الشركه>>
راشد: طيب الملفات ذي ليه ماتعدلين فيها
حور: ياخي مالي خلق! عدلّها انت
راشد: من عيوني كم عندي حور انا ؟
حور: احبك
راشد: اعشقك ياروح راشد انتِ
حور وهي تمد يدها له: ماعطتني رأيك بالخاتم!
راشد: يليق عليك وبقوه
حور وهي تكتف يدها: منجد والا تسلّك ؟
راشد: انا اسلّك ؟ ماحبيتها منك
حور وهي ترسل له بوسه بالهواء: اعتذر منك
راشد وهو يحضنها: ماله داعي الاعتذار، بوستك تكفي
<<عند هيثم>>
ركب سيارته ومشى بإتجاه دوامه ولاحظ انه وهو يمشي في سياره غريبه تلحقه
هيثم بينه وبين نفسه: من ذا ؟
اتجه نحو طرق عشوائيه عشان يتأكد اذا هي تلحقه ولكنه سرعان ما عقد حواجبه من لما اتجه نحو طرق عشوائيه عشان يتأكد اذا هي تلحقه ولكنه سرعان ما عقد حواجبه من لما لاحظ انها بالفعل تلحقه..
اتصل على احمد وعلّمه انه بيتأخر عن الدوام شوي عشان يعرف كيف يتصرّف مع هالغريب، اتجه لشارع فاضي ووقّف على جنب ونزل من سيارته
هيثم بصوت مرتفع: بخاطرك شيء وقّفني مو تلاحقني زي الكلب
نزل الرجل وسرعان ما ابتسم هيام ابتسامه ساخره من لما شافه محمد
محمد بسخريه: لحالك ؟
هيثم: اي لحالي زيك
محمد بضحكه خفيفه: لا للاسف انا مو لحالي
وأشر بإصبعه ونزلوا مجموعة رجال من سيارته
هيثم: اهاا يعني غدره ؟
محمد: وانت يعني ماغدرتني لما جيت لبيتي وضربتني ؟
هيثم: مالي خلق اشرح لك، فـ سمّها اللي تسمّيها
محمد وهو يلّف على رجاله: اجل روحوا له
هيثم وهو يرفع أكمامه: من زمان ماضربت احد، قربوا خلوني اشوف قوتكم
قرّب له اول واحد ومعه سكين ومسك هيثم ياقته وسحب السكين منه وطعنها بقلبه بخِفه ورمى الرجال بعيد عنه
هيثم بإنفعال: هذا اقوى شيء عندكم ؟ تعال ياحيوان خلني اربيك 
أشر محمد على أحد الرجال بإنه يتجهه له واتجه الرجل لـ هيثم، مد هيثم رجله وطيّحه من رجليه ومسك السكين وطعنها بقلبه وتناثر الدم على وجهه هيثم
هيثم وهو يمسح الدم من على وجهه: ليش ماتجي انت ياراسهم الكبير ؟
محمد: تحسبني خايف منك ؟
هيثم بسخريه: اقطع يدي اذا انت ماخفت
محمد: اجل تعال خلني اقطعها لك
هيثم: تخسي وتعقب