سقيت لك من حبي قدور وانت ياليتك له تقدر

الشخصيات

عائلة الجد حاتم(ابو خالد):
خالد-ابو سعود- ( الابن الاكبر للجد حاتم)
سليمان-ابو سلطان-
حمود-ابو راشد-
<<الابن الاكبر خالد-ابو سعود->>
زوجته سعاد: انسانه على قد حالها وطيبه جدا ولكن لا احد يقرب على عيالها والا بيشوف الويل
سعود :الابن الاكبر لخالد، ضابط يبلغ من العمر ٢٨ عام بيتوتي وهادي جدا لدرجة محد يعرف وش وراه واكثر شيء يكرهه احد يتدخل فيه واذا عصب قلب الدنيا على راسها
هيثم: محقق يبلغ من العمر ٢٥ عام، عصبي جدا واذا عصب لحد يجي قدامه ويكره شيء اسمه بكاء او ضعف
وليد: طالب جامعي يبلغ من العمر ١٩ عام، معتبر الحياه مزح وضحك ويسوي اللي براسه مع الرغم انه دايم يتصفق من اهله على فعايله الا انه يواسي نفسه بجملة "الحياه مره وحده"
لورين: طالبه جامعيه تبلغ من العمر٢٠عام
بنت جميله وهاديه لكنها اذا صارت مع وليد تتحول لنفس شخصيته
<<الابن الثاني سليمان-ابو سلطان->>
زوجته فاطمه: هي وسعاد صديقات واكثر كأنهم خوات من قوة صداقتهم، كانت معلمه لكنها فصلت لاجل تسخر وقتها لعيالها وزوجها، هاديه وماتضر احد لكن مجرد احد يضرها او يضر عائلتها بالاخص مايشوف خير
سلطان: دكتور بالجامعة يبلغ من العمر ٢٤ عام، معظم وقته بالشغل ونادر يجي للبيت، مزاجي بشكل خفيف..مره يصير هادي ومره عصبي ومره فلاوي وما يضر احد الا اللي يغلط عليه او على اهله واللي يفكر يغلط عليه يوريه نجوم الليل بعز الظهر،،يكره التجمعات العائلية
ملاك: طالبة جامعية تبلغ من العمر ٢١ عام،،عكس اخوها تماما، تحب الطلعات وحنونه وفلاويه وهي اللي دايما تكون سبب التجمعات العائلية لانها تحب لمة الاهل والاحباب
رند: طفلة تبلغ من العمر ٥ سنوات
<<الابن الثالث حمود-ابو راشد->>
زوجته مريم: لسانها متبري منه دايما تعطي نغزات بالتجمعات العائلية وتحرج الناس وماتقبل احد ينصحها او يطلع افضل منها
راشد: يشتغل مع ابوه بالشركه يبلغ من العمر ٢٩ عام
رافض فكرة الزواج مع اصرار اهله التام من انه يتزوج
يكره الظلم ودايما يكون بوجه امه وهذا ما ادى الى انهم دايما متزاعلين
ندى:طالبة جامعية تبلغ من العمر٢١ عام،
حنونه وطيبه لكنها فلاويه وما ترضى بالغلط
ودايما تنحرج من امها وتصرفاتها وكيف انها تجرح الناس بكلامها
جوري: ه تبلغ من العمر ١٧ عام، تحب التجمعات والطلعات ودايم تسوي اللي براسها ومطنشه كلام الناس ومحد يقدر عليها لانها دلوعة ابوها
رهف:طفلة تبلغ من العمر ٧ سنوات
____________________________________
<<عائلة عبد العزيز>>
عبد العزيز: اب حنون يحب عائلته ولا عمره كره اخوه مع الرغم انه دايما ياذيه،، مع ذلك عصبي ولا يسمح لاحد يقرب منه ولا من عائلته
زوجته نوره: حنونه وتحب عيالها اكثر من اي شيء وحياتها معهم ومع زوجها ولا اروع ودايم تخبي عيالها عن ابوهم اذا عصب من حنيتها
هيام: طالبه جامعية تبلغ من العمر ٢٠عام، اخذه من صفات امها بالحنيه وتحب عائلتها اكثر من اي شيء ومستعده تضحي بنفسها عشانهم، تكره احد يتدخل فيها مهما كان وعنيده
راكان: يبلغ من العمر ١٩ عام، دايم يلعب ويخرب ويعاند اخته لكنه اكيد يحبها ومايرضى عليها ولا على امه وابوه
<<عائلة مقرن>>
مقرن: شخص عصبي وخبيث جدا ويكره اخوه عبد العزيز وعائلته لان اخوه انجح منه
زوجته هند-متوفيه-
محمد: عاطل عن العمل يبلغ من العمر ٢٧عام
اخذ من صفات ابوه ودايم حاط عينه على بنت عمه(هيام) ومو مخليها بحالها لا من ناحية كلامه ولا تصرفاته