نساء نحو الفجور

... part 33 ...

مساء نحو الفجور

يوزري انستا z49.g

رحت روحة غثيث وزعلة أرخاص .

.
.
.

طَي»» 

سمعت الاصوات عاليه كلش طلعت للطرمه وتفأجت شفت الاوس وانورت  رجعت ختلت وره الدنكه واشوفهم بس همه ميشوفني لان صايرة بظهرهم انا اباوع على انورت عيونها حمر وتشاهك وتبجي حجه وياها الاوس وهوه يدخن جكارته

الاوس  : هسه ليش البجي لخاطر الله

انورت  : انت متحس انت ماعندك ذرة احساس شاف الذرة ماعندك

الاوس  : انورت بابا...

انورت  : خربب انورت خرب بكلبها خرب باليوم الي شفتك خرب باليوم الي طبيت بيتنا والي تعرفت بي على خاوالي اكرهك ولك حس جاي اموتت

الاوس  : انورت بوية بس اهدي فدوة خليني احجي وياج

انورت  : لك شهدء فهمني اكله ثور يكلي حلبي

الاوس  : يابة وحق الحق هي اجتي يمي وحق الله انا مالي دخل بيش احلفلج

انورت  : كذابببببب كذاببببببب اوكي اوكي امنت بالله هي جتي يمككك تلزمممم ايدككككككك وتضل ساكت اوس اطلع برةةة وبعد لاتحجي وياي واذا شفتك طاب البيت مالتنه اسويلك مشكله اخليك تندم على الساعه الي كتلي احبج بيها برة يلة برةةة

عافته وطبت للهول باوعت على الاوس لزم جفه وطفه بي الجكارة ومدري شحجه بينه وبين نفسه وطلع برة البيت ضليت افكر بالي شفته بعدني افكر فكرة جيبني وكفرة توديني جان تندك الباب طَب الحرس للطرمه اجا يصيحنه جان يشوفني كالي..

الحرس  : خوية هاي استاذ عجاج جاي

طَي  : اي عمو خلي يفوت هلا بي

طَبييت للبيت فتحت باب الاستقبال وصحت حيدرا..

طَي  : حيدرا خطار تعال

حيدرا  : منو روهان؟

طَي  : ابو ضُر عجاج

حيدرا :   حي الله من جانه

اخذت ماي وعصير وطبيت للاستقبال قدمت اله وكعدت

عجاج  : الحمدلله على سلامة ايليا 

طَي  : الله يسلمك خوية

عجاج   : شون صار هسه

طَي  : والله الرضوض طابن بقن الكسور بس الف الحمدلله والشكر صحته تمام ياكل ويشرب

عجاج  : الحمدلله لعد شعجب نايم

طَي  : تعبان اليوم من ساعه بـ ١٠ العالم لتمت علينه قبل لاتجي بربع ساعه البيت يله فرغ

طب حيدرا تسالموا وانا عفتهم وطبيت للغرفه لبست كلبية وغسلت وجهي وعدلت الغرفه ورجعت رحت يم انورت اشوفها لان وضعها والكلام الي سمعته ضل بالي رحت لغرفه حيدرا هي كل ماتضوج تكعد بغرفه خالها دكيت الباب ردت بصوت مبين مخنوك..