على اطراف الاغاني بكينا

Part 1

بسم الله ابتدينا

............

بيت غرمان

كان جالس يشرب شاي الصباح ويقرأ الجريدة قبل لا يطلع للمقهى ولشغله والشياب والقبيله بس نزل الجريدة باستغراب من رهف ما انزلت اليوم كعادتها وماهي ثواني وهو مستغرب الا وصار يضحك من سمع خلخالها وهي تجي من غرفتها ركض وقفت قدامه وهي مبتسمه وتعدل شعرها وتلبس العبايه

غرمان بضحكه: على ويين

رهف بدلع وهي تحط النقاب: يبه تكفى البقالة بس شوي وبروح لدردور وبرجع

(دردور هندي يجيب بسطه يبيع بها ميكب مدري ليش اسمه طلع معي كذا)

غرمان وقف ومسك يدها : يلا قدام منو يقدر يرفض طلب لرهف

رهف ضحكت بخجل من كلام ابوها

طلعو من البيت وبس سكرو الباب طلع غرمان مبلغ من جيبه وحطه بيدها

غرمان بحنيه: لا تخلي شي بخاطرك وانتبهي لنفسك وبس تخلي ارجعي البيت على طول وقفلي الباب

رهف وهي تاشر على عيونها: من عيونيي يا عيوني

ضحك غرمان وهو يشوفها رايحه جهة البقاله استودعها الله ومشى لسوق وهو يدعي الله يحفظها ويوفقها

.............

بيت علي:

مازن وهو يسكر ثوبه : يمههه بسرعه بتأخر

مشعل باستغراب: لا تصارخ

مازن وهو ياخد فلوس من امه ويمسك الكوره: الا بتاخر على طلول انت ما عندك اصحاب ما تعرف

مشعل سكت وهو يحس انه مو فاقد صاحب فاقد بلد جلس سرحان دقايق وامه تراقبه وتراقب سرحانه صح انه مايسولف كثير بس دوم يجلس معهم بعقله وحضوره

امه بنص عين: تحب من ورايي

مشعل انتبه لامه وصد لها: هلا؟

امه : اقول لك تحب من وراي

مشعل وقف بعدم اهتمام: اي الله ييحفظها لي

امه شهقت بصدمه: ميييينن

مشعل وهو ياخذ معه ترمس الشاي: بنت خلف

امه بسرعه من شافته يفتح الباب: اسمهااا؟

مشعل وهو طالع للبقاله : دانة

ام مشعل جلست مكانها ماسكه كوبها مصدومه ماتدري ان مشعل ما عنده وقت لذي السوالف ومايعرف اذا اسم بنت خلف دانه ولا واصلا ما يعرف اذا فيه واحد اسمه خلف في الديره

.................

عند رهف

راحت البقاله لقتها مقفله فقررت تروح لدردور بالاول وبس وصلت له قام يرحب بها يعرف بتاخذ كثير