على اطراف الاغاني بكينا

Part 7

بسم الله
الحمدالله

.........

بدايه يوم جديد

صحت رهف على اذان الفجر ولفت جهة مشعل وما لقته قعدت وهي تمسح وجهها بكسل وشافته طالع من الحمام

مشعل وهو يرش من العطر: انا بروح اصلي الفجر وراجع انتي كملي نوم عادي

رهف هزت راسها وهي تقوم للحمام متعوده بذا الوقت تقعد وتودع ابوها لين ما يرجع تكون مجهزة الفطور وتنتظره طلعت رهف من الحمام وكان مشعل طالع قبلها بكم دقيقه للمسجد عدلت شعرها وطلعت للمطبخ وهي تجهز الفطور من جهز الفطور حطت الشاي وركضت تغير شوي من شمت ريحة الطبخ في ثيابها وبس بدلت وتعطرت سريع ونزلت وهي تعدل شعرها

رهف وهي مبتسمه لابو مشعل: صباح الخير يبه

ابو مشعل بابتسامه وهو يمشي وبيده الجريده : صباح النور بنتي

دخل مشعل بعد ابوه وهو يشوفها ماشيه للمطبخ واستغرب انها ما نامت ولحقها

مشعل وهو يبعد يدها عن صحون الفطور : خلي انا بشيله

رهف بضحكه: صباح النوور

ابتسم مشعل وشافها تاشر على الترمس والاكواب: جيب ذولاك اثقل

ضحك مشعل وهو يضرب ظهرها بخفيف : وانا اقول ليه تضحك

ضحكت رهف وهي تسبقه وهو يسارع بخطوته ويسبقها شوي وهي تسبقه شوي وابوه لاحظ هذا الشي من جهة عجبه التغير في ولده وحنيته عليها البارحة ومن جهة ثانيه ما عجبه تعلق مشعل في رهف وتعلقها فيه وهو يدري ان نهايتهم فراق نزل يفطر معهم وهو في عقله حل لمشكلتهم بس مايبي يتسرع قبل لا يكلم ام مشعل ويتاكد من اذا ابو رهف هو المجرم ولا كله افتراء.

ابو مشعل : مشعل ابيك تروح للمزرعه تقعد فيها ذا الاسبوع تعلم العامل الجديد شغله

مشعل رفع عينه على رهف: تم بعد صلاه العصر نمشي انا ورهف

ابو مشعل هز راسه وهو يبلع لقمته: تروح لحالك رهف تقعد هنا تساعد امك تدري ضيوف يجوها كل شوي

مشعل لاحظ ان رهف بطلت تاكل واكتفت بالشاي ولاحظ الحزن في وجهها وتكلم: بس يبه ميصير اسبوع واجد

ابو مشعل: مب واجد يا ولدي ورهف هنا بالحفظ والصون عند امك وتنا تراي طالع لديره الي جنبنا كم يوم هناك الشهود بروح مع شيخ القبيله نسال وكذا وراجعين عشان نعرف اذا ناخذ بحق اخوك ولا نرجع البنت لابوها ونستسمح منه ولا تنسى ان بلسانك قلتها اذا طلع ابوها الي قاتل اخوك عن عمد نذبحها هي ونعيش ابوها الي عشناه واذا لا تراها بترجع له

قام ابو مشعل من الفطور وهو يحمدالله على النعمه ومشعل يناظر رهف الي تناظره بكسر ما توقعت انه متزوجها عشان ثارهم وهو الي يقول لها انا ادري ابوك مو ذابحه ولا شي صدت بوجهها عنه بزعل