تبارك احمد
#السبشل
تعنيت لهل لورد
ردت اشتري ورده
صادفني ابيض حلو تبسملي واتعده
وشتميت ريحه عطر
تسوهه الف وردهه
ثاريها مو من الورد ثاريها من خده
ومادام شفنه لحلو
شنشم من عطر بعدهه
عزل وذب الورد حتى المحل سده
.......
_هستوني راجعه من الدوام تعبانه من المشي ابوي ما يقبل ياجر اليه خط ولا يقبل ينقلني وصلت واسمع صوت صياحهم زفرت بتعب وماكدر اسوي شي غير اصبر بسرعه دخلت وختلت بالتواليت انتضر ابويه يطلع ومن سمعته طلع وسد الباب قوي وراه طلعت لكيت امي منهاره دخلت الها وسلمت عليها وبست راسها
.. يمه لخاطري تحملني والله ما بقى شي ونخلص منه
.. كافي اني تعبت تعبت روحي منه لشوكت ابقى بهاذا الوضع حتى المطي ما يتحمل هلعيشه
.. يمه بداعتي لتعوفيني وحدي يمه اني لخاطرج جاي اتعب وداعت عيونج
.. هوة شمصبرني على ابوج غيرج لو ما انتي جان اني هجيت منه من زمان
كعدت احجي وياها واقنعها واضحكك وياها حتى شويه تغير من نفسيتها
.. يمه ميته من الجوع هسه وكت مشاكلكم اني جوعانه
ضحكت على سوالفي وكامت تصب الغدة واني اساعدها وهوة جذب اني كاعدة اسولفلها وهيه تشتغل
بسرعه بدلت واجيت يمها
.. يمه همزين مجايبه جهال انوب جان هسه اسكت اخواني لو انتي لو منو مالحك عليكم
.. شجذابه انتي خايفه لا يجي احد وياخذ مكانج مو
ضحكته وكتلها
.. ليش يوم ليش هوة انتي شعندج هوة بس اني
.. اي وحدة وشالعه كلبي ومطيحه حضي
غمزتلها وحجيت
.. امممم علينههه اني لو ابويههه
.. ولي انتي وابوج لو ما انتي جان اني خلصانه منه بس اخخخ منج
.. يلا يمه اودعناج اروح اخذلي قيلوله صغيره
.. وين رايحه والمواعين
.. انتي اغسليهن اني عود اغسل مواعين العشه
ورحت اركض للغرفه واسمعها تحجي ورايه
.. عمرج اربعطعش سنه وما كدرتلج لعد لو تكبرين شسوين تشلعين كلبي بالزايد
صحت الها
.. لا يمه اني احبج لتشكين بحبي الج اني ماقبل
مسمعتها حجت ورايه اني بسرعه مديت
فراشي بالكاع وتمددت واجت الافكار
براسي ورجعت لنفس الوضعيه الافكار
تاكلني اكل ماعرف اريد اكبر بسرعه اريد فلوس
أنت تقرأ
السبشل
Romanceللا تقتَربْ مِنيٰ لَقد ماتَ الذي مَا بَينُنا والآنَ حَقاً أكرهُك كَم كُنتُ أقَدر أن أرد لكَ الأذى أضعافِهُ لكِنّني لا أشبَهُك. قل للذين تغيّروا و تنكّروا ما ضرّني بُعدٌ و لا نكرانُ أنا لا أبالي إن سحبتم ثروتي ما مَسَّني نقصٌ و لا خسرانُ ستعود أض...
