KWANKWASON JIMINA!! (MAI WUYAR SHAFAWA) ..PAID NOVEL..

FREE PAGE 5

*_KWANKWASON JIMINA!!_*
   _(MAI WUYAR SHAFAWA)_
          🦩🦯🦾

_NA_

_NANA HAFSATU_
    _MX_

*_ZAFAFA BIYAR 2024_*

*_arewabooks:mssxoxo_*

    *_LAST FREE PAGE: 5_*

_____

  *Suna*  kan hanyar layin su zasu koma gidah suka hadu da Hammah Ashfeef ..

Yana hango su ya yafuto su da hannu da sauri yana dafe kansa saboda yadda rana ke dukan goshin sa..

Karasawa sukayi wajen nasa.. Ashfeef ya dube su duk sunyi futu futu yace,

"Tun dazu nake neman ku... Yafendo tace daga aiken data muku ku Kira Bappah ba a sake ganin ku ba. Hankalin ta ya tashi sosai. Saboda tace ke bakida lafiya ashe ko? Wai ko jikin naki ne ya tashi a hanyar dawowa? " Ya karasa fada dan yatsantsa na yin nuni ga Nawra dake kikkifa idanu

Nawra ta bude baki zatayi magana Layla tayi saurin cewa,

"Eh kanta ne yake ciwo shine muka shiga gidan su Nano umman su tabata magani "

Ashfeef ya kada Kai Yana kallon Nawra yace,

"Ya jikin naki to?"

"Da Sauki naji Sauki ...Amma"

Bata karasa fada ba Layla ta saka hannu ta mintsino hannun ta,

Hakan yasa tayi shiru tana mai duban Layla ta wutsiyar idanu. Sam batason halin Laila nayin karya akan abunda ba haka ba.

"Allah ya sawwake ya kara sauki. Muje gidan. Don yafendo hankalin ta atashe ganin ba kudawo ba an je har gidan bappan ko kuna can bakwa nan."

Yayi gaba. Suna biye da shi a baya.

"Toh Yayaa.."

Nawra ta juya ta dubi Layla cike da takaici kasa kasa yadda Hamma Ashfeef ba zai juyo ba tace,

"Me karya fa dan wuta ne...kina ji dai malam Yana fada mana Kuma ma yafendo tana mana tuni akai"

Layla ta tabe baki tace,

"Fada zamu sha idan ba haka na fada ba"

Nawra ta girgiza kai kawai tayi gaba abunta. Layla tabi bayanta tana Kiran sunan ta a haka suka karasa gidah..

  Da yafendo suka fara cin karo a zaune ta zabga uban tagumi tana kallon babbar kofar da Zata sadaka da wajen gidan da shigowar sa.

"Assalamu alaikum.." suka hada baki wajen yin sallama..

"Waalykm Salam... Ina kukaje ne haka iye? Nawrah Layla tun dazu ake tsumayin ku shiru. Ko jikin ne?" Ta tambaye su cike da kulawa.

"Wai kanta ne ashe yake ciwo..." Ashfeef ya amsa yafendo.

"Shine mukaje tasha magani ta kwanta agidan su .......

Layla bata karasa fadar abunda Zata karasa ba Nawra ta yi hanzar cewa da yafendo,

"Dandagi muka biya ganin noman farisu angon Fiddau.. Bamu ma gama kallon Fiddau dake daukar ruwa daga Rafinrau ba.."

Tana karasa fada tayi shiru kanta a kasa tana lankwasa hannuwan ta. Duk da karancin shekarun ta hakan bai sanya ta dinga karya ba...

"Kiyi hakuri yafendo..." Ta sake fada kanta a kasa.

Layla dake gefenta kirjinta ya cika fal da tsoron abunda zai biyo ba. Dama tun ba yau ba Nawra tasaba kwafsa musu. Don haka itama ta sadda kanta a kasa cike da muryar ban tausayi tace,