بين انيابهم

••العثـــرة الثامنــة••

بســم ﷲ الرحمــن الرحيــم

السـلام عليڪم

#بيـن انيابهـم

#بقلمـي أنـا: زهــࢪاء

حساب الانستا: zaii1_8

لا تنسون التصويت +التعليق بين الفقرات

+احبڪم زهوراتـي 💋

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

تـــــاج

مرت فترة و ايام عادية بالنسبة الهم بس جحيم بالنسبة الي حياتنة عدهم من اسوء لأسوء ڪُل يوم انام و اتأمل باجر راح يڪون افضل باجر اهلنه يلڪونة بس الي صار شنو؟

انڪسرنة ومثل الي انسينة و انمحة اثرنة

ابتهال ضلت تستغلني وڪُل ما ارفض تهددني بأختي او تڪُلي اكول لأبو لبدة عن عدنان وشلون قتلتي جانت تستغل نقطة خوفي بهذا الموضوع وخصوصاً ان هيَ تعرف شُـذير نقطة ضعفي فتستغلني بيها

خلال فترة العطلة جنت ڪُل ما اتصير عدهم سهرة تخليني الم الفلوس وهذا الشي دمر نفسيتي لأن ما احب اشوفهم واشوف رخصهم وقذارتهم

خاصتاً نفسيتي تعبت من شفت هنادي ماتت ڪدام عيني

خلصت العطلة و اجة الدوام جنت مجمعة كم فلس اخذهن بالبوك من الفلوس الي يكتوهن ضليت اشتري دفتر ورة دفتر حتى لا تلاحظ ابتهال وملابس ما اشتريت ضليت على مالات العام واصلاً هنا مو جدد ما اعرف ابتهال منين جايبتهن واصلاً ميهمني لأن اني بيا حال

اول اسبوع جنت ڪُل يوم اخذ ضروف للمحل الي كبال المدرسة بس ابو الحانوت ما اوصلة ومن سألت قاسم ڪال

قاسم... مو هسه يطلب المدير يشك بيه

جان قاسم ڪُل يوم يوڪفلي كدام الباب اذا ما اسلمة الفلوس ما يدخلني للبيت فأني احرص عليهن واشدد حتى اسلمهن بأيدة

بيوم استلمت فلوس من ابو المحل خليتهن بالجنطة وطلعت من عندة حسيت اڪو احد يراقبني التفتت بسرعة واني ڪاضة ڪلبي بخوف

شفت ولد يمشي بس عينة مو عليّ عفتة وڪلت دا يمشي وحدة و ڪملت طريقي للبيت