بين انيابهم

••العثـࢪة التـاسعـة و العشـࢪون••

بســم ﷲ الرحمــن الرحيــم

السـلام عليڪم

#بيـن انيابهـم

#بقلمـي أنـا: زهــࢪاء

حساب الانستا: zaii1_8

لا تنسون التصويت +التعليق بين الفقرات

+احبڪم زهوراتـي 💋

ــــــــــــــــــــــــــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــــــــــــــــــــــ

🚫ملاحظة //بهذا البارت اختصرت ڪل قصة بحر و بعد هذا البارت راح يتوضح الڪم كل شي

بحــــࢪ

ابو وادي.... ديري بالج على روحج وبيبيتج بنيتي انتِ كدها واي شي محتاجة احنه يمج

بحـــر... ما تقصر عمو...... مع السلامة

ابو وادي.... الله وياكم بوية

درنة ورحنة صعدنة بالسيارة الاجروها النة مشت بينة مسافة وبيبي فتحت الجنطة عقدت حاجبها وصاحت
حَنينة..... صخاااام بعيين العدووو الفلوووس وينهنننن

انتفضت وبسرعة جريت الجنطة منها دورت على الفلوس ماڪو رجعت باوعت البيبي وحجيت

بحــــࢪ.... شنوو بيبيي وينهننن شسالفة؟؟

دكت على رجلها وصاحت

حَنينة..... ماا ادرري ما ادرري

سديت الجنطة وحركت فكي بأنزعاج

بحــــࢪ.... هالحثلة البايڪينهن عساهم ما يتهنون بيهن احنه صوجنة غفلنة ونمنة..... انتِ يمن كاعدة؟

حَنينة.... يم مرة غريبة ما اعرفها بس ما اريد اسوء الضن

بحــــࢪ... طز ما مقسومات الله يعوض بالاحسن لا تقهرين برويحتـج

هزت راسها بس واضح مقهورة اتنهدت وما عرفت ذنو احجي انتبهت على صوت السايق يتردد مسامعي

..... خوية محتاجين شي؟

بحـــࢪ..... لا ما تقصر نزلنة هينه

..... لا لا اذا ؏ الڪࢪوة الولد دفعها

سكتت من عرفتة يقصدو لوادي سندت ضهري على الڪشن وصفنت على وضعنة اني وبيبي وين راح انروح هساع حتى اذا رحنة يم كرايب بيبي ما نكدر نڪعد عدهم لأن حالتهم ضعيفة وما نكدر نضايكهم واذا نأجر بيت منين نجيب فلوسو نزعت النقاب وخليتو بصفي وجريت نفس لازم بس اروح ادورلي على شغل
غمضت عيوني واتخيل حالتي اني وبيبي لو يم ابوي شلون راح نرتاح ونكعد معززين مكرمين بس شكول عليه لو على اخوانو الماعدهم غيرة وخلو امهم وبت اخوهم الي من لحمهم ودمهم يجن وية غربة ويدكن باب الغريب بس شكول لا عتاب على من لا يستحي