ــســـــلام عليڪم"
"فضلاً ضع نجمة قبل قرأة الـ بـارت"
_______________
بـ أثناء ما دنمشي بالممر الـ يؤدي الباب الخروج رفعت راسي وشفت اخر شخص ممڪن اتوقع اشوفة لو أصادفة، صرنة اني وياة وجهاً للوجهة، توقفت عن المشي، اباوعلة بعدم تصديق وهوة ڪذالك يبدالني نفس النظرات، چان سدير!!!
ابتلعت ريكِ بتوتر من توقف دهار عن الـ مشي وصار هوة وسدير وجهاً للوجة، لا وصدمة الأڪبر تقدم سدير وسلم ؏ دهار،
-دهار: ابوك شلونه؟؟
-سدير: بخير... يريد يزورك ههل أيام
-دهار: اهلاً وسهلاً بي
دار بيناتهم هذا الحديث البسيط واني دڪات گلبي سريعة جداً للدرجة تعرقت من شدة التوتر، ابلع ريكِ بأستمرار، احاول قدر الامكان اسيطر ؏ ردة فعلي حتى لا ينتبة علية دهار
نزلت راسي وعيوني تثبتت بخطوط الأرض البيضاء لامعة، استمع الـ صوت دهار الي يودعة واخيراً سحبني من كف أيدي امشي بصفة، زفرت انفاسي براحة وجة سدير انطبع بـ ذاڪرتي،
عيون زرقاء لامعة بلون البحر الصافي،
وشعر اشقر طويل وملامح وجهة ناعمة،
گلبي بعدة ينبض بـ أسمة رغم حقارتة وياي بس ماعرف گلبي يرفض طردة، رجعت خصلات شعري ورا أذني ودهار يسوق ويدخن، دقايق طويلة وصلنة للبيت
شنو الـ يجمع سدير ودهار؟؟
شنو نوع الـ قرابة بينهم؟؟
رتبت الـ مواعين وعقلي شارد بتفاصيل اليوم،
شمرت الكوارتين بسطل الزبالة ارجع شعري لليورا بتنهيدة رفعت عيوني بتجاة دهار الكاعد يحرك اصابعة ؏ لابتوب بترڪيز وجڪارة مثبتة بين اسنونة،
-تينا: تريد ڪهووة؟؟
رفعت صوتي حتى يسمعني بوضوح أومأ براسة بمعنى "أي" بدون ميباوعلي شغلت ألة الـ ڪهوة، سحبت كوب بلون الأبيض، دقايق قصيرة وجهزت مشيت بتجاهة،
خليت الكوب ؏ سطح الطاولة الزجاجي، طبعاً طاولة هسة شتراها،
صعدت للغرفة غيرت ملابسي الـ فستان بيتي بلون البيج من القطن، وشي أڪيد فستان فاضح، نزلت بخطوات متثاقلة صرت بوسط الصالة ورن جرس البيت
اتقدمت بتجاة الباب بـ نية افتحة بلون صوت دهار وقفني
-اني افتح
توقفت بمڪاني عبر من گبالي قاطب حواجبة مزاجة حااد بڪل ما تحملة من معنى الكلمة، باوع من العدسة وقبل لا يفتح التفت علية رادف
-اصعدي
-ليش؟؟
-اصعدي تيناا
رفعت اڪتافي بعدم مبالاة واردفت بعناد اباوع الـ ملامح وجهة الحادة
أنت تقرأ
الشيطان المقدس
Misteri / Thrillerفَي رأسيَ شَيطاناً مقدس يفجرُ ويڪفِر يقيدُني إلى نار تڪبرٍ و يصطحُبُني لأأرقصُ على جمرُها يضعُ في ڪفي ڪأساً مِن خمرُها لأتذوقُ قليلاً مِن حُزنها بلڪادِ ڪان طعمُها مزيجاً مِن سلامُها وألمُها، شيطاناً يهدمُ ويَجبرُ يأخذ من حطامهُ ويعمرُ يقتلُ ول...
