احببتك سرا ولكن

الحلقة الحادية عشر "ما قبل الاخيره" ♥🥺

الحلقة الحادية عشر من رواية ♛♛♛احببتك سرا ولكن ♛♛♛

وحشتوني جدا جدا

بتعدي الايام ومفيش حاجه جديده مرت علي ابطالنا غير

سكشن من ضمن السكاشن اللي محمود بيدرسلهم هو هو نفس السكشن بتاع كارما وده اداله دافع اكبر يعرف عنها اكتر واكتر

وبالفعل عرف عنها الكتير وده لانها دايما لوحدها  وده اللي حببه فيها اكتر

عدت سنة كمان علي ابطالنا  رؤيه بقيت في سنه تانيه وكارما في تالته واحمد كل مهمه بينجح فيها بيترقي اكتر واكتر ومحمود بيحضر للدكتوراه خلاص

في يوم كانت رؤيه راجعه لوحدها من الجامعه وده لان كارما كانت عندها محاضره زياده  ف رجعت رؤيه لوحدها

وبالصدفه قابلت صديقه ليها من ايام الثانويه ولان رؤيه مكنتش  ليها علاقه اوي بالصحاب فكل اللي تعرفه عنهم ازيك اهلا وبس

ومن وسط كلامهم صديقة رؤيه سألتها دخلتي اي ف رؤيه قالتهله تجاره انجلش

صديقتها بصتلها بصة شماته كده وقالتلها وانا دخلت طب

بصتلها رؤيه وقالتله الف مبروك يا حبيبتي وخلصوا كلامهم علي كده
وروحت رؤيه وهي في قلبها حزن كبير اوي حاولت تخبيه كتير في خلال السنه  وللاسف بمقابلة الصديقه دي فتحت عليها حاجات كتير اوي

ولان الصديقه  دي بتغير  دايما من رؤيه وكمان مكنش مستواها يأهلها ابدا انها تدخل طب  بس القدر

روحت رؤيه وفي قلبها حزن كبير اوي رجعت لحالتها زي زمان رجعت تقفل الاوضه علي نفسها تاني   ومكنتش بتاكل كويس ولا حتي بتهتم بالمذاكرة  وبقت كل ليله تدخل البلكونه في عز البرد وتاخد الايربودز  وتفضل تسمع اغاني من دون موسيقي لحد ما تحس بالنعس وتدخل تنام 

وعند احمد كان مشغول جدا في مهماته اللي متكلف بيها بس برغم ده مكنش بينسي ابدا فتاة البلكونه (ده الاسم اللي سمهولها)  ومكنش بنسي يبعتلها الرسايل كمان  بس الفتره دي لاحظ انها بتقعد كتير في البلكونه وعرف انها مش بتذاكر لانها كل ما بتذاكر بتسيب نور اوضتها شغال

ف حب يبعتلها رساله بس المرادي غير وكان مضمونها انه بيشجعها علي المذاكره وبيحاول يحسن في نفسيتها من بعيد ل بعيد

وبتعدي الايام ورؤيه بتتحسن بوجود الكل جمبها مامتها وبباها وكارما والرسال من الكاتب الغامض 

وبعد ما عدت السنه علي خير وخلاص كارما في اخر سنه ليها 

وفي خلال السنه دي محمود خلاص اتأكد من اللي في قلبه ل كارما وقرر يدخل البيت من بابه ويتقدملها رسمي

وفي اليوم اللي اتقدملها فيه اخد والده ووالدته واحمد صديق عمره
وفي بيت كارما كان موجود والد رؤيه لانه بمثابة ولي امر كارما لان والدها مسافر  وكانت موجوده رؤيه ومامتها وكنزي كمان   والبيت كله كان مليان ب اجواء الفرح والسعاده