احببتك سرا ولكن

الحلقة الثانيه

★★★الحلقة التانيه من روايتنا "احببته سرا ولكن" ★★★
صحيت  بطلتنا رؤيه علي صوت مامتها وهيا بتنادي عليها بصوت واطي علشان اختها ما تصحاش
مامت رؤيه يلا يا بنتي كده هتتأخري علي مدرستك
رؤيه بصوت ناعس انا نسيت اقولك يا ماما ان انا وكارما مش هنمشي المدرسه لاخر الاسبوع
الام ب انزعاج وده لي بقي ان شاء الله
رؤيه وهي ما بين النوم والصحيان المسابقه اخر الاسبوع ولازم نراجع كويس انتي عارفه يا ماما انا وكارما بقالنا قد اي بنحلم باليوم ده
مامت رؤيه بفخر من بنتها ماشي يا قلبي انتي نامي شويه وانا هبقي اصحيكي علشان تلحقي تروحي ل كارما
رؤيه بنوم اوك يا ماما
وعند احمد ومحمود في الدرس كالعاده (لان زي ما قولنا هما ثانويه عامه)
احمد ل محمود اي يا رايك يا واد يا حوده نخلص الدرس ده ونروح نضرب طبقين كشري وبعدهم شوب قصب ساقع يروق كده علينا
محمود بهيام طب تصدق فكره
وفي وسط سرحانهم هما الاتنين
مستر العربي بصوت عالي اتفضل اقف يا محمود. انت واحمد وقولولي انا كنت بقول اي
احمد بصوت محرج انا كنت بقوله علي حاجه في الشرح يا مستر
المستر بعصبيه ممكن اعرف اي هي الحاجه دي بقي
احمد ومحمود سكتوا وما اتكلموش لحد ما المستر قال
بص يا احمد انت درجاتك في الشوامل مش عجباني خالص ف يا ريت تتعدل كده بدل ما ارن علي ابوك وانت عارف بقي ابوك مش هيديك فرصه تتكلم حتي
وبالنسبه ليك يا استاذ محمود ابوك كلمني علشان يسأل علي مستواك وانا غطيت المره دي عليك انما المره الجايه مش هتهوان مع حد فيكم مسموع
الاتنين في صوت واحد حاضر يا مستر
وعند كارما في البيت
ماما ممكن تعمليلنا حاجه سريعه كده انا رؤيه تسلينا واحنا بنحفظ
مامت كارما من عيوني يا كوكي
وبعد شويه رنت رؤيه جرس بيت كارما
كارما وهي جايه تجري علي الباب جايه اهو يا زفته الباب مش هيطير
فتحت كارما الباب وقعدت هيا ورؤيه يحفظوا لحد ما الساعه جات 5 المغرب
رؤيه بتعب انا هروح بقي احنا خلاص يعتبر حفظنا حفظ تام
يدوب بقي اليومين اللي فاضلين نراجع فيهم الاحكام
مع السلامه يا كوكي
كارما وهي بتودع رؤيه مع السلامه يا رورو
روحت رؤيه البيت ولقيت اخته الصغيره راقضه علي سريرها بس صاحيه
اخدتها رؤيه في حضنها وفضلت تدلع وتلعب معاها لحد ما نامت في حضنها
رؤيه بحنين والله يا بت يا كنوزه انتي مش عارفه انا بحبك علي اي
كفايه خرابيشك  اللي عملتني زي مسجلين الخطر 😂😂😂
وعند احمد ومحمود في محل عصير القصب
احمد ل محمود انت ما تعرف يا واد يا حوده شوب العصير ده بيعمل فيا اي بيرجعني مية سنه لوا
محمود بضحك يا ابني هو انت عندك كام ميه 😂😂وفضلوا يضحكوا لحد ما المغرب اذن ودخلوا علي المسجد وبعد الصلاة كل واحد راح علي بيته .
وبعد مرور اربع ايام علي ابطالنا
كانت رؤيه و كارما مستنين المعلمه بتاعتهم علشان تاخدهم بعربيتها علي المسابقه
وهما في الطريق المُغلمه بتقول:  اوعوا تتوتروا يا بنات خالص
انتو حفظتوا وراجعتوا بما فيه الكفايه وياما دخلتوا مسابقات وكنتوا بترفعوا راسي كالعاده وبإذن الله انا متأكده ان المركز الاول ليكم.
في المسابقه جه دور رؤيه
رؤيه بتوتر وقلق يا رب وفقني يا رب
وبعد ما خرجت رؤيه دخلت كارما وهيا برضوا علي وشها نفس التوتر
المُعلمه بوجه بشوش بعد ما البنات وصلوا عندها
ها يا بنات طمنوني عملتوا اي
رؤيه وكارما بفرحه المسابقه كانت اسهل من السهوله واحنا واثقين ان المركز الاول لينا بإذن الله
المُعلمه بفرحه بإذن الله المركز الاول ليكم يا حبايبي
وبعد مرور شهرين علي الاحداث
النهاره اول امتحان ل رؤيه وهيا ميته من التوتر
مشيت علي مدرستها لوحدها لان كارما ما عندهاش امتحان في اليوم ده
رؤيه وهيا في اللجنه وبتقرأ اذكارها وبتدعي ربنا انها تجيب مجموع عالي علشان تقدر تدخل الثانوي
وبعد ما خلصت امتحانات الترم الاول
اقترح اهل رؤيه مع ام كارما انهم يعملوا رحله صغيره علي قدهم علشان يخرجوا البنات من مود الامتحانات وبالفعل عملوا رحله صغيره علي البحر
وجابوا معهم الاكل المصري الممتاز
رنجه وفسيخ وبصل وطحينه وسلطه وملوحه وكل ما يخطر علي بالك من اسماك مملحه
وعند احمد في البيت وهو بيكلم مامته
احمد يا حبيبي ما تنساش انك ثانويه عامه ولازم تذاكر
احمد بزهق يا ماما انا هدخل كلية الشرطه وانتي عارفه ان مجموعها بيكون قليل
مامت احمد بس برضو ربنا بيدي كل واحد علي قد مجهوده وتعبه ف متجيش انت تقول انا هدخل كذا علشان كذا
لأ يا حبيبي ذاكر واعمل اللي عليك علشان ربنا يكرمك
احمد بتفهم حاضر يا ماما هتصل ب محمود واخليه يجي ونذاكر مع بعض مامت احمد ولحد ما صحبك يجي اكون عملتلكم حاجه حلوه تزود تركيزكم
احمد بحب تسلمي يا ماما
وتعدي الايام وتيجي امتحانات كارما وبفضل ربنا تحل كويس في الامتحانات وتاخد اجازتها ولسه رؤيه ما امتحنتش اصلا 😂😂
تستأذن كارما من مامتها انها تروح ل رؤيه تذاكر ليها وبالفعل مامت كارما توافق  وتفضل كارما تروح ل رؤيه كل يوم تساعدها لو في حاجه واقفه معاها
وعند محمود تدخل مامته
مامت محمود ها يا محمود عامل في المنهج يا حبيبي
محمود بهدوء الحمد لله يا ماما انا واحمد خلصنا المنهج مذاكره وفي خلال الشهر ده اللي قبل الامتحانات هنراجع وايام الامتحانات هنحل محافظات وبس ان شاء الله
ام محمود بفرحه ربنا يبارك فيك ويحفظك انت واحمد من كل شر
محمود طيب يا ماما ممكن تعمليلنا عصير ولا ايس كريم لحد ما الواد احمد يجي
مامت محمود من عنيا يا قلب ماما
وبعد ما تخلص رؤيه امتحانات تاخد اختها كنزي وتروح تقضي وقت مع كارما
مامت كارما وهيا بتاخد كنزي من رؤيه وبتقولها
هتيها يا رورو دي كنوزه دي قلب طنط هخادها الآعبها وانتو اقعدوا مع بعض براحتكم
رؤيه حاضر يا طنط
ويعدي الشهر وتيجي امتحانات الثانويه العامه الرعب لكل طالب ثانويه
احمد ومحمود قدام باب المدرسه واقفين مع صحابهم وبيراجعوا كلهم للامتحان
وجه وقت التفتيش قبل دخول اللجنه
والمستر بيفتشهم تفتيش مش ولا بد (التفتيش بيكون اسوء من الامتحان نفسه 🙂👍)
واخيرا احمد ومحمود خلصوا الامتحانات (معلومه نسيت اقولها
احمد ومحمود ورؤيه وكارما من نفس المحافظه)
احمد ل محمود بالمناسبه السعيده دي بقي لازم نطلع نغير جو كده
محمود عندك حق يا صحبي هكلم الرجاله ونتفق نروح يوم كلنا
وبعد يومين مامت رؤية لقيت الفون بتاعها بيرن
المتصل  السلام عليكم ورحمة الله وبركاته
ام رؤية وعليكم السلام ورحمة الله وبركاته
المتصل كانت المُعلمه بتاعت رؤية وكارما
ام رؤية بقلق ايوه اتفضلي
المُعلمه وصوتها باين فيه الفرحه
مبروك يا ام رؤية رؤية وكارما طلعوا المركز الاول في المسابقه
ام رؤية بفرحة ممزوجه بالعياط لان ده كان حلم بنتها
الله يبارك فيكي
المُعلمه بلغيهم بقي ان بعد يومين هيجوا معايا علشان يتكرموا
وكمان عملاهم رحلة تليق بيهم
ام رؤية عنيا حاضر هبلغ ام كارما وابلغ البنات كمان
قفلت ام رؤية الخط مع المُعلمه
وفي دماغها فكره انها تعملهم مفاجأه بس من نوع مختلف
مسكت ام رؤيه الفون واتصلت ب ام كارما
واللي فرحتها مكنتش تقل عن ام رؤية واتفقوا الامهات انهم يعملوا المفاجأة للبنات بس من غير ما يعرفوا واتفقوا ان مامت كارما وكارما يروحوا بيت رؤية واللي كان غريب بالنسبة ل كارما انهم يروحوا مع بعض
بعد ما الامهات عملوا جاتوه وطلبوا هدايا للبنات وبهدوء خالص دخلوا الاوضه وهما معاهم الجاتوه والهدايا
البنات استغربوا وسألوا عن سبب الحاجات دي
ام كارما وهي بتدي الهديا للبنات وبتطلب منهم يفتحوها
وبالمناسبه هما كانوا كاتبين في كل هدية كارت صغير علشان يعرفوا سبب الهدايا
في صوت واحد صوتوا البنات من كتر فرحتهم 
وفضلوا يحضنوا في بعضهم وفي ماماتهم كمان
وعند الشباب في بيت احمد اتفقوا ان الرحله بعد يومين وبالصدفه دا المكان نفسه اللي المُعلمه اتفقت انها هتخرج البنات فيه

تفتكروا ايه اللي هيحصل الحلقه الجايه
دمتم في امان الله ♡♡♡