احببتك سرا ولكن

الحلقة العاشره💜✨

الحلقة العاشرة من رواية ♡♡♡احببتك سرا ولكن ♡♡♡

ونقول نورتونا 🫶♥

صحي احمد علي رنة منبه الفون بتاعه وكانت الساعه 5 الصبح دخل اتوضي وصلي الفجر  وبعد نص ساعه اخدت ازازة المايه ونزل يجري علشان لما يبدأ شغله يكون متعود علي الجري والسرعه

وفي مكان تاني عند بنوتتنا القمر اللي قررت تغير حياتها 180 درجه صحيت الساعه 6 اتوضت وصلت وفتحت البلكونه تجدد هواء الاوضه بتاعتها وبدأت ترتب افكارها هتعمل اي وايه القرار اللي لازم تاخده بخصوص الكليه اللي لازم تدخلها

وبعد ما روقت الاوضه وولعت عود بخور وشغلت سورة البقره دخلت البلكونه وهي بتردد الآيات مع الشيخ وبتبص ب عينها تحت لقيت  احمد تحت بيته وخلاص طالع 

دخلت هي اوضتها وقفلت البلكونه منعاً لاي لقاء سواء من بعيد او قريب وعلشان تبعد عن دماغها اي تفكير فيه

وعند احمد مامته بتكلمه وتقوله

اي يا حبيبي كنت فين كده علي الصبح دخلت علشان اصحيك مالقتكش ورنيت عليك لقيت التليفون هنا

احمد بتذكر اسف يا ماما نسيت اقولك من امبارح ان انا الفتره دي هنزل الصبح بدري وحكالها الموضوع كله

مامته بتفهم ولا يهمك يا حبيبي ادخل انت خودلك دش لحد ما اجهز الفطار واصحي بباك

حاضر يا ماما  بس مالك كده احلويتي فجأه بتحبي جديد ولا اي  يا حجوج

مامت احمد بضحك ايه اللي بتقوله ده يا واد يا احمد ابوك الحج مالي عليا دنيتي

احمد بهزر يا بختك يا حج مين قدك الحجه بنفسها اعترفت
(بكاش الواد ده 😂😂)

وفجاه سمع صوت من وراه بيقوله
ومالو يا حضرت الملازم لما الحجه تحبيني ولا انت عايز الحب كله ليك

احمد بخوف مصطنع وان انا اقدر برضو يا حج دا انت الخير والبركه
سلام انا بقي اصل ريحتي بقت شبه التومه من كتر العرق والحر

ونروح عند الشبر ونص وهي واقفه في المطبخ بتحضر الفطار ل اسرتها ب كل حب

دخل والدها عليها وهو بيقول الله الله علي ريحة الطعمية المحشيه اللي جابت اخر العماره

رؤيه ب ضحك صباح الخير يا بابا الاول
ثانيا اذا كنت بعمل اكل حلو ف ده بفضل ربنا ثم تعليم ماما ست الكل وعايزه كمان اقولك حاجه ان مفيش حاجه اطعم من الحاجات اللي بتعملها ماما

بباها بضحك افهم من كده ان الحب كله لماما ولا اي

رؤيه لأ طبعا الحب متوزع بينكم بالتساوي بس ماما زياده حبه صغيرين خالص خالص 😂

والدها بضحك بتثبتيني دايما بكلامك يا زئرده
بصي بقي عايزك في موضوع مهم بس واحنا علي الفطار علشان نكون حاضرين كلنا